|
رد: اخطاء وقعتي فيها في فترة النفاس؟؟
اول نصيحه باقولها والي اغلب الحريم يغلطون فيها وهو استخدام (المر) والخياطه لم تسقط يجيب المصايب لانه يلصق الخيوط بالجلد وافضل شي يستخدم باخر عشر ايام من النفاس بعدما تتاكدين تماما ان الخياطه راحت وافضل شي لها من نصائح الطبيبات ومن تجربتي كريم ميبو مع مغاطس مويه وملح بس لاتكثرين الملح مره وتكون مويه عاديه فاتره مو حاره
الغذاء. جدا مهم وانا ما اعرف ليه تمنعون اكلات معينه ترا الرحم مو معده لكن الانتباه من الاكلات الي تجيب الغازات خصوصا في حالات الارضاع انتبهو من خلطات الحريم الي مادري كيف تصدقونها واشربي الاعشاب كل نوع لوحده يعني قرفه فقط او يانسون لوحده او كمون ويوميا اشربي منها لكن ابتعدي عن الخلط افضل شي بصراحه انك يوميا تشربين مرقه بلحم او دجاج تدر الحليب وتلم عظامك وتجبر الخياطه وتقويك برضه من النصائح اكل التمر والعسل ولو زدتي حبه سوداء ورشاد بدون ماتكثرين فخير وبركه الانتباه للمولود هذا يطول حديثه لكن اهم شي لاتشربونه شي غير الحليب والمويه فقط وممكن يانسون خفيييييف جدا بعد الاربعين واذا عنده اي مشكله فالطبيب هو الي تستشيرينه نصيحه ريحتني وكثير دعو لي من بعدها والى الان ادعي للدكتور الي قالها لي وهي بخصوص الرضاعه عمل كمادات دافيه جدا وبارده بالتناوب على الصدر تدر الحليب وتخفف الالام وماتشوفون شر |
رد: اخطاء وقعتي فيها في فترة النفاس؟؟
صباحكم /مسائكم اناhwaml13
انا اول ولادتي ماكنت اعرف شي قالت عمتي اربطي بطنك وربطته وسرت البس مشدات يوم شفت الربط زين وحملي الثاني سرت اربط بطني اما الاكل والله ماحد عندي لاام ولاعمه بس اختي الله يوفقها كانت ساكنه قريبه مني تجي وتطبخ لي وكنت اكل اي شي اهم شي اشبع جوعي وكان ولدي عمره سنه وكنت اغسل وانضف وماحد يساعدنيhwaml15 اما حملي الثالث كان عمر ولدي الكبيرسنتين ونص وبنتي سنه ونص وامي جت تخيلو فراش ماصلحت لي فراش امي تقول انسدحي واستحي احط لي فراش اقول لا انا بخير مافيني شي والله فعلا عانيت من الهواء بس مو كثير بس وقت الجماع واذا قال زوجي ايش هاذا طبعا ابرر نفسي اقول مدري منك انت تضغط على خخخخخhwaml7 اما حملي الرابع والله ماحد عندي قلت والله ماسوي سواتي الاوله وافرش لي فراش وانسدح عليه وكانو جارتي يرسلون لي اكل بس الاسبوع الاول اما الباقي من برا وزوجي والله يابنات شيطان رجيم hwaml4تخيلو بس طلعت من المستشفى واليوم الثاني كنت منسدحه شافني يقول وش فيك منسدحه خلاص قومي شوفي بيتكhwaml4امهاتنا كانو يولدون ويشتغلون في نفس اليوم جلست ابكي بس طنشته ونا الحمدلله ماعمري غسلت بملح او اتنقع بمره بس مره وحده قالت اختي تبخري بمره واخذ لي فحم واروح الحمام واتبخر بمره يؤيؤيؤ انكتمت من ريحتها وشوي يابنات يجيني زي الم الطلقhwaml03ويطلع مني قطعه كبر كفي لونها زهري في الفوطه ونتم بكرامه اقسم بالله اني خفت بس هاذيك المره تبخرت والحمدلله مافيني شي بس يوم ولدت بنتي يؤيؤيؤ يوم طلعت سببت لي جروح في الجوانب ونتم بكرامه يوم اروح الحمام مقدر اتحمل الالم كنت ابكي الم جروح مو خياطه لااقدر استخدم مويه دافيه ولابارده سرت اكره الحمام ورحت المستشفى ومافيه الادكتور ويسالني وش فيك قدام زوجي انحرجت اقول فيه الم قال الخياط قالت لا وتدرون وش سواء الدكتورhwaml03والله زوجي يقول تكلمي لاتستحين ونا ماقدرت اتكلم قام الدكتور اخذ ورقه وقلم ورسم >>> عرفتم hwaml03وقال وريني مكان الالم ووريته قال هاذي البنت يوم طلعت من يدينها سببت جروح واعطاني مرهم الحمدلله بس حطيته راح الالم كله وارتحت hwaml02 بس الحمدلله ماجاني هواء ولاشي بس تحذير في حريم وقت النفاس ماتتحمل تشم عطر او بخور سبحان الله هاذي العاده ماشاء الله في العتبان اذا جت العتيبيه عند نفاس ماتتعطر ولاتتبخر عشان ماتزعج النفاس وفي ناس لا تجي بعطرها الي يكسر الراس ماتدري ان العطر يزعج النفاس حتى الخياطه بس تجربت اختي المسكينه للي يقولون وش هو هواء الراس جتها وحده متعطرهhwaml4تقول اختي حسيت العطر دخل راسي وجاها صداع وكل ماكلمها بس تبكي من الالم وعندها شغاله اندنوسيه >جت في وقتها بس شافت وجه اختي متنفخ قومي وخذي فازلين ومرختها قالت دخلك هوااء وقومي الشغاله قالت البسي ملابس طويله وتغطي والمهم الحمدلله سارت اختي بخير المهم الشغاله تدرون وش تقووووول تقول لاتاكلين ملوخيه والموز والحب حب والطماطم هاذا بعدين تسيرين خربانه ويسير وسيع انا واختي مافهمنا السالفه وبعدين استوعبنا كلامها تدرون ان الاكلات الزجه ماتتاكل وقت الدوره والنفاس لانها تسبب افرازات ومويات وتسير المنطقه رطبه وواسعه وحنا ناكل اي شي وفيه حريم يقولون خرافات انتي كلي اكل مفيد زي الحم والدجاج والمرق افضل شي والشربه لان المشروبات الساخنه هي افضل شي واربطي بطنك هاذا اهم شي وشغالت جارتي يوم هي نفاس شافت جارتي بطنها كبير قالت احنا اذا ولدنا ناخذ زنجبيل مطحون ونعجنه بمويه ونحطه على البطن ونلفه بلفاف بلاستيك او سفره وبعدها مشد وتنامين على بطنك نص ساعه او اقل تحسين بحرارت الزنجبيل هاذا يشيل الكرشه يؤؤؤ ياكثر هرجي هع هع يارب تفرج هم كل مهموم وتيسر ولادت كل حامل وترزق يارب كل محروم وتهدي لي زوجي يارب وعيالي وتيسر لي ولادتي |
| الساعة الآن 06:33 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .