المشاركة الأصلية كتبت بواسطة معاني (المشاركة 2782522)

بنات أنا من تحت ما استخدم الا غسول بيتادين ومرهم ابو اسد او ميبو وغسول الملح من المستشفي أظن ملح البحر الميت
وبس استخدمت مرة ملح ومرة حرقني وجاب حكة
وبطلت وبعد 10 ايام استخدم غسول طبي من الدكتورة
أخاف من الأعشاب

المشاركة الأصلية كتبت بواسطة نبض قلبي (المشاركة 2782545)

يعني حسيت بشي مرتفع بالوسط زي الدائري قلت يمكن راس البيبي

بس بعدين يرجع طبيعي

المشاركة الأصلية كتبت بواسطة ربي سهل حملي وولادتي (المشاركة 2782164)

بنااات بسالكم بشي مقهوره منهhwaml78

ابي رايكم ؟؟

انا زوجي مايحب التسوق يعني اذا قلت ابي السوق مايقول لا بس يوديني وهو ماله نفس
وماوده صرت لمن اروح لاهلي اتسوق معهم ما اطلبه كثير وانا اصلا والله مو من النوع اللي دايم بالاسواق بس اذا نقص علي غرض ...
المهم وبعد مايحب الطلعات الا نااادر وقالي هالشي بالملكه بس توقعت بيتغير
صرت اذا قلت نطلع يرفض ولا بعد حنا في منطقه تبعد عن الرياض ساعه يعني لو بطلع اتمشى
لازم اجي للرياض لان هي محافظه اللي هي حريملا
المهم يوم الخميس جا اخذني من عند اهلي ويوم الجمعه كاان الجو عندنا خيال مطر ويجنن قلت
له خل نطلع بعد الغدا وافق المهم غديته وكلش وجهزت اغراض الطلعه وانا مرره مبسوطه ولبست عباتي وقلت يلا خلصت قال طيب وجالس ماقام وجا الساعه اربع الا ربع وانا جالسه بعبايتي
قلت خلاص بياذن المغرب لان ناوين نروح البر قال لا يمدي قلت والقهوه والتجهيز قال موب لازم ناوي يفر
بي فرتين ويرجعني قلت بدلع لا مالي دخل بتقهوى قال روحي تقهوي عند الباب اللي هو باب الحوش وهو يضحك وشوي يدق صاحبه ويكلم ويقول له ايه انا فاضي انا هنا ضاقت بي الدنيا وربي لابسه عبايتي من ثلاث ونص لين اربع ونص قمت رحت نزلت عبايتي وسكرت النور قعدت ابكي تحت البطانيه
وقتها خلاص معد ابي اشوف وجهه عصبت جلست لين اذن المغرب طلعت قلت ودني لاهلي هو طير عيونه مستغرب اني كنت ابكي لان بان ع وجهي قال ليه قلت الجامعه مناديني لان مقدمه انا ع وظيفه ومواعديني الاسبوع الجاي مو هالاسبوع قال يلا صدق وانا اكذب ابي اروح جهزت اغراضي وطلعنا وحنا بنص الطريق قالت له انو مانادوني هم اصلا مواعديني الاسبوع الجاي قال ليه وبتروحين من الحين قلت ايه وسكتنا وشوي قمت اناقشه بكل هدوء ع حركة الطلعه قال جيت لقيتك منسدحه ومسكره النور ماقلت لك شي قلت انت عارف كرهتني بالطلعه قام يقولي مو بتروحي لاهلك انقهر اني لعبت عليه بالروحه قلت ايه قال خلاص قصده سكري السالفه انا بغيت انفجر
بس وصلت عند باب اهلي واحط جوالاتي والدبله حقتي وقلت له مابي عيشه كذا وانزل اشيل شنطتي كانت ثقيله نزل يساعدني فيها وماعطيته مجال يشيلها نزل لي الابتوب شاريه لي قلت مابيه مو لي مابي منك شي واخذه وسكر باب السياره بقوه ودخلت لاهلي وراح
من يوم الجمعه لليوم وحنا ماندري عن بعض
المشكله جولاتي معه مافيه وسيلة اتصال بيني وبينه ابد
واهلي ماعلمتهم قلت طلع عندو انتداب عشان كذا جيت
وش السواات الحييين ؟؟؟
بليز ابي رايكم
ومستحيل ارجع احاول اتواصل معه لو بجوال اخواتي لان ابي هالشي درس له يتوب ومنه
للمعلوميييه زوجي فنااان واكبر فناان في العناد
بليييز ابي رايكم ومشورتكم والله كاتمه بقلبي وساكته من يوم الجمعه واحاول انسى واسحب عليه بس وقت اجي انام يذبحني التفكير
بليييز ريحوني الله يريح قلوبكم وش السواات الحين؟؟؟