|
رد: دردشة بنات العراق, دردشة حوامل العراق , تجمع بنات العراق
هلو بنات شلونكم
ابشركم اليوم يلة حسيت تحرك ابني كللللللششش لا والافندي ميتحرك من كيفة الا يكون متضايق من نومتي او كعدتي يلة يتحرك ههههههه فدوة لكلبة المهم حسيت بي يوم لكل وحدة تنتظر طفل يارب تمر بهالاحساس |
رد: دردشة بنات العراق, دردشة حوامل العراق , تجمع بنات العراق
مروة الف مبروك عالحركة وعقبال الحركات والجلاليق
اويلي شلون جلاليق عليه ههههههههههههه انتظري بي تقوى عظامة اكول حبي انتي اشكد عليج هسة؟ ليش ممخلية شريط الحمل؟ حطي حتى منتخربط ونحسبلج ايامج ويانة ونشوف منو تجيب قبل ههههههه الف مبروك حبي ديري بالج على نفسج ويارب بالتمام. زينب اسم ريتاج يخبل وان شاء الله تسموها وتفرحون بيها وتسبيكم بهوستها هههه. |
رد: دردشة بنات العراق, دردشة حوامل العراق , تجمع بنات العراق
تسلمين حياتي فوفو يارب يكومج بالسلامة ويتمملنا عالخير اني اليوم ثاني يوم بالخامس من اسوي شريط الحمل اكتب موعد آخر دورة غير ؟؟؟ اشو يطلعلي غلط الحساب |
رد: دردشة بنات العراق, دردشة حوامل العراق , تجمع بنات العراق
سويت الشريط لعيونج فوفو |
رد: دردشة بنات العراق, دردشة حوامل العراق , تجمع بنات العراق
مبروووك عيني مراوي ع حركة النونو وربي يقومج بسلامه
اخخخخخخخخخخخخخخخخخخخخخخ منها الريتاج خبلتني مو راح تجي ومتحركت ههههههههههههههه |
رد: دردشة بنات العراق, دردشة حوامل العراق , تجمع بنات العراق
الله يسلمج حبيبتي فوفو والله مال تسبيني راح تسبيني هي من الاساس لان اول بنيه بعائلة زوجي
ومن هسه يكولي محد ميشيلها ومحد ميطخها ومحد ميحاجيها ههههههههههههههههه عيني بنته ع راسها ريشه |
رد: دردشة بنات العراق, دردشة حوامل العراق , تجمع بنات العراق
حبي زنوبة اني سامعة البنية تتاخر لنهاية الخامس تكون كسولة ههههههههه
والولد اسرع منها يتحرك ولو مو قياس لان اكو بالعكس يارب تتحرك باسرع وقت وتشبعج دفرات ههههههههههههههههه اني اليوم كعدت بالكع الصبح وكعدتي مدنجة بيها اشو دفرني بحيث بدون شعور صحت اخ ههههههههه والظهر هم داانام وتضايق ونفس الحركة يارب يوم الالج |
رد: دردشة بنات العراق, دردشة حوامل العراق , تجمع بنات العراق
مساء الورد والياسمين
على عيووون الكل |
رد: دردشة بنات العراق, دردشة حوامل العراق , تجمع بنات العراق
عيني مراوي اني يوم 5 افوت ب السادس وماكو لاحس ولاخبر خليها العنود خليها بس خل تجي الا لا اشبعها دفففففففرات وعضااااااات ب الخديدات اوووووي فداوي القليبها
اي والله ربي يرزق كل من تنتظر الطفل بحق محمد وال محمد واولهم فروووحه والله دائما ببالي مساء الورد والفل والياسمين يااحلى فرووحه |
رد: دردشة بنات العراق, دردشة حوامل العراق , تجمع بنات العراق
حبي زنوووبه شخبارج وشخبار النونيه ان شاء الله تمام ان شاء الله عن قريب حبي ابشركم بفضل دعائكم الي
مبروووك حياتي مراااوي وان شاء الله تولدي بالسلامه ويفرحج ربي بشوفته حبي ساره ربي يتمم عليج بالخير حبيبتي كثري صلاة ودعاء والتهي بالمنتدى بأي شي ولتخلين تفكير مو زين يأثر عليج عمري وان شاء الله خير فاديه.. ميووووشه.. عسووله..نجوله..ام هيمن.. سارة بغداد..قموووره ,, نورااا..ام نورهااانه .. ايووته وكل البنات شخباركم حبيباتي ان شاء الله بخير |
رد: دردشة بنات العراق, دردشة حوامل العراق , تجمع بنات العراق
والله يافروحه اني شويه تعبني ابن حمايه كل شويه يبجي وهماتين كل شويه اعيط بي اكعد مااكعد وهسه واكف ب البالكون وصاعد ع الكرسي وعايفته وكاعده اني موتتني مدا يسكت ضايج ويريد ابوه
اي والله يافروحه ننتظر البشاره وربي يسهل عليج باسرع وقت بحق كلمة لااله الا الله |
رد: دردشة بنات العراق, دردشة حوامل العراق , تجمع بنات العراق
بنات المنتدى من البارحه فدمره بطئئئئئئئئئئئ يعني ربع ساعه يله تفتح الصفحه
مدري ليش منو هيج عدهه |
رد: دردشة بنات العراق, دردشة حوامل العراق , تجمع بنات العراق
اهاااا ليش شجابه يمكم ؟؟ مبين وكيح الله يعينج
يله تدرييييب عملي علي كيفية معاملة الأطفال ههههههههه حتى تصيرلج خبره |
رد: دردشة بنات العراق, دردشة حوامل العراق , تجمع بنات العراق
مبروووك حبي مروة على شريط الحمل
اي مو هوة لازم تاريخ الولاده تخلي مبرووك وعقبال التاسع يارب بالصحة والسلامة.. فروحة حياتي الحمد لله اني زينه انتي شلونج وشخبارج.؟؟ صدك بنات ماعرفتو شخبار عسولة؟ جابت لو لا؟ الله يسمعنه اخبار حلوة يارب. |
رد: دردشة بنات العراق, دردشة حوامل العراق , تجمع بنات العراق
هلووو بنات اشلونكم حبايب اعذروني دخلتي قليله بالرغم النت مفتوح والاب توب مفتوح معظم الوقت بس ايهومي مخبلني يريد اشيله وافتر,,واني تعبت والله احس ظهري ديوجعني ودايخه ونفسي تلعب من كلشي واخاف من الحمل لانه ايهومي ومخبلني الله ينطي لفروحه ولكل محرومه بجاه الحبيب محمد وال بيته الاطهار,,
اخباركم اموركم يارب الكل ابخير بوووساتي للكل ولاطفالكم |
رد: دردشة بنات العراق, دردشة حوامل العراق , تجمع بنات العراق
مبروك مروة حبي للدفرات يارب يتمملج على خير
متفائله حياتو شكرا للسؤال يالغاليه اني قبل الحمل مباشرة صار عندي هاي الافرازات وبقت اسبوعين ووراهة راسا حملت بأيهومي بنفس الشهر بس العفو كانت بيهة ريحه وبياض على صفار مخضر ومثل مكالت فوفو جيكو نفسكم واسألوا مجرب ولاتسأل حكيم زهرة النرد منوره حبيبتي يااهلا وسهلا وكل البنات الجدد منورين غلاي اهلا وسهلا |
رد: دردشة بنات العراق, دردشة حوامل العراق , تجمع بنات العراق
هلووووووو حبايب شلونكم اخباركم امووووواح الكم كلكم شلونكم
فدوة محد يعرف اخبااااااااار سجااااوي والله بالي يمها ام ايهومي فوفو زنوبه فروحة مروه ميو سارة متفائلة نورايه توته ام هيموووني وكل الحبايب الجدد سلامي للجميع وشلونكم وشلون كتاكيتكم |
رد: دردشة بنات العراق, دردشة حوامل العراق , تجمع بنات العراق
هلو حبي ام نورهان
شلونج قلب شنو هالغيبات؟ شلونهة نورهانة والبنوته المخفية ؟ عساكم بخير؟ سولفيلي عنها شلونها حركتها ولج اني دا اعاني من الحركة عبالك بالعة خلاط هههههههههههههه وام العوافي كل شوية مخبلته وهوة مخبلني... وبالليل نومي مزعج كووة اتكلب وصفاحي الاوراك يخدرن العظام ويصللن علية وحتى اضطر انام على ضهري لساعات بس بعدما اكعد اكون مخنوكة والطفل ظاغط على الرئة مالتي اووووووووووويييييييييييلي على الي احس بي. وانتي؟ |
رد: دردشة بنات العراق, دردشة حوامل العراق , تجمع بنات العراق
هلوووووووووووووو بنات شلونكم شكو ماكو
فوفو عله اسبوع الجاي اجرب الطريقه هايه بلكي اجيب ههههههههههه ومروه مبرووووووووك حركة النونو يوم ولادته انشالله تصبحون عله خييييييييييييييييير واحلام سعيده |
رد: دردشة بنات العراق, دردشة حوامل العراق , تجمع بنات العراق
اقتباس:
طمنتيني شوية والله ادموت الف مرة باليوم وهذا حملي بعد 10 سنوات وخايفة الله يريح بالج |
رد: دردشة بنات العراق, دردشة حوامل العراق , تجمع بنات العراق
هلو بنات شلوووونكم
حبي فرح عمري تسلمين اي والله احاول اشغل نفسي وانسه التفكير ربج يسهل الله يرزقج الحمل بالقريب العاجل ياررب وتجين تبشرينا ام أيهومي حبيبتي لا الافرازات التنزل عليه بدون ريحه ورحت للدكتوره وسوتلي فحوصات تكول طبيعي الله يسهل على الجميع ياررب زهره النرد حبيتي اني حملي هذا بعد 4سنوات الله عوض صبري خير الحمد لله الله يتمم ع خير ياررب وتجيبين احلا نونو |
رد: دردشة بنات العراق, دردشة حوامل العراق , تجمع بنات العراق
حياتي مغتربه الله يتمم حملج على خير اني هم حملت بأيهومي بعد اربع سنوات الا كم شهر
ومدام الدكتوره جيكتج فلتخافين الله كريم بس ديري بالج على نفسج بالاشهر الاولى ووراهة اركضي براحتج اه شي الاشهر الاولى وبعدهة ربج يسهلهة ان شاء الله |
رد: دردشة بنات العراق, دردشة حوامل العراق , تجمع بنات العراق
هلو حبيبتي ام ايهومي تسلمين عيوني
والله مرتاحه ونايمه طول اليوم بس غير يخلص الشهر الثالث صار سنه مو شهر شكد طووووووووويل هذا الشهر ضجت من البيت ما اكدر اطلع وكاعده وحدي وزوجي يطلع من الصبح لليل يله يرجع ضوووووجه |
رد: دردشة بنات العراق, دردشة حوامل العراق , تجمع بنات العراق
هلوووووووووووووووووو بنات شلونكم شخباركم اني ابتسامة امل من العراق
|
رد: دردشة بنات العراق, دردشة حوامل العراق , تجمع بنات العراق
هلووو بنات
شلونكم اخباركم فروحه شلونج حبي اخبارج ان شاء الله بخير..ولج ابن حمايه اجه يمي لان امه راحت المدينه ابعد منا بساعه ونص يم اختها وكلت بلا مايبقى وحده للسته اجيبه يمي اشوو خبلني كل شوويه اريد ابويه واريد اطلع العب وماعندي احد ومن هذا الحجي شلعععع قلبي لالالا اني مااربي هيج لان متعجبني ابد هاي التربيه ودلال زايد فوفو ام ايهومي ام هيمن ميوووشه نورااا وباقي البنات شلونكم اخباركم عسووووله ماكو خبر بالي يمها طمنوني مسمعتو شي ربي يقومها بسلامه يارب |
رد: دردشة بنات العراق, دردشة حوامل العراق , تجمع بنات العراق
هلووو عيني ابتسامة امل شلونج عيوني
نورتي التجمع وبسرررررررررررعه السيفي مالتج دا نتعرف اهلا وسهلا بيج مره لخ |
رد: دردشة بنات العراق, دردشة حوامل العراق , تجمع بنات العراق
هلو بنات شلونكم شخباركم مشتااقتلكم كومه وحده وحده الله شاهد
حبايب دا اقره الصفحات وصرعني خبر ولاده سجااوي شنو السالفه بعدهه بثامن يمه خطيه الله ايكومهه بسلامه وتجي اطمنه هي مكايله اي شي وخلتنه قلقين بس اخر فتره جانت مريضه الله ايكومهه بسلامه وكل الحوامل يارب |
رد: دردشة بنات العراق, دردشة حوامل العراق , تجمع بنات العراق
شخبار الحبايب
زنوبه فروحه فاديه ام البنات الوكحات (ام نورهان) نورا ساره المغتربه ساره بغداد ام ايهومي والبنات الجديدات اهلا بيكم حبايب اتمنى اكون منسيت ولا وحده واعذروني حبايب |
رد: دردشة بنات العراق, دردشة حوامل العراق , تجمع بنات العراق
هلووووووووو ميوووووشه شلونج كبد اخبارج
اي والله خبر عسووله موتنه شنسوي كاعدين ودا ندعي الها انو تقوم بسلامه شلونج وشلون الحلوه ابرار |
رد: دردشة بنات العراق, دردشة حوامل العراق , تجمع بنات العراق
نورتي ابتسامه هلا بيج حبي
زنوبه اقرف شي الوحده تخلي جهال احد يمها الله يساعدج ميوشه حبي شلونج اخبارج صايره مثل طبع الكمر يغيب شهر ويبين يوم واحد هههههههه اخبار ابرار الحلوه شلونها اليوم 3 ايام بالتاسع وانشالله من يصير اسبوع اجيب يوميه ادعي ههههههههههه |
رد: دردشة بنات العراق, دردشة حوامل العراق , تجمع بنات العراق
هلووو حباااااايب شلونكم اخباركم
ولج فوفو اوووووووويلي انتي نفس معاااااااااااااااناتي ولج عيني دمرتني اذكر بنورهان كانت حركتها حلووووووة ومن تتحرك اتونس اما هاي احس طفل كبير ببطني مو جنين صغير دفرااااااااااتها كلش موؤذيه ومزعجة وبالذات وقت النوووووووم خبلتني البارحة كمت ابجي زوجي يكولي يمعودة على كيفج شبيج كتله شبيه ليش متجي تاخذها ببطنك فد ساعة وتعرف شبيه كام يضحك وها شغله ام العوافي مدمرتني لان ويا كل شهكه تضغط على المثانه ولو ستوني داخله للحمام تكرمي احس راح تطفر مني واروح ادخل مرة لخ ماكو غير نقطتين لج عيني دماااااار من صدك تعبت ومااعرف شأسوي صدك فوفو انتوا يمكم يمشون على حساب السونار لو على حساب الدورة |
رد: دردشة بنات العراق, دردشة حوامل العراق , تجمع بنات العراق
هلوووو حبيبتي انجل تسلمين نوراكلك ذووق نور نورج
اني ابتسامة من العراق عمري 24 متزوجه صار6اشهر الله كتبيلي حمل بس ماطول شهرين ونص وصارساقط من اكثر من شهر الله يبعدكم عنه الحمدلله على كل الحال |
رد: دردشة بنات العراق, دردشة حوامل العراق , تجمع بنات العراق
هلا بكل الحبايب ميوشه قلب وكحاتي يبوسون ايدج بس ديري بالج ليعضوهه من وكحاتهن ههههههههههه خبلني
نورا هاي انتي مثل لج اني بس ادخل الثامن ابدي اسوي سوالف لان لازم بالثامن يكون عندج توسع اقل شي سانتي ومن وراج ههههههههههههه راح اكول للدكتورة تضربني ابر الرئة للامان لج اني هم اريد اجيب بسرعة شكد حلو بنورهان يوم الي بالتاسع وجبتها بحيث معشت معاناة التاسع نهائي بلكت هاي هم زنوبه حبي شخبارج وشخبار كتكوتج الحلوة فدوة صدك بنات بطني صايرة مثل طوبة كريكر تاخذ بالطول هههههههههه يعني مو عرض بس كلش مبينه واني ناعمة وتخيلو شكلي صايرة سينما |
رد: دردشة بنات العراق, دردشة حوامل العراق , تجمع بنات العراق
هلو حبيبتي ابتسامة منوووره التجمع
وربي يعوضج بحمل سليم وثابت |
رد: دردشة بنات العراق, دردشة حوامل العراق , تجمع بنات العراق
امين رب العالمين
تسلمين ام نورهانه هذا نورج |
رد: دردشة بنات العراق, دردشة حوامل العراق , تجمع بنات العراق
هلووو بنااات
قلبي نورا شلونج حبي اخبارررررررج اي والله حبي هـ الدور متكدرين تسوووين شي بس شسووي غير المستحه بعد هلو ام نورهااانه شلونج عيني اخبارج والله الكتكوته زينه ولي هسه متحركت ودا انتظر هلو عيني ابتسامه نتشرف بيج حبي اني زينب عمري 20 سنه متزوجه من سنتين ونص حامل ب اول طفل ووووويقااااااااااااال انو بنوتة ودا انتظرها تتحرك ومتحركت ساكنه ب السويد وووووووووبس تشرفنا بيج ورده |
رد: دردشة بنات العراق, دردشة حوامل العراق , تجمع بنات العراق
هلالالالالالالالالالالالالالا فلايه منوره حبي شلونها ام السمك نورهان هههههههه والعرومه الصغيره
والله احسن شي تاخذين الابر واحد يسوي احتياطات وهيه متظر اصلا وبالنسبه للولاده اتمنه اجيب هالاسبوع بس يا واحد توسع اصلا الدكتوره كالت عنق الرحم مسدود بعده وام السونار كالت النونو مالتج مدبدب هههههههههههههههه بس نورهان من جبتيها شكد جان وزنها |
رد: دردشة بنات العراق, دردشة حوامل العراق , تجمع بنات العراق
ابتسامه حبي الله يعوضج خير عن الي راح ونورتينه الف هلا
زنوبه منوررررررررررره حبيكو شلونج اخبارج امورج هوه محد دمرنه غير المستحه وكلمة عيب ربولي عله هالحجايات هههههههههه |
رد: دردشة بنات العراق, دردشة حوامل العراق , تجمع بنات العراق
http://forum.hwaml.com/t76713.html
شنو رايكم بطريقتها ناويه اسويها؟ |
رد: دردشة بنات العراق, دردشة حوامل العراق , تجمع بنات العراق
وفوفو انطتني طريقه تسوي ولاده راح اجربها يوم 7 /7 حته اذا انولد يصير تاريخ ميلاده حلو ههههههههههه
|
| الساعة الآن 03:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .