منتديات حوامل النسائية - سيدات ليبيا الحبيبات ..تفضلووو

منتديات حوامل النسائية (https://naqatube.com/index.php)

- ملتقى عضوات حوامل (https://naqatube.com/forumdisplay.php?f=69)

- - سيدات ليبيا الحبيبات ..تفضلووو (https://naqatube.com/showthread.php?t=289658)

رد: سيدات ليبيا الحبيبات ..تفضلووو

قال إبن القيم:
(لاإله إلا الله)
وهي الكلمة التي قامت بها السموات والأرض ،وخلقت لأجلها الخليقة ،وبها أرسل الله تعالي رسله وانزل كتبه ،وشرع شرائعه ،ولأجلها نصبت الموازين ،ووضعت الدواوين ،وقامت سوق الجنة والنار ،وبها انقسمت الخليقة إلي مؤمنين وكفار،وأبرار وفجار،وعنها وعن حقوقها السؤال والحساب ،وعليها يقع الثواب والعقاب ،وعليها نصبت القبلة وعليها اسست الملة، ولأجلها جردت سيوف الجهاد ،وهي حق الله علي جميع العباد قال تعالي (وما خلقت الجن والإنس إلا ليعبدون)وقال -صلي الله عليه وسلم-أمرت أن أقاتل الناس حتي يقولوا لاإله إلا الله
).الصحيحين/مدارج السالكين

رد: سيدات ليبيا الحبيبات ..تفضلووو

اهلين اثري

بارك الله فيك وربي مايوريك باس

وبوي الغالي ولله الحمد بخير

بس اني شوي مضايقه الدوره المفروض امس وقاعده ماجتش واني دورتي منتظمه

وصارت تلخبيطه شوي علي قولت زوجي نتخطاك تحملي

الحمد لله علي كل حال

كله خير من ربي

بنستني لغدوه وبنمشي انحلل ويااارب اتجيني الله اعلم بحالي

من وجع عمليتي وبنتي لي ماترقدش

والا والله علي قلبي زي العسل

وربي يكتبلي لي فيه الخير ليا ياااااااااااااااااااااااارب

رد: سيدات ليبيا الحبيبات ..تفضلووو

السلام عليكم ورحمة الله وبركاته..

رد: سيدات ليبيا الحبيبات ..تفضلووو

ام معاد يامرحبا بيك وكيف حالك وحال السنافر الحلوووين
ومعقوله ننسوا ام معاد
كلا وخيتك اعذريهااا خشيت بسرعه ورديت ع اخر صفحات واجب لي فاتني
اقصد ع ردود فقط..لكن اكيد كلكم معزه وحده..
وان شاء الله ماريه حالها احسن توا\

جيجي ان شاء الله خـــير
والخيره في ما اختاره اللله
وماتنسيش انك ترضعي طبيعي
يمكن يصير لخبطه شوي عااادي

اثوووره ربي يعينك
ع الفطام نحس فيه صعــب
لكن مادام بديتــي وعقدتي العزم
ومشيتي المرحله الصعبه يعتبر الحمدلله

حسيتكم كلكن استغربتوا من موقف العزوز..
نفس ابوفراس بعد جا وحكتله اخته ع موقف
الناس مفروض يلمو حاجتهم هههه

هههه هي مراه كبيره بعمر تقريبا 70
بس صعبه شوي زي ما معروف عليهااا

رد: سيدات ليبيا الحبيبات ..تفضلووو

لولي ماتاكلش قاهرتني يابناااات
تبي صدري وبس

وهي توا سنه واسبوعييين

حتي حاولت نمنعه عنها ف فترات
تعيط بشكل فظيع ماتطقش دقيقه ونعطيه لها

اليوم موضوع هذا قلقني نتمناها تاكل
حتي نص وجبه ف يوم بس

رد: سيدات ليبيا الحبيبات ..تفضلووو

أهلين جيجي ،،،،،،،،،،،،،،،،،،

تلخبيط الدورة مع الرضاعة شيء طبيعي إنت شوفي لغدوة وكان هذا ديري تحليل
وصدقيني بإذن الله ما فيش شيء !!!!!

أم فروسي ،،،
ربي يسهلها ألولي كنها مسكرة راسها ع الماكلة
ما تسهف على شيء !!!
معكرونة لولبية ولا أصداف مسلوقة مع ملح وزبدة وهي تاكلها بروحها
ومعاها حلقات جزر وكرات بازيلاء مثلا ً
أو قطع جبن مكعبات وتلتقطها لوحدها !!!!
أو سندوتش صغير جدا به جبن سائل بيدها تأكلها
لأن الأطفال في هذه السن يعشقون محاكاة من أكبر منهم سنا
فلعلها تروق لها فكرة الأكل لوحدها
وإن كنت أرجح أنك قد جربتها لها ’’’’’’’’’’’’ صح !!!

رد: سيدات ليبيا الحبيبات ..تفضلووو

السلام عليكم ورحمة الله وبركاته
كيف حااااالكم كلكم

رد: سيدات ليبيا الحبيبات ..تفضلووو

اقتباس:

المشاركة الأصلية كتبت بواسطة خوله 2014 (المشاركة 3693337)

بارك الله فيك يا هدية يا اوخيتي علاهتمام
والله الحمد لله طبيعي لكن هيا الي لفاته وقصة صارت معاي طوييييله اني توا بنمشي نزور ولدي ونطمن عليه وبنشوف كان نقدر نرضعة او نخزنله حليب باش يعطوهاله وان شاءالله امتي يشرفني في الشقة نفضي ونحكيلكم بالتفصيل كيف صار معاي

الحمد لله علي سلامتكم مره تانيه وان شاء الله ربي يحفظلك وليدك ويشفيه وينور شقتك قريبا
ونستنو في قصة ولادتك

اقتباس:

المشاركة الأصلية كتبت بواسطة جوهرة ليبيا (المشاركة 3693357)

هدهد هدهد

ياغاااليه ربي يهون عليك غربتك وتمشي الايام بسرعه وترجعوا

بالف خير بين اهلك وناسك

والف مبروك علي وخيتك وربي يتمم فرحها
اللهم أمين يا جيجي ربي يسمع منك وبارك الله فيك عقبال وخياتك يارب
ويسعدها وربي يباركلهم في حياتهم ويجتمعوا عالخير يااارب

اقتباس:

المشاركة الأصلية كتبت بواسطة sosolibya (المشاركة 3693528)

صباح الخير والمحبة عليكم..

كيف حالكم الكل..

هدهد حتى أنا زمان كنت نقول هكي,, لما كنت في ألأردن أول ملاسجلت في المنتدى هههه كنت نقول معقولة بنقدر نفضى ونهدرز..

بس عادي عادي راهو الوحشة تجيبك والقلب يردك لينا ,, صح ولا شنو ,, ههه

اكيد سوسو ما نستغناش والله انتم وليتوا جزء مهم في حياتي وما نستغناش عليكم وحبيتكم في الله كلكم واللي نتمناه لنفسي نتمنهلكم

اقتباس:

المشاركة الأصلية كتبت بواسطة dr.loly (المشاركة 3693629)

تسلمي هدووو
بعد الضيق الا فرج
وعين العقل لي قتيه لزوجك
خلاص هانت حتي انتم
وان شاء الله ترجعوا بالسلامه
امتي مايسخرلكم الله

اللهم أمين إن شاء الله أجمعين يا فروسه بارك الله فيك

اقتباس:

المشاركة الأصلية كتبت بواسطة dr.loly (المشاركة 3693668)

لاباس طهورا ان شاء الله
بكتيريا المعده تصير واجد

اهم شئ المضاد طبعا
لانها مره صارت لصاحبتي ايامات الجامعه
[COLOR="rgb(255, 0, 255)"] الله لا يوريك بأس تسلمي يارب واهو ماشيه عالمضاد ومدرهلي كبدي حشاك غثيان وحرقه
وبنته في ريقي ما بتش تحول حاله وخلاص الحمد لله شن بيفوت الاسبوع
[/COLOR]
واكيد مش حننساكم بعد نروح بس عاد اول اسابيع اعذروني هههه
[COLOR="rgb(255, 0, 255)"] خودي راحتك اكيد الفترة الاولي تعب وحايسين وعزايم وجو ربي يوصلكم سالمين إن شاء الله
[/COLOR] هههههههههه معليش سامحيني قعدت ننضحك ع مواقف العيال لي داروهن فيك قبل
لان اذكرت موقف صايرلي ايامات كنت عروووس

جتني مراه و3 بنات وعزوزتها

المشكله مش ف المراه المشكله عزوزتها تفنص فينا ههههههه

وجايه مع بنات ولدها

اما المراه تهزب والله ضربت بنتها كف نين تحشمت نا

بعد كسرتلي مثــرد تحفه (ف الصاله ع طاوله الجلسه)

المشكله ان ابو فراس يعشق هالمثرررد هههههه

وديما يقولي قطعه فنيه هههههه

وحقه بنقوله بس عشان موقف عزوزتهااا

شاريته ب 75..

امشي بعد جت دفاته وتحطم امام عيناااي ونا عارفه ان
زوجي ديما يتغزل فيــه
[COLOR="rgb(255, 0, 255)"][COLOR="rgb(255, 0, 255)"] لا حول ولا قوة إلا بالله الواحد شن بيقول فعلا يعجز اللسان عالتعليق ربي يهدي وخلاص وباهي موقف الام يبل الريق شويه ههههه [/COLOR]
[/COLOR]
جت امها ضربتها الكف

امشي عزوزها قالت عليش تضربي البنيه
عشان سونيه ب 5 جنـيه.......................

وهنا صعقت من اسلوبهاااا

المراه تحشمت وقعدت اتأسف واجد قتلها عادي ياخد سوهاا

وقعدت تقول والله باتهم ما با يمسكهن الله غالب ماعندي من يمسك

عموما بعدها باقل من نص ساعه جابوا البنت الاخري سنتين ونصف

من دار نومــي ............... لي فيها فراس مازال ما ربعن..

وبه لي مادارتلها حاجه

لان كسرتلي مثرد.............ولقيت نصه جنب راسه.....

يانا عليا بعد جابت نص المثرد ف يده رعشت

وعديت نجري لداري..

لقيتهاااا كاره مثرد عشان طبعا زوجي

مستر حلويات هههه لازم مثرد الدار يعبيه شوكولاطه

ولا الموقف الاخر البايخ

بعد جيت بحثتت فيا عزوزها باشمئزاااااز وقالت

اصلا المفروض الواحد يلم حاجته كله ف مناسبات
ولمات وبعد يجووه صغاااار.. مش تقعد سايبه ف يد كل حد

هالكلام استفز صبيتي(حماتي)

وردت عليها وقالت

الناس مادايرين هالحاجات والتحف الا عشان المناسبات
ومنظر الحوش فيهن خصيصا لمات الجياااب

بجد استفزتني واجد يومها

مع اني الله يشهد لا فنصت لا عليت صوتي

بالعكس كنت بشوشه لابعد حد معاهن
لان الحق امهن وجعتني... خصيصا ان عزوزتها هك هههه

عموما اخرتهاااا اختي بعد كملت الضيافه بخرت المطبخ وحطت البخار ع بوفيه م جنب برا

تجي البنت ف رمشه عين تقلبه............

وراحت فيها الفرشــــــــــــه(السجاده)...hwaml7hwaml4

عوضكم علي الله hwaml15hwaml4

اقتباس:

المشاركة الأصلية كتبت بواسطة ام معاد (المشاركة 3693711)

مافيش حد فقدني من غير جيجي واوشي سلمهم ياربي.جيجي حمد لله علي سﻻمة ينفوراتك وميمي الحمدلله حالها افضل بهلبة.اوشي كيف حالك وحال السنافر.سوسو مبروك الشفاء سبحان الله عظمة الخالق .هدهد.طهورا ان شاء الله .وكيف حال سوووووووووما السنفورة .فروسة كيف الحال والله قعدت نتعجب من فعر العزوز ربي يهدي وخﻻص فيفي كيف حالك يا بنية عمي ومنو تىني بنات دكروني

الله يسملك ام معأد سوما كويسه الحمد لله لكن بتهبلنييييي ربي يهديها وانتي شن اخبارك وكيف حال السنافر وخصوصا أبوني

اقتباس:

المشاركة الأصلية كتبت بواسطة أثري في مدادي (المشاركة 3694066)

السلام عليكم ورحمة الله وبركاته

هلا بالغواااااااااااالي

خولــــــــــــــــــــــــــــــــة ،،،،،،،،،،،،، مبارك عليك ميدوووووووووووووووو
وحمدا لله على سلامتك وبالطبيعي
وإن شاء الله تشوفيه بين يديك في شقيقتكــــــــــــــــ

أم معاذ ،،،،،،،،، طيب فيك تذكرتي سؤااااااالي كنت نبي نشدك من ودانك ~~~~ طيب في مريتو حالها أحسن توا !!!

أم فروسي ،،،،،،،،،، ربي يعااااااااااااااااون ،،، تجهيزات تحتاج إلى وقت وجهد وتركيز ،،،،،،،، أما موقف الصونية اللي حقها 5 جنيه هو اللي ما خلاش بكل !!!!!!!!!!!!!!!!!!!!!!

أم حمودي وريم ،،،، صحتين المحاااااااشي ،،، حتى أني جايين في خاطري ،،،،

أوشتنا ،،،، هههههههههضحكت لما قريت تعليق تشوف فيك .................. صح والله هذا اللي صاير
ربي يستر مازالت تتمنى وتجيب في المخدة وتخشش في يدها ،،،،،،،، مقطعتلي قلبي ~~~~
حتى نفسيتي مولية باااااااااااااااااااااااااايخة هاليومين
ربي يعاون العازمين على الفطااااااااااااااام

جيجي ،،،،،،،،،،،، لاباس على الصغااااااار وعلي جمونتي حبيبة خالتوووووووووووووو
كيف حال الوالد توا ؟؟ إن شاء الله أحسن

أم وسونة ،،،،،،،،، لا باس على زهااااااااااوي ،،،، وكيف حالة وسونتنا ؟؟

أموووووووووووولة ،،،،،،،،،،، وينك ؟؟؟ ياأم فطووووووووو؟؟؟ أما لا كان تروحي لليبيا معاش فيك طمعة ~~~~

جنودة ،،،،،،،،،،،،، اختفاااااااااااااااااااااااااااااااااااء

أم نوزة ،،،،،،،،،،،،،،،،،،،، اختفاء برضو

شموستنا ،،،،،،،،،،،،،، لا أحزن الله لك قلبا ،،،،،،،،،، ولعله خيرا
وربي يسخرلك ما تتمني كيف ما تبي وتشتهي

في في ،،،،،،،،،،،،،، شن أخبار أسنانك توا ؟؟؟؟

أنا وييييييييييييين ؟؟؟hwaml85

رد: سيدات ليبيا الحبيبات ..تفضلووو

إنت في القلــــــــــــــــــــــــــــــــــــــــــــــ ــــــــــــــــــــــــــــــــــــــب

يا أحلى هدهووووووووووووووووووووووووووودة

،،،،،،،،،،،،،،،،،،،،،،،،،،،،،،،،،،،،،،،،

رد: سيدات ليبيا الحبيبات ..تفضلووو

بارك الله فيييييييييييك

رد: سيدات ليبيا الحبيبات ..تفضلووو

العتب من المحبه يا غاليه
فروسه والله حتي أني نفس المشكله مع سوما حتي تاكل شوي لكن ما تعتبرش ماكله لعمر سنه
عندك باهي تفضل المكرونه والرز بانواعه ولما نبدو مدايريينهن نفرشلها مفرش ونحطلها تاكل بروحها لكن ما نحكيلك حبه في الفم وعشرة عالوطاء لكن باهي خير من بلاش حتي تعود المأكله بروحها وتلقط حبتين خير من بلاش بكل
وهاليومين بديت نعطي فيها من حليبنا اللي نشربو فيه والحمد لله تقبلاته نصبلها فيه في الشيشه وما فرقتش بينه وبين حليبها ههههههه

رد: سيدات ليبيا الحبيبات ..تفضلووو

لكن مازال مش راضيه علي ماكلتها في أيام يفوتوا ما أذوق في حاجة عدا الشيشه
وخدينالها جبنه تشيدر علي شكل صوابع خاصة بالأطفال ما هناك ما كلت منها بالكثير تذوقها وتبدا تلعب بيها وتسحن فيها نحولها منها وخلاص وناكلها أني ههههههه

رد: سيدات ليبيا الحبيبات ..تفضلووو

وينك أثوره طلعتي ؟؟؟
حتي أني منمشي نحوس عالعشاء الرشدة بوخت ومندير المرقة والبصلة ومنشوف سما بالك ترقد نحصل معاها ربيع ساعة نحس في نفسي منرجع خلاص حشاكم معادش قدرت نتحمل بنة المضاد قوييييييي وأربع حبات في مره مش هلبه يا ناااااااااااس ؟؟؟
والمشكله كل ما ناخد حاجة حلوه نفوت بيها نزيد أكتر راجلي قالي بالعكس كولي حاجة مره مش يبداء عندك نفس الطعم ومعاش تحسي بيه

رد: سيدات ليبيا الحبيبات ..تفضلووو

سلاااااااام تصبحون علي خير

رد: سيدات ليبيا الحبيبات ..تفضلووو

وانتي من اهله هدهوده

رد: سيدات ليبيا الحبيبات ..تفضلووو

وردي بالك ترقدي وتخلي الغدي عالنار حبوبه

في حفظ الله

رد: سيدات ليبيا الحبيبات ..تفضلووو

فروسه واثوره

بارك الله فيكم

بس لي مخوفني ان دورتي منتظمه وحتي في رنو تماااااام والله اعلم

وربي يكتبلي لي فيه الخير

رد: سيدات ليبيا الحبيبات ..تفضلووو

السﻻم عليكم كيف حالكم كلكم وبارك الله فيك والله اﻻ عادرتكم غر هكي نتغلي علي وخياتي ربي يخليكم
ليا يارب

رد: سيدات ليبيا الحبيبات ..تفضلووو

خولة الف الحمد لله علي السﻻمة ومبارك عليك ميدوووو ويتربي في عزكم يارب

رد: سيدات ليبيا الحبيبات ..تفضلووو

هدهد السنافر الحمد لله وابان اليوم تالت يوم بدي يمشي قريييب انطير اتقول اول عيل خخخخخخخخخخخخ ﻻكن شادها في جرتي عيااااط ربي يهديه وخﻻص

رد: سيدات ليبيا الحبيبات ..تفضلووو

جيجي الف ﻻباس الدورة ومع الرضاعة اساليني عليها وعلي لخبطتها مرة اتقدم ومرة توخر وحالا اتغير موعدها من 3 في كل شهر الي 22 من كل شهر شفتي الفرق تعرفي عندي صاحباتي زوز اتجيهم الدورة مع الرضاعة وامورهم تمام وفجاة تهرب ومعادش اتجي لين يفطموا اصغارهم سبحانالله مات خافيش ان شاء الله اتجيك

رد: سيدات ليبيا الحبيبات ..تفضلووو

اني اليوم راجلي عمل اهئ اهئ

رد: سيدات ليبيا الحبيبات ..تفضلووو

السلام عليكم ورحمة الله وبركاته

رد: سيدات ليبيا الحبيبات ..تفضلووو

كيفكن اليوم اخواتي الغالياااات

ووين سوسو واوشتي اليوووم

رد: سيدات ليبيا الحبيبات ..تفضلووو

عزيزتي اثري

فعلا الطرق اللي ذكرتيها اكثر طرق
تجدي الحبايب الصغار للاكل

والمكرونه درتلها الفيوتشيني الايطاليه
والبنينه .. ع قولة هدوو تقعد تسحن فيها ههههه
ويمكن تاكل حبتين ب كثير..

وماتنسيش ان عندي فروسا ههههه يغار
من لي نعطيه له مع ان نعطي فيه لكن
يبي ياخد كل حاجة هو او هو لي يبي يوكلها

ع اساس بيبببي ع قولته همممم همي بيبببي ههههه

رد: سيدات ليبيا الحبيبات ..تفضلووو

ام معاد ماشاء الله ع ابوون
فعلا شعور روووعه
اول مايمشي العيل

جربته ف فراااس بس نبحث فيه
وخلاص هههههه

وهو من فرحه مارقدش الالا ساعه 3

نذكر مشي ساعه 9 بليل

ومن كثر الفرحه وما نبحث فيه
لين قالي ابوفراس سااادك

رد: سيدات ليبيا الحبيبات ..تفضلووو

هدووو هههههههه نفس جو صار حتي انتي مع سوما

اصابع جبنه ماتقبلتهنش لا هي ولا فراس

بس فراس ماشاء الله يعتبر افضل بووواجد

منها كنت متحكمه فيه ودايرتله نظام ف وجبات

ايام كان بعمرها

وجبة خضروات مطبوخه من وكالنا طبعا بعد طق سنه
وقبلها نديرله بروحه مع رز او مكرونه بلحك او دجاج

وجبة فواكه مخلطه بعد ينوض من قيلوله..

وعشا تشكيلات مابين الدحي مطبوخ..جبن..اي حاجة خفيفه هك مناسبه

والسناكز نعطي فيه ف بسكوت هاينز الاصابع و القراميش المخصصه لعمره

طبعا حليب ف صبح وليل

وتوا كيف بديت نعطي فيه ف حليبناااا

من فترة شهر ونص تقريبا

مع نيسكويك نقول عشان نزيد ندعمه بفيتامين د وحديد وبروبايوتيك

انما لولــــــتي اهئ اهئ

حاولت بشتي طررررق

يعتبر انجاز كان كلت 3 كواشيك............

بدت تحب موز هاليومين بس للاسف يديرلها ف امساك..

نحساب عيال الصدر هكي بس بعد قتي انك نفس شئ مع سوما

معناها يمكن طبع او النيه

بوها يقولي عادي توا تشوفيها كيف تاكل بعد تكبر

نحن هك بناتنا طشونات ..

رد: سيدات ليبيا الحبيبات ..تفضلووو

السلام عليكم ورحمة الله وبركاته

رد: سيدات ليبيا الحبيبات ..تفضلووو

مساء الخير كيف حالكم اليوم
جيجي إن شاء الله خير يارب تعالي طمنينا شن صار جت والا ؟وشو ماصار تاكدي إنه ربي كاتبلك اللي فيه الخير إن شاء الله
ام معاذ ماشاء الله علي أبوني إن شاء الله بطول عمره وربي يعينك عالشقاوة توا هههههه وحتي أني زيك أول ما مشت مش مصدقة من الفرحة وبوها كان برا صورتهله فيديو باش يشوفها وحتي هيا كانت مستغربه كل شويه تجرب تمشي تشوف في رجليها فرحانه هههههه وتوا تجري والله معاذ ملحقة عليها حالة أمس الصبح خليتها راقده علي سريرنا ونضت ندير في الفطور ما نعلم بشي نين جابهلي بوها ويضحك قال جتني في الحمام انصدمت أني كيف نزلت من السرير بروحها وما طاحتش ومشت طووووول للحمام تقولي شن عرفها إنه بوها غادي هههههه
ام فروسه شن الأخبار ربي يعاونكم شني تميتوا والا مازال
وبالنسبه لولي معاش تخممي فيها زي ماقالك بوها حتكبر وتاكل وخصوصا توا ماشاء الله سكرت السنه كبرت وبتبداء تجوع وجارتي السوريه قاتلي حتي ولدي ماكلاش لسنه ونص اطمنت الحق وقلتي باهي اهو في من زي بنتي فلهذا ما تخافيش كل ما تكبر شوي ح تقبل عالأكل بروحها

رد: سيدات ليبيا الحبيبات ..تفضلووو

الســــــــــــــــــــــــــلام عليكم ورحمة الله وبركاته

حيا الله هالغوالـــــــــــــــــــــــــــــي
السموحااااااااااااااااات
العسولاااااااااااااااااات
الأنيقاااااااااااااااااااااات
والأكثـــــــــــــــــــــر
مــــــــــــــــــــــــــــن
رائعـــــــــــــــــــــــات

~~~~~~~~~~~~~~~~~~~~~~~~~~~~~~~~~~~

رد: سيدات ليبيا الحبيبات ..تفضلووو

هدهووووووووووووووووووووووووو

سامحيني علي طلعتي بلا إعلام ~~~~
الحق
وين يضعف النت ويبدى يلعب في الردوووووووووود
ننسحب بكرامــــــــــــــــــــــتي
لأنه يبدى ممل ع الآخـــــــــــــــــــــــــــــــــــــــر

ربي يحفظ سموووووووووووو وينجيها
المهم حركتها ونشاطها كويس
خلاص ،،،،،،،، شن بدير به هالشحــــــــــــــــــــــم

أم فروسي
الله يحفظ أوخيهااااااااااااا هالي مونســــــــــــــــــــــــها
توا تكبر وتاكل ،،،،،،،،،،،،،،،، وتبدا
تخمم في الريجيم المناااااااااااااااااااااسب
الله يرعاها

أم أبوني
مبارك على أبوني خطواته الأولى نحو العالم ،،،،،،،،،،، لوحده
وجعلها الله خطوات على درب السلف الصالح

جيجي ،،،،،،،،،،،
طمنيناااااااااااااااااااااااا شن صاااااااااااااااااااااااااااار
معاكـــــــــــــــــــــــــــــــــ !!!!!

سوسو
أوشى
غياااااااااااااااااااااااااااااااب !!!!

والبقية منشغلين عنا بمشاغلهن
الله يعوان الجميع

رد: سيدات ليبيا الحبيبات ..تفضلووو

مساء الخير يا هلاااا بااتوره كيف الحااال
معذوره ولا يهمك أصلا عرفتك طلعتي لسبب
وبارك الله فيك إيه والله كلهم يقولولي فيها المهم صحيحة وحركيه وناشطة ماشاء الله الضعف عادي سيورها تكبر وتشكي من الريجيمات علي قولتك هههههه
ويييييييين البقيه مكسدين اليوم حتي جيجي اختفت من جديد

رد: سيدات ليبيا الحبيبات ..تفضلووو

يابنااااات منقوللكم حاجة العيله اللي علي أساس بيجوني المره اللي فاتت وماصارلهمش بعتوا الصغار بس بيجوني مره تانيه اااااااااااه شني هذا استغفر الله استغفر الله معاش عاتقيني شكلهم !!!!!!!!!!!!!
الام قالت إنه الصغار عجبهم الجو عندي ويبوا يجوا مره تانيه وزيادة المره هادي معهم باقي الفاميلي حالة استغفر الله ماصدقت جية وافتكيت منها
والله أني مش مانحبش من يجيني ولا نضايق من الناس بالعكس لو كانت المرأة بروحها أحب علي قلبي عالأقل نتونس ونهدرز لكن المشكله زي ما حكيتلكم الصغااااااااااار يفسدوا في متعه الهدرزه والله أمهم تجي وتروح ما نقولو كلمتين علي بعض أني اللي عندي وغااااااااااالبة فيها فما بالك يزيدوا عليها اربعه ربي يعاوني وبس ويفرج عليا
لا وزيادة في خبر يصعق أكتر احتمال بينتقلو جنبنا في رمضاااان في نفس المبني والله كان هذا مننتقل أني ههههههه

رد: سيدات ليبيا الحبيبات ..تفضلووو

والمره اللي فاتت قريب انفجرت من موقف صار
هذا يا حنة الولد ما يحبش الرز بلاو شكله ضاق منا شوي وقال لبوه مش حلوووووووو !!!!
امشي الراجل قاله قول لعمك فلان (راجلي) يجيب مراة تانية تو هادي كلمة تنقال لعيل ؟؟؟؟
قلت لرااجلي قوله غير اديرلك مرتك نص اللي ندير فيه أني لرااجلي بعدين تكلم والله قالي راجلي يهبل جي الرز وعجبني لدرجة كلأه حتي تاني يوم وقالي قال فضل مستعد نأكله حتي تالت يوم والحمد لله ماكلتي والله بلا مبالغه يقولي احلى من ماكله اهلي وزي الاعراس مفتلكه وكل مره نتعلم في حاجة جديده من النت ونجربله فيها مش من النوع اللي نشد المكرونه والرز والكسكسي طول الاسبوع
لكن شن بتقولي هي في اللي ما يعرفش يتكلم ولا يوزن كلمته
زي مره ماشيين عندهم وكان الجو وسط لا نو ولا صقع ولبست سوما كاميتشة وتحتها بدي خفيف وقلت ساد مع البطانية وغطاء العربة غير بتنتغط المهم الراجل لما شافها قال لراجلي شني ما عندهاش ما تلبس ؟
قتله قوله يا ريتك شايف حوايجها قريب نفتح بيهم محل من غير اللي قاعد جديد صغر عليها وما لحقت تلبسه استغفر الله غير يا ريته ملبس صغاره أقسم بالله يسخفو البنت الصغيرة يلبسو فيها في حوايج صغار عليها امتاع لما صغيره والله اخر مره جتني لابسه توب امتاع توته وفوق منا قفطان مقفط عليها وخلي البنت الصغيرة مسكينه جتني مره في توته شتويه في الصيف وصغيره عليها زيادة
ومش تقولوا بالك حالته بالهون والا حاجة والله المنحه أمتاعه قويه بحكم إنه عنده صغار ومن غير اللي جايبه معاه علي كلام راجلي اللي عنده ما عندي نصه باهي ليش الواحد يحرم في صغاره هكي ومخليهم مبهدلين قدام الناس والصغار الأولاد شعرهم حاله مايبيش يحلقهم غير قداش بتاخد منا الحلاقة
استغفر الله ياربي خلاني نجبده في هالعشيه بالسيييييييف من قهري منا حبيت نفضفض سامحوني بالله
ربي يهدي الجمييييييييع

رد: سيدات ليبيا الحبيبات ..تفضلووو

ونقوللكم كلمة قالها والله تنصدموا منها وتشمئزو
بنته الصغيرة لما انولدت فيها تقب في قلبها ماباش يشريلها سرير وعربه قال مرات تموت !!!!!!!!!!!!!!!!!!
لا حول ولا قوة إلا بالله وخلااااااااص

رد: سيدات ليبيا الحبيبات ..تفضلووو

السلام عليكم ورحمة الله وبركاته

رد: سيدات ليبيا الحبيبات ..تفضلووو

الحمد لله علي كل حال

للاسف ح

حنقول حقكم عليا اثري وهدهد وفروسه وام معاذ شغلتكم عليا هههههههههه

طبعا شرفت الاخت الدوره وقرررررررررررييييييييب انموووووووووووت قويييييييييييه

اقسم بالله لما جتني بكييييييييييييييييييييييت بصراحه هيات روحي للحمل

وتوكلت علي ربي

راجلي مسكين كان خااايف عليا هلبه

علي عمليتي وتعبي من جموني لي مانرقد معاها غير 4 ساعات اواقل مرات

رد: سيدات ليبيا الحبيبات ..تفضلووو

سبحان الله اول مره اتجيني بهالطريقه في حياتي كلها

وممكن لاني تعبت روحي هالايام شميسه نغسل في البطاطين ويرغانات

والبساطات الصغار

الجو يابنات سبحان الخالق هالايام روووووووووووووووووووووعه

انحبه موت الجو هذا مشمس ومش صقع

رد: سيدات ليبيا الحبيبات ..تفضلووو

هدهد

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!

ربي يهديهم ويصبرك حبوبه

رد: سيدات ليبيا الحبيبات ..تفضلووو