|
رد: دردشة بنات فلسطين* دردشة حوامل فلسطين* تجمع بنات فلسطين
اهلا حواااااء يسعد هالمسا
كييييفك |
رد: دردشة بنات فلسطين* دردشة حوامل فلسطين* تجمع بنات فلسطين
مسا الخير صبايا كيفكم ان شاء الله كلكو بخير
حبيت ادردش معكو قبل ماتقطع الكهربا شو اخر اخباركم |
رد: دردشة بنات فلسطين* دردشة حوامل فلسطين* تجمع بنات فلسطين
الله يسعد اوقاتكم يا بنات انا بخير والحمدلله
|
رد: دردشة بنات فلسطين* دردشة حوامل فلسطين* تجمع بنات فلسطين
مسا الخير
يسعد اوقاتكم جارة احنا ما رحنا خصوصي عشان الملابس بس دخلنا على المول يلي في مملة و على الكنيون اكيد بتعرفيهم و تفرجنا و شرينا كم شغلة و كس نا رجلينا هههه دودو و الله اصبعي مولع زي النار و فيه حروقة مش طبيعية و جربت الف شغلة و مش راضي يخف و راح زوجي يجيبلي دوا من الصيدلية و ان شاء الله يخف و قبل حوالي ساعتين بابا عمل حادث و الحمد لله الحمد لله ما صارله شي و السيارة يلي ضربت فيه كان فيها زلمة و وحدة حامل و الحمد لله كمان تقريبا ما صارلهم شي بس السيارات شوية تطبشو ........ السيارات في داهية المهم ما صار لحد شي و الحمد لله الله لا يضر حدا انا داخلة من الموبايل بس حبيت اشوف اخباركم يسعد ا قاتكم صبايا |
رد: دردشة بنات فلسطين* دردشة حوامل فلسطين* تجمع بنات فلسطين
هلا لولو الف الحمدلله على سلامته ابوكي العوض بسلامته
|
رد: دردشة بنات فلسطين* دردشة حوامل فلسطين* تجمع بنات فلسطين
لولو الحمد لله ع سلامة الوالد ويلي بالسياره التانيه
فداااه السياره |
رد: دردشة بنات فلسطين* دردشة حوامل فلسطين* تجمع بنات فلسطين
مافي حد سهران شكلو !!
|
رد: دردشة بنات فلسطين* دردشة حوامل فلسطين* تجمع بنات فلسطين
انا هوووووووون يا احساس شو عاملة هلاhwaml8 انا مالة شوي
|
رد: دردشة بنات فلسطين* دردشة حوامل فلسطين* تجمع بنات فلسطين
صباح الورد
شو الاخبار .. يارب الجميع بخير اليوم اختي حطت اولادها عنا وراحت ع المستشفى ع شان بكرا الصبح ان شاء الله ولادتها الله يقومها بالسلامه ويطمنا عليها |
رد: دردشة بنات فلسطين* دردشة حوامل فلسطين* تجمع بنات فلسطين
صباح الخير
سوري حواء نمت :) انبثاقه ربي يقومها بالسلامه اختك يارب طمنينا عنها وشو الله اعطاها ؟! |
رد: دردشة بنات فلسطين* دردشة حوامل فلسطين* تجمع بنات فلسطين
هل من احد هناااااااااااااااااااااااhwaml5
|
رد: دردشة بنات فلسطين* دردشة حوامل فلسطين* تجمع بنات فلسطين
بدي اروح عالجامعة سلام
|
رد: دردشة بنات فلسطين* دردشة حوامل فلسطين* تجمع بنات فلسطين
صباح الخير صبايا
بيبو اشتقتلك والله كييييفك ؟ شكلها الكهربا مغلباكي عشان هيك ما طليتي مبارح لولو الحمدلله على سلامته ابوكي الحمدلله اللي اجت ع هيك الله ستر وفدااه السيارات المهم السلامة ، وسلامه ايدك كمان شو طمنيني جاب نتيجة الدوا ؟ احساس صباااااحو شو الاخبار يا حلو ؟ انبثاقة بالسلامة لاختك حبيبتي ربي يقومها بالسلامة وتجيب احلى بيبي وعقباااااااالك يارب ، طمنينا نبض قلب يسعد صباحك وموفقة بالجامعة مسك صرلك يومين مختفية اين انتي طمنينا عنك ام عمر (رشا) يا ريت فيكي تفوتي وتطمنينا عنك وعن البيبي بجد قلقانة عليكم لولو حمادة دخلتي قبل مبارح ورجعتي غبتي ان شاء الله تكوني بخير ام جودي وغموووووووض وييييينكم يا بنات شو هالغيبة والله افتقدناكم وقلقنا عليكم تعوا طمنونا باقي الصبايا كلكم يسعد صباحكم ويومكم سعيد باذن الله :) |
رد: دردشة بنات فلسطين* دردشة حوامل فلسطين* تجمع بنات فلسطين
صباااحو صبايا :)
كيفكم جمييعا دودو صباح الورد والياسمين يا حلوة انبثااااقه ان شاء الله اختك تقوم بالسلامة يارب هي والبيبي طمنينا عنها جااارة سألتك لانه انا كنت اراجع عند طبيبة خاصه ، بس هلاء هاد الدكتور اللي رحنا عليه انا وزوجي بكوبات حوليم ، قلنا لازم اكون مع زوجي يعني اراجع عنده واتعالج عنده ، خايفه يكون في اهمال بتعرفي كوبات حوليم كيف تعاملهم ، مع انه الدكتور بروفيسور عقم يعني اكيد بيكون فهمان ، بس خايفه ما بعرف ليه لووولو سلااامتو ابوكي ماعليه شر يارب ، وفداه كل السيارات كل الصبايا ، صباحكم خير وبركه ونشاط ،ويومكم سعادة باذن الله :) وشو طابخين ههههه ؟ |
رد: دردشة بنات فلسطين* دردشة حوامل فلسطين* تجمع بنات فلسطين
يسعدلي صباحك دودو
فقدانا كلنا ربي يسعدك انا تمااااااااااااام وزوزو بخير بصبح عليكم |
رد: دردشة بنات فلسطين* دردشة حوامل فلسطين* تجمع بنات فلسطين
وغموووض الدبه في غيااااااااب ، شكلي رح ازعل منها :(
|
رد: دردشة بنات فلسطين* دردشة حوامل فلسطين* تجمع بنات فلسطين
حيفا
يسعد صباحو الحلو السؤال المعتاد شو طابخين ههههه زكرتيني اطلع صدور دجاج زوجي بدو اعمله صدور دجاج مع خضار سوتيه انتي شو مقررة تطبخي احساس الله يسعدك يااارب ويخليلك الزوووووز بوساتي اله |
رد: دردشة بنات فلسطين* دردشة حوامل فلسطين* تجمع بنات فلسطين
اهلا صباح الورد احساااس
دودو طلعت قطع لحمة بدي اعمل يخني بازيلا وجزر ورز صحة وهنا عالجاج بالخضار :) |
رد: دردشة بنات فلسطين* دردشة حوامل فلسطين* تجمع بنات فلسطين
ع قلبك ياارب
وانا البازيلا عملتها الاسبوع الماضي بحبها كتيييير صحتييييين ؛) |
رد: دردشة بنات فلسطين* دردشة حوامل فلسطين* تجمع بنات فلسطين
على قلبك دودو يا حلوة
وكمان ناوية اعمل شي حلو اصالح فيه ابو الشباب طلع وهو زعلان ، صاير حساس كتيير ، كل كلمة بحكيها بفسرها بككيفه وبزعل منها ههههههه |
رد: دردشة بنات فلسطين* دردشة حوامل فلسطين* تجمع بنات فلسطين
ههههه الله لا يجيب الزعل
والله الرجال متل الاطفال عن تجربة يعني الله يخليكم لبعض ، اعملي شي حلو وصالحيه ان شاء الله الامور بتكون تمام ؛) |
رد: دردشة بنات فلسطين* دردشة حوامل فلسطين* تجمع بنات فلسطين
اه والله اطفال
بضل اقول لزوجي انت ما شاء الله معودني ع الحياة مع وجود طفل ههههههههه الله يحفظلنا ياهم يارب :) |
رد: دردشة بنات فلسطين* دردشة حوامل فلسطين* تجمع بنات فلسطين
صباااااااااااااااااح الخير يا عسولات ...
كيفكم اليوم .. شو اخباركم حيفا انا اليوم طلعت سمك من التلاجة وبدي اعملو قلي ويمكن اعمل جنبو قلاية بندورة ومتبل باتنجان معلش غبت عنكم كنت مريضة ومفلوزة والجيوب الانفية كتيير تاعبتني ... وحتى جوزي وولادي مرضانين كلنا بس الحمد لله اليوم صحيت وحاسة حالي متحسنة شوي عن اول لولو .. حمد لله على سلامتو ابوكي ... كل الصبايا .. مشتاقتلكم جميعا .. ويسعد كل اوقاتكم ♥ ♥ ♥ ♥ |
رد: دردشة بنات فلسطين* دردشة حوامل فلسطين* تجمع بنات فلسطين
صباحكم عسل.
لولو اهاااا اكيد بعرف انه التسوق مش الشي الاساسي اللي جيتوووو عشانووو بس انا لاجي على الخليل عشان اتسوق الحمد لله على سلامة والدك حيفاااا مادام بروفيسور توكلي على الله لو دكتور عادي بحكيلك روحي على خاص انبثاقة تقوم بالسلامة اختك |
رد: دردشة بنات فلسطين* دردشة حوامل فلسطين* تجمع بنات فلسطين
حلا الالماس
سلامتك وان شاء الله بتضلي احسن على طول يااارب وصحتين عالسمكات بالهنا والعافية يااارب يومك سعيد حبيبتي جارة يسعد صباااحك |
رد: دردشة بنات فلسطين* دردشة حوامل فلسطين* تجمع بنات فلسطين
حلا الماس ، هلا يا حلوة نورتي ، الف سلامة عليكي وصحتين عالسمك :)
جارة حبيبتي خلص بنتوكل على الله وبنمشي مع هالدكتور وربنا يجيب اللي فيه الخير :) |
رد: دردشة بنات فلسطين* دردشة حوامل فلسطين* تجمع بنات فلسطين
نفسي انااااام انااااا بالمحاضرة والله نعساااااانه
|
رد: دردشة بنات فلسطين* دردشة حوامل فلسطين* تجمع بنات فلسطين
مسا الورد يا بنات
شو اخباركم ؟ الله يسلمكم حبيبات قلبي انتو دودو يييييي و الله ما في شي نافع مع هالاصبع و الدوا يلي جابو زوجي عشان ما يضل للحرق اثر بس و الله بحرقني كتير و لونه صار احمر احمر و في النص على زراق هههه و طلعت فيه فقاقيع ز ي الحبوب فيها ميه ههههhwaml02 و اليوم ستي عازميتنا على ورق عنب و هي ما شاء الله بتعملو غير شكل و انا نفسي اروح لأني زماااان ما شفت سيدي و ستي بس اليوم مش عارفة شو مالي صحيت من النوم جسمي مكسر و راسي مصدع كأني مضروبة عليه من قدام و مش جاي عبالي افارق التخت و عندي باقي معكرونة من امبارح حلا الماس سلامتكم يا عسل ما تشوفو شر حيفا ربنا ما يجيب الزعل احساس يسعد صباحك يا قمر غموض و ام جودي الدبات ابصر شو مالهم مش مبينين جد طولو الغيبة ان شاء الله خير جارة النعسانة هههه يسعد صباحك انبثاقة الله يقوم اختك و البيبي بالسلامة و ان شاء الله تكون ولادتها سهلة عقبالك يا رب انتي و الصبايا كل الصبايا بدون ما اذكر اسماء و انسى حد ان شاء الله تكون اموركم تمام التمام |
رد: دردشة بنات فلسطين* دردشة حوامل فلسطين* تجمع بنات فلسطين
سلامة اصبعك لولو هلا انتبهت
|
رد: دردشة بنات فلسطين* دردشة حوامل فلسطين* تجمع بنات فلسطين
ام عمر يا ترى شو اخبارها و ان شاء الله بنوتتها تحسنت و صارت احسن ؟؟
يا ريت لو تدخل تطمننا الله يشفي بنتها و يحميلها اياها |
رد: دردشة بنات فلسطين* دردشة حوامل فلسطين* تجمع بنات فلسطين
هههه الله يسلمك جارة
|
رد: دردشة بنات فلسطين* دردشة حوامل فلسطين* تجمع بنات فلسطين
صباح الخير او ضهر الخير
احساس شفت بتحكو عن جهاز التبخيرة ، انا عندي واحد و استخدمتو بس مرة لاسماعيل كان صدرو تعبان بس مشالله مرة والتانية ع طووووول بروق ، ومش مهم المحلول الملحي اللي بحطوه ، انا حطيتلو بابونج كنت عاملاه قبل بوقت بارد ، وممكن تغلي اي اعشاب تساعد ابنك ، كتير منيح هالجهاز .. احسن من الطلعة بالولد وهو مريض تعمليله تبخيرة و يرجع بالبرد بضل مريض يا لطيف لولو حمدلله ع سلامتو الوالد اهم اشي انو بخير .. حيفا انا عاملة اليوم فتة حمص ، اول مرة بعملها .. |
رد: دردشة بنات فلسطين* دردشة حوامل فلسطين* تجمع بنات فلسطين
مسا الخير صبايا اليوم ان شالله الكهربا راحه
غسلت وتحممت وعملت وجهي وغسلت لزوزو وبدلتلو تيابو وهيني اجيت ع سيرة الغدا عاملين مجدره تفضلوووووو حلا الماس ولولو سلامتكم ياحلوات هبوش من وين شرتي جهاز التبخيره ؟ وكم سعرو ؟؟ جاره مالك نعسانه شو مسهرك زوزو ؟؟ ماطلع السنون دودو وحيفا شو ناوين تعملو شي حلو دلوننننني خليني اعمل بس يسرعه عشان ماما يمكن تيجي عندي اليوم تطمن ع زوزو !! باقي الصبايا يسعد اوقاتكم وايامكم :) |
رد: دردشة بنات فلسطين* دردشة حوامل فلسطين* تجمع بنات فلسطين
لولو
يلا بسيطة ان شاء الله بيخف وسلامة جسمك والله انا كل كم يوم هيك بصحى جسمي مكسر وبطني تقيلة مع انه ما بكون عاملة مجهود الله يعيننا هبة يسعد مساكي احساس نعييييما اعملي حلا النوتيلا ازا عندك مكونات طبقة كيك جاهز مفتت وطبقة بسكوت مطحون مع علبة قشة و 4 كيري بتخلطيهم وبتحطيهم فوق طبقة الكيك المفتت وطبقة تالتة نص علبة نوتيلا مع علبة قشطة كمان بتخلطيهم وبتحطيهم عالوجه وساعة بالتلاجة وبتكون جاااهزة ؛) |
رد: دردشة بنات فلسطين* دردشة حوامل فلسطين* تجمع بنات فلسطين
مسا الخير .. كيفك احساس انت كم عمرك
|
رد: دردشة بنات فلسطين* دردشة حوامل فلسطين* تجمع بنات فلسطين
مرحبااااا
وصحه وهنا للجميع شو ما كنتو طابخين هههه هبووووشة الفته هاي قد ما بسمع عنها ، نفسي اعملها ههههه يلا بتعمليها وبتعلميني احساس انا عملت كيكة كاكاو ، وخبصتها ههههههه استني افرجيكي صورة هاد اذا زبط الصور عالموقع http://im32.gulfup.com/Z2gDC.jpg http://im32.gulfup.com/rtubL.jpg ما يغرك الشكل ، لانه الطعم طيب كتييير هههههه الكيكة مكونات الكيك العادي بس بتضيفي كاكاو واللي عالوجه هاد ، كريما مع شوكولاته هيرشي وطبعا كل الصبايا تفضلووووو :) |
رد: دردشة بنات فلسطين* دردشة حوامل فلسطين* تجمع بنات فلسطين
ياسلااااام ياحيفاااا
مبدعه بعد هالقطع المشهيه ابو الشباب حيبطل زعلان :) دودو اليوم جوزي خلص العلبه هههههههه علبة النوتيلا مدمن بياكلها بالمعلقه ام عبد الله هلا نورتي انا عمري 24 قررت نااعمل شي بخلي جوزي يروح ويجبلي بسكوت بجيت لانو ماما جايه بعد العصر مش بعد المغرب ومو باقي وقت مره تانيه بجربها الطريقه يادودو شكلها سهله ولزيزه :) |
رد: دردشة بنات فلسطين* دردشة حوامل فلسطين* تجمع بنات فلسطين
حبيبتي احساس ، لا رضي من قبل الكيك *قلبه ابيض ناسي انه طلع زعلان اصلا هههههههههه
بكرا الفلنتاين دااااي بتحتفلووو فيه ولا طناااااااااش زيي ؟؟ |
رد: دردشة بنات فلسطين* دردشة حوامل فلسطين* تجمع بنات فلسطين
حيفا
يم يم يسلمو هالديات شكلها بيشهي الله يخليكم لبعض ياااااارب وين بدو يلاقي معدلة متلك ؛) انا اول سنة زواج احتفلت بالفالنتاين بس السنة شكلي طناش يمكن نطلع نتعشى برا ونتمشى وهيك بس احساس اه كتير سهلة وطيبة وبتنفع وقت الزنقات لما حدا بنفس اليوم يقللك انا جاي ههههه المرة الجاي جربيها كتييييير طيبة ادمان انشالله بتنبسطي مع مامتك :) |
رد: دردشة بنات فلسطين* دردشة حوامل فلسطين* تجمع بنات فلسطين
دووودو حبيبتي تسلميلي
لا مش كتير معدله يعني من عشر مرات بعمل فيها حلو بتزبط مرة ، ما بعرف ليه هههههههه وبالنسبة للفلنتاين انا مرة وحده اجتلي هدية فيه من صديقتي ، انا ما عمري اهديت حدا ولا احتفلت فيه |
| الساعة الآن 06:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .