المشاركة الأصلية كتبت بواسطة muaa (المشاركة 2471810)

مساكم ورد يا بنات
رجعتلكم بالاكشن طبعا بس الاول بشكر كل اللى باركولى وبقولهم عقبالكو يارب وربنا يرزق جميع الحوامل بولاده سهله وميسره يارب ويفرحو بشوفة النونات العسل
الان الى الاكشن بالتفصيل

طبعا يابنات انا الاسبوع اللى فات كنت بسال عن الافرازات الكثيفه دى وكتير من البنات نصحونى اروح للدكتوره المهم صحيت يوم السبت واحس ان فى مويه فى الاندر وغيرت ونمت تانى عادى وصحيت ع الضهر واحس برده بنفس المويه وكمان مالهاش لون ولا ريحه ولا اى حاجه صحيت زوجى وقولتله بنطلع ع المستشفى وروحت هناك ع الطوارئ وحاطونى ع التخطيط وانا بمل من التخطيط ده المهم لقيت نبضات الجنين ضعيفه وفورا حجزونى بالمستشفى واستمريت ع التخطيط اكتر من ساعتين وركبولى مغذى والحمد لله اتظبط النبض بس قالولى لازم افضل فى المستشفى كام يوم لانى قبلها بكام يوم كنت هناك علشان برده نبضات البيبى كانت ضعيفه وطبعا كانو يركبولى التخطيط مره الصبح ومره المغرب والحمد لله عدى اول يوم على خير والدكتوره قالت ان المويه دى مجرد افرازات مش اكتر وتانى يوم الصبح ركبولى التخطيط ونبضات البيبى نزلت فجأه ولمده طويله وصارت حالة قلق بالمستشفى واتجمع حولى اكتر من 10 من الدكاتره وبسرعه ركبو المغذى وعايزين يعملولى عمليه وانا من شوفتهم خوفونى كتير وابتديت ابكى واقولهم مش عايزه عمليه وقولتلهم خلاص بتصل بزوجى ييجى الاول بصراحه كنت عايزه استنى شويه يمكن تتظبط نبضاته وقولتلهم يدونى طلق صناعى واذا البيبى نبضاته نزلت تانى بيدخلونى عمليه بس ما وافقوش بس الحمد لله بعدها نبضات البيبى اتظبطت تانى وجت دكتوره قالت خلاص مفيش داعى للعمليه وبتفضلى تحت الملاحظه وروحت طب الاجنه عملت صوره علشان يشوفو الدم الواصل للجنين وفى المغرب عملت التخطيط التانى والحمد لله تمام واتانى يوم الصبح التخطيط تمام والمغرب كان نازل بس بسيط قالو بكره بنعيده وبتعملى صوره تانيه علشان يتاكدو ان المويه كويسه حول الجنين ويوم التلات الصبح عملولى تخطيط وكان تمام الحمد لله قولت للدكتوره تدينى طلق صناعى لانى مليت وكنت اخاف نبضاته تنزل مره تانيه ويقولولى عمليه بس هى ما وافقتش وفى المغرب عملت تخطيط ونزلت النبضات تانى ونفس الدكاتره اتجمعو حواليا وطلعونى على غرفة الولاده وركبوا المغذى وبرده قالو عمليه وانا ابكى واقولهم عايزه طلق صناعى والتخطيط شغال اذا حصل شئ بعمل العمليه على طول قالو ماينفع طلق صناعى لانه بيأثر ع البيبى وهو اصلا تعبان وجت دكتوره تانيه ربنا يكرمها كلمتنى بطريقه كويسه وكانت تهدينى وقالتلى بكشف عليكى قولتلها ماشى لقت مفتوح 3 سم قالتلى بفتح كيس المويه وننتظر اذا البيبى كويس لحد مايجيلك طلق اوكى ولو نزلت نبضاته عمليه قولتلها ماشى وفتحت كيس المويه وكانت الساعه 7,45 دقيقه بالظبط طبعا اتصلت على زوجى ييجى ويجيب شنطة البيبى وكل شئ قولتله بولد وهو كان لسه بيفطر واتصدم ومش مصدق طبعا المهم ماجاش طلق ولا حسيت بحاجه لحد الساعه 8,15 بدأت احس بالم خفيف وزوجى كان وصل وقاعد جمبى يقولى خلاص اعملى العمليه قولتله خلاص اول ماتيجى الدكتوره هقولها موافقه وجت الساعه 8,30 ولقيت الطلق زاد وقوى جدا بييجى كل 7 دقائق او اقل تقريبا وجت الممرضه وادتنى الاوكسجين وسالت القابله انا هولد امتى قالتلى لسه بدرى ممكن للصبح وانا خلاص يابنات مش قادره الطلق بيزيد مش بيوقف والاوكسجين مش عامل حاجه والساعه 9,30 جت قولتلهم خلاص انا هعمل عمليه لان الطلق كان صعب اوى وقولت للقابله انا عايزه اروح للحمام فاستغربت وراحت قالت للدكتوره جت الدكتوره قالتلى بكشف عليكى وسبحان الله لقته مفتوح 8 سم والله انى اتصدمت وزوجى اتصدم وكل الموجودين وقالت ولاده وانا مش قادره من الوجع واستغفر ربنا وادعى وزوجى جمبى يدعيلى وكان يبكى علشانى وكلهم يقولو يلا ادفعى ونا ادفع والوجع مش بيتوقف خالص وقالو خلاص الراس ادامنا ادفعى وراحت السيستر تجيب مخدر وقولتلها هتعملى ايه قالت هوسع قولتلها لا ودفعت بكل قوه والحمد لله خرجت الراس وبعدها على طول خرج البيبى كله والحمد لله وكانت الساعه وقتها 10 بالظبط يعنى يابنات ولادتى كلها خدت اقل من ساعتين
وقعدت ابكى واحمد ربنا واشكره كتير والبيبى اول ما شفته نسيت كل حاجه والحمد لله انه بخير لان الحبل السرى كان لافف على رقبته بس الحمد لله كان بخير وخدته فى حضنى ونسيت كل شئ
وكل الدكاتره والممرضات استغربو كتير من ولادتى وقالولى ما شاء الله ولاده سهله وسريعه
بس يابنات والله ان الصراخ ما يفيد انا الحمد لله ماطلعت صوت وكنت بوفر كل قوتى فى الدفع بس والحمد لله على كل شئ وعقبال كل الحوامل يارب
اسفه طولت عليكم بس حبيت احكيلكم بالتفصيل الممل

المشاركة الأصلية كتبت بواسطة faith-berry (المشاركة 2471947)

المشاركة الأصلية كتبت بواسطة وميض النجوم (المشاركة 2472074)

الحمدلله خلصت وجهزت كل شيء بس بقى اغراض الصيدليه وعلى فكرة الي يدورون على اثواب للبيبي مثل هالأنواع

http://forum.hwaml.com/imgcache2/hwa...638450_928.png

في بمحل مولودي روووووعه اشكال متنوعه وكثيرة واسعارها حلوه حوالي ال 15 وال 10 وطبعا مو كل الملابس قطن لازم تدورون زين انا دورت وصراحة القطن مره مره ناااااااااااعم ومريح