|
رد: ماردة فعل زوجك عندما علم بحملك؟؟؟
اني كنت عندي التهاب بسيط ورحت للدكتورة وانطتني ابر مال التهاب وكالت اذا حامل ميصير تاخذيهن فسويت تحلييل
وكالت انة ممبين بس يمن اكو حمل وتعالو ورة اربعة ايام وعيدو التحليل ورحت وعدت التحليل وكنت اني وحبيبي في السيارة وكانت صديقتي وياية وامي راحت امي جيبة من السيارة كنة ننتظرهة اجتي وجابت التحليل وكالت ماكو حمل بس كانت مبتسمة وانطتني التحليل وكالت طلعتي حامل وزوجي من الفرحة عاد الكلمة اكثر من 3 مرات علة امي انة صحيح حامل وراح وحضن امي من الفرحة ورجع علية وحضني وكام ميخليني منا لهنا اطلع يخاف علية ولو طولت عليكم بس هاذة كلشي |
رد: ماردة فعل زوجك عندما علم بحملك؟؟؟
انا حملت عن طريق التلقيح والحمدالله كل شي تمام بعد اسبوعين من التلقيح
رحت اسوي تحليل حمل ودكتوره متحمسه تقولي استني وترتيني ههههههه بعدها جاتني الام الدوره بس قويه دخلت لها قلت لها مو حامل قالت وش دراك قلت فيني الم الدوره قالت لي اجلسي على الكراسي تفشلت بعدها زوجي اتصل علي من المختبر يقولي مبرووك حامل ماصدقته قلت الدكتوره تقولي ههههههههه بعدها يوم الدكتوره قالت لي زوجي من الوناسه شوي ويبوس الدكتوره ههههههههه قهرني يصافحها وحالته لله هع طولت عليكم سوري |
رد: ماردة فعل زوجك عندما علم بحملك؟؟؟
الشهر الثالث من زواجي زوجي ماصبر لأنه شاف علي علامات حمل واضحة وبيوم الدورة الصباح رجع من الدوام بدري وجايب معاه تست الحمل
دخلت الحمام اسوي التست وهوا نام على السرير وحسيتو متلخبط ودو اكون حامل بنفس الوقت خايف يتعشم المهم أنا سويت التحليل وطلع معي خط ثقيل وخط خفيف شكيت بالموضوع طلعت لزوجي قلتلو شكلو مافي حمل لأن في خط خفيف اخذو مني وقالي في حمل قلتلو لاتخليني أتأمل شكلو مافي بعد يومين جاب لي تحليل ثاني دخلت سويت لقيت الخط صار اثقل اول مافتحت باب الحمام لقيتو واقف قدامي ينتظر وأنا كنت مبتسمة اخذ مني من دون مايسأل وقالي وهوا فرحان صفاااااء انتي حاااامل وعيونو فيها دمع وظل لفترة مو مستوعب احسو شارد بالتفكير يقولي مو مصدق حجزلي بنفس اليوم ورحنا المستشفى سوينا تحليل دم وثاني يوم راح استلمو لوحدو ع الظهر ودق علي قالي خلاص بنصير ثلاثة أنا بصير اب وانتي ام وبنفس اليوم رحنا لأهله ومعنا جاتوه وفاجأناهم بالخبر خاصة انو رح يجيهم الحفيد الاول وصار عمي ابو زوجي يوصيني اشرب حليب وانتبه لنفسي وحماتي تأكلني فواكه ومهتمتلي مررة وطبعا انا كنت مع امي خطوة بخطوة يعني اهلي كانو عارفين من البداية لكن رحتلهم ثاني يوم وبرضو اخذت معايا جاتوه وطارو من الفرح رغم انو اللي جاي حفيدهم السادس مشالله تبارك الله ههههههه وبس بعدها زوجي صار يخاف علي اكثر من اول لدرجة لما نكون عند اهله أنا بالعادة اساعد اخته وامه صار يقول لأمه واخته لا تتعبوها ولا تخلوها تشيل اشياء ثقيلة ولما يوصلني عند اهلي بابا يسلم عليه عالباب يقوله عمي لاتخلو صفاء تشيل شي ثقيل هههههههه بابا يقوله قبل لاتحمل ماكنا نخليها تشيل ثقيل مسكين زوجي من خوفه عليا مع انو يعرف اني مدلله عند اهلي وصار مستعجل وده نجهز للبيبي ووده يشتري لي ملابس حمل وانا اقوله لسا بدري ونفسه كمان تجينا بنت مو ولد ههههه وبس اتمنى ما اكون طولت عليكم وربي مايحرم هذه الفرحة لاحد يااارب وربي يكمل حملي على خير ويكمل فرحتي بشوفة مولودي معافى سليم أنا وكل الحوامل |
رد: ماردة فعل زوجك عندما علم بحملك؟؟؟
والله قصصكم مرة حلوة هههههه
أنا لما حملت كان بعد زواجى بسبعة أشهور وكل شهر زوجى يسال ليش ماحملتى وكان الامر بيدى هههههههه وأهله كانوا يسألو والناس لى نعرفهم ولما تأخرت الدورة فى الثامن شهر منا ننقل من عند أهلة لشقتنا قلت يمكن مع التعب تأخرت وبعدين رحت المستوصف وحللت وطلعت حامل وفرحنا وبس ولحين فى الحمل الثانى والله يتمم على خير |
رد: ماردة فعل زوجك عندما علم بحملك؟؟؟
الموضوع حلو والسواليف حلوه ..
بس انا غير عن الكل لاني ماكنت ابي حمل الا بعد كم شهر يعني ع الاقل ست شهور بينما هو كان مستعجل مره ..بالرغم انو دورتي مو منتظمه وفهمته اكثر من مره انو اذا مو منتظمه الحمل غالبا مايجي بسهوله .. بس كان مصر ولما يقرب مني اتهرب منه اخاف احمل بس كان يجبرني ساعات اكون ابكي بس مايهتم كل همه اني احمل وبس !! كل ما اتذكر عيني تدمع لاني كنت اتضايق منه وهو مافكر وتكلمت معه ع اساس ينسى فكرة الحمل لفتره وهو يقول اوك مو مشكله مو مستعجل يسكتني بس .. بعد الزواج بشهر ونص جاتني الدوره .. وهو فاهم التبويض ووقته وهالشغلات وانا اقول له مو منتظمه ريحني بليز .. بس اصر اصلح تحليل وصلحت مره بالمستشفى ومره تست حمل بالبيت وكلهم مافي حمل .. تحطم ويوم من الايام قال ماصار يهمني عااادي لانو اقتنع مافي حمل قبل التنظيم !! وقررنا انو نطلع الحج ..وبدينا في الاجراءات وكل مره امي تتصل تقول لاتطلعين قبل ماتحللين حمل يمكن ربي يرزقك ومافي شئ يصعب على ربي .. ولو مافي حمل خذي حبوب منع الدوره .. ورحت عملت تحليل حمل والنتيجه قالوا بعد يومين عشان الزحمه وسحبت عليه اسبوع وبعد اسبوع اخذنا النتيجه وطلع مافي حمل .. وكملنا الاجراءات للحج وطلعت التصاريح ودفعنا وكل شئ وجهزنا انفسنا للطلعه !! بس خلال هالفتره تعبانه عندي الام دوره ومانزلت 3 اسابيع وقمت استخدم خلطات وخرابيط .. بعدين قلت يمكن فقر دم ورحت المستشفى اصلح تحليل وهو وراي يزن يقول اعملي تحليل حمل معاه وانا اهاوشه اقول تو مالي اسبوع من اخذت النتيجه مافي حمل روقنآ .. بعدين كسر خاطري قلت لازم اجبر بخاطره واسايره وفي السياره قلت جيب تست حمل من الصيدليه !! رجعت نمت والصباح قمت عشان اخذ دش وعملت التحليل قبل .. وطلعت النتيجه حمل وجلست ابكيييييييي بكيت لين وجعني راسي وطلعت من الدش وانا ابكي والاخ نااايم مايدري عن شئ وسمعني وقام يفكرني تعبانه وقمت اصارخ وابكي وانا منهاااره اقول طلعت النتيجه حمل قال طيب اش اللي يخليك تبكين كذا قلت كيف وانا اخذت لقاح الحج ماتخاف يصير له شئ!! وايقول هدي حالك ان شاء الله مافي شئ وانا اقول انت كذاب ماتحبني يقول الا احبك وربي ويحلف يقنعني وانا اقول كذاااب لانك مافكرت فيني وفي رغبتي كل همك تسوي اللي براسك .. وانا مقهوره بس لاني حملت هو طلع برا الغرفه سجد ودخل النت يبحث عن اضرار اللقاح !! وجاء طمني وطلع يجيب فطور ..اخ كيف البرود اللي فيه قهرني .. اتصلت بامي وابكي وهي تقول كذا تبشريني !! احمدي ربك والغي موضوع الحج .. وهو نفس الشئ فكر نفس التفكير بس رفضت قلت لاتفكر بطلع لو اموت بطلع .. و نبهت عليه مايقول لاهله عشان مايقولون لاتطلع الحج .. ماعطيناهم خبر الا يوم الرمي ..وعادي جدا سارت الامور طبيعيه والحمدلله .. الحين يوم احسه يتحرك بموت متى اشوفه بس .. المعذره طولت عليكم بس بجد تحمست .. |
رد: ماردة فعل زوجك عندما علم بحملك؟؟؟
انا بقيت ست اشهر بعد زواجي بدون حمل وبعدها قبل موعد الدورة بيوم حللت بشريط الحمل طلع خط خفيف وثاني يوم رحت حللت دم وطلع حمل بس خفيف لان موعد الدورة بعده فخابرت زوجي وكتله عندي بشاره الك راسا عرفها وكالي انتي حامل وفرح كثيير كال انه اجاني احساس اول ماشفت رقمج انه انتي راح تكولين الي اني حامل وحاليا انا بالشهر السادس ويوم اللي اخذت سونار وطلع ولد للصبح مانام من الفرحه وهسه يحسب يوم يوم على موعد ولادتي يارب احفظلي زوجي وابني احمد امين
|
رد: ماردة فعل زوجك عندما علم بحملك؟؟؟
أنا حملت بعد الزواج بشهرين
نزل علي أفراز لونه بني بأيام التبويض وحللت منزلي بالبيت قبل الدوره بيومين زوجي كان بالعمل طلع للعمل ورحت أحلل لقيته خطين اتصلت له بشرتهً ورجع من العمل ورحنا ع المستشفى ع طول وحللت وطلعت حامل اول ماطلعت من الدكتوره هو يسألني ها شقالت ؟؟ قلت له بخجل حامل باس يدي وحضنني وقام يصارخ قدام الناس انا احبك ومسك يدي ورحنا السياره وكلما يمشي يقول للي يمشي جنبنا هدي بالك ترى مرتي حامل هههه |
رد: ماردة فعل زوجك عندما علم بحملك؟؟؟
ااااه بس ليت ذيك اللحظه ترررجع
كااان حممممممممممممممممممماااااااااسسس حملت بعد زواجي باربع اشهر حللت عند اهلي لمن شفت خط غامق وخط فاتح فرحت قلت بسوي مفاجآه لزوجي بدخله بعلبه واغلفها واعطيه لان كان يتمنى يجي هاللحظه ولمن جا اخذني من اهلي قال جبت لك اختبار حمل اول ماتوصلين تتحللين قدامي تحطمت وخربت المفاجآ لمن وصلنا البيت حللت غصب مع ان كان نفسي اسوي مفاجاه المهم لمن شاف النتيجه شاااااق وجهه من الابتسامه وطول الوقت يقول ماصدق وخلاني احلل دم 3 واختبار منزلي 4 ههههههههههههههههههه فديتتهه |
رد: ماردة فعل زوجك عندما علم بحملك؟؟؟
لما اتاخرت الدورة كنة خايفين وكان زوجي ايردد
ما ابيج تحملي خوفا علصحتي لان قبل ثلاث شهور ولدة تؤام بعملية قيصرية وفقدتهم ولساتنة حزنانين عشانهم وماكدرنة نتقبل الحمل مثل الاول بس الحمد لله عوظنة وسلمنة امرنة لله هوة ارحم بحالنة وفرحانين بس نص ونص |
رد: ماردة فعل زوجك عندما علم بحملك؟؟؟
يازين قصصكم ماشاء الله الله يسعدك وتشوفون بيبيهاتكم في احضانكم يارب انا بكريه ومن يوم الزواج متفقين انا وزوجي ناجل فكره الحمل لبعد سنة عشان دراستي وبعد شهرين من الزواج صار يزن عليا يلا نبي نونو ابي اصير اب وانا مطنشه ماعطيته فرصه وبعد شهر اقتنعت وقلت يلا اذا ربي بيكتب لنا ليه احرمه وصار كل شهر لما تتاخر دورتي يجبلي تست ومره جابلي تستين قلي هذا لها الشهر وهذا للي بعده فديته مشفوووح على الاطفال وفي الشهر السادس من زواجنا سافرت عند اهلي بجده والدوره تاخرت عليا طبعا ماجا على بالي اني اكون حامل وامي شكت في الموضوع وجابتلي تست وسويته وطلع خط خفييييف مره يدوب ينشاف فقلت خلاص مو حامل واستنيت الدوره وحبيبي كل يوم يسالني ها جات الدوره واقوله لا وبعدها امي ماانتظرت ودتني المستشفى نسوي تحليل وطلع بعد ساعتين ورحت تستلمه وانا استنيت في الانتظار وقعدت تقرا ومافهمت شي راحت للدكتوره تشرحلها وجاتني تقولي مافيه حمل بس كلمي الدكتوره تبيك تحمدت الله علي كل حال وخلاص اقتنعت ودخلت الا الدكتوره تقولي مبرووك انتي حامل عاد انا وجهي صار كدا hwaml96 ومو مستوعبه ابدا حتي رجلي ماشالتني وقعدت واقولها انتي تقصديني انا وتقولي ايوه انتي واقولها انا وشو تقولي انتي حامل وطلعنا وامي كانت ناويه تبشر الحبيب بس قلتلها لا لا خليه ابغي اشوف الفرحه بعينه لما ارجع اقوله وكلمته وقلتله ان الدوره جاتني عشان لايستنئ وقبل اسافر اخذتلي علبه وشوز بيبيهات وكتبتله ببطاقه _ بابا انا جاي بعد تسع شهور انتبه لماما ولا تتعبها - واول ماوصلت البيت اعطيته الهديه وقلتله هذي هديتي بمناسبه ترقيتك وفتحها وماشال عينه من البطاقه وهو ساكت ومااشوف الا دموعه تنزل وقلي احلفي قولي والله قولي قسم وانا احلف وهو مو مصدق ولا مستوعب وقام سجد وزغرط هههههههههههههه وشالني لعند امو يبشرها وطول اليوم يحلفني باقي مااستوعب فديتوو والله يهنينا بشوفته بين احضانا يارب وبس طولت عليكم hwaml83 |
| الساعة الآن 05:56 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .