المشاركة الأصلية كتبت بواسطة leka (المشاركة 1604796)

صياح الخير كروشات
ام عائشه ربنا يشفيك ويعافيك
غنو ربي طمنك عليهم وما تشوفي فيهم شر ابدا يا رب
شنتورة ام منصور خجل صباح الخير
ام رفا كيفك معلش حبيبتي انا شفت من توقيعك انك سبقاني بيوم ودي تجاوبيني حركة البيبي اللي في الشمال قلت هل دا عادي وهل الافرازات البيضاء زادت وجزاكي الله خيرا

المشاركة الأصلية كتبت بواسطة رضاك ربي (المشاركة 1605400)

تسلمون جميعا وربي يبارك فيكم والسموحة ما قدرت اشارك وارد عليكم وحدة وحدة
ندوي اليوم متعبتني وما اتركها لحظة حتى ما تصيح برايكم اقدر اعودها بهالعمر (شهرين ) على اللهاية لان الطبيب نصحني فيها قالي بتهدي الطفل اللي مثل ندوش على قولة ام منصور تبي اهتمام زايد عملت بنصيحتكم وحطيت العملة المعدنية برغم ان الطبيب قالي انها ماتفيد بشي

سلامات وماتشوفون شر اللي اخبارهم اليوم مو كل ولابد معافيين وربي يقر عينكم بالسلامة والسعادة

متابعتكم وما استغني عن لمتكم واخباركم

المشاركة الأصلية كتبت بواسطة الوردة النرجسية (المشاركة 1605494)

رضاك ربي الله يعينك مو سهل حاليا تعوديها على الاهايه وأني بناتي بيكو كثير إذا كنت خصوصا كنت اسوق ودورو راسي وأنا في شارع وفي النهايه أستسلم وأخذ وحده عندي وزوجي ألومني أقول لي تجاهليهم بس أعورني قلبي ما أقدر أتجاهلهم ما أقول الله يهديهم وصلح أمر .

المشاركة الأصلية كتبت بواسطة ام رفا (المشاركة 1605555)

رضاك ربي كيفك وكيف البنات حبيتي الرباط ممكن ينحط لوحدو وممكن ينحط في وسطو العملة المعدنية عشان العملة تثبت لابد تمسكيها باي رباط ولو ماعندك انت قصي شريط طويل طوله تقريبا نص متر وعرضه اربعه اصابع ولفية حولين بطنها والعملة لاتحطيها مباشر ع السرة عشان لاتضايقها حطيها فوق القماش

اما الدكتور لما قال الحلقة المعدنية مابتنفع اعتقد بيوقصد تركيب حلقة في السرة من الداخل كعملية انا اعرف وحدة مركبه حلقة عشان عندها فتاق بس كعلاج بس مادري على طول او علاج موقت بصراحة المعلومة مو متأكدة منها اسالي

المشاركة الأصلية كتبت بواسطة ام رفا (المشاركة 1601930)

غلا كيفك حياتي
ان شاء الله يعيطك ربنا اللي تتمنية وتحملي بسرعة وكثري الاستغفار

معليش ع السؤال انت بتتعالجي ولا لسا

المشاركة الأصلية كتبت بواسطة غنو حياتي (المشاركة 1604931)

صباح الخير

اتمنى تكونو كلكهم بصحه وسلامه يارب
ويارب تطمني يا رجواي على تونزاتك وتجي تطمنيننا ان شاء الله

كروشات

بقولكم ايش صار معي بالموعد امس
رحت الموعد وانا قلقانه بزياده وخايفه وكنت من اليوم اللي قبله بحاله نفسيه سيئه جدا
دخلت عالدكتوره واول سؤال كان منها كيف البيبهات قلت الحمدالله حاسه بحركتهم بس بيبي انشط من بيبي

طبعا قبل شهرين تقريبا كنت بزياره لها وقالت لي ان نبض البنوته ضعيف وعمات تحاليل واليوم اللي بعده رجعت لها وقالت اتحسن
انبسطت الحمدالله بهذاك الوقت وسرت افكر على طول ان البنت هي اللي تعبانه وبكل موعد كنت اروح كنت اطلب منها تشوف لي البنت وتطمني

الولد طول حملي وهي تقول لي انه بالجهة اليمين لاسفل وكنت احس بحركته اقوى من بدايه الحمل والبنت الجهة اللي فوق يسار والحركه عندها ضعيفه

امس اول ما بدت السونار كالعاده بدت تحت واخذت القياسات وشفت القلب ينبض وانبسطت بس كنت ابغاها تخلص بسرعه وتبدا بالبنت
اخذت القياسات وقالت البيبي الحمدالله بخير

طلبتها عالثاني واول ما بدت قالت بصي انا حقولك حاجه انا جمدت لاني اخاف دائما لما تبدا فوق قالت البيبي دا ضعيف ويكاد مافيه نبض ومش حيكمل
انصدمت بس ما بكيت
مع انه بكل موعد من بعد ماتعبت البنت كانت مجرد انها تبدا فيها وتقول لي تمام ابكي من الفرحه
هذه المره ما بكيت لما قالت مش حتكمل

قمت وجلست معاها وقالت انصحك تفتحي بمستشفى حكومي لان الحضانات كويسه
ولان الرحم ممكن يبدأ يرفض الجنين اللي راح يبدا بالتلاشي
وهذا راح يسبب لك طلق وولاده مبكره


صدمتني مره وانهرت


قمت بروح وما ادري ليه سالتها دكتوره اللي ماراح يكمل البنت

قالت لا الولد

بكييييت اكثر

مو لانه ولد ,,ما ادري ليه اتعلقت بالبنت من لما تعبت
وما كنت اهتم بالولد او اتكلم عنه

بس ما قدرت بوضعي اسالها:

انت من اكثر من شهر وانت قلتي لي ان البنت هي التعبانه وانها هي اللي فوق
كيف تقولين لي الولد هو التعبان؟؟


اللي مصبرني انه حاسه بالحركه اليمين قويه واللي فوق خفيفه بس حاسه

معقوله احس حركه البنت فوق وتحت ويمين
والولد صح ما يتحرك

بنجن من التفكير

بس موكله امري لربنا
وان شاااء الله قادر ربي وكريم يخيب كلامها ويكذبه
ويسلم لي الاثنين ويكونو بصحه وبعافيه

ان شاء الله بروح اليوم لدكتوره ثانيه وبشوف ايش راح تقول لي

وانا رااااضيه ومقتنعه بلي راح يكتبه ربنا
وكلي امل بالله ما يخيب لي رجاء ولا يضيع لي تعب