استفسار عن كيس الحمل
 

يعطيكو العافية بنات انا جديدة معكو و بتمنى تجاوبوني و تريحو بالي

انا اخر دورة اجتني ب13-5 يعني كان مفروض تيجيني ب13 -6 لكن ما اجت بعد 5 ايام تأخير حللت و بان خطين غامقين اخدت عينة عالمختبر و حللت حكتلي في حمل بس بداية لسة
روحت للدكتور حكالي الكيس صغيييير لسة بداية راجعي بعد 10 ايام و اعطاني فوليك اسيد و مثبت حمل
و تابعت فيهم و كان فيها وجع ضهر و وجع صدر و تقل و وجع اسفل البطن و دوخة و لعية نفس الصبح و اوقات متفرقة بتيجي و بتروح و كرهت انواع اكل كنت احبها
و بعد 5 ايام من روحتي للدكتور رجعت اخدت عينة عالمعمل حكتلي اللي بتحلل تمام هرمون الحمل صار قوي و تمام التمام
المهم امبارح كان موعدي مع الدكتور روحتلو حكالي الكيس مش مبين !
حكالي يمكن ما في حمل و حسب حكيو قال المثبت بيمنع الدورة معقول صح ؟؟
و بيقولي الاعراض عندك وهم
حكالي خلص وقفي الادوية و احبطني كتير :( و حكالي استني تيجيكي و ازا بدك تتأكدي من كلامي روحي حللي دم مش حتلاقي حمل
فقدت الامل و بكيت و تدايقت بس زوجي ريحني و حكالي تعالي نحلل دم
روحت حللت دم رقمي طلع هرمون الحمل عالي 5017 و اللي بيحللل حكا الحمل قوي و ممتاز جدا جدا

طيب ليش مش مبين الكيس هل لسة بدري ليبان ؟. ولا عادي؟
صرت اقرأ عالنت و شكيت بحالي انو ممكن يكون حمل خارج الرحم بس بيحكولي الو اعراض مغص و نزيف و انا ما معي اي اشي من هادول الاعراض !

طيب تحليل الدم عالي و بيقولو فوق ال 5000 لازم يبين بالتصوير شو رأيكم يا جماعة ريحوني رجاءااا

كمان شغلة هل ممكن يكون فش حمل و يكون المثبت مأثر عنتيجة تحليل الدم ؟؟

رد: استفسار عن كيس الحمل
 

حبيبتي غيري الدكتور وانتظري مرات يتأخر كيس الحمل ميبين بسرعة ويارب تطمنينا عنج وتكوني حامل وتشوفي كيس الحمل ان شاء الله

رد: استفسار عن كيس الحمل
 

شكرا الك كتير طيب اسمعتي عن الحمل خارج الرحم ممكن يكون عندي لا قدر الله ؟؟ طمنيني ازا بتعرفي

رد: استفسار عن كيس الحمل
 

حبيبتي اولا غيري الدكتور شكلو ما يفهم شي بالطب هههههه وثانيا ممكن يكون عندك الرحم مقلوب وهون ما يبان كيس الحمل الا بالسونار المهبلي يعني ما يبان بسونار البطن وبالنسبة للادوية لا توقفي شي واستمري عالمثبتات وكل شي علشان ان شاء الله بكون في حمل وتكوني محافظة عليه وروحي افحصي عند دكتور ثاني وطمنينا وموفقة حبيبتي

رد: استفسار عن كيس الحمل
 

نسيت اقول انو الحمل خارج الرحم يبان بالسونار ولو كان في حمل خارج الرحم كان صار نزيف والام ومشاكل وكان نزل لوحدة وما كانت نسبة الحمل مرتفعه طبعا بعيد الشر عنك لا تفكري بشي واهتمي بحالك وتغذيتك وروحي شوفي طبيب تاني

رد: استفسار عن كيس الحمل
 

حبيبتي ريماس الله يريح بالك شكرا كتير الك ريحتيني كتير الله يسمع منك انا حروح لدكتورة تانية و ان شاء الله باقولكو شو صار معي للخبرة
شكرا كتير

رد: استفسار عن كيس الحمل
 

حبيبتي الف مبرووووووووووووووك ان شاء الله حامل لان النسبه ما شاء الله حلوه ..

بتكوني تقريبا حامل في شهر ونص !!!! لان يحسبون من اخر دورة ^^

حبيبتي روحي لـ دكتورة ثاااانيه نصيحه ...

انا في حملي رحت لدكتوره قالت مو مبين الجنين ... اليوم الثاني بالضبط رحت دكتورة ثانيه وشفت الجنين ...

حبيبتي اذا بتسوين فحص البطن لااااااااااااازم تكون المثانه ممتلئة جدا عشان يبين

اما لو فحص داخلي تكون المثانه فاضيه .... ورجعي بشرينا ^^

رد: استفسار عن كيس الحمل
 

شو صاااار معك طمنييناا

رد: استفسار عن كيس الحمل
 

الله يكتبلك اللي فيه الخير

وتبشرينا ونبشرك بالحمل

رد: استفسار عن كيس الحمل
 

طمنينا عنك
الله يبشرك بالحمل السليم والمعافى