منتديات حوامل النسائية - يآهلا بيه وبقدومه فيصل اسعد الكل بوجوده

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

- - يآهلا بيه وبقدومه فيصل اسعد الكل بوجوده (https://naqatube.com/showthread.php?t=117768)

يآهلا بيه وبقدومه فيصل اسعد الكل بوجوده

مسآء الخير ياحلى حوامل ونفوسات
الحمدلله كما ينبغي لجلال وجهه وعظيم سلطانه
حبيت ابشركم اني ولدت وجبت احلى فيصل
عسى ربي يبارك فيه ويبلغنا بره ويجعله من حفظة كتاب الله
طبعا كانت آخر دوره لي في 15 رمضان
وكنت مشتاقه للحمل خصوصا اني جلست خمس
سنوات بعد ماولدت ولدي والحمدالله كان الحمل من الشهر
الاول لحد السادس ماشي زي الفل ومع السابع لحد ماولدت
بدأ معي الم الظهر الي مايحتمل وشد في اضلاع صدري
والي زاد الطين بله انه طلعت لي بواسير اول مره تجيني
الموهم ان دكتورتي قالت تاريخ الولاده المتوقع في 2012/5/18
وهجري في 1433/6/27 وكنت حاسه اني ماراح اكمل التاسع
وبالفعل بدا الطلق معاي يوم السبت الي طاف 6/14
بس خفيف واستمر لحد يوم الاثنين وكان يوم الاثنين حفل تخرج
ولدي في التمهيدي وكان معاي الطلق حاااامي لدرجة ان ولدي
ينزف وانا اكلم زوجي يرجعنا البيت ورحت البيت واكلت بس تمر
وقالي زوجي يالله اوديك المستشفى ورفضت خفت منهم يجلسون كل شوي كشف
واتحملت الألم لحد الساعه 6 ونص الصباح وصار الطلق كل خمس دقايق
وقمت تحممت ولبست وع المستشفى دخلت وكانت الساعه7 ونص دخلت ع الطوارئ
قالت بناخذ دم علشان التحليل وشافت نبض الجنين قالت ممتاز وعملت لي كشف من تحت
قالت الرحم مفتوح4سم قالت كويسً ولاده قال زوجي كما يبيلها لحد ماتولد قالت الدكتوره يعني 4 ساعات
ان شاءالله وطلعوني غرفة الولاده وكان بود زوجي يدخل معاي غرفة الطلق بس رفضوا قالوا بس حريم
لان مامعاي الا الله ثم زوجي وكان خايف عليه مرره المهم ولبسوني لبس الولاده والحمدلله كان مقفل وقصير مو من الي مفتوح
وحطولي مغذيً وجهاز النبضً والطلق وصار الطلق باااارد يعني تخيلوا دخلت 7 ونص لحد الساعه 10 وزاد سم واحد بس ومن 10 الصباح لحد الساعه 3 كما 1سم انا خلاص انجنيت من الالم والرحم مو راضي يفتح وصل 6ً ووقف وكل شوي يفكون الطلق والمغذيً ويقولوا امشي بس احسن شي انهم مايكشفون كثير يعني جلست اطلق عندهم 8 ساعات ونص وماكشفوا عليه الا 3 مرات وكان تعامل الممرضات روووووعه بالذات وحده جلست تسوي مساج لظهري وتمسك على بطني وتقرا عليه وكانوا فلبينيات بس لما جات تكشف قالت عنق الرحم سميك والراس مرتفع فوق والبيبي نايم قلت ياربي مو وقت النوم كانت الممرضه كل شوي تقول يلا يابيبي اصحى علشان تطلع وكل شوي يحطوني على جنبي وكان الالم شديد قالت علشان يصحى البيبي وتنفك المويه وع الساعه 4 قلت لها بليييز افتحي موية الراس خلاص مو متحمله قالت بعطيك مسكن وانا متأكده انه مو مسكن كان طلق صناعي لدرجة ان الالم صار ورا بعض وكنت بموووت وحسيت ان رجولي وظهري انشلوا من شدة الالم وجات الدكتوره وجابت معها انبوبه نحييفه مره ودخلتها وفتحت المويه والممرضه كانت تضغط على بطني بشويش وتنزل البيبي ع تحت وحسيت بالمويه لما نزلت وياااااالله كنت اصرخ من الالم بدون ماحس
وصرت ادفع لاشعوري وع طول حطوا رجولي على وضعية ولاده والحمدلله دخلوا رجليني بقماش وستروا بطني وتجمعوا الممرضات حوالي 6 ثنتين ماسكين رجولي والبقيه ينتظرون وصول وليً العهد ودفعت مرتين الا وفيصل حياتي طلع وصراخ في الغرفه من ولدي والممرضات ياسلام كانت احلى لحظه وبعدها ضغطت ضغطتين على بطني ونزلت المشيمه
وخيطتني وتركوني نص ساعه لحد ماصحصحت لانهم عملولي توسيع وبنج وشوي الممرضه تقولي يابنت كلمي جوج يعني زوج لان زوجي فديته اذاهم من كثر مادق جرس غرف الولاده وكان قلقان مررره عليه وكلمته ودخل عندي وجلست ابكي من الفرحه والالم يارب لاتحرم احد من الذريه
والحين صارلي 10 ايام من ولدت والحمدلله ختنت ولدي وطاحت السره يارب لك الحمد لسى الغرز زي ماهيه
طبعا انا ولدت بمستشفى اسطون عند دكتوره عزه وختنت ولدي بمستوصف المواساه وختانهم رووووعه
وآسفه ع الاطاله بس لاني اول مره اكتب قصة ولاده لي
وهذا ولدي الثالث ربيً مايحرمني منهم ويرزق كل محرومه يااااااااارب
اختكم / أمووووله