|
ساعدوني بأرائكم
السلام عليكم اخواتي
انا متزوجه رجل متزوج وأخخذته عن حب دام بينا 3 سنوات انا اعامل زوجة الاولى باحترام واحب عياله واعتبر زوجته اخت مو طبينه يعني ذرتي الموهم هي عقلها صغير كلمه توديها وكلمه تجيبها مع ان الفرق بيني وبينها 8 سنوات هي اكبر مني الموهم كل مرا هي تركب قدام وانا ورا وانا لي 3 شهور متزوجه ولا مره ركبت قدام مع اني طلعاتي معاها قليله اليوم كنا معزومين وانا كنت قدام ومرينا عليها واخذناها هي وعيالها وعصبت ورفضت تركب ورا ورجعت بيتها زوجي عصب وانا مأحب اشوفه معصب قلت له خلاص بركب ورا قال العيال قدام وناداها راحت ركبت العيال ورا وركبت قدام عصب عليها وسبها وقال ارجعي ولا وماردت الموهم مشينا وهو معصب تغيرت معي ودخلنا ولا سلمت ايش اسوي معاها مع انو كل يوم عيالها عندي ولما اطلع السوق مع زوجي ترسل عيالها معنا وتخليهم يدخلون بيتي وعيالها مشاغبين يعني يجون بيتي ويفتشون كل شي وزوجي عصب عليهم هو مرا عصبي الموهم هي جاهله ماتعرف تكتب ولا تعرف للنت وانا احدث بيناتها لحافز ع شان زوجي بعد حركتها معي مليت مابي اسوي شي لاحافز ولا ابي عيالها يدخلون بيتي ولا ابي اروح بيتها وقلت الكلام ذا لزوجي مارد عليا اخاف يزعل مني لان دايم يقول لي انت اعقل انتي عقلك اكبر وع فكرا انا عمري 23 وهي 31 واللي يقهر صديقتها ساكنه جنبي وتشوف لما اطلع مع زوجي وتدق عليها وهي تدق ع زوجي وتطفشه بالطلابات والله مليت ايش اسوي والله زوجي يبي يعدل بينا بس هي معنده ماتسمع الكلام وزوجي قال شكلي بطلقها وتتكلم ع لساني لعمتي وتسب وتقول زوجة ولدك تقول وتقول وتقول بس الحمد لله عمتي ماتصدقها لانها تعرفني زين عمتي مرا طيبه معي وتحبني انا اخاف بعنادها تكره زوجي فيني اهي تبي لي المشاكل وقدام الحريم تقول راح ياخذ محمد علينا الثالثه تبي تقهرني وبس وكل ماشريت لي شي من راتبي تقول وانا جيب لي مثلها يقول لها من راتبها تسكت وقدام الحريم تسب فينه وترمي كلام ماله داعي صرت اكره المكان اللي اهي فيه |
رد: ساعدوني بأرائكم
الله يفرجها عليك بس حرام الاولى يطلقها وهي له منه عيال وش ذنبهم
بس يتركها في حالها ويخليها تعيش بروحها وينفق عليها ويعدل بينكم وانتي ما عليك منها خليها في حالها وتسود كل شي يخصهابروحها مثل حافز بس اهم شي العدل والله لو يطلقها ظلم موب سالم منها من الدعاوي لكم خليه يتعوذ من شيطان ويستخير كل أموره |
رد: ساعدوني بأرائكم
الله يكون بعونك.. اول شي انكتب لك النصيب تكوني معها.. والا كان سآله عن مشاكل الجوار وغثتها... بس تحميلى... لازم نذوق المر علشان نحس بطعم الحلاوه.. بس ممكن تكون غيوره ومقهوره علشان كذا تتصرف بعصبيه.. مااقول الا الله يعينكم على بعض .... الجوار نار.. |
رد: ساعدوني بأرائكم
حبيبتي الباب اللي يجيك الريح سده و استريح ..
و بعدين زواجك من رجل زوجته على ذمته يعني في احتمالات كبيررررررررررررررررره و كثيره .. تختلفون .. يتتفقون .. و هيك الشغلات .. فا هذي نتيجة اتخاذك القرار بلزواج تحمليه .. أولاً : قطعي علاقتك فيها و مجرد السلام و عليكم السلام .. ثانيا: تجنبي الحديث معاها .. ثالثا : كلمي زوجك و قوليله يهددها لا تخلي صاحبته كل شوي تقولها الحين هم طلعو و و و .. و يقولها ان اتصلتي و انا طالع و طلبتي شي صدقيني ماراح اجيبلك و خلي اللي توصلك الاخبر هي تجيب طلباتك .. و انتي اذا فيك تحكين مع جارتك و تقولين لها .. اتمنى ماتنقلين كل ش ي يصير هنا لعندها طلعت رجعت شي يخصني و ما احب حد يتعدى علي و يفضل انك تبعدين عن هلجاره و تحاولين تقطعين علاقتك فيها و تخلينها رسميات السلام و عليكم السلام.. رابعا : قولي حق زوجك بليوم اللي تجي عندي قبل لا تجي تأكد ان كل النواقص موجوده عندها و ما تبي شي منك مو فجأه تدق عليك كل شوي او ترسل هي لها وقتها و انا لي وقتي.. تدق بس للظروره مثل مستشفى .. لما حد يتعب حد عندها و هيك .. خامسا : قولي لزوجك لما نطلع مع بعض ماله داعي بكل مرررررررررررررره عيالك معاناه .. سادسا: اذا بيوم من الايام صار عندها ظروف تعب دخلت مستشفى او تعبانه .. و انتي تقدرين تمسكين عيالها خذيهم عندك لحد ما تتعافى و ربي يكتبلك اجر هلعمل .. طبعا اتفقي مع زوجك على هلشي .. سابعا: خصصي لاولاده غرفه في بيتك و مكان معين مثل الصاله او المجلس .. و خليهم يقعدون فيها و عامليهم بقوانين و التزام .. يعني عادي قولي لهم كذا عيب انا ما احب المشاغبه ايش رايكم نشوف التلفزيون بهدؤ و نجيب مكسرات و حلويات بس بشرط ما نبي حوسه و حطي الزباله الله يكرمك و يكرم الجميع قريبه من الاكل عشان اللي عنده شي يبي يرمه الزباله موجوده و بس وجهيهم .. و انتي مو مجبوره تتحملي اولاده دااااام هي على ذمته خليها هي تتحملهم .. لكن انتي خلي علاقتك فيهم كويسه لان بلمستقبل راح تنجبين لهم اخوان و ماتبين تصير بينهم عداوه فا داايم عامليهم بلطيب و بلادب و وجهيههم و هيك شغلات .. و مهما امهم تقولهم هم راح يشوفون الفرق بتعاملك و بكلامها لو هي بتحررشهم عليك .. و بس |
رد: ساعدوني بأرائكم
اشكركم ع الردود
مشاعل ياقلبي والله عياله يحبوني بس مايسمعون الكلام وبعدين لهم فتره مايجون يقولون مانحبك واستغربت كلامهم انا اللي قاهرني حركاتها معي اللي سوتها فجاه وبدون سبب انا قلت لزوجي يعدل وهو مو مقصر وجارتي تصير زوجة ابوه ييعني عمة زوجي ومابيني وبينها كلام |
رد: ساعدوني بأرائكم
انا متزوجه واحد كان متزوج قبل و مطلق و بعدها انا تزوجته ..
حبيبتي انا اعاني فجأه من كلمة ما احبك انت وع ههههههههههههه ولد زوجي من يوم مارجع من عند امه و هو يحكي هيك لي و لزوجي يقولنا ماما انت وع بابا وع ما ابيكم رغم ان انا اللي مربيته و هو مايقولها ماما .. و امه مطلقه و رغم هذا فجأه الولد قلب علي شوفي موضوعي موجود بنفس القسم .. و الله يستر لا تحطينهم في بالك عادي يكبرون و يميزوون .. و الله يعين الجميع .. ياربي |
رد: ساعدوني بأرائكم
بصراحه تصرفاااتهاااا طبيعيه يعني انتي اخذتي زوجهاااا وش تبين منهااا تحبك وانتي حطي نفسك مكاااانها
بس هذا نصيبك وادعي ربك ان يصبرك و يهديهااا وترجعو مثل الاخوات عمتي زوجهااا متزوج عليهااا تخيلي يركب زوجاته كلهم قداااام ومتفاااهمات جدا و ماتشوفينهم الا تريقه و ظحك مع بعض والله عمتي انحرقت زوجته الثانيه هي اللي تخدمهاااا الله يديمهااابينهم وربي يسعدك وتعيشين مرتاحه |
رد: ساعدوني بأرائكم
اقتباس:
احساس انثى .. لما زوجها تزوج عليها .. بغض النظر قالها او ما قال لها و حطها قدام الامر الواقع .. هو اللي سوى هذا الشي و الشرع محلله اربع .. لا يشوف هلكلام زوجي هههههههههههه المهم فا لما الزوج يتزوج ما اروح اعاتب بنت الناس .. و اضايقها فيني حره .. اطلعها فيه .. هي عدت مرحلة النرفزه و القهر لان تقولك قاعده تساعدها و تحدث بيناتها و ترسل عيالها لها و تركب قدام و مدري وشو .. يعني مفروض يكون عقل الثانيه اكبر من هيك .. انا شخصيا لو لا سمح الله زوجي تزوج علي .. ماراح اتدخل في زوجته .. لكن بتعامل معاها بكل احترام و اذا تمادت علي بتماده عليه على حسب الموقف .. و ماراح اقول حق زوجي انها تحرشت فيني و سوت لي و قالت لي الا اذا تعدت المعقول .. لان ما ابي اكون بصورة الزوجه الحنانه الغيووره .. بلعكس ابي كل الزين يطلع مني .. و اذا جاب لها مثلا جوال جديد و ما جاب لي .. مو شرط ادقق على امور تافها انا لو حبيت اغير تليفوني اقوله من بدري قبلها بشهرين او 3 شهور يحط بالي ان الشهر الفلاني ابي الجهاز الفلاني .. و بس .. اهم شي بهذا كله يخصص لي مصروف .. و بوقتي مالها شغل فيه و بوقتها مالي شغل فيهم .. الا في حالات الضروره تعبانه و تبي المستشفى او العكس و بس .. محتاجه دواء من الصيدليه .. و بلنسبه لي ان علاقتي تكون فيها كويسه من صالحي.. انا اللي ابدى و اتعرف عليها و اعاملها بكل احترام و هيك شغلات لكن بطيب خاطر .. مو بخباثه .. |
رد: ساعدوني بأرائكم
في حاله وحده ممكن تخليني ادوووووووووووووووووووووووس في بطنها و اطلع
عينها من مكانها .. في حال انها كانت تكلمه و حبني و احبك و بعدها تزوجته ذيك الساعه .. من جد ادوس في بطنها هنا اقدر اقول انها سرقت زوجي مني .. و خربت بيتي .. اما اذا هو خطبها خطبه عاديه و ما يعرف عنها شي .. عادي بحترمها اما .. تكون خويته و بعد كذا يتزوجها ههههههههههههههههههه راحو فيها .. هم الاثنين .. |
رد: ساعدوني بأرائكم
اسمحيلي انا ما الومها ابدا وانتي اخذتي زوجها منها فتحملي ما يجيك ....اسفه ممكن اكون ضدك بس حطيت نفسي مكانها وانقهرت صراحه ...الله يالف بين قلوبكم ويعينها ويصبرها ...
|
رد: ساعدوني بأرائكم
انتي تقولين انك اخذتيه عن حب دام 3 سنوات وشلون تحبين شخص متزوج مراح تحسين بشعور الضره الا اذا تزوج زوجك عليك...بوقتها راح تحسين بتحساس زوجته الاوله...
من الاخر انتي غلطانه بزواجك من زوج متزوج وعنده عيال |
رد: ساعدوني بأرائكم
مشكورين ع الردود
اتمنى الموضوع ينحذف وبعدين الحب الصادق والشريف مايعرف متزوج ولا لا اهم شي الصدق بالحب اللي توج بزواج والحمد لله زوجي مو محسسني اني الثانيه الله يحفظه لي كل وحده ردت من وجهة نظرها وماعلقت ع الموضوع وانا مو ندمانه اني تزوجة متزوج ابدا الغلط مو مني الغلط من اللي تقصر وتهمل زوجها وبالاخير تندم |
رد: ساعدوني بأرائكم
عزيزتي انتي كنتي معاه على علاقه حب ..
قبل الزواج و بعدها تزوجك .. يعني وقت ما كنتو طايحين حب في وحده كانت تنظلم سواء كانت مهمله ما تهتم ما تسوي ما تفعل .. فا لا تزعلين لو حسيتي ان في هجوم عليك .. الغلط غلط مهما كانت طرقه .. اعتبري العذاب اللي انتي فيه و المشاكل عقاب من رب العالمين .. كثيري اعرفهم تزوجو عن حب عايشين الحمدالله .. لكن بوهم الحب بأسم الحب وو التضحيه مو بأسم حقي و حقك و الحياه و المحبه ..و الاحترام.. ترضين على نفسك ان زوجك و هو على فراشك يكلم وحده و يحبها و من ثم يخطط معاها للزواج .. و يتزوجها .. يسمونها استغفل .. و هو استغفل زوجته ام عياله .. انتي تقولين محد قالها تهمل بيتها و مدري نفسها مدري زوجها .. تعرفين الظروف اللي خلتها تهمل .. هذا ما يعطيه الحق انه يحلل على نفسه الغلط و انتي بعد .. حللتي الغلط بأسم الحب .. و تزوجتيه بأسم الحب.. و تنازلتي عن حقك لدرجة انك تركبين وراء بلسياره و ما تناقشين لانك مجبور بأسم الحب ما تبين مشاكل لزوجك تبين تعيشينه الحب و النعيم و ان انا العقل الكبير و الفاهمه .. و الخ .. مهما كانت نواياك .. الشرع حلل اربع و الطريقه وحده خطبه شوفه شرعيه قبول و رفض .. مو حبني و احبك .. و كم سنه و نخطط على الزواج .. ما اعتقد بيرضاها على خواته بس .. انتي صفقه بلنسبه لزوجك .. مدلعته و حب و غرام و فوق كل هذا صغيره و تشتغلين .. انا تزوجت رجال كان متزوج و لو فكر يتزوج مره ثانيه يجي بوجهي و يقول مو يستغفلني و يكلم و حب و يتزوج .. عموما هذا جزاء من استباح الحرام .. علاقتك فيه ماكانت في اطار شرعي .. و بعدها توجة بلزواج .. فا تحملي العواقب .. . |
رد: ساعدوني بأرائكم
اتمنى تحذفون موضوعي
|
رد: ساعدوني بأرائكم
اقتباس:
اممممممممم كلامج هواية عجبني بس ممكن اسالج سؤال اخيتي الحبيبة واريد الجواب بكل صراحة؟ حبيبتي ولا تزعلين ترضين زوجك يحب وحدة عليج وبعدين يتزوجها؟ يعني الزواج كان عن حب ؟ وهو متزوجك ؟ طيب صحيح الشرع حلل للزوج الزواج من 4 ولكن ما ننسى باقي الكلام وين العدل واذا ما عدل الزوج فواحدة تكفي؟ صحي يالغالية انا مو ضد ان الرجال يتزوج الثانية لو كان عندة اسبابة ولكن من العيب يحب وهو متزوج شلون تنطي نفسية يحب ويواعد وحبيات وهو متزوج؟ اني لو كنت مكانها ما عشت معاة ولا دقيقة واحدة لان يعتبر رجل خائن وحتى رب العالمين ما يقبل بهيجي تصرف |
رد: ساعدوني بأرائكم
هههههههههههههههههههههههههههه
|
رد: ساعدوني بأرائكم
عقول النساء لا تتشابه انا بشنو وانتم بشنوووووو
|
رد: ساعدوني بأرائكم
مو من حقكم تحكمون على حكم العلاقه !!
ولا من حق اي وحده تفتي بالحرام والحلال !! ولا من حق اي وحده تقول جزاك ولا مو جزاك الزواج قسمه ونصيب وكتبة من رب العالمين مايحق لك تقولين لو ولو !! مغلق |
| الساعة الآن 04:13 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .