|
قوانين قسم دردشة مرحلة الولادة
,,بسم الله الرحمن الرحيم ,,
قبل المشاركة في قسم دردشة مرحلة الولادة ,, يرجى التقيد بالتالي حتى لايكون مصير موضوعكِ الحذف أو التعديل : 1- هذا القسم يختص الحوامل بأخر التاسع ( قبل الولادة واثناء الولادة وبعد الولادة). 2- الرجاء عدم وضع أي مواضيع عامه في هذا القسم لأنه مختص بتساؤلات العضوات فقط . 3- عدم وضع العناوين المبهمه وعلى السائله توضيح المطلوب بالموضوع في العنوان . يرجى التعاون أخواتنا الغاليات و التقيد بالشروط المعلنه .. ,,ووفقكن الله لما يحبه ويرضاه ,, |
رد: قوانين قسم دردشة مرحلة الولادة
يعطيك العافيه
وان شاءالله العضوات يتقيدون بالشروط |
رد: قوانين قسم دردشة مرحلة الولادة
يعطيك الف عااااااااااااااااااااااافيه ..
|
رد: قوانين قسم دردشة مرحلة الولادة
يعطيكم العافية
بس عندى طلب للى فى الشهر التاسع وحان وقت ولادتها ان شاء الله ربى يتمم لها على خير ان تدعو لى والى كل الاخوات المحرومات بالحمل العاجل غير اجلا ارجوكم ارجوكم ارجوكم |
رد: قوانين قسم دردشة مرحلة الولادة
يعطيك الف عافيه سماسم
ع الطرح وان شاء الله الكل يتقيد بالقوانين . |
رد: قوانين قسم دردشة مرحلة الولادة
انا في الشهر الثامن ياريت اعرف نصائحكم لي وخاصة عن المشي والطرق اللي تساعدني بعد الله عز وجل على الولادة جزاكم الله الجنة
|
رد: قوانين قسم دردشة مرحلة الولادة
وانا دخلت التاسع وهذي اول ولادة لي ومررررررره خايفه تعبت وانا ابكي كل يوم بالليل من الخوف
مع اني كل اقرأ الاذكار بس الخوف مسيطر عليا بأيش تنصحوني اللي ولدت من قبل هل الموضوع مستاهل هذا كله ؟؟؟؟؟؟ |
رد: قوانين قسم دردشة مرحلة الولادة
ام تاليا حبيبتي
لا تفكرين في شي ابي منج تفكري كل يوم تمشين وكل يوم تاكلين تمر وكل يوم تصلي وتستغفريى ربج كثيرا واقري الادعيه للولاده وكل يوم اشربي دارسين وابيج ترتاحين لان لما يجي يوم الولاده راح تنسين انج تبين تولدين بس تبين تشوفيني البيبي عذاب يوم ولاعذاب ساعه ياعمري راح يبنجونج وماراح تحسين بالاااام لولاده ولاتخافين الدكاتره يعرفون شغلهم عدل نامي وانتي مرتاحه ياحياتي ماراح تحسي باي شي صدقيني بس عليج بالكمام اخذي كثر ماتقدرين علشان تدوخين ههههههههههه وان شاء الله تولدي بالسلامه ناطره قص ولادتج ياحياتي تقومي بالسلامه انتي والبيبي امين |
رد: قوانين قسم دردشة مرحلة الولادة
تسلمين شمووووووووسة وربي انتي تنحطين عالجرح يبرى
رفعتي معنوياتي شوي وانتي حمدالله على سلامتك وبوسيلي البيبي |
رد: قوانين قسم دردشة مرحلة الولادة
ولو حبيبتي ماطلبتي شي وصلت البوسه للبيبي والله يسلمج من كل شر ياعمري اي شي تبين اساليني ولاتستحين ترى كلنا خوات واذا مالقتيني طرشي مسج واجيج ههههههههههه حلوه
|
رد: قوانين قسم دردشة مرحلة الولادة
شموووووسة انتي متى اوقاتك لما تدشين النت؟؟؟
|
رد: قوانين قسم دردشة مرحلة الولادة
باي وقت عزيزتي الا الظهر اكون نايمه لاني بفتره نفاس اتعب مع النونو
|
رد: قوانين قسم دردشة مرحلة الولادة
هاي شمووسة موجوده ولا مشغولة مع نوال؟؟؟؟
|
رد: قوانين قسم دردشة مرحلة الولادة
هايات ياعمري
كنت مشغوله توني داخله اخبارج |
رد: قوانين قسم دردشة مرحلة الولادة
انا تمام انتي كيفك؟؟؟
كم كم باقيلك عشان تخلصي النفاس؟؟؟ |
رد: قوانين قسم دردشة مرحلة الولادة
هاي ام تاليا الظاهر ماصار معاي حظ اسولف معاج طيب انا ولده على 29-5
يعني صارلي 20 يوم وباقي لي 20 يوم ان اطلع ضعفه وانزل ال5 كيلو اللي زد فيها مدة الحمل وانتي باقي كم يوم تولدي ان شاء الله |
رد: قوانين قسم دردشة مرحلة الولادة
الدكتورة قالتلي 28 6 يعني باقي 12 يوم تقريبا
بس انا حاااسه بثقل في اسفل بطني والم خفيييييف ومرره خااايفه |
رد: قوانين قسم دردشة مرحلة الولادة
صباح الخير ام تاليا
ليش تخافي لا تخافي بس انتي تمشين كل يوم لازم تمشين كل يوم واخذي تمر كل يوم واخذي دارسين كل يوم لازم المشي واذ عندج درج احسن تنزلين وتصعدين ربع ساعه او 10دقايق علشان ينزل النونو حامل بولد ولا بنت ؟؟؟ |
رد: قوانين قسم دردشة مرحلة الولادة
حبيبتي لاتنسين نصيحتي لج ابي اريح شوي وارجع الظهر ان شاء الله مع السلامه واي سؤال كتبيه ارجع والاقيج امين
باااااااااااااااااي |
رد: قوانين قسم دردشة مرحلة الولادة
انا حامل ببنوته وبسميها تاليا
امشي بعد الاكل بس مااقدر اطول اتعب بسرعه |
رد: قوانين قسم دردشة مرحلة الولادة
لازم تتعبين ولازم التعب هذا تشيليه من مخك لان مابقالج شي ياعمري شوي وارجع ومبروووووووووووك على البنوته ياام تاليا
|
رد: قوانين قسم دردشة مرحلة الولادة
هلا شمووووسة اي والله نفسي اغمض وافتح وانا قد ولدت وخلصت والله هم
|
رد: قوانين قسم دردشة مرحلة الولادة
يلا راح الكثير ومابقى الا القليل شدي حيلج ولا تتعبين ياعمري
ولاتشيلي هم ادعي ربي يسهل عليج واسال الله ان يهل عليج ولادتج وتبشرينا بولادتج امين |
رد: قوانين قسم دردشة مرحلة الولادة
اخبارج ام تاليا
|
رد: قوانين قسم دردشة مرحلة الولادة
هااااااااااي شموووسه انا تمام انتي كيفك؟؟؟
|
رد: قوانين قسم دردشة مرحلة الولادة
عْــلم
عوااااااااااااااااافي خيتو .. |
رد: قوانين قسم دردشة مرحلة الولادة
انا تمام ياعمري ان شاء الله دايم بخير انتي والبنوته
تمشيتي واكلتي تمر ولا لا؟ ورحتي امس تمشيتي ساعه |
رد: قوانين قسم دردشة مرحلة الولادة
حمدالله بخير وانا والله ياعمري الحين امشي في البيت
عشان زوجي مسافر وكلها كم يوم وبيجي واذا جاء افكر اني امشي برا بس والله مااكمل ساعه يعني نص ساعه بس واخبار نوال متعبتك ولا ممشيه امورها؟؟؟ |
رد: قوانين قسم دردشة مرحلة الولادة
ام تاليا
ان شاء الله يرجع زوجج بالسلامه نوال متعبتني ومسليتني وتسلم على تاليا تنطرها ههههههههههههه ما اوصيج شربي دارسين وتمر كم عمرج هذا اول حمل لج؟؟؟ |
رد: قوانين قسم دردشة مرحلة الولادة
هلا يا بنات اني عضوة جديدة احب اشارك معاكم اني حامل بالاسبوع الثالث من الشهر التاسع ادعولي
|
رد: قوانين قسم دردشة مرحلة الولادة
سولفولي كيف تتخلصون من حموضة المعدة الي معذبتني
|
رد: قوانين قسم دردشة مرحلة الولادة
اقتباس:
ان شاء الله تولدي بالسلامه يارب وترجعي وتقولينا قصة ولادتج hwaml4 الحموضه hwaml17 شوفي عزيزتي في في لصيدليه علك للحامل حق الحموضه وايد ريحني بالشهر الثامن والتاسع وايد حلو على طول ينزل الحموضه جربيه والله يشفيج hwaml11 |
رد: قوانين قسم دردشة مرحلة الولادة
هلا والله بعضوتنا الجديده نورتينا
هلا شموسة اخباااااارك؟؟؟اي شمووسة هذا اول حمل لي ماتشوفيني مرعوووبة وعمري 22 وكنت بقولك انا متخوفة من الدارسين كثيرين قالولي طلقه حاااااااااار مره وانا اخاف من الطلق ياربي سهلها |
رد: قوانين قسم دردشة مرحلة الولادة
يام تاليا
الدارسين مومضر اخذي كم يوم باقي على ولادتج ان شاءالله وكم وزن البيبي |
رد: قوانين قسم دردشة مرحلة الولادة
متى موعدتج عند الدكتوره
|
رد: قوانين قسم دردشة مرحلة الولادة
الدكتورة قالتلي 17 رجب يعني يوافق بالميلادي 28 يونيو هالشهر....يعني باقيلي اسبوع
|
رد: قوانين قسم دردشة مرحلة الولادة
وراجعت قبل اسبوع واكثر كان وزنها 2 كيلو ونص
|
رد: قوانين قسم دردشة مرحلة الولادة
اوكي تمام
وحلو الوزن مثلي بولادي بالبنات كلهم 2ونص ربي يحفظها امشي اكثير لازم تمشين مو كله على الاب توب ديري بالج تراني عاشرت والسبب الاب توب علشان مامل منكم هههههههههههههه hwaml15hwaml15 وناسه بس وانتي واقفه يعني حاولي تحطي الاب توب على الطاوله بدون كرسي وتمشي وارجعي وعلى لحاله هاذي ساعتين طيب واكلي تمرhwaml5 وشربي كف مريم بعد 4 ايام علشان يساعدتج على فتح الرحمhwaml4 وصعدي ونزلي لمده نص ساعه على الدرج والله يسهل عليج ياربhwaml17 ولاتنسين تشوفي وضعيت البيبي راسه تحت نبض قلبه تمام والمشيمه والماي وخليها تفحص لج من الحين طيبhwaml9 |
رد: قوانين قسم دردشة مرحلة الولادة
ايش كف مريم ومن وين اشتريه؟؟ وكيف طريقته؟؟
وايش معنى بعد 4 ايام يعني اشربه؟؟؟ معليش اسئلتي كثييره خخخخخخخخخ |
رد: قوانين قسم دردشة مرحلة الولادة
ههههههههههههههههههه
من حقكج تسالين كف مريم تاخذينه مع دارسين ومن العطار وهو يعلمج كيف طريقتها احسن وقبل ولادتج بكم يوم يعني لما تجيج تقلصات تجي وتروح ولما تجيج التقلصات بعد انصحج تاخذين زيت الخروع من الصيدليه هو اللي فتح لي الرحم بعد ماعاشرت 3 ايام |
| الساعة الآن 07:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .