|
قصتي مع زوجي
أنا عروس يديدة صار لي 7 شهور زواج و عندي مشاكل مع زوجي أولها إنه زوجي عصبي وايد و أنا ما اتحمل هالشيء أسكت عنه و يوم يزيد عن حدي أتكلم و أصارخ
والشيء الثاني عنيـــــــــــــــــــــــد و أنا ما أحب طبع العناد والله أتعب وايد معاه بسبت هذا الطبع و من فترة وايد يغيب عن الدوام والحين صار له أسبوعين غايب من الدوام وأنا إنسانه موظفة و طالبه في نفس الوقت ونحن عايشين في بيت روحنا المشكلة الكبيرة إنه حماتي (أم زوجي) تقول له مب مشكلة و ما بيصير شيء إذا أنا أداوم ... و تعطي أمثله عن بنات صديقاتها لانه عندها واحده من صديقاتها بنتها متزوجه و زوجها مب موظف ف البنت هي تصرف ع زوجها و مآخذه له سيارتين و الشقة الحرمه تدفع عليها و الريال مسكن أمه في الشقه ... تخيلوا حماتي تخبر زوجي عن هذا الموضوع بالذمة هذا مب تشجيع hwaml79hwaml93 و زوجي يحب رقاد النهار و السهر في الليل و غيره من الاشياء والله تعبانه نفسيا والله أخاف يقيلونه من الدوام ســــــــــــــــــــــــــاعدوني خواتي شو أسووي ؟؟؟؟؟ بس ما يقصر معاي في حالة كنت تعبانه يأخذني المستشفى و إلا إذا بروح الكلية يوصلني الكلية بس عندي أنا هذا ما يكفي أبا يتعاون معاي يعني يلتزوم في الدوام |
رد: قصتي مع زوجي
ما أحلاه و تكوني تعبانة و ما يوديكي على الدكتور!!!!1
شو لازمته بالحياه ازن لا شو هوه رجال و مسؤول عنك!هاد أبسط و اتفه شي يعمله معك و هاد واجبه مو تحميل جمايل حبيبتي روحي استقيلي من شغلك و خليه يكون رجال قد حاله و يتحمل مسؤولية عيلته و بيته لكان بس شاطر يتزوج لو ضليتي تشتغلي ما عمره بيصير انسان مسؤول لانه هيك طبعه ال بوديها على الدكتور .جد عصبت |
رد: قصتي مع زوجي
حبيبتي صلي على النبي ولا تعصبي وتقهري نفسك
خليكي رايقه واجلسي معاه بهدوء واتناقشي بعقل لا تجيبي سيرة العناد ابداي خطوه خطوه اول خطوه خليها وظيفته لانه انتي بتستحملي عناده لكن الشركه او العمل مابيتحملو غيابه قوليله عشان مستقبلنا ومستقبل عيالنا انا احب اشوفك وانت راجع من عملك مشتاق لي اما بالنسبه لحماتك طنشي وكبري راسك والسهر قوليله احب انك تكون جنبي عالسرير مااعرف انام الا وانت جنبي اخاف الله يسهلك امورك |
رد: قصتي مع زوجي
حبيبتي المثل يقول زوجك ع ما عوديته و لدك ع ماربيتيه
يعني عودي زوجك ع المسؤليه و خليه يشتغل و يواضب ع بيته بنسبه لأمه قولي لها و كلميهت بطيب انه صعبه ولدها مايشتغل و كذا و الله يعينك |
رد: قصتي مع زوجي
السلام عليكم
حبيبتي انتي الاهم نفسك هذا شكله متكل عليك و ماخذك موظفه عشان تصرفين على نفسك و عليه بوقت الازمه .. و مرريح نفسه و كلام امه مرررررررررررررررررره يقهر انا لو مكانك اقولها انا مو غبيه مثل اللي اشترت سيارتين و تصررررف على زوجها من دوون سبب محتاج له راتبي كله لكن انه يعتمد علي بكل شي اجل شنو لازمته .. لازم تتناقشين معاه و تنصحينه بروااااقه و مانفع انصحك تنفصلين عنه .. انتبيهي انك تحملين منه والله بتتوهقين اذا من البدايه كذا .. لازم يتعدل يتسنع و بعدها فكري تحملين منه .. بكره يعتمد عليك بكل شي .. و الرجال على ماعودتيه و ولدك على ماربيتيه .. انا امي عوودت ابوي انها تقوم بشغل البيت من ناحية الكهرباء الماي التليفون و اغراض البيت مسئوليتها .. ابوي معذور يشتغل من الساعه 5 الفجر .. الى 6 المغرب و بمنطقه بعيده يروح و يجي كل يوم فا ابوي معذور ..يرجع للبيت مهلوك .. لكن بعد ما تقاعد ابوي قعد بلبيت صارت امي تقوله انت الحين ما عندك شي روح انت ادفع للكهرباء و الماي و ذي السوالف يقولها طوول عمرك انتي اللي تسوين جايه الحين تقولين لي سوها طبعا فترررررررررررررررره بعد التقاعد امي عانت مع ابوي عشان يساعدها .. لكن الحين الحمدالله .. يساعدها بكل شي حتى ان يطبخ بدالها اوقات و يشيل عنها السفره و حرركتات متقاعدين ههههههههههه فا يا يتسنع يا تتركينه هذي نصيحه اهتمي لها .. اذا كلامك انتي معاه ما فاد خلي حد ثاني يتكلم معاه بعد ما فاد .. على طووووووووووووووووووول من غير تردد انفصلي عنه .. |
رد: قصتي مع زوجي
الله يعينك
والله القهر من زوجك وأم زوجك.... عذرآ منكم جميعآ بس لسانها يبغاله قصصصص...... |
رد: قصتي مع زوجي
أول شي قعديه وفهميه في الاسلام الرجال ملزوم بزوجته يصرف عليها حتى لو كانت اهي مليونيرة واهو ماعنده الا شي بسيط وبعدين اذا حماتج قالت هالكلام ردي وقوليلها لانه مب رجال ما في رجال يرضى على نفسه ان امراة تصرف عليه
وقولي له لو اقالوك من وضيفتك انا بعد باستقيل وباقعد في البيت لاني تزوجت علشان اكون مسؤولة من رجال يصرف علي مب علشان اصير رجال ايعول اسرة |
رد: قصتي مع زوجي
حبيبتى مشكلتك بجد صعبه الله يعينك عليه وعلى حماتك ويهديهم لك
اولا انا بقترح انك تسيبى شغلك لانه كده متكل على الدخل اللى انتى بتدخليه ولا همه او لو انتى مش عاوزة تسيبى العمل خالص خدى اجازة طويله شهر شهرين اللى تقدرى عليه علشان متخسريش شغلك وشوفيه هيعمل ايه فى المصاريف والمسئوليه لو انضبط فى العمل بتاعه ممكن ترجعى عملك تانى لو منضبطش وقعد مطنش دخلى حد كبير من العائله بالموضوع وهو هيتصرف وربنا معاكى ويطمنا عليكى وابقى طمنينا والله يوفقك |
رد: قصتي مع زوجي
نصيحه لاتعطينه ولا ريال
ولاتتزلين عن مصروفك لانه الرجل اذا عطتي مرره يتماده وجلسي معه جالسه جديه وتفهمي عن الشغل |
رد: قصتي مع زوجي
الله يهدي الرياييل بصراحة
انتوا ادعوا لي و ادعوا له بالهدايا أنا لين الحين أحاول معاه إن شاء الله يرجع الدوام قريب تقدرون تقولون أنه أقتنع بكلامي لأنه هذه الفترة هو بعيد عن أمه الحمدلله |
رد: قصتي مع زوجي
حبيبتي اهم شي ما يتعلم انج تصرفين على البيت
لان البيت راح يخرب.................. لازم تحجين وياة واذا بقى ما يروح انصحج لاتنطينة اي قلس ولا تصرفين على البيت حتى لو البيت مافي اكل ولا شرب لان اني اشوفها صعبة الزوجة تشتغل وتصرف على البيت وهو سهران يعني اني ما اكولج هذا الكلام حتى ازوك على زوجك لو لالالالا اني انصحج تشوفين حل للمشكلة لان زوجك يريد نصيحة وميعرف مصلحتة بسبب عنادة عصبيتة الوظيفة لو راحت ما ترد اهم شي تحجين وية زوجك بهوء لان الرجال ميحب العصبية وزوجتة تعلي صوتها علية وتعاندة تعرفين انتي بعد |
رد: قصتي مع زوجي
يعني الرجال اذا ما صرف على بينه و عياله وكرف وشقي عشانهم شلون بيحس بالمسئولية
والأدهى والأمر انه بيعتمد عليك بالمصروف لا حبيبتي انتبهي أنا ما انكر أساعد زوجي احيانا انا ماعندي راتب ولا وظيفه بس تجيني فلوس من اهلي بس زوجي له ظروفه مديون الى راسه من تكاليف عرسنا بس يصرف علي يكد علينا ودائم يحسسني معه بأهمية دوامه ويقول من وين لي راتب لو ما أداوم او أتأخر ويخصمون زوجك بائن لا مبالي واتكالي انتبهي والله بكرا ما يدري عنك ولا عن عيالك |
رد: قصتي مع زوجي
أوول مررة أشووف أم تشجع ولدهآآ على الكسسل والربآآدة !!
حبيبتي إنتي لآ تصرفين عــ البيت ولآ ريآآل خلليه يحسس إنو هذي مسسؤليته ! وجربي إختبريه وقوولي أنآ تعبت من دوآآمي وبتررركه يكفيني درآآستي شووفي إيش ردة فعلله , |
رد: قصتي مع زوجي
شوفي حبيبتي انا زوجي زي زوجك عصبي جدا..
بس لما يعصب انا ما افتح فمي عشان لا تكبر المشكله .. خليه في حاله ساعه ساعتسن ويهدا من نفسه .. وبرضو زوجي ما يحب العناد وانا كنت اعانده بس الحين سرت اسايره لان هو يعاند وانا اعاند سارت مشاكل كثيررررره سايريه على قد ما تقدري اكيد في الشئ الصح بس يعني ما يوصل لشئ غلط وتسايرينه في حدود المعقوول.. وبالنسبه لحماتك اديها الاذن الطرشه ولا كانك تسمعي شئ وانتي مو ملزوومه تصرفي على البيت.. راتبك لك انتي وبس ... والشرع يقوووول\\ كذا ومحد يقدر يجبرك انك تدفعي شئ من غير رضاك.. والله يفرج همك.. انشالله |
| الساعة الآن 11:05 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .