الجزائرياات عطوني رايكن ..
 

رد: الجزائرياات عطوني رايكن ..
 

حبيبتي يا ريت لو طرحتي مشكلتك في التجمع بيتنا الثاني رانا غي بنات البلاد و أكيد كان الكل تفاعل معاك و لا تغضبي فقط راي حبيبتي المهم أنا نقلك ربي يسهلك ان شاء الله و ننصحك بزاف بالاستخارة و الله غي أنا الحمد الله لقيت راحتي في الاستخارة و طبعا الله يعلم ما لا نعلم و راح يدلك على الحل ان شاء الله و راني حاسة بيك راكي تعرفي كلنا مثل بعض و أنا راني نتبع في كلينيك تيزيري و رحت الشهر الي فات باش نبدا المنشطات و ربي مكتبش قالولي حتى الشهر الجاي و راني نستنى الدورة كي جي ان شاء الله نروح عندهم و ربي يسهل ان شاء الله و أنا منعرفش ظروفك طبعا برك حبيت نقلك شوفي الي ساعدك ربي هو الرزاق و الكلينيك سبب فقط وين كتبلك ربي تنجحلك و أنا والله ما هتميت وين خير جات من عند ربي و ساعدتني تاع تيزيري و ان شاء الله ربي يفرحك و يرزقك الحمل السليم عاجلا غير اجل يارب

رد: الجزائرياات عطوني رايكن ..
 

ان شاء الله البنات يفيدووونك :)

رد: الجزائرياات عطوني رايكن ..
 

حبيبتي اولا وقبل كل شيء ربي يجيب اللي فيه الخير و كما قالتلك الاخت الاولى اللي ردت الاستخاااااااااااااااااااااارة
اختي انا كنت رايحة اتيزيري و مبعد سمعت بعيادة ابن رشد شكروهالي و مزال مرحتش المهم انا درت ربي ف قلبي و ين كتبلي ربي نروح

رد: الجزائرياات عطوني رايكن ..
 

رد: الجزائرياات عطوني رايكن ..
 

ماعندي اي معلومة بصح حبيت ندعيلك ربي يوفقك ويفرحك انشاء الله بالحمل

رد: الجزائرياات عطوني رايكن ..
 

حبيبتي هبه الله يرزقك ويسخرلك كل الخير ويارب تبشرينا بحملك عاحلا غير اجل وبدون عمليات ولاتعب

موفقه يارب

رد: الجزائرياات عطوني رايكن ..
 

انا عندي موعد في عيادة الوالدين جاية بين بئرمرادرايس و سيدي يحي شكروهالي بزاف ، الموعد 26 ماي عندي شهر من اللي اتصلت بيهم،،،، انا عندي عام و نصف رحت الفريا يا بنتي الغاشي و الخدمة ما عجبتنيش نهار الاول دخلوني عند الطبيبة استنينا قريب 7 سوايع و من بعد دخلتلها قالتي نحي حوايجك السروال باش ديرلي ايكوكرافي مهبلي و راجلي كان معايا حشمت قالتي نورمال قلتلها لا لا ما كان فراش تتغطاي بيه ما كان سيتارة والوووو المهم شلفتلي الرحم قالتلي مليح و اعطاتنا تحاليل نديروهم انا و راجلي خارج العيادة تحاليل الهرمون بصح تحليل المنوي داخل العيادة و كلما تروحي تماك على زيارة تخلصي و من بعد درنا التحاليل و جبناهم كانو نورمال الهرمونات تاعي و تاع راجلي بصح التحليل تاع السائل صفر قالك نديرولو عملية تفتيش في الخصية و اعطاونا موعد بعد 15يوم رحنا دارها راجلي و رقدوه و من بعد حطوه في غرفة طلعت ليه اعطاولو كرواسون و قهوة و قعد عشربن دقيقة و خرج دارولو تخدير موضعي و اعطاونا علبة فيها الخلايا اللي ناحاوهم الراجلي قالونا ادوهم لل لانابات تماك يحوسو على الحيوانات رحنا اديناهم مزية عندي البرمي و سقت انا راجلي كان فشلان رحنا حطيناهم قالك على عشرة ايام خلصنا قريب مليون و نص و العملية تاع الخصية خلصنا زوج ملاين و نص و غير الدوا و التحاليل و هما دارولو بحث في خصية وحدة و ما درناش تلقيح علاخاطر حتى الخصية ما فيها حيوانات منوية كاين بصح غير ناضجة و كي دينا نتيجة التحليل للعيادة تاع فريال قالنا الطبيب خلوها على ربي كي قلنالو و الخصية الثانية قالي ماكلاه خلوها على ربي و ما درنا والو،،،،،،،انا ما عجبتنيش و دراهم يدوهم بزاف و زيد الغاشي عندهم تقولي الدنيا كامل راهي ما تولدش تسمعي حكايات تاع الناس تماك كاين بزاف اللي نجحتلهم و جابو توام و جاو يعاودو و كاين اللي كيما حالتي ماكان والو غير خسارة الدراهم،،،،،،،و ربي يسهلك ان شاء الله،،،،،

رد: الجزائرياات عطوني رايكن ..
 

السلام عليكم . أنا يا أختي راني من 2011 في تيزيري درت تلقيح صناعي و ما نجحش و كان ثمن العملية لوحدها 1.5 مليون . ثم في 2012 درت أطفال الأنابيب و نجحش و كان ثمن العملية لوحدها عشرة ملايين بلا التحاليل و الدواء يعني قريب 25 مليون . و راني إذا كتب ربي رايحة نعاودها في نفس المكان . واش نقولك أختي بالنسبة للدواء و التحاليل أظن أنها واحدة لا تتغير أما العملية فأنا لم أسأل في باقي العيادات و ما عليك سوى المقارنة بين ما قالوهلك و بين ما قلته لك. موفقة أختي

رد: الجزائرياات عطوني رايكن ..
 

اهلا اميرة ...شكرا على الرد ..وعلاش نزعف اختي حنا هنا باش نساعدو بعض ونصحوبعض ..وانا حطيت الموضوع هنا باش يكون واضح لكل الجزائرييات الي بالمنتدى واي وحدة عندها فكرة ترد علياا ..هدا هوالقصد..وربي يسعدك ويسعدني.

رد: الجزائرياات عطوني رايكن ..
 

اخواتي مياسة ..بسومة ..ام بلقاسم ..هادية وابتسامة شكرا لكن على الدعوات الحلوة واكيد راح اعمل بنصيحتكم واصلي الاستخارة وربي ييسر امورنا جميعاا

رد: الجزائرياات عطوني رايكن ..
 

اهلا اختي نور الهدى
الله يفرحك وربي يعطيك ما تتمنايا الصراحة كلامك هدا ريحني وعطاني نظرة واضحة على العيادةومن كلامك فهمت ان التحاليل يتعملو خارج العيادة والمريض هو الي يتكلف بيهم؟؟الصراحة مشكلة انت الحمد لله عندكم طنوبيل وعندك البيرمي وانا لا طنوبيل لا بيرمي ههههههههههه معناه نحصل في العاصمة. الصراحة مزال مقررناش ورحنا زدنا عيادة الوالدين الي قلتي لي عليها ولوكان غير تكملي جميلك وتبعثي لي نميرو التلفون نتاعهم باش نتصل بيهم ونشوف ادا يقدرويستقبلوني فهد الشهر....نور الهدى ربي يجازيك ويرزقك من بابه الواسع بدون اطباء ولا ادوية ويفرحك ويفرحني وجميع المسلمااات

رد: الجزائرياات عطوني رايكن ..
 

وعليك السلام lozette الصراحة الله يكون فعونك قاع هد المصاريف ومنجحوش للزوج ..ربي يوفقك هد المرة ويرزقك بتوئم يعمر عليك حياتك...
..اختي واش هما الي يقترحو عليك نوع العملية ولا انت الي تختاري؟
وايضاالما تعاوديها عندهم يحسبوعليك العملية بتكاليف كاملة ام انهم ينقصو ؟ سمحيلي طولت عليك لكن والله محتاجة للاجابة..

رد: الجزائرياات عطوني رايكن ..
 

معنديش فكرة بصح حبيت ندعيلك ربي يرزقك بالتوام عاجلا غير اجلا يارب يا حنان يا منان

رد: الجزائرياات عطوني رايكن ..
 

سلام اختي نعم المريض هو اللي يدير التحاليل خارج العيادة تحاليل الهرمونات و حتى تحاليل عملية الخزعة تاع الخصية تاع الرجل الحاجة الوحيدة اللي يديروها هي تحليل السائل المنوي يديروه في العيادة،،،،، هذي الحكاية عندها عام و نص درك الله و اعلم بلاك تبدل النظام عندهم،،،،،
بالنسبة للرقم تاع عيادة الوالدين راح نبعثهولك على الخاص شوفي في الرسائل على خاطر ممنوع وضع ارقام التلفون
و على حساب واش قالولي صحاباتي راحولها كلش يندار عندهم و ما يضيعوش الوقت يعطيك منشطات و يخيرلك نوع العملية بصح لازم يكون حيوانات،،،،، اذا ماكاش يديرو الخزعة و كي تعيطي باش تدي موعد لازم الموعد تاعك يكون يوم الدورة قوليلها للممرضة بلي راكي حابة موعد في اليوم كذا تاع الدورة اذا ماكاش كومبلي ديري موعد للشهر الجاي وقت الدورة ايضا باش ما تضيعيش الوقت،،،،،،، شكرا على الدعاء ربي يرزقنا اجمعين ،،،،امين ،،

رد: الجزائرياات عطوني رايكن ..
 

آمين انا وانت وكل الاخوات المحرومااات..

رد: الجزائرياات عطوني رايكن ..
 

آمين ...بارك الله فيك اختي نور الهدى والله يجعل لك في كل حرف كتبتيه لي الف حسنة...ويرزقك وانا بالذرية الصالحة

رد: الجزائرياات عطوني رايكن ..
 

يارب يرزقك بالذرية الصالحة السليمة المعافاة عاجل غير اجل يارب العالمين

رد: الجزائرياات عطوني رايكن ..
 

اختي هبة هل وصلك رقم الهاتف و هل اتصلت؟؟؟؟؟ طمنينا عنك،

رد: الجزائرياات عطوني رايكن ..
 

السلام عليكم أختي .و الله يا أختي إحساس صعيب و إنت تستناي في النتيجة . أسبوعين و أنا على أعصابي و لما جات العادة وكلت أمري لله هو العالم بأحوال عباده . أما المصاريف يا أختي هذا جزء من كثير . لأني عملت أشعة كثيرة و عملت منظار الرحم بلا التحاليل لقبل ما ينحولك البويضات تقريبا كل يومين نروح نحيولي الدم و تعملي ليكوقرافي لمدة أسبوعين و حسبي يا أختي و أنا نسكن بعيدة يعني الفواياج و الماكلة برى و ما نزيدش نحكيلك على الزعاف و التشناف تاع الراجل بصح الحمد لله جا الإنسان مِؤمن .
بالنسنة للعلاج الطبيبة هي لتقترح عليك العلاج حسب التحاليل و السن . أما العملية للمرة الثانية راني سمعت بلي زادو فيها . و نقصولك 1 مليون . يا رب يرزقني و يرزقك بالذرية الصالحة .

رد: الجزائرياات عطوني رايكن ..
 

آمين ..وربي يجازيك بكل خير على هد الدعوة الطيبة

رد: الجزائرياات عطوني رايكن ..
 

اهلا اختى نور الهدى ..نعم وصلني واتصلت بهم مباشرة لكن ماردوش عليا بلاك كان وقت غلق العيادة ... قلت غدوة نعاود نتصل بيهم..بارك الله فيكنور الهدى ويرزقك واياي بتوئم سليم معافى ليس به زيادة ولا نقصان

رد: الجزائرياات عطوني رايكن ..
 

وعليك السلام ...الله يسهل امورنا ويفرج همناا..اختي انا اتصلت بعيادة المولود بوهران قاتلي كل التحاليل عندنا ويتقامو عليك 2 ملايين الصراحة انا بعيدة وغادية نتعدب في الفوياجوايضا السكن ... ورورحي منا ورواحي منا وكما قلتي الرجال مايصبروش بالخف يتقلقو ..غدوة نتصل بعيادة الوالدين الي قاتلي عليها نور الهدى ونشوف ادا يعملو التحاليل عندهم نروح للعاصمة وادا لا مبقاش قدامي غير نتوكل على الله ونروح لوهران والي فيها الخير ربي يجيبهاا لي ولك ولكل الاخوات المحروماات..