![]() |
هل ارجع أعيش مع زوجي وأهله ؟؟
بنات بليز ابي حل لمشكلتي انا متزوجه صارلي 7شهور وانا ساكنه مع اهله ف بيت واحد ومره صارت
مشكله بيني وبين اخت زوجي واحس زوجي تغير علي منها والحين انا بعيده عنه لان صارت مشاكل بيني وبينه الله يعلم بحالي والحين مو عارفه شسوي اروح واكمل معاه ولا ڵا بشنو تنصحوني بليز |
رد: ابي حل لمشكلتي
انتي ماوضحتي تفاصيل المشكله عشان نساعدك اكثر
لكن اكيد لاتهدمي بيتك عشان مشكله مع اخته بالتوفيق |
رد: ابي حل لمشكلتي
عاااااادى تحصل المشاكل مع اهل الزوج وكمان لانك عايشه معاهم شى طبيعى
بس مثل ماقالت الاخت انتى ماقلتى لنا ايش المشكله وحجمها لنساعدك ويعطيك الف عافيه |
رد: ابي حل لمشكلتي
حبيبتي شي طبيعي مدام انك عايشة معهم لازم يحصل اي شي بس شوفي لا تهدمي بيتك عشان مشكله مع اخت زوجك وتطورت كلمي زوجك واذا كنتي اخطأتي اعتذريله وخليه يجي ياخدك لترجعوا بيتكم
|
رد: ابي حل لمشكلتي
المشكله يا بنات اخته مره من المرات تكلمني بطريقه مو محترمه بس مارديت عليها وصارت بقلبي وراحت اشتكت عني عند زوجي وزوجي وقف معاها وظلمني وانقهرت كثير 😔😔😔 يعني وقف معاها ما وقف معاي ومنها حسيته مو نفس قبل تغير علي والله يا بنات صار ما يقعد معاي حيل وبيظل طالع برا مع ربعه ومقصر معاي ويقول لي ما تروحين لاهلج الا مره بالاسبوعين هذا ووهو مايطلع معاي ڵا مجمعات ولا مطاعم زهقت وربي مااحس اني متزوجه وصارلي شهر عند اهلي
|
رد: ابي حل لمشكلتي
عاادي دايم تصير مشاكل
حاولي تعتذرين منه هو واشتري هديه لخالتك لو جلابيه وخلاص خليها درك لك الله يهديك ويعينك |
رد: ابي حل لمشكلتي
حبيبتي حاولي تكسبين زوجك من جديد
مايسوى تتركيه عشان صارت مشكله بينك وبين اخته واكيد هالمشاكل موجوده وبكثره وحاولي مره ثانيه ماتدخلي بأي مشاكل بينك وبين اهله لأن الرجل مهما كان يحب زوجنه مستحيل يعطي بأهله الله يسعدك ويهدي عليك يارب |
رد: ابي حل لمشكلتي
حبيبتي الظاهر إنك جيدة على المشاكل
لو كل مشكلة نروح عند أهلنا لصرنا كلنا ما عندنا لا بيوت و لآ أولاد اتحملي حبيبتي و اكسبي زوجك لأنه هو إلي بيدوملك و خلي مشاكلك بينك و بين أهله بجنب و لو أنه ساكنه معاهم لا تخليه يأخذ عليك فكرة غلط ارجعي لبيتك في أقرب وقت |
رد: ابي حل لمشكلتي
اكسبي زوجك واحقريهااا اهم شئ طاعه زوجك وامه وابوه وباقي طززز فيهم
وارجعي له وتغنجي له ووعيشي معه بسماتك وضحكتك وسوالفك وامدحي اهله حيل حيل لدرجه قولي فيهم شعر ماينفع الا ازواج كذا حتى لو كذب وماودك كمان واذا سوت لك مشكله احقريها لاتردي عليها خليها تنجن بزياده باين عليها انها حسوده وحقوده وناويه لك بشر ودمار فخليك حذره وفكري صح دام انه كوره بيديك واكسبيه بصفك لاتخرب عقله وينقلب عليك الوقحه فأنتي اتركيها واحقريها ولاتردي عليها كلام زين والا شين اعطيها ظهرك وامشي هذي سياسه تتبعيها مع خوواته مخيسات وارجعي لاتتفرح لك ويفضى لها جو اخوها واخته مصيرها تتزوج ويجيها من يتسلط عليها ويطلع ريحتها برا شارع ارجعي احسن دام كوره بيديك الله يوفقك ويبعد عنك عيون الحساد |
رد: ابي حل لمشكلتي
عزيزتي إذا المشكلة مثل ما ذكرتي بالضبط فهي تافه جدا مقارنة مع مشاكل الحياة الزوجية ، لكن يمكن تكون اخته كبرت الموضوع وقالت له كلام أو أفعال انتي ماسويتها عشان كذا هو زعل عليك.
من وجهة نظري لازم تتفاهمين معه وتستوضحين الي صار والي زعله منك ، وقولي له من حقي اعرف وش الي مزعلك مني ومو من العدل انك تسمع من طرف واحد ، عطني فرصة أوضح لك الي صار وبعدين قرر العقوبة الي استاهلها انا جالسة بيت اهلي مثل المسجون بلا تهمة. طبعا اختاري الوقت المناسب للكلام معه بحيث يكون لاجوعان ولاعطشان ولافيه نوم ولابيطلع من البيت والله يسخري ويسخرلك وجميع الزوجات المسلمات المؤمنات |
رد: ابي حل لمشكلتي
خواتي امس جاني خبر انه ما يبي يطلقني :( ماني عارفه ڜنۅ اسوي مع اني ابيه واحبه وامه تقول ماني واقفه بوجه ولدي اذا ما يبيها وامه تتكلم عني عند الحريم بالله شرايكم والله محتاره
|
رد: ابي حل لمشكلتي
ليش هو مارجعك لسى
|
الساعة الآن 07:45 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .