![]() |
ما يتقبل الخضار!!
ازيكو يا حلوين؟؟
صراحه جدا جدا متضايقه انهم قفلوا تجمعات عناية الاطفال وفقدتها بالمرة لاني متعوده هناك اكتب للبنات كل يوم وش صار ووش تطورات ولدي وجدا صعب كل ما صار شي ولا سوا حركه كتبت موضوع! خسارتها والله بالذات ان البنات كانو معي من ايام تجمع الحمل وكثير متعودين على بعض :( المهم موضوع الاكل انا عارفه انه تكرر الاف المرات وكثير بحثت بالمنتدى وقريت بس برضه محتاره.. فوسعو الصدر معاي شوي وفيدوني بتجاربكم.. انا ولدي باقي له اسبوعين ويكمل ست شهور وعشان كذا بديت اليوم اذوقه الاكل عشان يتعود وعلى الست شهور يكون ياكل باذن الله.. اكثر من ام ومنهم امي نصحوني نصيحه اثارت اهتمامي وهي اني ما ابدا بالسريلاك و الفواكه لانها حاليه وبيحبها الطفل وبعد كذا رح يكون صعب يتقبل الخضار.. امي تقول عانيت معاناة خياليه عشان اعودكم على الخضار بعد ما تعلقتو بالسريلاك.. لذلك قررت ابدا بالخضار طبعا مسلوقه ومهروسة من غير اي اضافات زي ماقريت في الكتب ومواقع الاطفال.. سويت اليوم جزر.. سلقتها وهرستها مع شوي موية عشان تصير خفيفه والله لا يوريكم وش سوا ولدي تقلها كلها وشوي ويستفرغ من طعمها!! انا كنت متوقعه انه مارح يتقبل على طول وانه يبيله جهد بس فجأة بدت تجيني نصايح من نوع ثاني!! قالو لي انه مستحيل الطفل بعد الحليب يتقل خضار ساده!! وبتحاولين وتحاولين بالاخير بتملين!! الافضل اخلطيها مع سريلاك وبعدين ابدي خففي السريلاك شوي شوي وزودي الخضار الين تصير لحالها وغير كذا مارح ياكلها ابد!! انتم وش رايكم وكيف بديتو بالخضار؟؟ وهل تقبلوها عيالكم ولا تعبتو؟ وهل اصبر واحاول اسبوع او اسبوعين او على طول ابدا اخلط مع سريلاك؟ انتظر تجاربكم بفارغ الصبر :) |
رد: ما يتقبل الخضار!!
انا بنتي كملت سنه وشهر وماعطيتها سيريلاك ابدا
بديت اول شي بالبطاطس المسلوقه بالماء وشوية ملح وكنت اعطيها تفاح مهروس وشوي شوي لين صارت تاكل عادي وكل اسبوع تجربين نوع خضار عشان لا سمح الله يكون عنده حساسيه |
رد: ما يتقبل الخضار!!
مشكورة ام البداري يعني تتوقعين لو استمر بالخضار لحالها شوي شوي يبدا يتقبلها؟ اليوم عطيته مرة ثانيه شوي جزر وهالمرة احسن بلع شوي لكن يوم خلص استفرغ!!
افكر بكرا اجرب بطاطس.. |
رد: ما يتقبل الخضار!!
انا ولدي له سنه رافض الخضار بالمره ومحتاره مثلك مادري كيف يحبها وياكلها
ان شاءالله نلاقي الحل هنا |
رد: ما يتقبل الخضار!!
اهلين ام خلودي ، شخبارك وخلودي ؟
فعلا انا لاحظت اقفال مواضيع الدردشات اللي تعودنا عليها من بداية الحمل والولادة .. وماعرف ليش حصل كذا !!! بالنسبة لسؤالك .. انا ولدي بديت اأكله من عمر اربع شهور ، اشتريت اكل الاربع الشهور خضار وفواكه وصرت اعطيه الخضار في العذا والفواكه في العشا والسريلاك في الصبح ، لكن ما تقبل الحضار فـ وقفتهم واستمريت على السريلاك والفواكه بس مو كل يوم عشان اكون صريحة لكن بس صار عمره 6 شهور صرت ااكله بشكل يومي .. والخضار برضو مو متقبله ، فسويت عليه حركه عجبته وهي اني امزج عليهم ملعقة صغيرة سكر خلاه يتقبل الطعم ، وللآن اسوي نفس الحركه والحمدلله مستمر على الأكل فـ انتي حاولي تضيفي قليل من السكر وشوفي لو رح يقبل ولا لا .. :) و ربي يخليه لك |
رد: ما يتقبل الخضار!!
انا بالنسبه لي ولدي ماتقبل ابببببد الخضار كذا فاحط رشه بسيطططه جدا ملح وسار ياكل شوي .. بس خليت يومين بطاطس ويومين جزر وخلطتهم بعدين سوا ..
احس لما خلطت اكثر من نوع خضار مع بعض مع رشه ملح تقبلها اكثر من انو كل نوع لوحده .. وعالشهر السابع سرت احط شوي رز مصري معاهم والثامن شوي دجاج لما كمل السنه سار ياكل من اكلنا عادي :) السيرلاك خليه عشا والفواكه بنص اليوم |
رد: ما يتقبل الخضار!!
يوه اغلبكم حط اظافات على الاكل :( ما كان ودي استخدم لا ملح ولا سكر لين يكبر شوي!! اليوم رابع يوم من المحاولة (يومين جزر ويومين بطاطس) ومافيه فاااايده يعصب ويتفل ويستفرغ احيانا.. شكلي لو كملت اسبوع وهو على نفس الحال بجرب السريلاك واذا تقبله ابدا اخلطه مع الخضار والشكوى لله.. ولا تتوقعون اخلط رز مصري افضل من السريلاك؟؟
|
رد: ما يتقبل الخضار!!
رز مصري افضل طبعا ..
بس حبيت افيدك ترا دكتورة وادي قالتلي قليل من الملح مايضر ابد .. بس ماانصحك تحطي سكر ابد |
رد: ما يتقبل الخضار!!
اقصد ماتحطي سكر والا خلاص بيتعود ع المذاق الحالي فقط
وبيبهذلك اذا كبر |
رد: ما يتقبل الخضار!!
انا رح افيدك بتجربتي مع بنتي من عمرها 4 شهور بديت اذوقها المهم اول شي تبدين اسلقي كوسة وجزر وخلي شوي ملح واهرسيها .. حاولي اول 3 ايام تطعميهياه وبعدين ضيفي مع الجزر والكوسى بطاطا وهرسيهم سوى وكمان خليكي 3 ايام اتطعميهم اياه .. وبعد 3 ايام الثانيه نفس الخلطة واتضيفيلها رز وكلهلم اهرسيهم سوى وضيفيلهم ملح عشاان الطعم وخليكي على هل خلطة لمدة شهر اول ايام عطيه بس الضهر ومن يتعود على الخلطة عطيه الضهر وبالليل يعني غدى وعشى وبعد شهر ابدي اسلقي فخذ دجاج على جنب ومن تعملي الشوربه لما تهرسيها بالخلاط فلسي الدجاج حيصير طعمها يجنن ويحبها اكثر ولما يتعود عليها ابدي غيري بمكان الجزر حطي طماط بدون قشور يصير طعمها اطيب جربي ورجعيلي خبر
|
رد: ما يتقبل الخضار!!
موضوعك جا بوقته )ولدى بعد 10 ايام يكمل 6شهور يعنى اول رمضان(تخيلي الى الان مأعطيته شئ فقط حليب ههه*مدرى ابوه رفض يقول يطمل ست اشهر عيه *مفكره ابد بسيريلاك او بسكت اور مصرى %الا هل يضر هشئ ؟؟ ****اختى بسالك انتمرجعتو للمملكه اولا
|
رد: ما يتقبل الخضار!!
؟؟؟؟؟؟!!؟؟؟؟؟
|
رد: ما يتقبل الخضار!!
ليالي ايه انا رجعت المملكة صارلي تقريبا شهرين.. بس كيف ولدك بيكمل ست شهور بعد عشر ايام؟ انا ولدي بيكمل ست شهور بعد تسع ايام واذكر ولدك اصغر من ولدي يمكن باسبوع!
بالنسبه للاكل عادي انا زيك كنت ناويه ما ااكله لين يكمل ستة ولما صار خمسة ونص قلت ابدا اذوقه واحاول عشان عارفه الموضوع بياخذ وقت.. صراحة ما انصحك تبدين بالسريلاك حاولي بالخضار اول وخلي السرلاك اخر شي لانه لذيذ وحالي اخاف يبدا فيه ما يتقبل باقي الاكل.. |
رد: ما يتقبل الخضار!!
بالنسبه لولدي اليوم سادس يوم وما زال رافض بعننفف وصراخ وصياح ويتفل كل اللي يدخل فمه hwaml15hwaml15
اول يومين جربت الجزر بعدين قلت يمكن يحب البطاطس واخر يومين جربت القرع قلت لانه حالي يمكن يحبه!! برضه مافيش فايدة.. توقعت المشكله لانه ما يعرف كيف يبلع او ياكل لكن فجأة كان عشانا سليق (رز مصري مطبوخ بحليب) قلت بختبره واجرب واول ما عطيته اكله علي طول!! معناتها مشكلته مع الخضار مو مع الاكلhwaml8 عموما انا لسا بحاول اسبوع بعد اذا بالمرة ما رضى خلاص بطبق نصيحة اختي دلوعة تايسن وبصير اضيف رز مصري مع الخضار ويمكن شوية ملح عشان يتقبلها.. شكرا جنون بيبي على المعلومه انا مرة كنت خايفه اضيف ملح بس بما انه الدكتورة قالت لك عادي شوي الشكوى لله بضيف شوي ملح وشوي رز ويارب ياكله.. والف الف شكر لنصايحكم القيمه وبرجع اقولكم اذا صار شي جديد.. ما ننحرمش hwaml13 |
رد: ما يتقبل الخضار!!
انا بولدي الاول كذا ما حبيت اضيف سكر
بس نصيحتي لكي بدال السكر اضيفي التفاح مع الخضار راح تستغربي بس انا اخذت فترة مسافره واضطريت استعمل الاكل الجاهز وانا وما اتقبل الخضار سرت اضيف قليل من التفاح المهروس للخضار صار ياكله عادي ولما رجعت البيت واستقريت حاولت مثلك خضار لحالها ورفضها كليا فسرت اضيف نص تفاحة للخضار ورجع يتقبله عادي ونصيحة اذا ولدك من النوع اللي يرجع اعطيه نصف الكميه اللي تعطيها هو دحين اتمنى اكون افدتك |
رد: ما يتقبل الخضار!!
اشكرك حبيبتي روا على الرد.. وش نص الكمية هو اساسا ما يدخل بطنه الا اقل من ملعقة صغيره وبالعافيه.. الباقي ادخله بفمه ويتفله هو..
بعد يومين اكمل اسبوعين وانا احاول أأكلة وهو ما زال رافض.. الله يستر من هالولد بيهبل بي.. امس واليوم ضفت شوي ملح على الخضار لعل وعسا يتقبلها وعادي نفس الشي.. |
رد: ما يتقبل الخضار!!
يمكن مو متقبل سالفة الملعقه
سوي الخضار كالعادة بس خليها شوي سائلة هالمرة وحطيها بالرضاعه وشقي الحلمة اوسع شوي وخليه بوضعية الجلوس واعطيه الرضاعة بأشرافك وعينك عليه المقصود من هالشي تشوفين المشكله من الخضار ولا طريقة الاكل انا بنت اختي ربيتها من 3 اشهر الين 9 اشهر تقريبا ما كانت تبي اساعدها بالاكل ابدا ابدا وكنت احسب من الخضار وسويت لها الرضاعة بنفس الطريقة وعادي اتقبلتها وسارت تستطعم تبي الخضار بدال الحليب بس بالشهر السابع والنص تقريبا لقيت لها حل احسن كنت اسلقها لها بالطول وتاكلها بنفسها واذا ما اتقبل هالشي حاولي مرررة تجوعيه وبالاخير دوريله فاتح شهيه |
رد: ما يتقبل الخضار!!
اهلين يارحيم .. انا بنوتتي اضطريت ابدا الاكل من دخلت الرابع عشان كان معها اسهال شديد
المهم كنت اجلسها ب الجلاسه وابدا ااكلها لكن كانت تتفل طوالي وتبكي وتصارخ ومعاناه انا وهي بعدين لاحظت لما احطها بحجري واميلها كنها بوضعيه الرضاعه تاكل عادي وتقعد تتطعم وتحاول تبلع ومع الوقت عرفت تبلع عادي جدا ، وانا عطيتها خضار بدون لا ملح ولا اي اضافه ،، اللهم اني اسلق الجزره او البطاطا واحط شوي مويه بعد السلق واخلطها بالخلاط واعطيها البنت سايله .. وبعدها الحمدلله وقف الاسهال ووقفت انا الاكل لين تكمل الرابع اقل تقدير ف انتي جربي غيري وضعيه طفلك ، انا احسه مو عارف يبلع او خايف او اي شي جربي حدا غيرك يطعميه الاطفال عندهم افكار غريبه ، مثلا ابوه يجرب يطعميه ؟ وقت الاكل لاعبيه وضحكيه ومعليش يبيله صبر هو مو شي بسيط ينتقل من مرحله الرضاعه للبلع والاكل واهم شي يكون جيعان جيعان عشان يرضا ياكل عادي ويتقبله وبالنسبه لي مافد عانيت من موضوع السيريلاك والخضار ، عادي عيالي ياكلون الاثنين بس الخضار والرز المصري اكثر بكثير من السيريلاك السيريلاك لزنقات بس ! وللعلم اذا ولدك يرضع صناعي فهو متعود على طعم السكر ، لان الحليب الصناعي فيه شوي حلاوه عكس حليب المر فطبيعي الولد يميز ان الاكل حقه باهت لان حليبه حالي فماهو مستسيغه ولا تخافين بيرجع ياكل بس البدايه هيك مو طوالي بيرفض الخضار والرز المصري ومويته مفيده جدا لطفل ، دايم سويله وطعميه وقدامه العافيه يارب |
رد: ما يتقبل الخضار!!
مشكورين حبيباتي على ردودكم..
بيورتي ولدي ماعنده مشكله بالبلع ولا الوضعيه لان لما عطيته سريلاك اكله عادي تماما هو بس رافض الخضار!! حاليا اخلط له ملعقتين سريلاك مع ملعقتين جزر مسلوق ومهروس او موز مهروس وياكله الحمدلله.. شكلي بزود كمية الخضار واخفف السريلاك بالتدريج لين يتعود!! اليوم جربت شوي تفاح مسلوق ومهروس ورفضه!! اي شي بدون سريلاك ما ياكله!! |
الساعة الآن 11:42 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .