|
اندونسيه تدعي علم الغيب
السلام عليكم ورحمة الله وبركاته خوااتي مادري من وين ابدابس انا في امس الحاجه للانصحكم ومشورتكم اهلي عندهم شغاله تدعي علم الغيب وتصوم تقرب للشيطين كل يوم خميس والاثنين كمان تقول اشيا حصلت لنا وهي مابعد جت من ديرتها يعني قالت اخوي كان عنده مشكله مع زوجته قالت سبب الطلاق كذ وكذا مع العلم هذالكلام قبل لاتجي من اندونسيا والحين هي على وشك تسافر بس قبل لاتروح غيرت جواهلي خلتهم دايم معصبين وصارت تخبرهم باماكن الجن حمانا الله منهم والاشياء الي مايحبونها صرنا نشغل القران بالبيت وهي تتعب ولاتشتغل الااذقفلنا القران المهم كلامها كثير وتدعي علم الغيب ان فلانه ماراح تقدر تنجب وان فلان معه مس وانا الوالده بتتعب عليكم وفعلا صارت تتعب وووكلامها كثير الان شنو اقدر اسوي ابلاغ الهيئه وكيف الاجراءت مع العلم اهلي رافضين يقولون لابتسافر خلاص بس انا ابيها تتعاقب لانها كرهتنا بالقرب الناس لنا قالت انهم عاملين عمل لكل واحد فيكم من الكره ابي الهيئه تتحقق معها وتعاقب الي يعملون الاسحار فعلا خواتي اكتبلكم وانا يعلم الله اني حزينه جدا على الاشيا الي تصير لاهلي رجاء لاتهملو موضوعي ساعدوني ابي هيئة الرياض وكيف الوصول لهم وفعلا بيساعدو |
رد: اندونسيه تدعي علم الغيب
حبيبتي كيف دخلتوها بيتكم هذه شيطانه أعوذ بالله من الشيطان
يعني ممكن إنها خربت كثير أشياء بينكم ولازم تتعاقبhwaml4 إذا مسلمة لازم تتعاقب وتخبرو عنها لأنها إن سافرت بتئذي غيركم وهالشي حرام ممكن ترتدع وتخاف وتوب اللهم إنا نعوذ بك من السحر وكيد السحرة آميييين |
رد: اندونسيه تدعي علم الغيب
شوفي ياقلبي اول شي دقي على الاستعلامات 905 يعطونك رقم الهيئه ثاني شي لالالالا تسافر ليكون معها شي من اغراضكم تسوي بها سحر
المهم هي لالالا زم تروح للهيئه ما تخلونها الله يعينكم ويصبركم لين تخلصون منها باذن الله |
رد: اندونسيه تدعي علم الغيب
الله يكفيكم شرها يارب ..
لاتخلونها تسافر لحد ماتشوفين الهئيه شيردون عليج فيه على الأقل هم يفتشونها قبل لاتسافر ,, |
رد: اندونسيه تدعي علم الغيب
جزاكم الله الف خير خواتي والله اني حاسه بخوف فضيع منها مع العلم اني اعاملها كويس وهي ماخبرتنا بالاشياء هذي الابعد ماتمت سنتين في بدايتها كانت تظهر حرصها على الصلاة ودايما معها سبحه ودوم تستغفرالله يعني طبيعيه مكنا نعرف شي ابدا وبحاول اتصل وشوف الهئيه كيف تتوصل لحل
|
رد: اندونسيه تدعي علم الغيب
والله ما تستاهلون يا شجون الا بيصير لكم
وانا اقول فتشوها وبعدها سفروها بس اهم شي انكم ما تخلون اغراضكم عندها يمكن تأخذ اضافركم او شعر او ملابسكم او صور ترى الخدم يخوفون وما منهم امااان انتبوا ع حالكم والله يكافيكم شرها وكايد امرها |
رد: اندونسيه تدعي علم الغيب
الله يكوووووون بعونكم هذي والله أعلم شكلها ساااااااحرة ومتمرسه بعد
|
رد: اندونسيه تدعي علم الغيب
الله يكون بعونكم
اختي اتوقع انه ما احد عامللكم شي وكل الاعمال هي سببها حسبي الله عليها لا حول ولا قوة الا بالله |
رد: اندونسيه تدعي علم الغيب
دوري على رقم الشيخ المقبل هو متمرس بالتعامل مع السحرة والمشعوذين اكثر من اي شخص ثاني والله يكفيكم شرها
اوراق الخريف |
رد: اندونسيه تدعي علم الغيب
رب يهدي الجميع
|
رد: اندونسيه تدعي علم الغيب
لاتخلونها تسافر لحد ماتشوفين الهئيه شيردون عليج فيه على الأقل هم يفتشونها قبل لاتسافر
|
رد: اندونسيه تدعي علم الغيب
حسبي الله ونعم الوكيل ,,,عليهاا ياارب,,,والله يعينكم منها ويصبركم لييين ترووح وانتم في صحه وعاافية ياارب,,,,
|
رد: اندونسيه تدعي علم الغيب
مثل ماقالوا الأخوات
ضروري تسألين الهيئة وتفتشووونها لاتخافين يالغلا واحرصوا على الأذكار بالصبح والمسا وحرصي اهلك بعد والله يحفظكم من كل سوووء |
رد: اندونسيه تدعي علم الغيب
يييييي اعوذ بالله منها ومن امثالها وشوفي قالت الوالده بتتعب وتعبت اعرفي ان امك الله يحفظها مافيها شي لكن الخدامه سوت لها شي بالاكل ولا حطت شي تتعب منه امك عشان تصدقون كلامها
بالله عليك بالله عليك لاتخلوها تسافر انا وحده مجربه كيد الخدامات مع اهلي ومع اقاربي انصحكم لاتسافر الا بعد ما احد الشيوخ يشوفها وقولي ليا ايش يصير معك ومع اهلك شوفي لو اهلك رافضين انو احد الشيوخ يجي ماعليك لانو خلاص اذا عرفو ان في ساحره في بيتهم ماراح يتركون اهلك الا اذا خذو الخدامه حتى لو ماعرفو من الي بلغ عليها |
رد: اندونسيه تدعي علم الغيب
ماقصرتو خواتي جزاكم الله خير فعلا انا مفكره ابلاغ ولااخبر اهلي .اهلي قصدهم خايفين منها تاذيهم اذاسافرت الموقف محير مخليتهم مايفكرون فيها بس تخبرهم وتقلقهم ولايسوون شي اطلاقا صرت اكره اروح لاهلي احس بخوف من بيتنا واخاف على بنتي دعواتكم
|
رد: اندونسيه تدعي علم الغيب
شجون انصحك بسرعه خبري الهيئة ولا تقولين ل اهلك وخلي القران علا طول شغال عندك وعند بنتك لان لو عرفت الخدامه انو انتي السبب بتحاول تضرك بلييييييييييييز ياشجون تصرفي وربي من امس وبالي مشغول مدري ليش لكن كذا خايفه عليكم لانك اخت عزيزة وغاليه
ولان انا شفت بعيني عمايل الخدامات في اقرب الناس لي ول اهلي قلت لزوجي يقول تخبر الهيئه وهم يتصرفون معهابدون ما تئذي اي احد هذا اذا مانفذو فيها حكم الله............طمنيني ياشجون لاتنسين |
رد: اندونسيه تدعي علم الغيب
بالفعل قولي للهيئه وقولي للهيئه انهم لا يقولون حق اهلك انك انتي الي جبتها هم يحلون المشكله بينهم بين
وانتي اسكتي لا تقولين حق احد بننتظر وش راح تسوين وقولي لنا وش راح تسوين اول بول بنكون معك |
رد: اندونسيه تدعي علم الغيب
بنات من جد والله اني خايفه من اي تصرف ومن البارح واننا تعبانه مغص فضيع مدري من شنو كلمتنى امي وانا قد فاتحتها بالموضوع تخيلو اليوم لماتتصلت تطمئن علي امي قالت اتركي الشغاله وربي يعافيك وشوله تبينا نسفرها وهي المفروض تسافر بشهر 8قالت امي انها كلمت اهلها وقالت لهم ماني مسافره بجلس بالسعوديه تخيلوا وامي احسها فرحانه وبنفس الوقت خايفه انها ترغمها على السفر
|
رد: اندونسيه تدعي علم الغيب
شجون طيب خلي واحد من الرجال الي عند اهلك يتدخل طبعا لان لو ضرتك انتي وبنتك اكيد زوجك ماراح يسكت لها وهم يمكن يدافعون عنها لانو باين انها اثرت فيهم
وووويارب يفككم منها ولاتنسين تحصنين نفسك وبنتك وزوجك وقولي لاخواتك يشغلون القران ف البيت احسن لو في الليل وقت النوم ع الاقل ومحد يبغا التلفزيون .. |
رد: اندونسيه تدعي علم الغيب
اعوذ بالله منها انسانه موصاحيه
اساسا كيف تقدرون تعيشون معها مانصحكم تسفروها بلغوالهيئه عنها تشوف ايش مشكلتها مومعقول احسها قالبه بيتكم فوق حدر.. ومهما صدقت فكلامها لاتاخذون اي اعتباااار منه.. الله يعينكم ويكفيكم شرها .. |
| الساعة الآن 11:37 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .