منتديات حوامل النسائية - قصة ولادتي بين الآكشن والدرما والكوميديا

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

قصة ولادتي بين الآكشن والدرما والكوميديا

السلام عليكم
كيف حالكم يا كروشااات انشالله تقومون بالسلامة
آآآآآآخ بس سالفتي أنا سالفة أنا قبل رمضان بسبع أيام ولدت والحمدلله أول شي رحت للمستشفى لأنه كان موعد ولادتي بذاك اليوم وزياده بديت احس بألم في بطني وظهريوفي المنطقة الحساسة بعد وكشفت علي الدكتوره قالت مفتوح عندك 2 ونص سم فرحت وقلت زين يعني راح أولد وأنا خليت ولدي الأول عند أختي الكبيرة وجت معاي امي وزوجي بس فقالت خلاص الحين بنقلك للغرفة الولادة لاني أنا اليوم مولدتك مولدتك ورحت وكنت مسالمة والله وغيرت ملابسي وزوجي وامي كانوا جنبي وكل شوي تجي الممرضه وحده سعودية وثنتين فلبينيات بس اللي كانت معاي أكثر شي السعودية الله يوفقها وكل شوي تكشف علي من تحت تقول ما تغير 2 ونص بعدها يمكن بساعةجت مره ثانيه قالت حبيبتي ابيك تنامين على جنبك اليسار قلت ليش قالت بعطيك حقنة شرجية قلت لا لا هذي عطوني اياها في ولادتي الأولى وما عجبتني تنرفز قالت لازم حبيبتي لازم قلت لا وقعدت تقنع فيني وأنا رااااافضة تماااما قالت شوفي خليني اعطيك اياها احسن لك لأنه اذا درت الدكتوره والله بتعطيك اياها غصب عليك يالله انقلبي قلت يووووه مااابي وانا احس الدمعه قربت شوي وبصيح قعد زوجي يقنعني وبعد اقناع طويييل انقلبت وعطتني ايها ورحت للحمام وانتوا بكرامه وانتهى موضوع الحقنة وبعد بساعة ونص كشفت قالت ماشالله 4 سم ممتاز الحين نقدر نعطيك التحميلة قلت لها لحظه لحظه وش تحميلته ماااابي مو على كيفكم قالت لازم انتي طلقك بارد ولازم تولدين الحين الجنين ماراح يستحمل اكثر من كذا وضااااق صدري وقعدت اصيح ونادت الممرضة الدكتوره وفهمتها انه مابي تحميلة وجت الدكتوره طااااااايره قالت ليش ما تبغين قلت لها يا دكتوره تكفييييين أنا التحاميل والأبر ما أحبهم من وأنا صغيره أنا كذا قالت لا يا حبيبتي هذا مقدمات الولادة أبر وتحاميل أجل وش بتسوين اذا جاك الطلق يالله يالله افتحي رجولك قلت لا قالت مو على كيفك لا الجنين ما فيه يستحمل أكثر من كذا وعلى طووول أشرت للمرضات الثلا وحدة فتحت رجلي اليمين بقوة والثانيه اليسار والثالثه ثبتت حوضي عشان ما أتحرك وزوجي الله يهديه فديته كتفني وأمي تقرا علي وتصيح وأنا عصبت وتنرفزت وقعدت اصيح مابي مابي وانا عشاني كنت اتحرك شوي وشادة نفسي واجهت صعوبة في وضع التحميلة وعشان كذا عورتني شوي ويمكن أنا كنت اتوهم انها تعور hwaml03 وبس وبعدها بثمان ساعات انفتح 5 سم بس وعطوني تحميله ثانيه ونفس المعاناة رفضت ومسكوني وهالمره صحت من كل قلبي لانه كنت أتألم ونفسيتي تعبت وبعدين حطولي ابره في المغذي ومن بعد الأبره هذي حسيت اني بطير من حرارة الطلق ألم مو طبيعي سبحان الله وتهسلت الأمور وولدت الحمدلله جبيت بنت مثل القمر الله يحفظها هي واخوها انشالله وانشالله تتسهل علي اللي ما ولدت وتحسون في الأمومه اللي ما فيه أحلى منها hwaml7 تحياتي لكم يا أحلى بنات