|
انا تعبت ابي مساااعده.....؟
صباح الجوري
هذي اول مشاركه لي بالمنتدى وانا بصراحه من زمان هنا بس للاسف ماسجلت الا بعد ماحسيت اني تعبت من كثر التفكير وابي حل حبيباتي انا توني انخطبت وملكت بشهر 8.... والحمدلله ارتحت لخطيبي وعشنا مع بعض احلى لحظات بس اللي ذبحني انو للحين ماقرر متى زواجنا .... وهو مستعجل يبي الزواج بدري انا حاولت اني ماارفض مع العلم اني آخر سنه بالجامعه بس وافقت احول عنده علشان بس مايتضايق ولاني مقدره وضعه النفسي انو فاقد امه لانها متوفيه وامي كلمته انو عادي خذها بأي وقت بس اعطنا خبر علشان تتجهز وللاسف يطنش الموضوع مع انو كل يوم بالجوال يقولي ياليتك جنبي وماعاد فيني صبر ومن هالكلام وبالاخير ضغطت عليه وقلت له لازم تقرر انا عندي جامعه وكلم اهله ورفض ابوهـ انو نتزوج بعيد الاضحى.....! وهو اصلا مكلم ابوي واخواني واقتنعوا وحطني بموقف مو حلو معاهم وهاللحين ياصبايا يبي يحط الزواج شهر 2)) بس لس مااقنع اهله وانا عندي جامعه وعاد انتوا تعرفون تجهيزات الزواج وماودي باقي افتح الموضوع اخاف يفهم اني مستعجله ع الزواااااج صبايا وش الحل انا تعبت واهلي كل مره يسالوني هاه قرر خطيبك ولا لسى ابي حل ووش اسوي ..............................؟؟ آسفه ع الطرح بس وربي متضايقه وحسيت انكم مثل اخواتي وواثقه انكم راح تفيدوني بالذات المخطوبات والمتزوجات |
رد: انا تعبت ابي مساااعده.....؟
انا من رأيي لا تفتحي الموضوع ثاني ومدام موقادر يتزوج في هالظروف ,انتي روحي كملي الجامعه حقك وخلي الزواج بعدين
موفقه |
رد: انا تعبت ابي مساااعده.....؟
لاتفتحين الموضوع معه
صبري اصلا حتى لو ابتتزوجين مثلا شهر 2 ؟؟ اولا راح تتعبين بتجهزات لان راح تكون فترة اختبارات ولا تنسين شهر 2 تبدء الاخبارات النهائية لسمستر الاول يعني بتكوني عروس واختبارات مو حلو كذا صبري لين ربيع مثلا بعد السمستر الاول وبعدين لاتقولين له كاش متى نتزوج بس س سؤال كم لها امه من توفت؟ |
رد: انا تعبت ابي مساااعده.....؟
اقتباس:
مشكوره قلبي ع تواجدك هو موقادر يزعل ابوهـ وشكلي انا اللي بروح فيها بيجي يقولي معاكي شهر تتجهزي فيه هذا اللي مخوفني يسلمو قليبي ع تواجدك |
رد: انا تعبت ابي مساااعده.....؟
اقتباس:
يسلمو ياغلاي ع تواجدك ياقلبي انا اللي ذابحني انو اهلي ماعندهم مشكله يجي ياخذني التجهيزات هما مو حاسين فيها حتى دراستي يقولون كملي معاه وهذا زوجك من حقه ياخذك وامه ياروحي متوفيه يمكن لها 3 سنوااااات انا حاولت المح والمشكله الاكبر انا عندي تطبيق الترم الثاني ولازم اسجل ياانزل يااجل واحول لجامعه ثانيه بس صعبه افهمه كل مره انا اروح اتكلم عن الزواج |
رد: انا تعبت ابي مساااعده.....؟
شوفي ياقلبي انا من رايي تسالينه ليه متردد
اكيد في حاجه مضايقته او حاصله له ومن كلامك باين انه وده بزواج لو انو بكرا بس فيه حاجه انتي لاتطرحين السؤال كذا على الحاف حاولي تجيبيه بالكلام وتعرفين وش عنده وواذا على التجهيزات في اي وقت تحسي انك فاضيه روحي وبما انو جامعه وكذا روحي بالويكند واذا على الجامعه عادي ياقلبي كمليها معاه انا الحين بمستوى ثاني ومرا مرتبه وضعي لبيتي ولجامعتي بس قولي له يحط الزواج بوقت مناسب وان شاءالله يسهلها عليكم ويوفقكم يارب |
رد: انا تعبت ابي مساااعده.....؟
افضل حل انك تكلمي خطيبك وتتفقي معاه ,, مافيها شي اذا كلمتيه وكنتي صريحة وياه
ابدأي معاه الكلام بخوفك وقولي له انك مو مرسيني على بر وبيني له انك خايفة على دراستك خليه يعرف انها مو مسألة تلهف على زواج ,, لا تضحي بدراستك ومستقبلك صدقيني كذا بتتزوجي بنفسية تعبانة وبنكوني شايلة هم الدراسة وانتي عروسة تبي تنبسطي تطلعي وتروحي وتجي وتدلعي ماحيكون لك خلق دوام ودراسة و لا تشيلي هم التجهيزات ترا سبحان الله ربي ييسرها من عنده |
رد: انا تعبت ابي مساااعده.....؟
ظلام الليل مشكوره ياقلبي
وربي كلامك ريحني كثييييييير والدراسه انا مو شايله همها تدرين وحده من صديقاتي تقولي قولي لها بااسلووب رومنسي اني انا احبك وانت ياقلبي تقدر تقرر الوقت اللي يجمعنا فيه مع بعض بس انا خوفتي يفهمني غللللللللللللللللللط وهذاااا اللي ماابيه او يقوول انو اهله مايهموني اهم شي انا |
رد: انا تعبت ابي مساااعده.....؟
اقتباس:
الله لايحرمني هالردود ماقصرتي يالغاليه فكرتك حلوه ابحاول افهمه |
رد: انا تعبت ابي مساااعده.....؟
حنونه ششوفي بسلوبك تقدري تفهمينه عدل بدون مايفهم غلط
وكلام صاحبتك عدل وربي يسهلها لك ويوفقكم يارب ويرزقكم الذريه الصالحه |
رد: انا تعبت ابي مساااعده.....؟
كلام البنات سليم
كمان اذا على التجهيزات الرجال كذا فجأه ماعندهم كلمه احنا بحال مشابه الزواج مو متحدد والاخ عندنا مستعجل والامور ملخبطه فاانا من نفسي جهزت لأختي حبه حبه وبدينا بالتجهيزات بكل هدوء لان اعرفهم بيحددون الزواج بسرعه ومعد يمدي وفعلا هاذا اللي صار جا الرجال وحدده بعد 3 اسابيع من الحين والحمدلله خلصنا تجهيز اختي قبل وهاذا اللي انتي بتسوينه اذا ماتحدد شي |
رد: انا تعبت ابي مساااعده.....؟
يسلمو ياغلاتي الله يجزاك كل الخير
وشكلي ببدأ اجهز من هاللحين |
رد: انا تعبت ابي مساااعده.....؟
انا اقول كلميه بصراحه عادي هو زوجك
قوليله بالنسبه للزواج بوقت الاختبارات جدا صعبه وهو بيفهم اكيد ع الاقل بين الترمين... وبالنسبه للتجهيزات إبدئي من ألحين خذيها حبه حبه يعني كلما نزلتي السوق خذي لك كم شغله يعني الاغراض الخاصه مثلا:عطورات..ملابس داخليه...ملابس النوم....الخ تبقى الأشياء الأساسيه بس.. عشان اذا قررو الزواج فجأه تكوني جاهزه شوي أما بالنسبه للزواج مع التطبيق عادي امره سهل بس حاولي مايكون الزواج وقت الاختبارات بس هذا رأيي ..والله يختار لك اللي فيه الخير |
رد: انا تعبت ابي مساااعده.....؟
عن نفسي لا تكلميه واذ قالك انه حدد الزواج قولي كلم الوالد وقوله واذا كنتي مستعده وافقي واذا لا خلي ابوك يكلمه ويقوله انكم ما جهزتو شيء للزواج والوقت ما يكفي
وكملي جامعه هانت باقي كم شهر وتنتهي الدراااااسه يمكن تحملين بعد الزواج وتتعبي ولاتكملي |
رد: انا تعبت ابي مساااعده.....؟
اقتباس:
يسلمو ياغلاتي انا راح احاول اكلمه بصراااااااحه والتجهيزات اببدأ فيها الله لايحرمني من طلتك |
رد: انا تعبت ابي مساااعده.....؟
اقتباس:
رأي حلو بعد يسلمو ياغلاتي ماتقصرين |
رد: انا تعبت ابي مساااعده.....؟
الله يعطيك الصبرويوفقك
|
رد: انا تعبت ابي مساااعده.....؟
الله يسهلك يارب وإن شاء الله البنات أعطوك طرق تقنعيه فيها
لكن ع التجهيزات لازم تبدأي دحين مو تستني لما يحدد وقت الزواج بعدين ممكن يضيق الوقت وما يمديكي |
رد: انا تعبت ابي مساااعده.....؟
منووووره بمنتدانا اعتبرينا مثل خواتك فضفضي
شوفي يالغلا انا تزوجت بشهر 4 وانا ادرس طبعا لو تشوفين وشلون تحسفت ماتصدقين دراسه وزوج وبيت تخيلي توي معرسه وبلشه بدراستي عجزت اتفضى ابد حتى صارت نفسيتي زفت درست شهرين وجت ختبارات وتعالي شوفي حالتي ندمت بالحيل والسبب الزواج وانا ادرس نصيحه مني يااعرسي بعيد الاضحى ولا شهر 2 ماينفع ابد خلي ابوك يكلم خطيبك وصدقيني بيقتنع اذا شرح له الاسباب وبيستحي ويقبل واهم شي دراستك ياحلوه والله يوفقك بحياتك الزوجيه والف مبروووووووك مقدما |
| الساعة الآن 12:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .