|
خايفه اكون حامل
بسم الله الرحمن الرحيم
السلام عليكم ورحمة الله وبركاته اخواتي انا كملت شهر بعد النفاس و لا نزلت الدورة هل معناه اني حامل !!!!!!!! مع العلم اني ارضع ابني من صدري لكن رضاعه بسيطه مو اعتماد كبير ارجوكم ردو بسرعه انا خايفه :( على فكره انا ما استخدمت أي مانع لان زوجي رافض الموانع بكل اشكالها :( |
رد: خايفه اكون حامل
اممممممممم والله مااعرف وش اقولك
بس بقولك عني انا اول مااخلصت نفاس جلست شهرين وجات الدوره يعني مو شرط الدوره تجيك ع طول انتظري هذ1 اولآ ثانيآ..شلون زوجك ماايبغي يمانع يعني يبغاك كل سنه حامل مثلآ.؟؟ ماايصير لازم تقنعيه بالمانع ع الاقل طبيعي.. والله العيا يبغي لهم تربيه ومسئووووليه يعني ماراح يمانع حط بل حسبان إنك في اي يوم من الايام راح تكوني حامل مثل بنت خالي زوجها مانع تاخذ موانع زوجته ومسكينه حملت ع طوول من بعد دورة النفاس.. واللحين مسكينه متعذبه وصارت مثل المجنونه وزوجها يطلع ويروح ويجي ولاهمه صدق قهر |
رد: خايفه اكون حامل
مشكوره اختي عالرد
ظنك ما اقنعت زوجي الا اقنعته بكل الوسائل بس لاني اخاف من الله و ما اسوي شيء من وراه صار واثق :( لا ما ابغى ودي ابكي hwaml15 ما اتخيل نفسي حامل ابداااا بليييييييييز ردو |
رد: خايفه اكون حامل
90٪ حامل
ماودي اقهرك بس هاذا الصدق واذا مايحب الحبوب حطي لولب ولو مايبي سوو موانع طبيعية يعني ليش يصير اناني لهاذي الدرجة انتي الي بتحملي وياخذ الطفل من غذاكي وتولدي وترضعي وتسهري وتربي وهو بكل بساطة يقول ماابي موانع اذا يحبك ومايبي يضرك من الحبوب هو يسوي منع ويرحمك لان اقل شي 6 شهور تسترجعي عافيتك وخلي اي احد يقنعة مو لازم انتي خواتة او امة او احد قريب منوة الله يعينك ويهديه ويخلية يقتنع بالم الموانع* |
رد: خايفه اكون حامل
انشالله ماتكونب حامل
اني في ولادتي الاولى توقفت الدورة عني 7 شهور متواصلة لاني كنت ارضع ولدي اعتماد كلي على صدري عشان جدي تغيرت الهرمونات وانتي تقولين مو معتمده على الصدر ؟ سوي فحوصات وريحي روحش |
رد: خايفه اكون حامل
اقنعته والله بس ما رضا ابدااا و في الاخير اشترى واقي بس ما استخدمه قال بقذف خارج و اتفقنا كذا بس للأسف في مرة من المرات قذف داخل و بكيت بعدها حسيت اني تورطت :( تصدقون اني صرت اتهرب منه و انام وحدي :( احس اني مشتته و افكر كثير
|
رد: خايفه اكون حامل
um 3lo0oi
ان شاء الله ما اكون حامل اما التحليل اهو ينتظرني اطلب مستوصف عشان يفرح و انا ما ابغاه يعرف ( ايش عليه هو بينبسط و يسمي المولود و انا حقي التعب ) و في نفس الوقت ما ابغى اروح ................. انا الاسبوع اللي فات حسيت بالالام دوره بس ما نزلت و انا في كل حمل يصير لي نفس الشيء تجيني الالام الدورة و لاتنزل و لما احلل اطلع حامل hwaml15 |
رد: خايفه اكون حامل
ياحياتي وليش قلقانه حتى لو ماطلعتي حامل الشهر هذا بتحملي الشهر اللي بعده طبيعي لان مافي مانع الرسول صلى الله عليه وسلم يقول ((اعقلـــــها وتوكــــــل)) مو كذا مسيبه حالي ولا استخدم اي مانع وما ابغ احمل لا الواحد يسوي اللي عليه ويخلي الباقي على ربنا مو يجلس ويقول ربي اللي كاتبه بيصير اذا ربي ماكتب لي الحمل ماراح احمل واذا ربي كاتب لي احمل بحمل هو صح الواحد يكون عنده ايمان بالله بس يعمل بالاسباب وفهمي زوجك الوضع كيف بيكون مع اثنين تعب وبيصيرو كانهم توام والله يوفقك ويكتب لك اللي فيه الخير
وبالنسبه لتاخر الدوره بعد النفاس عااااادي لانها جاتك 40 يوم طبيعي تتاخر الشهر اللي بعده عادي الوضع |
رد: خايفه اكون حامل
زوجي يحب الاطفال بس مو معناها يمنعني اني استخدم الموانع
الحمد لله على كل حال ..... اختي رحيق القلوب كلامك صحيح بس دعواتك ان زوجي يتفهم وضعي وحالتي الصحيه :( |
رد: خايفه اكون حامل
{رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ}
|
رد: خايفه اكون حامل
انا ما ابي ازيدك اختي ,,,,
تصدقي كان نفسي احمل بعد طفلي الاول ,,, في ال 40 اقولك ليش ,,,, هالحين ولدي جا يبه له العاب الدنيا كلها وحاس بطفش فضيع ,,, ولمى يشوف اطفال يبكي ويبي يروح يلعب معاهم "" تندمت اني كنت رافضه موضوع الحمل كل هالسنين ,,, بس انا رفضت للاني قيصري ولدت الله يعين انشالله ويرزقني هالحين اتمناهم عشان ولدي حبيبي صار عنده نفسيه من الضرب والبكاْ ,,, فا اذا حامل احمدي ربك ,, والله بيكبرون وترتاحين تقبلي مروري |
رد: خايفه اكون حامل
انا لو مكانك اخذ خبوب منع الحمل دياني مره خفيفه واخذيها من وراه خلي خواتك او جارتك تجيبها لك وريحي راسك من الولاده المتعبه قرف الاطفال ومشوار التسنين وحياه كلها سهر ورعايه واهتماااام اختي سوت كذا مع رجالها لانه يحب الاطفال وده كل سنه نونو بس هي وصت جارتها او انا واجيب لها الحبوب وارتاحت من الورعااان لا وفي الايام الجايه ممكن يتزوج عليها قال ايش يبغى وحده متعه بس وهي حق الولاده حسبي الله عليه
|
رد: خايفه اكون حامل
يا حياتي اذا كانت رضاعتك مستمره طبيعي ماتنزل الدوره وسمعت كثير اساسا تتاخر دورة الاربعين مو شرط حمل لاكن نصيحه سوي المستحيل عشان يقتنع بالمانع قولي بس سنه وشوي شوي يقتنع اذا رفض قولي 6 اشهر ومانع خفيف حبوب بس خفيفه وقولي بعدها ابطل اكل بس عشان يعرف خلي طفلك يزعجك حسسيه انك ماتنامين وتتعبين مو كل شي يجي لين حده بدون مايحس بتعبه الزواج مشاركه لازم يحس فيك
بقولك سالفتي انا زوجي ازعجني كل شهر يفتح موضوع الحمل وبنتي الحين 5 سنوات وتركت الحبوب سنه ولا حملت وازعجني ليل ونهار يفتح الموال لدرجة انه يقول والله ماتكلين حبوب بعد ها المره والحين لي شهر حامل وبداء وحام خفيف لاكن طفشته 24 ساعه طايحه ودايخه وتعبانه وكاني اول مره احمل حزن علي جاتني سخونه ولا اقدر اخذ ادويه لان الجنين بمرحلة تكوين وحزن على حالي بطلع روحه من كثر مااشتكي ليه الحمل سهل لازم يحسون فينا اذا هو ماحس في وضعي حمل ودراسه ودوام ومحاضرات مع شغل البيت مين يحس فيني بس بقولك نصيحه اذا تحبين نفسك اقنعيه علىالاقل 6 شهور مانع بس وبعدها ربي يهديه انا مقدر اقولك استخدمي من وراه انا وحده اعرفها زين خلال 4 سنوات جابت 3 زوجها مايبغى حبوب صبرت الا مافيه الكفايه الحين تاخذ من وراه تقول مضطره تقول تعبت نفسيني اسهر على عيالي وابكي وهو بسابع نومه مااقول الا الله يسرلك وان شاءالله يقتنع زوجك بالمانع وربي يهديه لكي ويسخره ياعمري |
رد: خايفه اكون حامل
اشكركم اخواتي على تفاعلكم و ردودكم العسل والله يرزق كل محرومه يارب
سويت تحليل منزلي طلع سالب مع اني ما اصدقه.............. بس حاليا ( القذف خارجا هو الحل ) و ما اقتنع اني اخذ حبوب من وراه ابدااااا احسن ما انكشف و تكون اكبر مصيبه و انا انسانه حسااااااسه جدااااا ما اتحمل لكن ما نستغني عن دعواتكم اخواتي الف شكر لكم مره ثانيه اذا حللت بمستوصف راح اخبركم ان شاء الله الحمد لله على كل حال احس اني ارتحت بشكل كبير لما تكلمت معكم |
رد: خايفه اكون حامل
الله يكتبلك كل مافيه خير وصلاح لك يارب
|
رد: خايفه اكون حامل
ياقلبي ابدا لاتفكرين تاخذين حبوب من وراه مايجوووز
وبعدين مو شرط تتاخر الدوره بعد الاربعين انا بعد نفاسي جات بنفس التاريخ اللي دايم تجيني وماتاخرت ولا شهر وحملت وولدي عمره ثلاث شهوور رغم اني مسويه جدول لانه زوجي نفس زوجك رافض الموانع لانه يحب الاطفال بالبدايه كنت زعلانه وابكي يوم عرفت اني حامل وكنت ابي انزله بس بعدين حسيت براحة مدري ليه ووربي ماتصدقين حملي الاول كان ينزل مني قطرات دم واخذ حبوب مثبته هذا وانا خفيفه اما حملي هذا ورغم اني ما انام كثير ولا ارتاح على ظهري كثير عشان ولدي غير اني اشيله سبحااان الله حملي غير الاول لا دم ولا حبوب مثبته وانا اصلااا افكر اجيب اثنين ورى بعض عشان يتربون مع بعض ويكبرون مع بعض ويونسون بعض الله يكتبلك اللي فيه الخير لك ولعيالك ياارب |
| الساعة الآن 03:55 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .