|
شوفوا وش صار فيني وفي بنتي لما رضعت بنتي قدامهم
السلام عليكم ورحمة الله وبركاته
بقولكم قصتي يابنات وابيكم تاخذون الحذر من عيون الحريم ولا مو اي حريم صدق اللي قال مايضرك الا اهلك حسبي الله ونعم الوكيل بنتي رافضة انه تاخذ رضاعة صناعية ماترضع الا من صدري وانا كنت رايحة بيت اهل زوجي وفي بيت اهله زوجات اخوانه ساكنين معهم بنفس البيت وبنتي جاعت توها عمرها 4 شهورجلست تبكي ورضعتها وبعدها بيوم ثاني انا كنت رايحة بيتنا وجاوا خلاتي ونفس الشي رضعتها طبعا مضطرة لانها رافضة الرضاعة وكنت مغطية صدري ماكشف عنه بعدها يابنات طلعت لي خراجات ودمامل بصدري كل واحد اكبر من الثاني وخفت كثير لانة كنت قاريه قصة عن وحدة رضعت بنتها وطلع لها ورم بصدرها واستاصلوه وخفت ضليت اسبوعين مارحت المستشفى بس كل اليوم صاروا يكبرون ويالموني الم شديد لايطاق لدرجة اني ابكي بعدها توكلت على الله ورحت المستشفى وقالي الدكتور هذي خراجات وفي شي داخل الصدر وفي شي برى الصدر ولازم تنويم الحين وانا مارضيت طلعت من المستشفى ورجعت البيت وفي الليل لما جيت انام جلست اقرى على نفسي والحمد لله يابنات اللي داخل الصدر راحوا بس باقي اللي برى ورجعت المستشفى قالي خلاص هذا بس بنج موضعي ونسوي له تنظيف مايحتاج تنويم وسويتها والحمد لله على كل حال بس بنتي تعبانه ودايم اسهال واستفراغ مستمر لدرجة وزنها صار قليل وديتها المستشفى بس مانفع معها مادري شسوي ؟؟ بس كتبت لكم قصتي عشان تاخذون الحذر يابنات لاترضعون قدام الحريم حتى لوكان من اهلك الله يحفظني ويحفظكم |
رد: شوفوا وش صار فيني وفي بنتي لما رضعت بنتي قدامهم
لاحول ولا قوه الا بالله ...
الله يشفي بنتك هذي عين لاحول الله مافي حل الا ان تشربيها ماء زمزم مقري وترقيها ورح تشفى بأذن الله واذا انتي شكيتي بوحده اذا جات تتقهوى عندك خذي اثرها |
رد: شوفوا وش صار فيني وفي بنتي لما رضعت بنتي قدامهم
امين الله يسمع منك مادري اي وحدة وانا ساكنة بعيد عنهم مايزوروني
|
رد: شوفوا وش صار فيني وفي بنتي لما رضعت بنتي قدامهم
الله يشفيكي يارب
وترة الرضاعة امام الحريم ماهي سبب الخراجات انما السب هو ان الطفل يرجع الحليب لصدرك فيضرك حتى لو قطرة |
رد: شوفوا وش صار فيني وفي بنتي لما رضعت بنتي قدامهم
مدري حبيبتي االله يشفيك ويشفي بنتك
اسمعي للاطمئنان كلمي وحده من خواتك وتاخذ فضلة كل خالاتك اللي رضعتي عندهن اما زوجات اخوان زوجك خذي فضلتهن لازم حبيبتي حاولي اذا تثقي باي وحده من حمواتك كلميها وتجيب لكي فضلتهن صدق العين ما ترحم انا صارت معي من ناس قريبه جدا واخذت فضلتهن وشربتها وطلعت النتيجه من اول ما شربتها |
رد: شوفوا وش صار فيني وفي بنتي لما رضعت بنتي قدامهم
لاحول ولا قوه الا بالله ...
|
رد: شوفوا وش صار فيني وفي بنتي لما رضعت بنتي قدامهم
سلمى امرك للة وربنا يشفيها ان شاء اللة حاولى انك تقري قران كتير وربنا يحفظك انتى وبنتك من كل شر
|
رد: شوفوا وش صار فيني وفي بنتي لما رضعت بنتي قدامهم
لا حول ولا قوة الا بالله
الحمد الله على سلامتك يالغلا |
رد: شوفوا وش صار فيني وفي بنتي لما رضعت بنتي قدامهم
الله يسلمك
|
رد: شوفوا وش صار فيني وفي بنتي لما رضعت بنتي قدامهم
الحمدلله على سلامتك يالغلا
والله ولدي نفس حالة بنتك مايشرب رضاعة ابدآآآ وأضطر أرضعه من صدري وفعلاالوحدة مهما تحرص ماتسلم والناس مايخلوا احد في حاله ... |
رد: شوفوا وش صار فيني وفي بنتي لما رضعت بنتي قدامهم
اقري على بنتك والله يشفيها..
بهالزمن محد يعطي خير |
رد: شوفوا وش صار فيني وفي بنتي لما رضعت بنتي قدامهم
حسبي الله من هالعيون والحريم اللي مايسمون ..
الله يشفيك انتي وبنتك ويرفع عنكم البلا .. |
رد: شوفوا وش صار فيني وفي بنتي لما رضعت بنتي قدامهم
لاحول الابالله
الله يشفي بنتك يارب |
رد: شوفوا وش صار فيني وفي بنتي لما رضعت بنتي قدامهم
امين وتسلمون على الردود
|
رد: شوفوا وش صار فيني وفي بنتي لما رضعت بنتي قدامهم
الله يشفيك ويشفي بنتك يارب ..
لكن بأقول لك شيء أختي واتمنى تتقبليه بصدر رحب اللي صار لك ولبنتك مو عين .. هذا مرض يسمى ألتهاب الثدي ويحصل عندما تنسد قنوات الحليب انا يجيني بسبب البرد او أذا استحميت وماتدفيت على طول أو اذا استخدمت سنتيانه ضيقه شوي ولما تنسد قنوات الحليب ومايتعالج الأنسداد فورا تتوالى المشاكل يبدأ الحليب يتجمع وينحقن ويصير الصدر متكتل ومؤلم وبعدها يتحول لألتهاب ويكون من اعراضه الم وسخونه وصديد يخرج مع الحليب ولما تهملين الألتهاب يتحول لخراريج ..وممكن تعالج بمضادات حيويه او يضطر الطبيب للتدخل جراحيا لاتتهمين الناس ظلم .. لأنك راح تحقدين عليهم ويمكن مالهم ذنب ..حطي نفسك مكانهم .. أقول طبعا يمكن .. لاتزعلين علي المشكله انك اول ماصار لك ماعالجتيه لأنك توقعتي على طول أنه عين .. اللي صار لك صار لي على مولودي الأول وأنا ماخرجت حتى من البيت ماعرفت اتصرف وقعدت في البيت حتى تحول لخراج .. وطبعا لأنه يطلع صديد مع الألتهاب بنتك راح ترضعه مع الحليب ويسبب لها مشاكل .. ومافيه زي القرآن شفاء لكل شي مو بس العين .. حتى قرصة العقرب اللي ماتتسبب فيها عين يعالجها القرآن .. .. طبعا نصيحتي لك أول ماتحسين أن في مشكله في ثديك .. أما ألم أو أنسداد وأحتقان لاتهملين نفسك أبدا .. حاولي تفتحين الأنسداد بعصر الحليب من الحلمه .. وأذا فيه ألم مع حراره ولما تعصرين ثديك على منديل أبيض يطلع مع الحليب لون مصفر أو مخضر روحي المستشفى فورا .. ووقفي رضاعة بنتك لأنك راح تسببين لها مشاكل حتى يقول لك الطبيب عكس كذا وربي يشفيك ويعافيك |
رد: شوفوا وش صار فيني وفي بنتي لما رضعت بنتي قدامهم
سبحان الله الله يعينك عليهم
عندى وعندك خير......انا اول ما ولدت ابنى الاول وأم زوجى تحاول تقنعنى ما ارضعه طبيعى وتنصحنى اعطيه لبن صناعى !!!!!!!!! طبعا بتمهد للطلاق هههههه...ويحسدونى ان صدرى فيه حليب وكبير تبارك الله وكل ما يجونى الولد بس ترجيع لين كمل ابنى سنة وشهر وثالث يوم يبدأ المـــــــشى وام زوجى مع اخواته يناظرونى بالسيارة وانا ارضع ابنى ويقولون للحين ترضعينه كفاية صار رجال ووالله يا بنات ما عدى 3 ايام والا والولد رافض صدرى ويبكى ورفض حتى الحليب الصناعى ومن يومها انفطم حسبى الله على كل حسوده |
رد: شوفوا وش صار فيني وفي بنتي لما رضعت بنتي قدامهم
اقتباس:
كذلك المرض له اسباب اما عضوية واما بالعين اسألى مجربه واختنا تحمد ربنا ان جاءت العين بالحسد وليس بالموت الله لا يقدر قدر ولطف وعلينا بالتحصين |
رد: شوفوا وش صار فيني وفي بنتي لما رضعت بنتي قدامهم
لاحول ولاقوة الا بالله انة اليوم رضعت بنتيكدام جيرانة الله يستر لكنها جاعت وظلت تبكي احتاريت شسوي
|
رد: شوفوا وش صار فيني وفي بنتي لما رضعت بنتي قدامهم
الله يحفظنا ويحفظ عيالنا من عين كل حاسد امين
|
رد: شوفوا وش صار فيني وفي بنتي لما رضعت بنتي قدامهم
حبيبتي اذا كنتي شاكه في احد اشربي من اثره وتروح العين
مثلا اختك شاكه فيها وشربت كاس ماي انتي اخذي كاسها وشربي منه وبكذا تروح العين |
رد: شوفوا وش صار فيني وفي بنتي لما رضعت بنتي قدامهم
اقتباس:
لكن أنا ضد أن كلما صار لوحده مرض تتوقع أنه عين وماتتعالج فيه الحريم صاروا معقدات كثير من العين لدرجة أنهم يمرضون ومايتعالجون .. يروحون عند مشايخ وتتفاقم حالتهم وتسوء أكثر لأنه أحيانا مرض عادي مو عين .. وتقعد تدعي على الناس وتسوء نفسيتها لأنها تشك في كل اللي حواليها ..وماتثق في أحد الرسول حذرنا من العين مو عشان نقعد مرعوبين ونشك في كل اللي حوالينا.. حذرنا منها عشان نتحصن ونحصن أولادنا ونرقي نفوسنا .. ونعيش حياتنا طبيعيه .. حصني نفسك وماراح يصير لك شي بأذن الله .. اللي أرعبني أن في وحده قالت أن التحصين ماينفع .. وأنه لازم تاخذ بقايا ومادري وشو .. قسم بالله خفت ربي يخسف بنا الأرض وهي تتكلم .. يعني ذكر الله والتحصين اللي وصانا فيه الرسول ماراح ينفع ؟ وفضلات الناس تنفع وتحمينا ؟؟ .. تخيلي تجيك وحده ماتشوفين فيها شي يستاهل العين .. تجاملينها عشان مكياجها أو شعرها .. وتجي بعد كم يوم وتقولك انك صكيتيها عين ؟؟ والله صارت لوحده قريبتي .. ماتتخيلين كيف صرنا نستخف فيها ومانجاملها ولانكلمها حتى عشان لاتقول صكيناها عين .. حصنوا نفوسكم .. حصنوا نفوسكم .. اللي تشك أنها ممكن تنصك عين .. تحصن نفسها وعيالها وترتاح .. .. وتذكروا في عين .. وفي حوادث .. وفي أمراض .. وفي صدف .. مو كل شي عين .. أعتذرر لصاحبة الموضوع:) .. أنجرفت في السوالف .. لكن هالموضوع من زمان قاهرني وودي أتناقش فيه مع أحد .. .. |
رد: شوفوا وش صار فيني وفي بنتي لما رضعت بنتي قدامهم
حسبي الله ونعم الوكيل مايخلون الواحد في حاله
حبيبتي حصني نفسك وحصني بنتك بعد الفجر والعصر والله يحميك ويحمينا من عيون الناس |
رد: شوفوا وش صار فيني وفي بنتي لما رضعت بنتي قدامهم
العين مو مخلية احد في حاله
الحمدلله انها جات على كذه الله يشفيك ويخليلك بنتك ياارب |
رد: شوفوا وش صار فيني وفي بنتي لما رضعت بنتي قدامهم
يسلمووو نورتوا وعطرتوا الله يسلمكم
|
رد: شوفوا وش صار فيني وفي بنتي لما رضعت بنتي قدامهم
طيب شوفي جربي الرشاد مفيد جداً وحاولي انك ماترضعين قدام الناس والله يستر من العين
وأقولك الله يشفيك ويشفي بنتك |
رد: شوفوا وش صار فيني وفي بنتي لما رضعت بنتي قدامهم
الله يشفيك انا انصح كل ام تر ضع تستخدم الغطاء الساتر للرضاعة الطبيعية .... ,انا ابيع منه وممكن تشووف في اسفل التوقيع
|
رد: شوفوا وش صار فيني وفي بنتي لما رضعت بنتي قدامهم
حسبي الله ونعم الوكيل
|
رد: شوفوا وش صار فيني وفي بنتي لما رضعت بنتي قدامهم
مشكوره عالتنبيه ترا امهاتنا وجداتنا دايم ينصحونا مانرضع قدام احد الحذر زين وماتشوفون شر وهذذا درس لك ولنا يالغاليه
الله يحفظك ويخلي لك بنتك |
رد: شوفوا وش صار فيني وفي بنتي لما رضعت بنتي قدامهم
اختى الف سلامه عليكى صدقينى احسن شىء لزوال الحسد باذن الله تستحمى بزجاجه ماء كبيره مقرى عليها سوره البقره كامله و تقفى داخل طبق كبير و تسكبى هذا لماء عليكى لانو ما ينفع يتم داخل الحمام بعدين تاخذين هذا الماء تسكبيه على اى زرع لان عليه قران كررى هذ ا الامر ليكون ثلاث مرات متتاليه و بس انسى الامر تشفين بامر الله
|
| الساعة الآن 01:57 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .