|
الشووووووووفة الشرعيههه....
بسم الله الرحمن الرحيم ,,
بنات الموضووووووووووووع وااااضح ياعنوني أنتم بسألكم عن الشوفه الشرعيه لما جاء العريس المصووون وشافك ,, وش قالك وش سألك ؟؟؟ إنتي بشنو رديتي علية؟؟؟؟ وهل تجرأتي وحطيتي عينك بخشته المملوحة hwaml03؟؟؟ يلا ياحلوات نبي تفاعل ترا الموضوع من مخيخي hwaml4 ومتعوب عليه قوي قوي جدآ.... |
رد: الشووووووووفة الشرعيههه....
يلا بسم الله
أبدء بنفسي طبعآ ماكنت أعرف إنه موجود بالكون ولا حتى هو ماكان يدري مع إننا قرايب >>>>ههههه ووحدة من أخواته مدحتني قدامه وقرروا يخطبوني له وبعد ماوفقت وجاء وقت الشوفه دخلت أستناه بالغرفة إللي مقابلة مجلس الرجال ,عشان لما يدخل وأنا لسى مادخلت ماأخاف>>>>ذكية شفتوا هعهععهع وبعدين دخل هو وسلم ومارديت ويكلمني مارديت وعيني بالأرض وأحاول أرفع راسي بشوفه يادوبك نظرة سريعتون جدآ جدآ وهو ماخذ راحتة الأخ يضحك عليا يقول :تتت مستحية مره ياحليلك كان ودي أصفعه بالكلينكس بس لما شفته مزيون قلت :لالالا رجوع لارجوع إلى الأمام إلى الأمام>>>متأثرة بالقذافي خلاص موافقة موافقة ههههههههه هههههههههههههه وصرت أقوى وحدة بالبيت لأني أول عروس بين أخواتي وطبعآ الوالد ماقصر أمر بأن تكون طلباتي أوامررررررر ههههههههههههههههعهععهع وألحين صارلنا 3 سنوات متزوجين الله لايحرمنا من بعض يارب,, وسلامتكم حبيباتي... |
رد: الشووووووووفة الشرعيههه....
كتير حلوووو الموووضوع وراااايق يسلام عليكي فكره حلوووه
أنا كنت متحجبه بالأردن وجا عند اهلي وشفتو وجلسنا بالصاالون سواوطبعا كانت ماما موووجوده بالاول شفت صور لإلو بس بصراحه ماعجبني وكان صغير وبس طبعا لمن شفتو عالطبيعه يحليله يجنن وقلبي إرتاحلوو عطوول مع اني ماكنت موافقه عفكرت الزواج .. وبعدين جلسنا من ال11 بالليل لل4 الصبح طبعا اهلي واهلو موجودين بس تركونا براحتنا لنفهم بعض أكتر وأكيد كنت محجبه بس وجهي باين ... المهم بنفس اليوم صدر قرار الموافقه . وتم الخطبه بعد أسبوع من الشوفه .. والحمدالله .. هلا صارلي5 سنين متزوجه .. وكمان 3 ايام بصادف عيد زواجي ال5 .. الحمدالله ... |
رد: الشووووووووفة الشرعيههه....
يسلملي مخك يا اوم الافكار الخطنطر
<<الشوفه وما ادراك مالشوفه طبعا في زواجي الاول كان خبط لزق لاشوفه ولاهم يحزنون بس الثلني والاخير الله لايخليني كانت الشوفه خرااااااافيه طبعا هو رجال كبير ومجرب الحياة <<مسوية صغيرة ياجدتي هع هع الزبدة طلب الشوفه وقبل الشوفه بيومين وانا مغص وانتم بكرامه وكل دقيقه الحمام <<معليش اقرفتكم الموهيم بعض اخواني وخواتي يتريقيون علي يقولون مسويه بنت وتوك تتزوجين وتعبت افهمهم انه ماله دخل ااني تزوجت قبل ان شاء الله عشرة المسألة مسالة زواج وارتباط برجل في حياتي ماعرفته واول مرة يشوفني كاشف وانا اشوفه ولا قد مريت بهالتجربه الموهم امي تقول ماعليك منهم خليك في حالك والله والله والله يابنات ان اول مرة احس بخوف ومغص وقشعريرة <<<ركزوا على الكلمه الاخيره الموهم دخلوه اخواني علي لاني مافي امل امشي على رجولي لاني اكيد باطيح قدامه واتفشل من الروعه هو قال السلام عليكم <<لارد مساء الخير <<لارد كيف الحال << لارد وايعصب علي اخوي طبعا بادب قدام المعرس قال ردي لايحسبك طرمى <<انفجعت وقلت اسم الله علي طبعا بصوت واطي وضحك الموهم تكلم عن نفسه شوي ومدح لي نفسه فديت خشيمه وطلع وطلعت انا انفاس متسارعه كنت كاتمتها الين يطلع طبعا خلال الجلسه حاولت محاولات مستميته اني ارفع عيوني واشوفه ما ابي اتدبس مرة ثانيه واكون مقتنعه به ولم تفلح محاولاتي مره حاولت ورفعت عيني ومن زود الدلاخه ناظرت اخوي وابتسملي ودنقت راسي وعليها <<هذا اللي قدك ربي عليه الموهيم يوم جاء بيطلع مع الباب اعطيته نظرة جانبيه لعلي امتع ناظري الا وتلقتي عيني بعينه ويبتسم <<<ضااااااااعت علومي وبغيت ابكي <<منجد مستصغره نفسهاهع هع والحمد لله كتب الله بيننا توفيق واخذت احلى واطيب واحن زوج بالعالم كللللله تكفون ادعوا ان الله لايفرقنا وبث دمتي بود ياغلاتي |
رد: الشووووووووفة الشرعيههه....
زوجي ولد جيرانا يشوفني كل يوم امشي من المدرسه للبيت وهو واقف عند بابهم
طبعا زوجي كبير .. عمره تقريبا 35 وانا كنت توني 17 ياحليلي .. كان هو عسكري دايم يجي ويوقف عند بابهم اللي هو لازم امر عليه عشان اروح بيتنا بلبس دوامه ههههههههههههه ماكنت اعطيه وج .. تفاجات بالاختبارات جاي وجايب امه وعمته وخالته واخته العايله كامله ..ههههههههههههه يبي يتزوجني وه وه وه المهم قال ابوي انتي تبين تتزوجين الحين توك صغيره.. قلت يبه اللي تبيه سوه كان كل همي انه مايتزوجني ولد عمي .. قالي قد المسؤليه انتى قلت يبه مدري < منحرجه تبي تقول ايه بس عيب قال يالله توكلنا ع الله البسي عباتك وتعالي المجلس .. لبست العبايه ودخلت المجلس وقفت عند الباب وهو يطالع كنت متحجبه .. قلت بصوت مبحوح يبه خلاص اروح .. قال لا تعالي اجلسي .. جلست مقابل ابوي ومقابل زوجي انا انحرجت من نظراته وهو يتكلم عن شجاعته هههههههه كنت منزله راسي وهو يطالع يطالع ابي اشوف موب قادره .. ابوي قال له ياخي وخر عينك شوي عنها خل البنت تشوفك ههههههههههههه وعلى طول رفعت راسي ع اساس اشوفه زين وجات عيني بعينه يلعن ام الحراج وتمت الموافقه ههههههههههههههههه |
رد: الشووووووووفة الشرعيههه....
هههههااي,,ضحكتيني ياالعطر الفرنسي إلا من 11 الليل ل 4 الفجر هههااااه يابنت,؟؟؟,
يقطع أم الروقان مو حنا نتشاوف بالقوة ونخبط قدام المعرس ههههههههههه حلوة نخبط>>>يقال المكينة تخبط يخبط من خبط ههههههههه ربي يسعدكم ياقمر ويجعل حياتكم من حسن لأحسن قولي أمين.... |
رد: الشووووووووفة الشرعيههه....
هههههههههههههههههههههه
يووووه يووه ياقلب عايض وش ذا من أولها حوادث؟؟؟,, شكله مملوح من يوم تسوين هالحركات هاااااا صح صح ؟؟؟مو ,,قولي صح >>>يابنت ضفي وجهك بس حلوة نظرتون جانبية عجبتني أحسب هالكلمة بس بالأفلام يقولونها ,,بس أشوا إنك قلتيها >>>شسوي ثقافتي على قدي تهئ تهئ ياشيخة الله يسعدكم ويوفقكم ويجعل حياتكم كلها نظرات لكن بحب حلوة الدعوة هع......... |
رد: الشووووووووفة الشرعيههه....
حرام عليك ياشميل عفوآ قصدي شمايل
الرجال يتميلحلك كما يتميلح النسر للعنقاء >>>>>ركزوا فيها بالله يبغى نظرة قبول من رمشك الضليل وإنتي ساحبتن علية سيفون لاوتقول مدري لبوها يعنني بموت من الخجل>>>ههههههههه أثرك منتي هينة مسكين جاي من قبل الإختبارات قال خلني ألحق على وضحى لاتطير من كثر الخطاطيب>>>>هههههههه حلوة,, مسوي بن عجلان يعنني يعنني شجاع>>>عارفك وخابزك قال البنيات الصغيرات تجيبهم البطولات >>>بالله ركزوا بالسجع إللي يطلع معي,, عسى الله يوفقكم ويسعدكم ويرزقكم الذرية الصالحة قووووولي أميييييييين... |
رد: الشووووووووفة الشرعيههه....
طبعا انا ماشافني شوفه شرعية بس بقولكم شصار >> نشششبة
هع بعد ماجوا اخواته عندنا وشافوني دق على ابوي بعد ماسألنا عنه وخلصنا قال ابي اجي اشوفها قال ابوي خلاص بدق عليك بأقرب وقت ويوم قال لي ابوي وأنا اتتيس >> يعني صرت تيس ماعاد افهم قلت والله اللي رفع سبع ونزل سبع ماطلع له >> مسوية قوية خخخ الموهيم حاولو يقنعوني بشتى الطرق وانا رافضة قلت اذا الزواج بيوقف على الشوفة مابييييييييييييييييييييييييييييه خلاص هونت ودق عليه ابوي وزبد الكلام في وجهه قال البنت رافضه تطلع وعلى طول قال مو مشكلة ماراح نوقف الزواج على شان شوفه وخصوصا انها ممدوحة لي كثير ولاشفته الا بالملكة واول ماشافني قال اشوى اني ماشفتك شوفة شرعية والا تهورت قدام ابوك خخخخخ وبسسس |
رد: الشووووووووفة الشرعيههه....
كل الحلى علينا علينا هالحركات وش سويتيلة بالملكة,,
قولي قولي والله ماأعلم>>>تروها أحسن كذابة هعهعهع تقولين ماتبين تشوفينة تخيلي راح وماعاد رجع >>>>نفس الكلمة كانت بمسلسل أحد يفكرني بالله خخخخخخ الحمدلله إللي تزوجتي وتربعتي في بيتك وعندك بعلك وعيالك>>>مازال السجع يطلع أحد يوقفة بالله,, الله يسعدك ياكل الحلى على إسمك حلى ههههههههه... |
| الساعة الآن 11:50 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .