السلام عليكم ورحمه الله وبركاته

مش عارفه من وين ابلش ولكن زبده الموضوع انك عمرك ما توثقي في حد


رح تقولولي عارفينها بس ليش هالحكي ؟

رح اقول لان اذا اغلى انسان طلع خاين اغسلي ايديكي من الدنيا وقولي يا رب وينتا الفرج .....

قصتي بلشت مع زوجي يوم عرفت انه بيتفرج على افلام اباحيه والي عرفته منه انو هذا الشي بيعملو من سنين حتى من قبل ما يعرفني وقتها واجهته ولكن لم يتغر شي كان يحضرهم على الاب توب بعد ما انام قلت اذا المشكله في في الجهاز بنخبي الجهاز ولكن لا فائده صار يحضرهم على الاي فون وواجهته اني عرفت ومن وقتها حط باس كوود على الاي فون ولكن عرفته وصرت من فتره لفتره افقد البلفون اذا في فيديوهات والاقي كل شي ممسوح قال انا بنبسط اني ما بلاقي اشي وانا في نفسي عارفه انو بيحضر الا ان جاء امبارح ولقيت الاخ ناسي يمحيهم

............

شغله ثانيه مثل كل الناس زوجي عنده ايميل قعد على فتره يفتح المسنجر كنا احيانا نحكي شوي عليه وهو في الشغل بس يلي حيرني ما دام زي ما كان ايقولي من ايام الخطبه انو ايميلو ما فيتو حدا ليش لحتى يفتحو ما بظن مشتاقلي لهلدرجه وهنا كانت الصدمه الثانيه امبارح وعن طريق الصدفه دخلت على ايميلو طبعا من البلفون ووجدت الاخ مستمتع في الحكي مع البنات انا هون انهرت ولكن لسا ضايل

...........

بحكم اقامتنا في امريكا وتواجدا في مكان فيتو كثير عرب وزوجي بيحب السهر والطلعات يعني الاخ صار يوخذ راحتو في الطلعه تقريبا يوم بعد يوم اخر مره طلع فيها طلع من الساعه 11 بالليل رجع 5:30 الصبح انا بطل فيا حيل وهذي اول مره بتصير انو يتاخر لهلوقت والله انصدمت ولهلكيت ما قلتله اي شي عن طلعته ولا سالته وين كنت ومع مين وبيش اتاخرت ولكن ضايل بعد المصيبه الكبيره

...........

زوجي بيتعامل مع بنات امريكيات يعني لقيت صور الدنيا لبنات مشلحات وهو يلي كان يبعتلهم على اساس انهم يلتقو و(.......) وطبعا كل اشي بيبلش في صوره ومصيبه امبارح انو اخر صور وصلو في 3/4 يعني قبل فتره قصيره ومثل ما قلت زوجي سهير كثير برا البيت شو يلي بيثبت انو ما عمل شي مع وحده

...........

يلي كاسر اجري ورابط الساني انو ملاك لما بيكون معي وكا بيقصر معي في اي شي بدي اياه حننون كثير وانا بحبه وهو كنت اعرف انو بيحبني بس ما بعرف هل كلو كان وهم ما رح اقول اني زوجه مثاليه وما فيني عيوب ولكن ما دام بتكون معي ملاك ليش لتكون من وراي شيطان

..........

يا حلوين انا حامل وضايل على ولادتي اقل من 10 ايام والاخ من هلكيت بيعمل هيك شو رح ايسوي بعدما ييجي البيبي والله العظيم امبارح لما عرفت كل هاذ دمعه واحده ما سقطت من عيني مع اني سريعه البكاء ولكن عن جد بكيت كثير بسببه وهلكيت خلص (رح اتحمم في شامبو جانسون تبع لا دموع بعد اليوم)


بعد ما عرفت كل هذا امبارح حس انو فيني شي بس ما قلتله شي حتى اليوم الصبح اصر انو بدي يعرف شو مالي قلتله كل شي في وقته حلو
انا مو ناويه اواجهه هلكيت بس بيكفيني عرفت الشيطان الي عايشه معو شو بيعمل من وراي

لو لا سمح الله كنتي في مكاني اختي العزيزه شو كنتي رح تعملي ؟؟؟

اسفه على الاطاله بس استفيدو يا بنات ونصيحه ما اتخافي غير من العاقل