|
اش الحل؟ انا متضايقة
السلام عليكم ورحمة الله وبركاته
اخواتى في منتدى حوامل انامتضايق من شي وحبيت أسألكم كيف ممكن أغير الوضع الى انا فيه بدون ماتحصل مشاكل انا ساكته فوق اهل زوجى في شقة منفصلة بس... والله مو عارفة اش اقول لاكن بحكيكم امس اش سار وانتو رح تفهمو أنا ادمية أصحى الساعة 5 الفجر أو حتى قبل اسوي فطور لى ولزوجي و يخرج للعمل على 6 أفضل صاحية إلييييييييييين مايرجع أحيان الساعة 2ونص و احيان 12 ونص يعني على حسب مايخلص أجلس معاه إلين ما أم زوجي تخلص طبخ <<لأنو الأكل والشرب عندها أو أحيان يجيب اكل من برا وناكل معاهم بعد كدا أكون أنا وزوجي مرهقين من اليوم الطويل الى قضيناه هوا في االعمل وأنا في شغل البيت من الطبيعي إننا ننام ونرتاح أو نجلس مع بعض في بيتنا أمس اتغدينا وطلعنا بيتنا وقالى زوجي صحيني الساعة 3 بروح الجامعه >>يدرس راح ورجع الساعة 6 جلسنا سوا إلين الساعة 8 ودوبنا خلاص نبغا ننام تدق امو على جوالى تقريبا 4 مرات أنا عارفة انها هيا بس خلاص ما ابغا ارد أبغا استقر في بيتي هوا يقولى ردي أنا اقولو لا ما ابغا يقولى مين اقولو مادري وانا فعلا مادري بس توقعت إنها امو المهم في المرة الخامسة رديت بالغلط كنت مااسكة الجوال ودقت وانا بظغط على السماعة ورديت قالت لى انزلى ابغاكي تففرمي لى بليلة في الخلاط <<خلاطي عندهم نزلت وسويت لها الى تبغاه وانا والله تعبانه ابغا انام وطلعت وخلاص نمت انا وهوا الساعة 9 ونص جرس الباب يدق مرة وإتنين وتلات وأربعة وأنا من النوع الى اذا قمت من السرير وانا نايمة خلاص ينقلب مزاجي وافضل تعبانه اليوم كولو وماقدر انام ويمسكني صداع مايروح أنا اخويا ومرتو ساكنين معانا في بيت اهلى والله كنا ندق وحدة مرة على الجرس ولو ماردو نقول خلاص بلاش نزعجهم لاكن لاحياة لمن تنادي طنشت وحاولت اقفل عيونى وانام لاكن طبعا بعد ما مسكنى الصداع بعد دقدقت الجرس جوالى يرن مرة ... ومرتين ... وتالت مرات ... والله والله خمسة مكالمات فائته منهم ... الين الجوال طفى مرة تانية طلعو يدقو جرس الباب... طنشت وزوجى يقوم يطالع فيا ويرجع ينام هوا كمان اتضايق رجعت امو دقت على جوال زوجى قالت لو ليش ماتفتحو الباب ابغا اعطيكم صحن طعمية <<<<<<كل هذا علشان صحن طعميه>>>>>>>> والللللللللله حرررررررام ياجماعة انا اكتب لكم وانا راصي بينفجر ونفسيتى زى الزفت واعصابي متوترة بسبب تقطيع النوم متى خلصنا من موال الطعمية الساعة تقريبا 10 ونص 11 ساعتين و انا اندمرت اعصابي رد عليها زوجى وقلها نايمين لما نصحى ناخد الاكل اااااااااااااااااااااااااااااااااااااااااااااااااا اااااااااااه طبعا الليل كولو انا مانمت والله البيبي في بطنى اتأثر بالإزعاج وتعب الاعصاب سار يرفز يرفز بقوة ولما سارت الساعة 5 فجر دقت امو تانى كان زوجى في الحمام الله يكرمكم وانا بغلى القهوة في المطبخ واسمع الجوال يرن مرة واتنين<<<جوال زوجى خرج من الحمام ورجعت دقت رد عليها قالت لو اختك عندها موضو تعبير اطبع لها هوا ونزلو دحين وسار زوجي عصبي عليا ... !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!! أكتر من كدا ما اظن في ازعاج قولو لى كيف اقدر اخليهم يبطلو دقدت الجوال والجرس دي والله يدقو بطريقة مزعجة جدا وقبل كدة كنت ما اصك باب البيت بالمفتاح وأكون مو لابسة شي الواحد في بيتو عاد ألاقى اختو على راصى ولا الاقى شغالتهم وافقه عند باب غرفة النوم تطالعني والله ماعرف اش اقولكم....... اش الحل ...؟؟؟انا مررررررررررررة تعبت |
رد: اش الحل؟ انا متضايقة
يارور ياقلبي الله يكون بعونك بس نصيحة ياقلبي لاتحاول تاخذين الامور بحساسية احسني الظن يالغالية ومايضر ياقلبي لوخصصتي نص ساعه انتي وزوجك وجلستوا تقهويتوا مع امه مادام ماعندك مطبخ في شقتك صعب الوضع احسن لك يالغالية ركبي مطبخ عندك وصيري مثلا خصصي يوم تنزلين فيه وتسوين معك حلا شي خفيف هذا اذا كانت امه عندها بنات واولاد ماتزوجوا اما اذا ماعندها الا انتوا في البيت صعبة ياعيوني وصدقيني هي تسوي كذا تحس الوضع عادي كنك بنتها والناس اطباع غير يالغالية وسعي صدرك وروقي وخلي الوضع طبيعي بينكم يالغلا اعتبريها امك الله يسخرلك ويسهلك امورك يارب
|
رد: اش الحل؟ انا متضايقة
واذا وقت النوم ياقلبي طفوا الجوالات عشان ماتتعبون ولاتتضايقون ولايصير الواحد يتحسس من هالناحية وشيلي الجرس ههههههههههههههههههههه وسعي صدرك وربي شلت همك واي مساعدة يالغلا انا حاضرة فديتك
|
رد: اش الحل؟ انا متضايقة
صحيح كلام اختي يارب ترزقني
انكم تقفلو جوالاتكم وقت النوم والجرس افصلوه نهائيا ماينفع جوالات وجرس انا والله بشقتي الاولى كانت وحده من الاقارب كذا وتحملت الين انفجرت وسحبت سلك الجرس واذا جا وقت النوم اقفل جهازي والله ارتحت وامه حاولي انك تتحمليها والله كبر سنها ورحمة كبير السن واجبه وارحميها وحطي نفسك مكانها اذا كبر ولدك مساكين مالهم الا الله ثم زوجك وانتي احتسبي الاجر في كل شي تسوينه لكن زي ما قلت لك اهم شي تبقي على الجوال علشان راحتك النفسيه وانتي حامل يعني الانسان يسدد ويقارب الله يوفقك يارب |
رد: اش الحل؟ انا متضايقة
أناااا أقووول أنتقلي شقه ثانيه بقرب عمارة أهله....ويكوووون مافيهاااا أصنصير..
وخذواااا شقه في آآآآخر دور....عشااااان ماتقدر تصعد الدرج.... وسوي الأكل اللي يعجبج....وأرتاااااحي.....والله أنا يوم قريت قصتج صدعت كيف أنتي..... |
رد: اش الحل؟ انا متضايقة
الله يعينك ياقلبي
بس لازم تقولين لزوجك يعمل لك مطبخ خاص لك تطبخي فيه على كيفك وفي اي وقت وتاكلي متى ماجعتي وبعدها هي ماراح تتدخل فيك ابد اكلتو مااكلتو شي راجعلكم بس هي الحين مسكينه شكلها تقول ماعندهم مطبخ خليني اعطيهم اكل عشان ياكلو واهم شي لازم تخلينها راضيه عليك عشان ماتقلب زوجك عليك ويرضى عليك هو اذا شاف امه تحبك وراضيه عليك ولله يصبر ويفرج همك |
رد: اش الحل؟ انا متضايقة
قريت ردودكم والله وسعتو صدري
انا عندي مطبخ وكل شي بس.... الله يعطيني الصبر والأجر |
رد: اش الحل؟ انا متضايقة
اقتباس:
اخاف اقفل جوالى لاقدر الله تعرفى اهلو واهلى ناس كبار اخاف احد فيهم يتعب بالليل ويسسير لاقدر الله شي طارئ كلامك فعلا اثلج صدري ومالى غير الصبر والحمد لله الله ينولك الى في بالك ويشرح صدركhwaml13 |
رد: اش الحل؟ انا متضايقة
اقتباس:
فعلا اختى والله كلامك صح... بس انا مرة مشكلتى مع النوم اكبر مشكلة لو مانمت كويس خلاص افضل طول اليوم تعبانة ربي يعين ويتمم دا الحمل على خير كل الشكر والتقدير لك اختى فعلا مرورك ريحنى....hwaml13 |
رد: اش الحل؟ انا متضايقة
اقتباس:
ههههههههههههههههههههههههههههههههههههههههههههه الله يجزاكي بالخير ياريت ااقدر انقل إلى تبغا تنقل على فيلا وتاخدني معاها ههههههههههههههههههههههههه يعني اين المفر الله يعين ويساعد ادعو لى...hwaml13 |
| الساعة الآن 05:22 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .