منتديات حوامل النسائية

منتديات حوامل النسائية (https://naqatube.com/index.php)
-   منتدى الحياة الأسرية والزوجية (https://naqatube.com/forumdisplay.php?f=61)
-   -   انا واخت زوجي .. ابغى حل .؟ (https://naqatube.com/showthread.php?t=128908)

نسيم الصبا 06-02-2012 07:57 AM

انا واخت زوجي .. ابغى حل .؟
 
سلام كروشات وصباح الخيرات

انا بستشيركم في شغله محيرتني
الحين انا في الشهر التاسع وقربت ولادتي المهم مو هنا المشكله ... المشكله في حماتي اللي هيا اخت زوجي شايله همها تدرون ليش انا اقولكم
اول شي بعد ولادتي بجلس في بيتي لان اهلي في منطقه ثانيه ولان اختي كمان في نفس شهري بس انا مو اول ولاده لي واختي بكريه فقلت علشان مااتعب امي كفايه عليها اختي بجلس انفس في بيتي
والحمدلله انو الكل بيسافر واضمن الراحه اقفل علي بابا بيتي وارتاح لين ربي يفرجها تعرفون حوسة النفاس والناس لمى تجي زورك وماعندك احد مشكله
انا مااخذت شغاله ولا ابغى اجيبها
وثاني شي اخت زوجي الله يهديها وقت حملي يمكن فترة اربعه شهور زوجي كان مسافر دورة عمل
وهي كل ويك اند تقضيه عندي مع طفالها وهم ايش اقولكم قمة في الشقاوه وولدها يضرب بنتي وبنتها تخرب علي وولدي يبكي على العاب ولدها يجيبها معه ومشااااااكل ماتنتهي مع الصغار
وانا حامل وتعبانه وقرفانه وحالتي حاله محتاجه للراحه مااصدق الويك اند يجي علشان ارتاح شويه من هم المذاكره مع الاطفال الا هيا تجي تقضيها عندي
تعبت كثير وحدي
ومع ذالك قلت اصبر واتحمل بس تصدقون زواج اخوها اللي هو اخو زوجي كمان في الصيفيه هذي الايام وماتبغى تروح تتحجج فيني تقول بجلس عندها وهي اصلاً جالسه علشان زوجها تقول لي صعبه اخليه شهر واحضر زواج اخوي وبعده باسبوعين زواج بنت اختي واخلي زوجي لحالو ؟؟ شوفوا كيف تاخذني حجه
وانا مو عارفه كيف اقولها روحي انا برتاح لمن اكون مع نفسي وقت النفاس
اقوم باموري مع ابو الشباب بيساعدني
لو ادري اني بلاقي منها منفعه وانا فعلاً بتساعدني وماراح تقصر صدقوني ماكنت شلت لهم شي
بس اعرفها ماتقول لولادها شي وبيضلوا يصرخون ومضاربات مع اولادي ومشاكل ماتنتهي واصدع منهم وانا يالله متحمله نفسي فترة النفاس ابغى هدوء
ونسيت اقولكم سالفه صارت لي معها
يمكن تضحكون او تقولون ماهي صاحيه
مثل ماقلت لكم زوجي في فترة حملي كان مسافر ويجينا بين فتره وفتره المهم ههههه في اجازة الربيع اللي هي اسبوع عطلت بنتي وقال زوجي جهزي نفسك والاولاد باخذكم عندي تغيرو جو وقتها فرحت صراحه وقلت الحمدلله برتاح وبيشيل شويه عني من المسؤؤليه
ومن فرحتي لمن جت اخت زوجي خبرتها عن سفرتنا وانو بيجي ابو الشباب بياخذنا
تدرون راحت بيتها وبعدها بيوم اتصلت تقولي لاتخليه يجي خلاص حنا بنروح معكم بناخدكم له لايتعنى بس
وقتها انا جاني مثل الخرص فجأه ماصدقتها حسبتها تمزح
يعني واحد وعائلته من زمان لهم عن بعض وكل واحد بديرة اكيد بيكونون مشتاقين لبعض كيف هيا مافكرت بكذا
المهم انا اتصلت عليه وخبرته وقتها زعل قال لا انا بجي وباخذكم وكلها اسبوع بنكون مع بعض مانبي احد
بصراحه قلت له استحي اقولها كلام يجرحها حتى منعته يكلمها ويقولها شي يزعلها
وبعدها سافرنا وشويه الا هي تتصل وزوجها كمان يتصل ورد زوجي عليها وقالها لاتشغلوا نفسكم فينا روحو تمشو وانبسطول
هههههههههه حنا ان شاء الله كويسين هههههه

بالله ايش رايكم فيها
وش اقولها علشان ماتجي تجلس عندي فتره النفاس هي واطفالها
محتاره وخجلانه منها ولا ابغى ازعلها وبرضوا هيا ماتتكلم وتوصي اولادها ويكسروا في البيت ويلعبو وماهم مره صغار بالعكس كلهم في المدارس


ابغى حل شايله همها اكثر من هم الولاده

ام هيثووووم 06-02-2012 08:47 AM

رد: انا واخت زوجي .. ابغى حل .؟
 
حياتي والله
احيان الواحد يضطر يجامل محافظه ع علاقات اخرى بس اذا الشي اذا زاد عن حده يصير استغلال
خلاص انصحك تصارحينها بشكل مباشر
والله لو اهي مكانك كان قالتلك بشكل مباشر وماهمها احد
ان اقول لاتصبرين ع شي بتظلين تعانين منه لسنوات كثيره
لو انك من اول مره او االبدايه قلتي لها كان ماعانيتي كل هالايام
ف انا اقول اللي مايراعيك ويجي ويصير عاله وياذيك لاتستحين منه
لو بلطف بس خلاص ماله داعي تجاملين ع حساب راحتك
وعذرا ع الاطاله

نسيم الصبا 06-02-2012 09:03 AM

رد: انا واخت زوجي .. ابغى حل .؟
 
ام هيثوم ربي يسعدك
احس هي مايهمها كلامي خليني اقولك موقف صار لي وكنت ساعتها متضايقه وماابغى اشوف احد
شويه اتصلت هي علي وقالت بجيك قلت لها معليش انا تعبانه وماني رايقه واعصابي شويه مو متحمله
تفكريها قالت لاخلاص اجل وقت ثاني اجيك .... بالعكس قالت لالالا ماعليك بجيك لانو حتى بنتي تطلبني من الصباح نجيكم
وعاد جلست من اربعه العصر لين 8 واتصلت عليها اخت زوجها قالت لها بتجيهم في البيت تتوقعي وش قالت
قالت انا عند ام محمد تعالي عندنا وجلسوا لين 12 ونص واطفالي يناموا من 8 وانا صاحيه من 4 الفجر
واااااه وقتها تعبت تعب ماانساه هذا كله وانا قلت لها تعبانه واعصابي مو متحمله
جلست اجاملها هي واخت زوجها على حملي على الموضوع اللي كان زاعجني

همسة دفاء 06-02-2012 09:08 AM

رد: انا واخت زوجي .. ابغى حل .؟
 
الله يعينج

وصراحة صبرتي وايد

ومعرف وش اقولج

بس خلي طرف ثاني هو اللي يوصلها الكلام

يخبرها انك انتي مستحية منها تريديها معج بس تبي ترتاحي فترة النفاس والاولاد بيتعبوج وكذا

الله يصبرج

نسيم الصبا 06-02-2012 09:21 AM

رد: انا واخت زوجي .. ابغى حل .؟
 
همسة دفا مشكوره على مرورك ونصيحتك
ربي يعين بس

لحظة إحسآس 06-02-2012 09:36 AM

رد: انا واخت زوجي .. ابغى حل .؟
 
اذا هي تكون حماتك
ليه زوجك مايكلمها؟؟؟؟؟
هي تصير اخته واكيد بتتقبل منه اي شي
مثللاً يقول لها
انه بيكون جنبك بفترة النفاس < معليه يكذب عليها حتى ولو كان عنده شغغغل
ربي يعيينكك من جد شيء يقهرر
الحامل تحاتي حملها وهذي ماتراعي كلش .. تعزم روحها والناس على كيفها
الله يسهل اموووركك يارب

نسيم الصبا 06-02-2012 09:43 AM

رد: انا واخت زوجي .. ابغى حل .؟
 
اللهم امين
لحظة احساس هو يبي يكلمها وانا امنعه
ماابي يجرحها اعرف اسلوبه جاف شوي اذا تضايق
على قولتهم يعطيها كاش في وجهها
واخاف تاخذ مني موقف بتقول انو انا اللي قلت له يكلمها

دروووب 06-02-2012 10:43 AM

رد: انا واخت زوجي .. ابغى حل .؟
 
مرحبا حبيبتي انا مع كلام لحظة احساس انه زوجك يكلمها لانك جربتي معها وكلمتيها وما جاب نتيجة افضل انه زوجك يكلمها عسى ينفع معها

نسيم الصبا 06-02-2012 11:03 AM

رد: انا واخت زوجي .. ابغى حل .؟
 
دروب جزاك لله خير
شكله مافي الا كذا
بخليه يكلمها
ربي ييسرها من عنده

>>>مصرقعه<<< 06-02-2012 11:11 AM

رد: انا واخت زوجي .. ابغى حل .؟
 
نسيييييييييييييييييييييييييييييييييييم (((سبحان الله كان مشكلتك مشكلتي بضضضضضضضضضضضضبط تمام

لكن الفرق انو انا اول حمل والحين داخله شهوري الخير 8 و ال9 وخوات زوجي بيجون يجلسون عندي ومايهتمون ولايساعدوني


المهم ان زوجي جابلي شغاله لشهرين كامله ((((( بس انتي حالتك اقوى )))) على العموم اتوقع بعد سنتين بصير مثلك اطفال وزعاج

ههههه لكن ربي يسسرها ((وفعلان ما ابي زوجي يجرحهم ((الله يعطينا على قد نيتنا بس))............


الساعة الآن 04:37 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .