|
مشكله من مشاكلي مع اهل زوجي
السلام عليكم ورحمه الله وبركاته
امس رحت السوق وبعث لهم السائق عشان كانو يبونه خلصو وارجعوا البيت ويوم اتصلت عشان يجيني خذوة وطلعوا وما خلوة يجيني وقالوا لي خلي سائق اهلج يجيج ..,,hwaml4 اقهروني ودخلت معاهم في مناقشه حادة على التلفون يعني موصيتهم من قبل وانا الي طالبه من زوجي يجيب السائق وماهمني حتى لو كلموني بالطيب انهم يبونه في هالوقت ومايقدرون ياجلونها لكن مب هالاسلوب لين اتصل يقولون خل هلج يجيبونج المهم زوجي قاعد يهدد الحين ويقول بتشوفين لشبسوي فيج من اولها ماتحترمين هلي مادري انا الي ماحترمتهم ولا هم الي ماحترموني ..،، |
رد: مشكله من مشاكلي مع اهل زوجي
قاعد يطرش مسجات من الصبح تهديد
خاطري ارد عليه وين احترامك انت ولا احترام اهلك جان حسيتوا اني مسؤوليتكم بس اخاف تزيد المشاكل مالي خلق ..,,, |
رد: مشكله من مشاكلي مع اهل زوجي
ربي يكون بعونك
رددي حسبي الله ونعم الوكيل واكثري الاستغفار |
رد: مشكله من مشاكلي مع اهل زوجي
حسبي الله ونعم الوكيل
ليش محد رد علي المشكله انه شغله في مدينه ثانيه هو يروح الصبح وينام بيت اهله الظهر ويرجع بالليل واخاف هالمرة مايرجع وينام الليل هناك وبعدين راح نبعد وايد لا صبح اشوفه ولا ليل وهو طبعه اذا تهاوشنا حتى وهو غلطان مايعتذر ان شاء الله نتم شهر وانا لين اشوف الوضع طول لين شهر اراضيه بعد مايكمل عادي الا اذا راضيته وانا ماابي يتعود على هالموضوع يخليني شهر لين اراضيه يعني اطنش لين هو يلين ولا شهر وايد واخاف يزيد هالمرة |
رد: مشكله من مشاكلي مع اهل زوجي
في رد وصلج للاخت " إنته لي وبس" بس شكلج ما إنتبهتي فيه, وبالنسبه لاهل زوجج بصراحه الحركه إلي سووها ترفع الضغط وهو المفروض يتفهم ردت فعلج لانها طبيعيه جدا ويمكن إذا سكتي راح يكررون لج هالحركه أكثر من مره إنتي ردي عليه بمسج و إكتبي أنا هلي علموني أحترم الصغير والكبير وهلك هم هلي بس الحركه إلي سووها فيني مب شي إفرض مثلا إنه سواق هلي مشغول وفمكان بعيد أتم طول اليوم واقفه بالشارع و أنا والله ما حبيت أعصب عليهم بس حط نفسك مكاني وكلنا بشر ومحد أحسن من الثاني ومب من حقك تحط كل اللوم علي يعني هلك ملايكه؟!! وبعدين العصبيه والتهديد ما يفيد بشي راح يخرب علاقتنا وعلاقتي بهلك راح تسوء لازم تكون حقاني وتعرف منو المخطي فينا مب عشان هم هلك خلاص ما عليهم خطى , بس هالشي يه وراح و أتمنى ما يتكرر مره ثانيه و لازم يكون عقلنا أكبر من جيه و ما نستوي يهال على أي شي نتضارب ونهدد , إنته ريلي وأنا زوجتك وكل واحد فينا يكمل الثاني و إنته وربي غالي علي وهلك بعد غاليين ومب هالسبب إلي راح يخلينا نتهاوش ونتزاعل و أتمنى تكون فهمتني... و أتمنى لج التوفيق...
|
رد: مشكله من مشاكلي مع اهل زوجي
ماجا البيت شكله بينام بيت هله
ماابي اتصل وكلمه عشان مايسمعني كلام ثاني مالي خلق اسمعه |
رد: مشكله من مشاكلي مع اهل زوجي
هاي حبيبتي نصيحه لكي من اخت عانت كثير من اهل الزوج
الباب اللي يجيك من ريحه سده واستريح انا حذفت ارقام اهل زوجي من جوالي وماكلمهم ابد زياراتي لهم رسميه من عيد لعيد خمس دقايق وامشي وكلامي معهم ايضا رسمي وبحدود وبالنسبه لزوجي يكلم اهله مايكلمهم يحبهم او مايحبهم ماصرت اتدخل فيه من هالناحيه لامن قريب ولى من بعيد والله العظيم وربي يشهد على كلامي اني ارتاحت نفسيتي كثير وانتهت المشاكل ومالك الا الصبر ياقلبي |
رد: مشكله من مشاكلي مع اهل زوجي
اتفق مع الاخت ليلى ... الله يسخر لك زوجك و يحنن قلبه و يتصل عليك و يقول لك متشاق لك و جاي اخذكhwaml29 طمنينا لما ترجع المياة لمجاريها ... القلب داعيك اختي |
رد: مشكله من مشاكلي مع اهل زوجي
كلامكم صح لو انا في بيت بروحي
لكن انا مع اهله في البيت !!! وهم مايحبونه يسوي لي شي كل ماجاء بيحط لي شي قالوا ماتحطه لها لنا وهي اذا تبي تجي تستاذن منااااا وقيسي عليه كل امور حياتي ..,, زوجي طيب وكريم لكن ضعيف قدام هله ...,, |
رد: مشكله من مشاكلي مع اهل زوجي
الله يكون بعونج ويصبرج واكيد الحق وياج بس حاولي تكسبين زوجك الج بكل الطرق وخلي يتعلق بيج اكثر وان شاء الله راح يتغير وياارب يهدي الج وترتاحين
|
| الساعة الآن 09:20 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .