منتديات حوامل النسائية - قصة ولالآدتتي ببنووتتي مهره ..!!

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

- - قصة ولالآدتتي ببنووتتي مهره ..!! (https://naqatube.com/showthread.php?t=130290)

قصة ولالآدتتي ببنووتتي مهره ..!!

الســــــــلآلآم عليكم كروشـــاات ..
كيفكـــــــوؤون يــا الحــــلوين ..؟؟

قبل انا كنت اقرأ قصص الولادة واتشوق للولاده واكشن الولادة ..
اليوم والحمدلله انا اكتب لكم اكشن ولادتي ..

الموهيم يوم كنت حامل طلع فيني سكري و ضغط طبعا من الشهر السابع ,,
فتعرفوون كل مره اذا الضغط يرتفع ينوموني او السكري يرتفع ينومووني صراحه واايد تعبت ,, الموهيم قبل ولادتي بيومين نوموني قالوا لي النبض مب اوكيه ,, الموهيم الدكتورة ثاني يوم جت قالت لي انتي في اسبوع 38 لازم تولدين باجر ولا ورا باجر طبعا فرحت قلت اخيرا بششوف بنتي حياتي ,,

قلت لهم باجر واسرع وقت ابي اولد الموهيم جا زوجي وقع على اوراق ,, ودوني الغرفة وعطوني طلق صناعــي ,, طول اليوم تم الوجع يرووح ويجي مرات يكون قوي مرات يكون هادي الموهيم قالوا لي مفتوح سانتي تخيلوا يوم كامل بسس سانتي واحد :(

في يوم الثاني جت الدكتورة قالت في وجع قلت لا مره خفيف عطتني تحميله ثانية ,, بعده بســآآعتين بدا الطلق عندي من الالم ماقدرت اجلس امشي يمين ويسار ,,
ركبوولي جهاز التخطيط من الالم قمت اصيح واصارخ السستر تقول انتي ما فيج وجع
جلست اصارخ عليها اقولها كل هذا مافي وجع تقول ما مبين في التخطيط الوجع اللي عندك خفيف
بطلت الجهاز وانا معصبه جت الدكتورة قالت لي 2 ونص فرحت قلت الحمدلله على ساعه 3 الظهر الالم زااد حسسيت ضغط تحت بدا ينزل مني افرازات بنية ودم مخلوط معا ,,

حسيت ابي اروح الحمام كاني ابي ابول اكرمكم الله بسس كان ماي الجنين وانا ما اعرف اضغط ينزل افرازات اجت امي عندي تقول لا تضغطي يمكن راس الجنين قلت ابي اسوي اكرمكم الله اضغط واضغط سحبوني قالوا نامي لازم نكشف عليكي اول ما حطت يدها قالت الراس نازل خلاص ولادة

على طوووووووول ودووني غرفة التوليد الا و تقولي من يجي الوجع اضغطي ..
اول دفعه ما طلعت من دفعة الثانية الحمدلله طلعت حبيبتي بنتي نور حياتي مهره ,,

طبعا ولدت تاريخ 20/5/2012

عقبــآآلكم كروشات
وعليكم بسورة مريم و سورة محمد + ماء زمزم والاستغفار
الله يسهل عليكم