|
اليوم انتهى كل شي
السلام بنات كيفكم
امس الفجر ولله الحمد رحت المشفى بعد مازاد النزيف ونزل قطع دم طبعا وصلت حالتي خطيره ونموني لان ضعف دمي ولان باقي انزف كثير وباقي دم وقطع بصراحه معاناه وتعب وانا لوحدي في الغربه بحكم دراستي برا بعد التنظيف قالو خلاص بس قالو بيعطوني ادويه عشان ينظف بطني ويتاكدو كل شي نزل بس بعد فتره نزل ضغطي وضعف قلبي اكثر لان كان لسى باقي ماتنظف بعد كم ساعه قالو لازم نوديك غرفه العمليات وهاذا اخر حل لان حالتي بدت تصير خطيره وخافو ودوني بعدها بساعه ولحمد لله سوو لي عمليه تنظيف طبعا الحمد للله على كل شي انا هاذي اول تجربه لي واول حمل ونا بعيد عن اهلي انا ماعندي خبرا كافيه واحتاج نصايح من الكل بكيف اهتم بنفسي عشان ارجع بخير وترجع صحتي لاني طلعت من المشفى وقالو دمي ضعيف وحاولو يعوضوني بس لسى جسمي ودمي ضعيف لسى احس بدوخه واحس اني محتاجه اريح بس الممرضه قبل ماطلع قالت لي شي قالت لو نزل قطع دم ارجعي المشفى ولو انقطع الدم ورجع بعد ارجعي راجعي المشفى انا ماعرف ليه قالت لو قطع ارجعي راجعي المشفى بس الحين انا بعد مارجعت البيت نزل شوي دم عقب انقطع نمت شوي وصحيت ولقيت مافي دم فهل خطير واراجعها ولله ممكن تصير واصبر شوي ادري طولت عليكم واسمحو لي بس احتاجكم ياخواتي واحتاج نصايحكم ومساعدتكم وشي ثاني طبعا اتوقع يكون الحين في تغير في الرحم المفروض حسب ماقريت وعرفت كيف اعرف ان رحمي رجع طبيعي ياليت تفيدوني |
رد: اليوم انتهى كل شي
االله يعوضك خير حبيبتي
لازم تهتمي بالاكل الصحي وعشان تعوضي الدم اشربي عصير توت طازج وكمان الزبيب اليمني كعصير والكبده الطازه الغير مطبوخه بكثره وحاولي ابدا ماتجهدي نفسك باي عمل الراحه اهم شي للرحم عشان يرتاح خصوصا الانسداح على الظهر واذا بتشربي من الاعشاب عندك الحلبه الشمر واليانسون ولاتكثريها كوب يكفي باليوم وربي يرزقك بالحمل السليم الثابت وترجعي عند اهلك على خير نشوفك على خير |
رد: اليوم انتهى كل شي
والله ماعندي اي فكره بس مأقول الا الله يعوضك ويقومك بسلامه يارب
|
رد: اليوم انتهى كل شي
مشكوره ام تروك ولله يعطيك العافيه
ولله شكله يبي لي راحه بزياده لان قبل شوي دخلت الحمام وغسلت شوي وغسلت شوي ملابس كان فيها اثر دم ومضايقتني حسيت بالم في حوضي وجوانب الرحم وحسيت اني دايخه مشكوره على نصايحك ولله احتاج اعرف اكثر لاني لوحدي وماعندي خبرا وعمري 20 وهاذا اول حمل لي ام ديالا حبيبتي تسلمين على المرور |
رد: اليوم انتهى كل شي
حبيبتي انا العام بنفس عمرك وحصلي اجهاض ثلاث مرات
وعندي خبره في هالموضوع دام سولك تنضيف خلاص الحمدلله.صحتك بخير وحولي تريحين من الدراسه اسبوعين ع الاقل وعملي نفسك كانك والد لان الاجهاض ازيد من الولاده خاصه الم الظهر حولي تشربين حليب بلحلبة ولو مو متوفره الحلبه حاولي تاكلين فواكه وخضار ونشويات ولو قدرتي ريحي نفسك اربعين يوم قبل تحاولين تحملين ثاني وربي يعوضك |
رد: اليوم انتهى كل شي
مشكوره حبيبتي
طلبت يعطوني يومين اجازه بس هاذا الي قدرت عليه انشاءلله بس انا خايفه لان الحين وقف النزيف وقالو لي لو وقف تعالي المشفى ابي اعرف خطير لو لا وياليت احد يرد ويساعدني |
رد: اليوم انتهى كل شي
ورد الياسمين الله يعوضك خير ان شاءالله في القريب العاجل ويرزقك المولى بتوأم ان شاءالله
بس الان اهتمي بتغذيه نفسك جيدا وطمنينا عليكي وان شاءالله مافيكي الا الخير والصحه والعافيه يارب والف لا باس عليكي ماجوره عزيزتي ان شاءالله |
رد: اليوم انتهى كل شي
الله يعوضك خير يارب
انتي لسه صغيرة والعمر امامك وان شا الله ربنا بعوضك بعشر صبيان ياااااااارب |
رد: اليوم انتهى كل شي
الله يعوض عليك يارب وتقومي بسلامه وماتشوفين شر
مشالله الخوات ماقصرو بس زيدي عليهم دفي جسمك انا لما اجهضت اهملت عمري وقعدت 8شهور ماحملت وكنت اتعب وارحامي تالمني وقعدت انزف 40 يوم كاني نفاس ولما اجهضت كنت حامل بشهرين داخله الثالث اهم شي اشربي نعناع ويانسون وحليب واكلي خضار وفواكه وبعدي عن البارد ولبسي شربات لاتمشن حافيه ودفي جسمك وحطي زيت زيتون على بطنك وقري عليه وحاولي قد ماتقدرين تشربين ماي ولاتحملين ثقيل ابدا اهم شي لايدخل رحمك هوا لان الهوا هو الي يخرب الرحم ويتعب وامشي لو 10 دقايق بليوم وماتشوفين شر هاذا الي اعرفه وحبيت افيدك تقومين بسلامه |
رد: اليوم انتهى كل شي
الله يعوضك بالحمل السليم
بعد عمليه التنظيف الدم يوقف وحتى لو نزل يكون خفيف مثل الدوره لا تخافي وان شاء الله معافاه |
| الساعة الآن 04:14 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .