|
العاقله الفاهمه تجي توجهني
خواتي احتاج لمشوره احد عاقل يفهمني الواجب الي اسويه
انا متزوجه من فتره قصيره وزجي يعمل منطقه ثانيه مااشوفه في الشهرين الا اسبوع بس وافرح بجيته وانظف اومسح وابخر علشان يجي يرتاح بغرفته بس من فتره لاحظت زوجي من يجي عندي بس يقولي كذا انا من ادخل غرفتك امرض واذا قلت وش فيك يقول راسي مره رقبتي مره يمسك معه اسهال الله يكرمكم من الصبح يعني مااكل شي بعد ماينام الا وهو رابط على راسه من الالم قلبي يتقطع عليه اتمنا امرض انا ولاهو ومن اركب معه السياره نتهاوش بدون سبب ودايم ابكي ولااحس بطعم الطلعه ولا الحديقه ولا السوق مثل قبل قصرت في حق نفسي ولا حتى شريت لي فستان اطلع به المناسبات الي عندي وصرت كاني عجوز احضر بعباتي وابارك واطلع كله علشان مااطلع معه ونتهاوش مليون مره حتى اشتري الي ابي ودي اطلع معه بس من اركب اتمنى انزل من السياره بسرعه ابي ارجع البيت خلاص مااتحمل ابكي بالشارع رجعني رجعني وهو مستحيل يجلس معي يسولف حتى لو اقوله تعال بااوريك خبر بالنت ولا شي يجي وهو واقف ويقول خلصيني مااحب جلسه البيت مااشوفه الا وقت النوم ولايدخل الغرفه وحده وهو يبي ينام ثنتين مستحيل ونومته وحده يغطي راسه ويعطيني ظهره وينام لدرجه احيانا ينكسر خاطري على نفسي اذا نام جيت وحطيت خدي على ظهره شوي بحس بوجوده ابي احس بحنانه الحنان الي ماعمري ذقته لا من ام ولا من اب تمنيته يكون فرحه عمري الحين وين المشكله فيني انا مرض نفسي ولا هو مايحبني ولا وين انا اسفه لاني استرسلت في الفضفضه بس علشان تفهمون حالتي وتوجهوني وبس |
رد: العاقله الفاهمه تجي توجهني
سلامتكم يالغاليه الافضل تروحون لشيخ ثقه يرقيكم بما ان هذي الحاله جات فجاءه
وربي يسخركم حق بعض ويبعد عنكم كل مكروه وشر ,, |
رد: العاقله الفاهمه تجي توجهني
ممكن عين مصلت على نبي روحي للشيوخ ولو ماقدرتي حطي سوره البقره في بيت واقري انتي كمان وشغليها في غرفه النوم كل يوم
|
رد: العاقله الفاهمه تجي توجهني
أتمنى أساعدك
لكن ماعندي خبره أخاف أزيد همك هم لكن بدعيلك وأقول الله يفرج همك ويصلح الحال |
رد: العاقله الفاهمه تجي توجهني
ياقلبي عليك يالغاليه حرام تسكتين عن نفسك وانتي تتعذبين
ترا كل هذا اللي فيكم حسد اوعين او سحر لاسمح الله روحي لااكثر من شيخ ورقي روحك ويعطونك ماي مقري فيه ايات من القرآن حاولي انك تكثري من الاستغفار والدعاء وقرآت القران وخاصه سورة البقره يوميا والله انها على تجربه ماراح تخسري شي والله يوفقك ويوفق زوجك ولايحرمكم من بعض ياااااااااااااارب |
رد: العاقله الفاهمه تجي توجهني
انا صراحه انصحك تروحي لشيخ ثقه يقرا عليكم
لان يا عين او عمل ولله يبعد عنكم لثنين بس احتياط روحي ودايم حطي سوره البقرا بلبيت وبغرفه النوم شغليها وخليها على راحتها حتى لمن تطلعي من البيت خلي الشريط شغال يقرا سوره البقره يهدي النفس ووكيويسه حق البيت |
رد: العاقله الفاهمه تجي توجهني
حبيبتي خلي حد يقراء على بيتكو عليك و على زوجك ..
يمكن عين ماصلت على النبي ,, حبيبتي انا لما تزوجت 6 شهور تعبانه بلنهايه عين و سحر حسبي الله عليهم .. السحر حق زوجي بس الحمدالله ما ضره لانه زوجي محافظ على صلاة الفجر لكن صابه من السحر مس يعني وسواس .. المهم و انا جاتني عين .. بوقت النوم تحديدا ترتفع حرارتي فوق الاربعين .. عشان زوجي ما يقرب مني .. و مع ذالك كنت اقاوم و هو بعد و طول الوقت كنت بس منسدحه من مستشفى الى مستشفى .. فا لما جاء الشيخ قراء علينا بعدها ارتحنا بجد .. فا انصحك تشوفون شيخ ... |
رد: العاقله الفاهمه تجي توجهني
الله يعينك حبي وايفرج همك
|
رد: العاقله الفاهمه تجي توجهني
بصراحة اضم صوتي ان لازم من الرقية لا سامح كون في شي
و عشان انتي ترتاحي هدي اعصابك و لازم تفهمي ان في شي هو لي خلا العلاقة متوترة يهمك يعرفي شنو هو مثلا كلميه بللي تحسيه و لي تبيه منه و اساليه شو يحس هو معك و شو بدو منك يعني جلسة مصارحة حضري لها جو مناسب خلي دايما اعصابك رااايقة و لا تتهاوشي على ابسط الامور يعني لا تعصبي حالك ليش ما اشترالي ليش ما فعل ليش ليش ليش هذا كله من الشيطان لكن ابحثي على المشكل من الاصل شو هو كونيي امراة حكييييمة و كبري راسك بس لا تنسي الرقية و اذكار الصباح و المساء و قراءة القران و قيام الليل اشكي همك لله باذن الله لهم اثر عجييييييب في تلطيف الاجواء |
رد: العاقله الفاهمه تجي توجهني
رايي من راي الخوات واضح بان الي فيكم بسبب العين او الحسد ارقي نفسك وزوجك
همسه لك غاليتي انتبهي ان تتكلمي عن حياتك وتفاصيلها قدام اي شخص احنى بزمن قل فيه الايمان والناس مايذكرون الله اذا عجبهم شي حتى لوكان خواتك لاتتكلمي بالتفاصيل خلي كلامك عام ان شالله تكوني فهمتي قصدي يالغلا تحياتي لك |
| الساعة الآن 09:39 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .