افكر ...... زوجي !!!
 

السلام عليكم ..

موضوعي بالحيييييل مؤرقني وتعبت بصراحه ..

السالفه انو دايم اخو زوجي يجي في بالي وفي احلامي السبب انو كان بيننا حب من اول وبعدها ماعاد فكرت فيه وتزوجت اخوه اللي هو زوجي في البدايه حبيت زوجي حب جنوني وكنت افكر واشتاق واحن عليه ومع الايام بدا يستدرج لي موضوع اخوه صرت اذكر الرسايل ومقدار الحب والمعزه .. وانا والله احب زوجي ولكن اللي منغص علي سالفة اخوه مع انه لا يتعرض ليولا شي وهو انسان محترم لكن مادري ايش الحل .. اتعوذ من الشيطان واقول هالشي بيخرب بيتي واصد عنه لكن ..... دايم في بالي .. بنات ساعدوني الله يخليكم علموني ايش الحل .؟؟

رد: افكر ...... زوجي !!!
 

حبيبتي انا فاهمتك كويس
وادري انك تحبين زوجك بس هم كمان تفكرين بحبك الاولي وهذا كله من الشيطان
ونصيحه لك كل مافكرتي بحبيبك الاولي طنشي تفكيرك راح تتعبين بالبداية وحتى يمكن ماتاكلين من لتفكير
بس مع الوقت راح تنسين
بس مادري صعبة شلون تنسين وحبك الاولي قريب منك يعني غصب ابتتذكرين
وهشي بيتعبك حيييييييييل
تحبين زوجك وتحنين لماضيك هذا اصعب مشكله وربي
ولو تفكرين فيهم اثنينهم تلاقين انك تحبينهم اثنينهم هع صوح ولا؟
بس بصراحه مادري احس ماقدر افيدك كويس بمشكلتك لانها بجد تتعب وتجيب المرض من لتفكير
خاصه ان حبك الاولي قريب منك
لو انتي بمنطقة واهل زوجك بمنطقه كان اهون وتقدؤين تنسين
ولو حبك الاول متزوج كان اهون مرتين ومع الوقت ابتنسين
واه ذكرتيني في حياة الفهد في مسلسلها الجليب
عجزك بس لسى تحن لحبها الاولي
مشكلتك صعبة والله احس يبي لها واحد فاهم ودكتور نفسي زي فوزية دريع عشان تعطيك الحل الكويس
اما تطرحينها في المنتدى محد بيقدر يفيدك كويس
ويمكن الأغلب بيتجنب مشكلتك وبيسالونك ليش خذتي اخوه مو هوا وليش وليش
دعوه من قلب
ربي يسهل عليييك ويساعدك

رد: افكر ...... زوجي !!!
 

شلون تفكرين باخو زوجك اختي تعوذي من الشيطان حتى ولو كانت بينكم قصه حب اول خلاص انتي تزوجتي وزوجك اولى بالتفكير فيه مدام انك تحبيه وهو كويس معاك لاتفتحييييين ع نفسك باب المشاكل حراااااااام وش ذنب زوجك ..واتوقع عندك وقت فراغ عشان كذا تفكيرين بحبك الاول ... بس نصيحتي لك اشغلي وقتك في بيتك وزوجك وألجأي الى الله ....الله يهديك الى طريق الصواب

رد: افكر ...... زوجي !!!
 

ليش ماتزوجتيه...؟؟
وكيف قبلتي تتزوجي اخو الشخص يلي حبيتيه؟؟؟
كان لازم تبعدي عنن..هيك راح تتعبي كتير لانو عطول قدامك

رد: افكر ...... زوجي !!!
 

نتيجة اختيارك تحمليه ..

كنت احب اخوه و كان بينا علاقة حب اروح اتزوج واحد قريب منه اخو اللي كنت احبه
مايصير اذا مو اليوم بكره بيجي في بالي ..

هذا غلطك تحمليه يا عزيزتي لكن
اللي يجي في بالك ترى من وسوسة ابليس مو شوق للي تحبينه ..

وش ذنبه زوج اللي يحبك
حاولي تبتعدين عن اخوه و تتجنبين اي شي يقربك منه او اي طاري عنه ..

و بلنهايه كل اللي انتي فيه من ابليس قاعد يوسوسلك ..


زوجك يحبك و طيب معاك و و و و و و كل هذا فكري فيه و حاااولي تتغلبين على الافكار حقتك


و الله يعينك ..

رد: افكر ...... زوجي !!!
 

حاولي تتقربي من زوجك وكل ماتفكري في اخو زوجك ارسلي لزوجك رسالة حب وحاولي انك تبعدي افكار الشيطانية

ودائما كرري في سجودك يارب انك تسخر لي زوجي وتقربني منه

وانشاء الله تتغلبي على افكار الشيطانية

رد: افكر ...... زوجي !!!