|
قلبي متقطع على ولدي ارشدوني
السلام عليكم
يسعد صباحكم كروشات كيفكم وكيف صحتكم وكيف كروشاتكم الله يجيبهم بالسلامه حبيباتي اكتب لكم كلامي هذا وقلبي متقطع على ولدي عمره ثلاث سنوات بس انا جنيت عليه للاسف انا عصبيه جدا وهو عبيط شوي واذا ازعجني او خرب لي شي بالبيت اعصب واضربه والمشكله ما ارتاح الا بضربه على الوجه ادري خطا بس لحظتها ما ادري ايش يخليني كذا مع اني حنونه بشهادة اهلي وزوجي وحساسه بس اذا عصبت انسى نفسي والمشكله ضربي له اثر عليه صار يخاف من الكل ولما اعصب من اخوه يترجاني يقول ماما لاتضربيني اقوله انتا ماسويت شي ليه اضربك ولما امشي من جنبه يحط يده على وجهه وينكمش على نفسه واذا اخذ اي شي من غير مايقولي لو شي عادي وشفته شوي ويبكي ولما العب معاه واقوله تعال على اني اجري وراه واضحك يخاف ويبكي ولما اعاتبه على شي يبكي لاتضربيني امس خليته عند عمته ورحت للسوق واليوم ارسلت لي رساله تقول ماقدرت تنام تفكر فيه وتطلب مني اني ما اضربه تقول لو ارفع يدي لاي سبب يحط يده على وجهه ويجري خايف منها حزنتني على ولدي ساعدوني قبل لا يضيع ولدي افكر اروح لطبيب نفسي بس زوجي ماراح يوافق انا مشكلتي عصبيه مع ان ولدي هذا اهدا واعقل من اخوه اللي مجنني ومع ذالك ما اضربه كثير يمكن لانه صغير عمره سنتين والله تعبت نفسيتي بعد رسالتها ودموعي ماوقفت ادعوووولي وله لاتنسون في هذا الشهر وهذي الليالي وارشدوني لحل يساعدني ويساعده واذا تعرفون ارقام مرشده اسريه او طبيبه نفسيه ياليت تكتبونها لي وللبنات ممكن يستفيدون باذن الله |
رد: قلبي متقطع على ولدي ارشدوني
انا ردت عليك بالتجمع حوامل محرم شوفيه حبيبتي
|
رد: قلبي متقطع على ولدي ارشدوني
الله يعطيك العافيه ويجزاك خير يارب ويصلح لك ذريتك
|
رد: قلبي متقطع على ولدي ارشدوني
حرام عليك هد طفل ليش تسوين معه كد حتى ا1 كنتي عصبيه حاولي تمتصي غضبك بذكر الله والاستغفار
لان ولدك بالطريقه اللي تعملينه فيها راح يكرهك وراح يتعقد من كل شي حتى لو كبر راح تكون شخصيته ضعيفه وخواف من كل اللي حوله حاولي انك تلاعبيه وتهدي من روعه وتحضنيه عطيه حنانك وعطفك خليه يحس بالامان معك وصدقيني مع معاملتك له راح ترجع له ثقته بنفسه ويبعد الخوف منه اتمنى من كل قلبي انك تبعدي عن العصبيه مهما كانت تصرفات اطفالك وربي اني تعاطفت مع ولدك وكسر خاطري وقلبي تقطع عليه وتخيلت كيف الخوف مالي قلبه من كل شي امانه عيدي ثقته فيك من جديد وخليه يبعد الخوف منك بتقربك له واللعب معه واسفه ع الاطاله |
رد: قلبي متقطع على ولدي ارشدوني
كلميه بحنان واشرحي له اشكثر انتي اتحبينه وان انتي اتخافين عليه علشان كذا تضربينه
وحاولي تمسكين نفسك عند الغضب حرام الطفل بيتعقد وبيكرهك الضرب كثرته اتخليه ما له هيبه ولا له وقع على النفس |
رد: قلبي متقطع على ولدي ارشدوني
حاولي تمسكين اعصابك
اتعوذي من الشيطان حرام مشان الولد مستقبلو بيتدمر |
رد: قلبي متقطع على ولدي ارشدوني
ابشركم ياغوالي من كتابتي للموضوع من اكثر من اربع اسابيع ما ضربته الا مرتين يمكن وعلى يده اسلوبي تغير معاه بشكل كبير ولاحظت انه هو نفس الشي تغير يفهم ويسمع الكلام واحيانا يكلمني يقولي ماما اقوله نعم يقول انتي حلوه هههه واحيانا يقولي انا احبك واحضنه واقوله انتا حياتي يعني الحمدلله تغيرنا كثير بس احيانا يعصب وينرفزني وماارد عليه اشغل نفسي بشغل البيت او اي شي ويارب يستمر تعاملي معاه وتعامله معي كذا يارب ويصلحه ويهديه
|
| الساعة الآن 03:37 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .