|
خادمتي والجوال
اخباركم بنات
انا يابنات ودي افضفض واسولف معكم عن شغالتي اخذتها تنازل من وحده الله يجزاها خير ومالها الا اسبوع عندي الشغاله مررره كويسه وتشتغل شغل ماشاء الله لاقوة الا بالله وتطبخ بس مااخليها الصراحه وتهتم بعيالي شويه بس حسيت انها ماترغب الاطفال كثير بس تحب شغل البيت انا ماعلي في هالنقطه عادي انا اهتم بعيالي بس هي قالتلي مشكلتها مع زوجة كفيلها انها تهاوشت معها بسبب الجوال لانها تكلم كثير انا عندي مالاحظت عليها شي ومن بعد كم يوم قالتلي انها تبي جوال كميرا خفيف يعني وانا وعدتها ومارفضت لانه ضروري يكون معها جوال عشان انا بروح دوامي وبتركها مع ولدي الصغير فلازم اتطمن قلت انا بجيب لك بفلوسي بس عطيتها الصراحه وقلتلها انا مااعترض عالجوال وهو من حقك بس انك تكلمين فيه اهلك واخواتك وماابي خرابيط انك تكلمين رجال او تسوين مشكله هي تقبلت كلامي لاني كلمتها بحنيه بدون قسوه وقلتلها لاتزعلين لان عندي قبل شغاله وكانت تكلم رجال وانا مااحب كذا لانك بتتغيرين علي ومن هالكلام المهم سكتت وماردت علي حسيت انها زعلت مني بس مابينت والان محتاره هل اجيب لها واحد او اطنشها اخاف لو طنشتها تزعل وماتشتغل مره ثانيه والله انها طيبه وممتازه وحبوبه ومالاحظت عليها مكالمات كثيره لان معها جوال عادي من اول وماودي اعطيها كميرا لاني اخاف تصور عيالي هي قالت تبي تشوف ولدها بترسله اختها من اندنوسيا على جوالها قلت مافي مشكله ومدري وش رايكم بنات اتمنى تنوروني لاني محتاره اخاف هالجوال يخربها علي وانا قلت لو الاتصالات يحددون ارقام معينه في جوالها يكون لاهلها بس يكون احسن وماتقدر تتصل على رقم ثاني وش رايكم وانا اخذتها تنازل بمبلغ مرره غالي وانا بس اوسوس واراقبها ومااتطمن حتى لو رحت مشوار ساعه انا طبعي كذا مع انها والله طيبه وممتازه وشاطره بس اتخوف من مصايب الخادمات ومن كثر مااسمع ومدري كيف السواة مع هالجوال؟ |
رد: خادمتي والجوال
انا ما بنصحك بلا ما تصورك انتي وتنشر صورك او تهددك اانه تعطيها فلوس او تنشر صورك عالفيس او لشباب
اختي ساكنه بالامارات وصارت مشكله مع شغالتها على موضوع الجوال وبالاخر تركتها وجابت وحده تانيه واشترطت انه ما يكون معها جوال من الاساس لانه سمعت قصص كتير عن شغالات بصوروا بنات البيت وست البيت |
رد: خادمتي والجوال
أنا مع الأخت غادة و عندي شغالة و من لما جبتها بالمكتب اشطرت عليها ما في موبايل
و هيك صار و بس بدها تحكي مع أهلها من عيوني التنتين غير هيك ما بقبل لأني ما بعرف نواياها و المتل بيقول "حرص و لا تخون" و ربي يهديلك شغالتك |
رد: خادمتي والجوال
لالالالالالالالالالالالالالالالالالالالا ماانصحك نهائيا
لاتدخلي نفسك في مشاكل انتي في غنى عنها ماسمعتي بالخدامه اللي تكلم واحد ودخلته البيت واهل البيت موجودين الزوج وزوجته في البيت وسمعتها عمتها ومقفله الباب على نفسها وحاطه مكياج وفاكه الشعر تسألهاعمتها مين تكلمي قالت اكلم اهلي وفتحت الباب لعمتها وشوي الا عمتها شافت رجول الرجال تحت سرير الخدامه وخرجت بهدوؤ ونادت زوجها وهاتك ضرب والسبب كله الجواااااااااااااااال يعني مو تكلم واحد لالا جايبته البيت انتبهههههههههههههههههههههههههي |
رد: خادمتي والجوال
الله يسعدكم يارب
انا بجربها شهر وشهرين ولو طلبت جوال كميرا مابعطيها بس بوعدها اشتري لها قبل ماتسافر لولدها جوال ايبود احسن عشان تبطل تحن على راسي |
رد: خادمتي والجوال
يااختي الاندنوسيات مامنهن اماان شغاالة زوجت عمي بسبب الجوال قاامت تجيب شباب بيتهم واخوي اكتشفهاا ولا جوالهاا كله ارقاام شبااب ولابزيدج طلعت حضرتهااا حاامل الله يسترناا الدنيياا وااخرة .... الله يكون ف بعوونج يااختي
|
رد: خادمتي والجوال
انا اشترطت من البداية مافي جوال
واخليها تكلم اهلها من جوالي كل شهر مره |
رد: خادمتي والجوال
ماله داعي توعدينها بشي ماتقدرين عليه قوليلها مافي غير جوال عادي لا ويخب عليها وتقدر تشوف صورة ولدها حتى لو كان الجوال عادي بس حركات الشغالات ماتبغى خليها تعطيك فلوسك وتقلب وجهها،،، والله منتي مجبورة
|
رد: خادمتي والجوال
الله يسعدكم بنات
شكلي بسحب عليها مارح اعطيها شي انا بشغلها مع عيالي بالمدرسه الاهليه تروح معاهم افضل من الصبح اليوم سمعتها تكلم بالحمام الله يعزكم قسم بالله انقهرت مدري هل هي تكلم اختها ومستحيه تكلم قدامي عشان شافتني اتضايق؟؟؟؟؟؟؟؟؟ والا تكلم من ... ماادري؟ هي مرره حبوبه وشغيله راعية كررررررف وربي شغلها رووعه حتى مع عيالي مرره حنونه وتصلي الصلاه بوقتها وتعرف اشياء بالدين ماشاء الله عليها بس انا دايما اسكر الباب وحريصه واستودع الله اذا طلعت من البيت واخاف احد يغريها بشي يابنات وتشرد الله لايوفقه ان كان رجال تدرون انا افكر اجيب لها جوال بس اخلي فيه ارقام اهلها بس واحول المكالمات لرقمي بس لازم استفسر كيف بالاتصالات والله يابنات اني محتاجتها بقوووووه لاني على وجه ولاده وتوني متعينه ولحالي محد يساعدني بعيالي وبالبيت واهلي بعاد وتعبانين خاصه امي ماودي اتعبها بنفاسي يالله تقوم وتجلس؟ ومضطره اتودد لها ماابي ازعلها بشي لانها ضامنه نفسها وتعرف انها لو راحت اي مكان بتلاقي شغل بسرعه فالله يكفيني شرها ويعطيني من خيرها وانا استخرت ربي قبل مااخذها وحسيت براحه والله يعديها على خيير يارب |
رد: خادمتي والجوال
لا تعطينها جوال ابد بس خليها تستخدم جوالك حتى لوتبي صور لأبنها في جوالك عادي بعدين اطبعيها وعطيها ياهم كذا احسن ترفضين
|
| الساعة الآن 04:57 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .