منتديات حوامل النسائية - قصة ولادتي ,, بغيت امووت

بسم الله الرحمن الرحيم
السلام عليكم hwaml7hwaml7hwaml7
هذا اول موضوع لي من بعد ولادتي ....hwaml10
كنت في اخر التاسع كان يوم الجمعه 6/6/1433هـ وكان في الليل وانا نايمه احس بالم في ظهري قمت الصبح وانا مانمت زين من الالم ارسلت لااختي الكبيره في الواتس الساعه 6 الصبح وكانت تجهز لدوامها
ولما سالتها قالت هذا طلق الله يسهر امرك في نفس اليوم كان عندي موعد قومت زوجي ومشينا للمستشفى جاء دوري في المستشفى ودخلت و احسبت لي الدكتورة قالت اليوم السبت اول يوم لك بالعاشر وكشفت علي قالت مفتوحة ثلاثة ونص هذا الكلام الساعه 10 الصبح ..
وقالت روحي على قسم الولادة ولادتك اليوم هي قالت كذا تضاربت مشاعري ماادري افرح لاني نشوف البنت اللي انتظرتها 9 شهوور
والا احزن لان ماكان معي احد يومها اتصلت على زوجي وهو في الاستراحة قلت له وصوت مليان خوف , الدكتورة تقول ولادتي اليوم
قال : الحمدلله مو انتي تنتظرين هاليوم خلاص هانت
قالت خلاص انت رح وانا بدق على امي عشان تجي
قال لي : الله يقومك بالسلامة وسكر السماعه
انا في الاستراحة بكيت لين قلت بس بعد ماارتحت شوي دقيت على امي وقلت لها وقالت طيب أبغدي ابوك وابجي مع اخوك والمسافة بين المستشفى وبيت اهلي تقريبا نص ساعة او اكثر ومادخلت قسم الولاده الا يوم جت امي
ولما جت حطولي تخطيط قلب وبعدها دخلوني على قسم الولادة وحطولي تخطيط قلب الجنين والطلق
وكنت خايفه مره وبعدها دخلوني في غرفه التنويم و امي معاي واختي اللي سالتها عن الطلق الصبح تدق علي وتسال عني وامي تكلمها و تطمنها علي ....
وانتظرت وانتظرت وطال انتظاري قالت لي الدكتورة ان طلقي بارد ولما كشفت في الليل الساعه 8 قالت مفتوح 1
انا مستغربه الصبح 3 والحين 1 ...
وقعدت في المستشفى السبت والاحد والاثين
الاثنين جاء الاستشاري وقال عطوها طلق صناعي امي رفضت وقالت لا يوجعها
انا ماكنت اعرف شي عن الطلق الصناعي و تهاوشت امي مع الدكتور وجت الدكتورة المصري وقلت لأمي انه مول اصالح البنت تنتظر لان كذا بيزيد حجم الجنين ويمكن يتطلب عمليه المهم امي اقتنعت .
وطول اليوم وانا امشي في الممرات وفي الساعة 11 في الليل دخلوني غرفة الملاحظه اللي قبل الولادة وركبوو علي اجهزه وحطوو ابر للمغذي وحطووو اكسجين انا مت من الخووف وكل شي اسال عنه
جت الدكتورة وقالت بالنزل مويت الجنين ونزلتها قبل الولاده بساعه ونص وماادري حطت الممرضه ابره في الغذايه سالتها قالت مسكن اول مره اعرف ان فيه مسكن للطلق وبعدها اغمى علي
وصحيت واحس ودي ارجع ورجعت وطلبت ماء و ماعطوني بعدين جت وحده من الممرضات وجابت ماء وعطتني شوي وشربته ورمت الكاس في الزبالاه على طوول شكها جايبته بالدس ...
المهم اغمى علي وماصحيت الا رافعين لرجليني والدكتورة تقول اذا حسيتي بطلق ادفعي ماكنت فاهمه كيف ادفع حاولت حاولت وفجاه اغمى علي وماصحيت الا على صياح الممرضات وحده تقومني والثانيه حاطه ثقلها بين صدري وبطني وانا اصرخ ويوم فتحت عيوني البنت مع الدكتورة قلت الحمدلله ودموعي تنزل
وفي هالوقت امي كانت عند الغرفة سمعت الصوت وارتاحت راحت واحده من الممرضات تبشر امي ..
انا بعد ماطلعت البنت دخت وماعاد اشوف زين قلت للممرضات قولي لامي قالت ماما يعرف ..
وجابت البنت عندي قالت ماشاء الله بيبي حلللو ,, قلت لها وانا ابكي خذيها خلاص وأغمى علي .....وبعدها جت امي في غرفة الملاحظه مع انه ممنوع احد يدخلها بس ماادري كيف دخلوها سلمت علي وانا موفي وعيي ماكنت ادري باللقطة امي علمتني بها ..وطلعوني الصبح الساعة 8 من يوم الثلاثاء
بعدها جت الدكتورة وقالت لي حمدلله على سلامتك ماتوقعنا انك تعيشين فقدنا الامل
,,,,,وانا ابكي على كلامها وقالت مره ثانيه لاتاكلين كثير في التاسع البنت وزنها 3 كيلو اكبر منك
وجلست بالمستشفى اسبوع وولادتي دخلت 11 وطلعت 8 الصبح اليوم الثاني
هذي قصتي باختصار hwaml15
اسفه على الاطاله hwaml13hwaml13hwaml13