التجربة الثانية لطفل الانابيب
 

السلام عليكم ورحمة منه وبركاته
بس حبيت -من باب الشكر لربّ العالمين - أخبّركن عن تجربتي باختصار
صارلي 5 سنين متزوّجة وما في حمل والاهمّ انو مافي سبب
زوجي تحاليلو كويسة وانا التبويض وبطانة الرّحم والانابيب كلّو تمام
عملت تنظير للرّحم وكان في بطانة رحم مهاجرة من الدرجة الاولى وقالتلي الدكتورة ان البطانة ممكن الها تأثير وممكن لأ
المهم عملت مرتين تلقيح صناعي .... النتيجة سلبي
وبعدين اول مرّة طفل انابيب ... كمان سلبي
قرّرنا نعيد طفل الانابيب وبلّشت آخد منشطات وصار عندي شي غريب انو بويضتين من البويضات نضجوا قبل بوقت حوّلنا العملية لحقن صناعي ثالث(وسلبي كمان)
بدأنا بإجرءات طفل الانابيب برمضان ... سحبوا عشر بويضات .. تلقّح منهن 8 ..انقسم منهن 6 .. رجّعولي 2 من الدرجة الممتازة ..عملت تحليل بعد 15 يوم من الترجيع والحمد لله كانت النتيجة ايجابية .. نسبة الهرمون منيحة بس قدّامي تحليلين للتأكد من زيادة نسبة الهرمون ... الله يتمّملي على خير وكلّ حامل ويرزق كل من يحبّ الذريّة الطيبة المباركة
انا على يقين انو طفل الانابيب كان سبب والدعاء كان السبب الاكبر ... لاوّل مرّة بدعي بكلّ جوارحي انو رب العالمين يهبني الذرية .. وسبحان الله لانو رمضان كنت اقرأ 3 اجزاء من القرآن يوميا ادعي عند آيات قدرة رب العالمين واعطاؤه بفضله الذرية وووو كلّ الآيات اللي ممكن ادعي عندها ... كنت اردّد على طول ( حسبنا الله سيؤتينا الله من فضله انّا الى الله راغبون) ومن قلب راضي وموقن انو عم يكلّم الملك رب السماوات والارض ومن بيده كلّ شيء........ الله يجبر الخاطر

رد: التجربة الثانية لطفل الانابيب
 

الله يتتم حملك ويثبتو وتفرحي بيه يارب العالمين والله فرحت لك كثير
لاتنسي تعيلي انا بسوي عمليه بعد يجي 20 يوم تقريبا
الله يثبت حملك خيتو وتفرحي بيه بين احضانك لاتنسي استودعي اجنتك كل يوم والله راح يحفظهم باذن الله

رد: التجربة الثانية لطفل الانابيب
 

الله يثبت حملك يارب عندي سؤال شو اﻷعراض اﻷي حسيتي فيها قبل التحليل

رد: التجربة الثانية لطفل الانابيب
 

الله يجزيكي الخير اخت توما ويسمع منّك .... وان شاء الله ربّ العالمين بيعطيكي من عظيم فضله انه سميع مجيب

رد: التجربة الثانية لطفل الانابيب
 

تسلمي اختي القلب الباكي .... صراحة متل كل مرّة لما بكون موعد الدورة ... حسيت بألم دورة خفيف كأنّو رح تيجيني ...وما كان في شي مختلف ... وانا اللي بشوفو مافي اعراض ممكن تدلّ على الحمل قبل بوقت .. هو تحليل الدم ... والواحدة تصبر لتحليل الدم اريح لراسها من الوساوس ... والله بعين

رد: التجربة الثانية لطفل الانابيب
 

الله يتمملك عالخير يااربي ويفرحج بجاه هالليله ياربي
بس وسن عملتيها؟؟؟؟ عند اي دكتور؟؟؟ وكم كلفت ياربي تفيدينا لاننا في حيره وبارك الله بيج اختي

رد: التجربة الثانية لطفل الانابيب
 

ألف مبروووووووووك أختي ربي يتمم لك على خير...
عندي سؤال كيف سويتي عملية التنظير للرحم ؟؟؟

رد: التجربة الثانية لطفل الانابيب
 

اهلين أخت Eng merna ... تسلميلي يا رب ... وان شاء الله يهبنا جميعاً ذرية صالحة ... انا سوّيت العملية بمركز ذرية عند الدكتور حمد صفيان بالمرّتين ... وصرت أحسّ انها شغلة اجرائية .. تعتمد احياناً على شطارة الدكتور (مثل سحب البويضات ) وعلى تقنية المخبر مشان الالقاح .. بس اذا الوحدة ناوية على طفل الانابيب المهمّ انها وين ترتاح
التكلفة .. بصراحة بالضبط ما بعرف بس حوالي 17500 ريال .. علماً اني عملت مسحة لعنق الرحم . خفت يكون عندي التهابات ... والمبلغ شامل كلشي .. العملية والصور والادوية والتحاليل(غالية جدا احيانا ) .... وعلى فكرة بعد ما عملتها عرفت انو في اماكن معيّنة بشترو منّو الدوا ارخص من الصيدليات بمنيح ( لانو الادوية مو رخيصة ) وان شاء الله ربي بيسرلك

رد: التجربة الثانية لطفل الانابيب
 

الله يبارك فيكي اخت ريتاج 2009 ... وعقبال كلّ اللي بنفسهم ذرية .. والله يتمّم على كلّ حامل
... التنظير عملية بتكشف عيوب الرحم - التصاقات .. بطانة رحم مهاجرة ..وغيرها - التخدير كامل .. وبدخلوا المنظار بعمل فتحة بالبطن ..والعمليّة عادية مو صعبة او حسب الدكتور.. اتمنّى اكون افدتك لاني ما فهمت بالضبط سؤالك

رد: التجربة الثانية لطفل الانابيب
 

الله اكمل حملك يا رب ، سبحان الله أنا نفس حالتك بالضبط ، ما في شي يمنع الحمل وعندي بطانة الرحم المهاجرة وعملت منضار مثلك ، وعملت تلقيح صناعي وعملت أطفال أنابيب لكن ربي ما كتب لي الحمل وعملت ترجع أجنة مجمدة 3 مرت لكن ...... وأنا ألان في ترجع أجنة مجمدة للمرة الرابعة وغداً نتيجة التحليل ، يا رب يرزقني او افرحني ، حبيت أسالك إنت كنت تمارسي حياتك طبيعي بعد الترجيع ، وكم جنين رجعلك وبعد كم يوم يعني 3 أيام أو 5 ، وشكراً كتير