|
سؤال ضروري لأي حدا مقيم بمصر
السلام عليكم يا بنوتات كيفكن يارب تكونو بخير أنا ما خليت طريقة مشان أوصل لطلبي ومن ضمن هالطرق إني اليوم قررت حط موضوع بهالمنتدى ياريت حدا يفيدني الله يبارك فيكون صرلي من أنا وبالشهر التالت عمإتوحم على الجنارك أو الجرنك هوي الخوخ قبل ما يصير خوخ وبالمصري بيقولو برقوق قبل ما يصير برقوق والله خليت زوجي يروح على أماكن بعيدة مشان يجبلي الجنارك وبالآخر ما لقا والمشكلة إنو أنا بمصر ومش عملاقي منو أبدا بمصر وهوي معروف عنا بلبنان كتير وخصوصي بهالوقت حمووووووووووت بدي جنارك والله العظيم عمإبكي بدي ياه حاسة لو شفت إدامي جنارك مسموم حآكلو حتى لومسموم والله العظيم عمشوفو بمناماتي صرت شايفتو بالمنام أكتر من 14 مرة وحياة الله بدون مبالغة وحتى عمشوف إني عمإحضنو وضمو على قلبو شو العمل؟؟ مين بيعرف مكان بمصر ممكن يبيعو حموووووووووووت بدي الجناااارك وياريت يا بنات اللي متأكد يقلي لأن تعقدت يعني في ناس كتير صاروا يقولولي موجود هون وهون وروح وبالآخر بيطلع طق حنك لا موجود ولا ما يحزنون وهيدي الصور اللي بتعرف تفيدني الله يجزيكون كل خير وهيدي الصور |
رد: سؤال ضروري لأي حدا مقيم بمصر
الله ينولك هوو يارب طيب ليش مابتروحي عند فكهاني بسوق لخضرة وتوصيه
نحن لما بنروح ع القاهرة وبتجينا شطحات فاكهة بنوصي الفكهاني والله بيجيب ع طول مرة خالتي اتوحمت ع كرز والله جابه لها ع طووول وانشالله بتزبط معك |
رد: سؤال ضروري لأي حدا مقيم بمصر
والله جربت يا روز بس الكل كزابين ما حدا بيصدق معي
رحت عند واحد قلي بعد شهر ارجعت بعد شهر قلبي بعد أسبوع جيت بعد أسبوع قلي بعد شهر كنت حجن والله يلا خير حخلي زوجي يرجع يسأل عنجد نفسيتي تعبانة لما شوف صور الجنارك عيوني بتزغلل هههههههه |
رد: سؤال ضروري لأي حدا مقيم بمصر
انتبهي بس لا يصير لونها اخضر وتطلعي زي ابطال النينجا
يارب يتمملك بالسلامة وتقبلي فائق دعواتي |
رد: سؤال ضروري لأي حدا مقيم بمصر
هههههههههههههههه ذكرتيني باللي مضى
ههههههههههههه هههههههههههه ههههههههههههه المهم اختي يمكن هو مو موسمه خوذي عصير الجرنك يعوضك انا سالفتي سالفه انا في اول حملي توحمت على >>> المرقوقhwaml03 >>> شهوت عجووووز بشتاء خخخخ عليها جووو hwaml03 اكله شعبيه وانا مقيمه باوروبا واشتهيتهاااااا بموووووت الا شويhwaml4 وحاولت اتوحم بشي ثاني بس مو كيفي خخخخخ ولله حرمت نفسي من اكله الا بعد ماوصلت السعوديه بعد 3 شهور وامي شبعتني منها وخالتي كمان خلوني اتاااغر من المرقوق اختي لاتحاولين تفكري بالجرنك كثييييير لانو مو زين راح يصير في البيبي وحمه فيه الله يكون بعونك.. |
رد: سؤال ضروري لأي حدا مقيم بمصر
هههههههههههههههههههههههههههه رووووز ما لقيتي إلا يصير لونو أخضر ضحكيتني الله يبسطك يارب
سكر عسل يسلم مرورك يا قلبي بس شفتي أديش صعب الوحام والله حموت عمقلك شفتو بالمنام حتى شفت مرة إنو بدي إسرقو ومرة شفت حالي رحت عالسعودية على مول كبير وكان بدي إسرقو هههههههههههه ما بعرف شو قصة السرقة بمناماتي |
رد: سؤال ضروري لأي حدا مقيم بمصر
بعدين من وين بدي لاقي عصير الجرنك اذا الجنارك منو موجود والله هيدا موسمو والله
بس هون بمصر ما بيحبو الأكل الحماض يعني ما بيقطفو عن الشجر إلا لما يستوي |
رد: سؤال ضروري لأي حدا مقيم بمصر
ههههههههههههههههه ياحليلك
بس اختي لاتفكري انا بالمرحله هذي اقنعت نفسي اني ماراح احصله في المكان اللي انا فيه بديت اعد الايام والساعات عشان ارجع لاهلي وياكلوني منه مالك الا الصبر ثم الصبر ثم الصبر |
رد: سؤال ضروري لأي حدا مقيم بمصر
المشكلة يا سكر عسل إني لما إنزل عند أهلي حيكون الموسم راااح خلص
مشان هيك ادعيلي لاقي هون يارب يسر يارب بعدين صبريني وقوليلي ان شاء الله بتلاقي ما تقوليلي افقدي الأمل ههههههههههههههه صبريني بس أنا لو فعلا ما لقيتو خلص رح افقد الأمل وكرّه حالي بالجنارك حتى يقضي الله أمراً كان مفعولا |
رد: سؤال ضروري لأي حدا مقيم بمصر
ههههههههههه ان شاء الله تلاقينه وتاكليه بالهناء عاجلأ غير اجل
|
| الساعة الآن 09:59 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .