|
التجهيز للمدرسة baaak too school
السلام عليكم ورحمة الله وبركاته كيف حالكم ؟؟ المكتبات اعلنت حالة الطوارئ وبدأ الكل يقضي لنفسه ولعياله عشان المدرسة عادت الينا بحلة جديدة ونسأل الله تعالى ان يوفق اولادنا وعقبال ما نجهز لهم بالجامعة نرجع للموضوع : راح ابدأ الموضوع بنصائح وانهيه بفهرس للمحلات (واذا فيه اضافات اتمنى اضافتها ) واحد- الجزم لازم تكون الوانها داكنة زي كحلي اسود وبني واذا اخذتي لون فاتح ما رح تكون عملية وراح تتوصخ وتتحسفين انك شريتيها اصلا واذا مراااا فيه جزمة فاتحة اعجبتك اشتريها واشتري وحدة ثانية زي ماقلت (راح تتوصخ ومارح تفيدك ) عشان الاولى لو توصخت يكون عندك بديل اثنين – لازم تكون الجزمة (تش تش) فهمتوا علي يعني ما تكون ربط لان راح تتعب الطفل بالمدرسة ثلاثة – تسريحات البنوتات : طبعا كل الاميرات يحبون شعرهم مفكوك و مستشور فأذا مرا خاطرك انها تستانس وخايفة ان يخرب الاستشوار خلي معها بكلة واذا تعبت تربطه او تربطه المعلمة لها بس انا صراحة افضل ان البنت يكون شعرها مربوط ويكون بطريقة ابداعية هذي قناة في اليوتيوب لتسريحات البنوتات الحلوات : وياليت تخفضون صوت الموسيقى وانتظر 20 ثانية شوف تحت بالصفحة زي الارقام بعد تنازلي اربعة – الشنط : اغلب الاطفال يحبون شنطهم فيها شخصيات كرتونية مثل : سندريلا , سبايدر مان , ستروبري ووالخ بس اذا اختار ولدك شنطة لا تكسرين بخاطره وتقولين له لا بس اسألي العامل عنها مثل : كم تكفي من كتب ؟ وايش نوع قماشها ؟ (لان اغلب الشنط بعد فترة فيه اجزاء منها تتقطع) ووالخ خمسة – القرطاسية : الدفاتر : اغلب المدرسين يتقيدون بقانون كتابة التاريخ واليوم واذا كان دفتر ولدك بدون مربع خاص بكتابة التاريخ واليوم انتي بين كل فترة وفترة ارسمي مربعات وقوليه ان يكتب التاريخ واليوم في هذا المربع وسالفة شخاميط الطفل في الدفتر : خصصي دفتر كشكول ولازم تكون اوراقه كثييييرة لان تعرفون الاطفال ما يكفون من الابداع من شخاميطهم (الله يخليهم لنا) الحين ننتقل الى تجهيزات بنوتاتي الجميلات ---- علياء : الحقيبة من تشلدرن صالون بـ326 الجزمة من نكست بـ 160 >>>> غاليات كلهم الصورة ما توضح الجزمة من نكست (ما حسيتها عملية وكانت عاجبتها وحرام اكسر بخاطرها ) بـ127 الحقيبة من موقع asos بـ211 ---- داليا الحقيبة من موقع asos بـ258 الجزمة من تشلدرن صالون بـ350 اف الصورة مو واضحة ------------------ الفهرس للمحلات الشنط : Nike- نايك (اللي علامته صح ) Adidas- اديداس Accessories - اكسسواريز بلانكو ReeBook - ري بوك Lacoste - لاكوست Ralph Lauren- رالف لورين Gat- جات سنتربوينت - آلجزم آلله يكرمكمَ الجزم : Nike- نايك (اللي علامته صح ) Adidas - اديداس ReeBook- ري بورك Lacoste - لاكوست Ralph Lauren - رالف لورين ستراديفاريوس سنتربوينت - الاكسسوارات وزينة الشعر : كليرز أكسسواريز بلانكو ستراديفاريوس نوران Juicy Couture - جوسي كوتور + الكشكات الموجودة بكل مجمع - القمصان البيضا ( آلليَ مرآييلهم قطعتين ويبغوآ قمصآن ) : Gant Lacoste دبنهامز سنتربوينت G2000 burberry Tommy Hilfiger Ralph Lauren ------- منقول : منتديات شبكة الاقلاع - مساحة خاصة بتجهيزاتكم ------------------ وبكذا انتهينا من الموضوع اتمنى انكم استفدتم في امان الله hwaml7 ------------ لا تنسوا : عن ابن مسعود رضي الله عنه قال قال رسول الله صلى الله عليه وسلم لا حسد إلا في اثنتين رجل آتاه الله مالا فسلطه على هلكته في الحق ورجل آتاه الله الحكمة فهو يقضي بها ويعلمها متفق عليه والمراد بالحسد الغبطة وهو أن يتمنى مثله |
رد: التجهيز للمدرسة baaak too school
موضوع حلو
يستفيدوا منو امهات إلي عندها أطفال سن دراسه |
| الساعة الآن 07:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .