|
حالة بنتي تخوفني .. ابي استشاره نفسيه ..!
السلاام عليكم
مساء الخير للجميع .. / بدخل بالموضوع ع طول ومدري يمكن ماعرف اشرح الي ابي اقوله بس بحاول اوصل لكم الفكره .. انا عندي بنتي عمرها الحين سنتين و5 شهوور المهم هالفتره والله صار يضيق خلقي وخانقتني العبره عليها صرت ماعرف حتى انام افكر اوديها لدكتور نفساني وش رايكم .. مع انها صغيره ومدري فيه دكتور نفساني يعالج مثل حالاتها ولا .. كله تخاف ومن اتسمع اي صوت تجلس تقولي يمه اخااف اقول لها تعالي تروشي ابوديها دوره المياه تموت من الخووف تصيح بجنون وتحط يدها ع قلبها وتقول اخاااااااف .. اقول لها وش يخوفك ليه تخافين تكرر لي كلمه اخاف ماتقول وش يخوفها.. وهالفتره من تسمع صوت الاذان تجلس تصير ويتغير لو وجها وتجلس ترتجف وتقولي اخااف اقوم بسرعه اسكر النوافذ علشان ماتسمع واحاول اتقرب منها وامسكها اقول لها هذا صوت الاذان ياذن علشان نصلي .. قول قومي صلي اقول لها لا تخافين تقول انا اخااااف ماتبي تسمع صوته وتهج من المكان الي هي فيه .. احس حيل متازمه كل شي تخاف منه اول تدخل غرفتي حتى لو هي ظلمه الحين ماترضى تدخلها تقول اخااااف ويالله ع ماتجي اول تدخل وتنام لحالها من نفسها والحين لازم انا جنبها ماتنام وترتجف وكله اخاف اخاف انا ماذكر اني خوفتها ولا مره خوفتها بالعكس احاول دايم اشجعها واقول لها لا تخافين مدري وش السالفه اقول يمكن لان عمامها احيانا يعصبون عليها او يهاوشونها لانها شقيه ماتجلس ومن كثر الصراخ عليها صارت تخاف ردة فعل يعني انتو وش رايكم بها الحاله .. وش تشورون علي .؟!! وشكرا . |
رد: حالة بنتي تخوفني .. ابي استشاره نفسيه ..!
لو سمحتو انقلو الموضوع لمكانه الصحيح انا بنتي مو بالاشهر ..
من سنه الى 6 سنوات اذا ممكن .. وشكرا |
رد: حالة بنتي تخوفني .. ابي استشاره نفسيه ..!
الله يخليها لكي
انصصصصصصصحك بالقران لاتقفليه من بيتك خليها تسمعه دوم وخليها تسمع الاذان غلط تقفلي الشبابيك واقري عليهاااااا هذا علاجك الوحيد وحاولي تشجعيها اقري عليها دووووم |
رد: حالة بنتي تخوفني .. ابي استشاره نفسيه ..!
تخاف تقول ماترضى تبي تطلع من المكان ولا تجلس تصوووت
تتهرب علشان ماتبي تسمع والقران انا اذا نامت اشغله واخليه مشغل واشغل الرقيه الشرعيه عندها تسملين ياقلبي راح اسوي مثل ماتقولين لعلى وعسى |
رد: حالة بنتي تخوفني .. ابي استشاره نفسيه ..!
بسم الله عليها..لاتخلي احد يهاوشها او يخوفها ..ونصيحه مثل ماقالت الاخت القــــران دايم جنبها خليها تسمعله..واحضنيها دايما لصدرك وحصنيها..بصراحه الدكاتره النفسيين حيعطوها علاج وحرام بالسن دا تاخد ادويه نفسيه..عالجيها علاج رواحني
وان شاء الله مافيها الا كل خير:) |
رد: حالة بنتي تخوفني .. ابي استشاره نفسيه ..!
بنتك علاجها القران حبيبتي ولاتوديها لطبيب ولاشي لاتستخدمي علاجات وهي لسا صغيره ومالها بهذي الامور
بس حاولي بعد انتي تشجعيها بعد واهم شي لاتخوفيها والله يخليها لك |
رد: حالة بنتي تخوفني .. ابي استشاره نفسيه ..!
اقري عليها الرقيه الشرعيه يوميا اذا نامت,,,بنتك منهبله من شي ...
علاجها القران بس.. |
رد: حالة بنتي تخوفني .. ابي استشاره نفسيه ..!
ياحياااتي عليها الله يشفيها ويخليها لك
مثل ماقالوا الاخوات علاجها القرءان وفيه حركه يسوونها كبيرات السن للاطفال الي دايما يبكون وهي انك تحطين في يدك شوي مويه وترشينها في وجهها وعلى راسها وهي ماتدري مرتين باليوم اول ماتصحى من النوم والمغرب او العشا بس يبي لها استمرار يعني اسبوع او اكثر وغير الاذكار لازم تحصنينها وان شاء الله تبشرينا عنها ... |
رد: حالة بنتي تخوفني .. ابي استشاره نفسيه ..!
اعشقه جبتيها ع الجرح بنتي تقريبا مثل حالة بنتك بالضبط
لدرجة انها تخااف حتى من اي صوت عالي اوقات اجي انادي. زوجي وانا بالغرفة وهو برا تجي مرتااعة كان حد لاحقها حتى بنوتة اختي اللي تحبي تخاف منها اذا شافتها جاية لها تفكر تلحقها والله اوقات ا قول لزوجي البنت مو طبيعية ووشو عرف الاطفال بهالعمر بالخوف لذي الدرجة :/ |
رد: حالة بنتي تخوفني .. ابي استشاره نفسيه ..!
انا والله اتوقع انها مخوفه من عمامها مجانين ياليت مو ساكنه عندهم بس وش نسوي
والله اسلوبهم معها كانها كبيره يصارخون عليها ويهاوشونها تو عمها شايلها من ملابسها ورافعها لفوق وهي تصوووت والله وانا اكتب لكم خانقتني العبره .. خايفه ع حالتها النفسيه .. بالله عليكم وش اسوي هي ماترضى تجلس يمي تبي تروح يم عماتها وجدتها تموت عليهم بس عمامها مجرمين يعاملونها باسلوب جااف لانها شقيه وماتجلس الحين من تشوفني اقول لها لا تسوين كذا ولا اجلس اناظر فيها تهج تبي تطلع من المكان ولا تروح ورى الطاوله ولاورى الكنب تتغيب تخاف والله قلبي محروق عليها وابوها مب هنا يروح شهر ويجي سبوع وع هالمنوال مايقدر يغير شي من الوضع انا بحاول اسوي الي طلبتو مني ويارب يتغير الوضع ماقصرررتو فديتكم ربي مايحرق قلوبكم ويرزقكم من اوسع ابوابه |
| الساعة الآن 11:32 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .