|
تعالو ذبحني التفكير...هل يسمح بالطلق الصناعي بعد قيصرية
[B][CENTER][COLOR="Purple"]السلام عليكم ورحمة الله وبركاته بكتب قصتي مع التفكير اللي ذبحني اولاً انا ماني بكريه بس خايفه من الولاده بشكل مو طبيعي ومن كثر مافكر احس راسي بينفجر بقولكم قصة ولأتي بطفلي الآول حملي ممتاز وراجع بالحمادي عند دكتوره ريما سعوديه المهم دخلت العاشر بثمان ايام ورحت لها وكشفت من تحت وقالت رحمك مسكر وحوضك ضيق لازم عمليه وتوكلت ع الله وسويت عمليه وكل شي تمام بعدها بتسع شهور حملت واستمر الحمل طبيعي الين الشهر السادس وقدر الله ومات الجنين بسبب الاستسقا۽ يعني المويه زايده اللي حول الجنين والقهر اني كنت اراجع بستمرار ولا بين معهم قهر بس يالله قضۍ وقدر المهم جبته طبيعي بطلق صناعي وكان وزنه 700غرام والولاده تخوف ويوم نزل البيبي سو لي تنظيف لان المشيمه مانزلت وبنج عام المهم الحين انا حامل وبأخر التاسع وميته رعب والرحم مافتح والبيبي نازل في الحوض وصحته كويسه بس دكتورتي تقول احتمال الولاده الطبيعيه 50٪ قلت ابي ابرة ظهر وبولد طبيعي قالت ممنوع لانك جايبه قيصري قبل ونخاف ينفجر الرحم وماتحسي فيه قلت طيب قالت بنخليك انشاء الله يجيك طلق طبيعي قلت واذا ماجاء قالت بنعمل لك قيصري قلت ليش ماخذ طلق صناعي قالت نخاف ينفجر الرحم قلت وليش مانفجر بطفلي اللي قبل قالت لانه صغير وهذا كبير وجنين كامل وموعدي الاحد هذا وش اسوي دلوني
|
رد: تعالو ذبحني التفكير
الله ييسر امر ولادتك حبيبتي
وكثر التفكير يخلي عضلات الرحم مشدوده لازم تسترخي واشربي حلبة محلاة بعسل وكلي تمر وعليكي بالدعاء والاستغفار الله يهونها عليك وتشوفي طفاك سليم معافى وتقومي بسلامه |
رد: تعالو ذبحني التفكير
الله يسهل عليك ياقلبي
انا بكرية ومن كثر ماسمع بالولادة احس بتفكير موطبيعي لكن ربي يهون علينا ويقومنا بالسلامه |
رد: تعالو ذبحني التفكير...هل يسمح بالطلق الصناعي بعد قيصرية
رأيي يالغالية تراجعي اكثر من دكتورةقبل قرار العملية
وانا اشوف دكتورتك قاعدة تختار القرارالاسهل وماتبي تتعب بانتظارك اثناء الطلق روحي لغيرها و رح تولدي طبيعي باذن الله |
رد: تعالو ذبحني التفكير...هل يسمح بالطلق الصناعي بعد قيصرية
نسيت اقول
استخدمي كل محفزات الولادة اشربي عدة كاسات عسل وكرتون تمر واكثري من القرفة ومن كل شي وبأذن الله تولدي ولادة طبيعية ميسرة |
رد: تعالو ذبحني التفكير...هل يسمح بالطلق الصناعي بعد قيصرية
الله يسهل عليج يارب شوفي كل حالة تختلف عن الثانية مافي مقارنة يعني انا حالتي شبية بحالتك وفي الاخير ولدت قيصري ومعاي وحدة وولدت طبيعي كلة تسهيل بس انتي حاولي تساعدين نفسج امشي هواية الجماع يفتح الرحم ويارب يرزقك ولادة طبيعية سهلة
|
رد: تعالو ذبحني التفكير...هل يسمح بالطلق الصناعي بعد قيصرية
يااختي ياحبيبتي اذا انتي قلتي ان حوضك صغير وماقدرتي تولدين طبيعي بالاول فا حوضك مازال صغير مايتغير هذا عطام خلقها الله كذا ولاتقولين انا ولدت بالثاني طبيعي مافيه مقارنه بين جنين ربع ولانص كيلو مع جنين ثلاثه او اربعه كيلو الثاني هم عارفين انه ميت فما تفرق معهم اما الي في بطنك حي وهم خايفين عليه لايختنق وقت الولاده او يصير له شي واجد حريم نسمع انهم يرفضون العمليه وتجلس تطلق يومين ثلاثه اللين ماتتعب ويضعف نبض البيبي وبالنهايه تدخل غرفه العمليات ليش تبين تعذبين نفسك وتغامرين بحياه طفلك ترى لو صار له شي ماراح تسامحين نفسك العمليه اسهل نص ساعه وانتي نايمه وخلاص ام الطلق الصناعي حسب ماسمعت انه عذاب ادعيلي مااجربه واستخيري والله بيكتب لك اللخير ان شالله
|
رد: تعالو ذبحني التفكير...هل يسمح بالطلق الصناعي بعد قيصرية
مادري سمعت اذا كان قيصري مره واحده
فاحتمال كبير تولدي طبيعي |
رد: تعالو ذبحني التفكير...هل يسمح بالطلق الصناعي بعد قيصرية
انا مع كلام الاخت قرعوطه .. من جد لاتدخلين بمتاهات انتي بغنى عنها
ولاتغامرين بحياه الجنين حرام انتي مسؤوله عن روحه شوفي روحي استشاره لكذا دكتور واستخيري ، ودام دكتورتك ولك كم سنه معها واكيد انتي مرتاحه لها صدقيني لو في مجال لطبيعي بطلق صناعي كان اعطتك فرصه هي ماراح تخسر شي ابدا مو قصه تبي تريح مخها ماعتقد كذا ابد بس دايم اشوف لما تتقرر لوحده قيصري وتعاند والا طلق ف النهايه قيصري يتعب الجنين مايستحمل يعني ليش تجربين الاثنين ، الطلق والقيصري ؟؟ كلهم ولادات وكلي امرك لله وان شاءالله يجيك طلق طبيعي وتولدين طبيعي يارب |
رد: تعالو ذبحني التفكير...هل يسمح بالطلق الصناعي بعد قيصرية
انتي تقولين سبب ولادتك الاولئ الحوض ضيق !!
اذا فعلا ضيق ماينفع تولدي طبيعي ابدا ً لا تجازفي وروحي لاكثر من طبيبه وشوفي كيف وضعك الله يسهل عليك |
| الساعة الآن 01:35 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .