|
المنطقة الحميمه ..
السلام عليكم ورحمة الله وبركاته . . .
ممكن مساعدتكم بخصوص المنطقه الحميمه خلال فترة النفاس .. من اول يوم نفاس لحد اخر يوم .. شو اللي لازم استخدمه hwaml13 انا حطيت فبالي استخدم اول 3 اسابيع غسول المررة والملح الخشن واخر اسبوعين ابا اطهر المكان من ريحة المرة وارجع لزوجي وتكون ريحتها حلوة مب مررررة hwaml5 ممكن تساعدوني :( والمرة عادي استخدمها من ثاني يووم ؟ انا سمعت انها اتشد الخيوظ واذا استخدمتها لازم استخدم بعدها كريم ميبووو صح والا ؟ اتمنى افادتكم hwaml7 |
رد: المنطقة الحميمه ..
انا انصحك بكريم الاسد رووعه حيل على حسب استخدامي له
وحطي ببالك لآزم تنشفين المنطقه بعد كل تغغيير وبعدها حطي الكريم استخدمي غسول (بيتادين+آو أفالون ) كلهم حلوين المويه والمر لآتسخدمينها اول اسبوعين لآنها تشد المنطقه ويمكن تطيح خيوطك قبل لاتلتئم..<<على حسب ماسمعت واتمنى البنات يفيدونك |
رد: المنطقة الحميمه ..
استخدمي المرة بالاخير
اما الاسابيع الاولى خذي المرهم اللي حتكتبلك عليه الدكتورة |
رد: المنطقة الحميمه ..
المرة والملح قبل مايلتئم الجرح غلط × غلط
بالمنطق لو جرح صغير باليد واجا عليه الملح مابتحسون كأن ايدك عم تاكل بعضها من جوات الجرح ؟؟ والمرة لها نفس التأثير بتستخدمينهم بعد مايلتئم الجرح أكيد 100% براحتك لكن قبل كذا ...لأ وأفضل شي مرهم الأسد - فوسيدين - للجرح لأنه مضاد حيوي موضعي في عندك اثنين فوسيدين واحد خط أحمر والثاني خط برتقالي الخط الأحمر مضاد حيوي ضد الميكروبات ومطهرللجروح المفتوحة على شكل مرهم الخط البرتقالي للفطريات والعدوى الجلدية مثل حبوب ودمامل وفطريات الأظافر وبين أصابع القدم وهو على شكل جل |
رد: المنطقة الحميمه ..
الفوسايدين زين لأنه مضاد حيوي للجروح يعني يمنع الجرح يلتهب وهذا الأهم, ومرهم ميبو مرمم للجرح جيد ومخفف الألم ويخلي المنطقة لينة يعني ما تشد عليك, انتبهي لأنه لو نشفت وشدت ممكن ينزل منها دم ويتأخر الالتئام
المهم انا جربت هالمرهمين في حادثة حرق حصلتلي ولأن حرقي كان كبير وكنت خايفة أتشوه ماخليت سؤال إلا وسألته وما خليت منتدى إلا ودخلته ولاحظت ان الكل يتكلم عن الفوسايدين والميبو في النفاس وصراحة الاثنين مع بعض روعة وانا مجربتهم المرة زينة( زي المضاد), الملح لاء خليه في النهاية ليش تستخدمينه اذا عندك مرهم معقم, طبعا الملح كانو زمان يستخدموه مغاطس للتعقيم يعني مافي منه ضرر,بس ممكن يحسسك بالألم مو أكثر, بس اذا حبيبتي تعملي مغاطس ماء دافي وملح لمدة ربع ساعة وبعدها تجففينه وتحطين عليه المراهم يكون زين طبعا الوسائل كثيرة والنتائج وحدة وفي طرق أسهل من طرق, أما بخصوص الريحة الحلوة عليك بالمسك ما يحتاج سؤال يجنن يخلي ريحتك حلوة واللي لاحظته انه يضيق المنطقة بس طبعا ما تستخدمينه إلا إذا طلعتي من النفاس وطاب جرحك بالكامل اتمنى تقومين بالسلامة وتسمعينا اخبار حلوة يالأميرة |
رد: المنطقة الحميمه ..
اقتباس:
والغسول اغتسل وعقب احط الكريم صح ؟ والمرة انا خايفه منها بستخدمها يوم اتطيح الخيوط اكون ظامنه اقتباس:
نحن مايكتبولنا مرهم ف الامارات يعطونا بس بروفين عشان جيه انا ابا خبرتكم وانا بكريه ماعرف شي اقتباس:
كيف اعرف انزيه انه الجرح التام ؟ اذا طاحت الخيوووط معناته التام خلاص صح ؟ ويعني اخذ فوسيدين الاحمر صح ؟ اقتباس:
وسلااااااااااااااامتج من الحرق والتشووووه .. يعني الفوسيدين والميبوو نفس المفعول صح ؟ والمره يعني استخدمها والخيوط بعدها ماطاحت ؟ وكيف استخدم المسك انا وايد سمعت عنه ؟ وكيف اعرف انه جرحي طاب بالكامل سوري عذبتج ب اسالتي .. بس والله بكريه ولازم استفسر hwaml7 |
رد: المنطقة الحميمه ..
لاء حبيبتي الفوسايدين غير الميبو
الفوسايدين مرهم مضاد للألتهابات ( وانت عارفة الالتهابات تمنع التئام الجروح وينتج عنها توابع من صديد وريحة وألم)لأنه مكان مجروح يعني للبكتيريا والجراثيم وحدة بوحدة وخاصة منطقة معرضة للرطوبة وانت عارفة الباقي ,أما الميبو (مرمم) يعني يساعد على تجدد الخلايا (يخيطها يعني) يخلي الخلايا تتمساك وتتجدد وترجع زي أول وتقريبا يخفف الألم أما المسك أنا جبته من محل عطورات وكان مطحون أنا شكيت فيه بس استخدمته طريقة استخدامه كما ورد في حديث الرسول عليه الصلاة والسلام انك تاخذين قطعة قطن ممسكة وتتبعين بها أثر الدم صراحة ريحته روعة حتى اني فكرت مرة اصب منه على كامل جسمي بعد الحمام أما جرحك حبيبتي فأكيد على الأربعين بكون طاب على الآخر وأكيد مارح تحتاجين المسك قبل الأربعين أما المرة أنا اللي اعرفه انها زي مفعول المضاد بس مدري انا شفت وحدة من البنات كاتبة انها تطيح خيوط وانا ما أدري عن هالمعلومة للأمانة بكل الأحوال أنت التزمي بوصفات الطبيب اللي راح يولدك وما أتوقع في اكثر من اللي قلناه وان شالله تقومين بالسلامة يا الأميرة وتفرحينا فيك وبالنونو الجديد |
رد: المنطقة الحميمه ..
اول الايام وصفه الدكتوره لك
والايام الاخيره المره والملح والارطا شي وميبو اذا استخدمتيه لا تكثرين منه بنت عمتي استخدمته بكثره طلعت الاربعين خياطتها ما زانت |
رد: المنطقة الحميمه ..
اقتباس:
انا شكلي راح استخدم مرة فوسايدين ومرة ميبووو ..جيه راح اعالج شيئين والمسك راح استخدمه خلاااااص اخر 3 ايام من نفاسي ..^^.. وراح اتبع طريقة الحديث جزااااج الله الف خير والمرررره انا للحين متردده منها اخاف والله لازم حد مجرب يفيدني بهالشي .. تسلمين مرة ثانيه وثالثه ومليووون على افداتج اقتباس:
جزاج الله الف خير المررة يعني مثلا اقدر استخدمها ف الايام العشرين الاخيره ؟ وميبو كيف يعني ماستخدمه وايد ؟؟ مب على كل غسله قصدج يعني مرة او مرتين ؟ |
رد: المنطقة الحميمه ..
افضل شي المره والملح والارطا بعد خمس ايام من الولاده وكريم فيسودين واذا جيتي تطلعين من الاربعين قبل ب باسبوع تغسلي بماي ورد رووووعه وحتى بعد ماتطلعين صراحه يهبل ولو تنقعين فيه شوي من مسك القرشي المكعبات رووعهريحته
|
| الساعة الآن 05:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .