|
انا بكريه ودمي نازل وماعندي معلومات ساعدوني ؟؟
السلام عليكم حوامل
عندي استفسار ... انا ببداية الشهر السابع ودمي نازل نسبته 10 وقالت لي الدكتوره اخذ حبتين حديد باليوم مع حبة حمض الفوليك سؤالي// هل اخذ الحبوب كلها بنفس الوقت عادي وحبتين الحديد ابلعهم مع بعض ولالازم فتره بين الحبه الاولى والثانيه؟؟ وكم لازم يكون الدم عشان الولاده تكون سليمه ؟؟؟ وياليت تنصحوني شنو الاكل اللي يرفع نسبة الدم؟؟ وبليززز طمنوني صحيح اللي اسمعه ان الولاده موووت لاني احاتي وخايفه من الولاده حييييل وماانام الليل من الرعب وانا بكريه وماعندي معلومات كافيه والله يعطيكم العافيه ولاتنسوني من دعواتكم اولد بالسلامه ... |
رد: انا بكريه ودمي نازل وماعندي معلومات ساعدوني ؟؟
اتصلي على دكتورتك واستفسري افضل لك وبالنسبه للاشياء اللي ترفع الدم عندك الجرجير والاشياء الخضراء عصير الطماطم الزبيب الاسود يمدحونه حطيه مع حليب وخليه يذوب واشربيه وبالنسبه للولاده كلنا والله ميتين خوف بس بنخليها على الله ويسهلها باذنه علينا
|
رد: انا بكريه ودمي نازل وماعندي معلومات ساعدوني ؟؟
فيونكة بنفسجيه ..
لا تخافين انا لمن كنت بالسابع كان الدم عندي 8 والحمدلله صرت اخذ حبوب الحدبد وحده الصبح وحده بالليل مو مع بعض والاكل كنت مركزة على عصير المشكل والتمر ودبس التمر احطه اما مع المويا او مع الحليب وكمان عندك فاكهة البنجر مررا كويسه والتمر اذا تبغي نتايج اسرع خليه يغلي بشوية مويا وصفيه واشربي مويته مررا طيب والحمدلله باقل من شهر طلع الدم لين 10 بالنسبة للولادة كلنا خايفين بس الله كريم ييسر ويسهل علينا يارب |
رد: انا بكريه ودمي نازل وماعندي معلومات ساعدوني ؟؟
صديقتي زيك بضبط واصل 10 اخذت ابر جلسات اضن 5جلسات والحمدللة زان دمها
|
رد: انا بكريه ودمي نازل وماعندي معلومات ساعدوني ؟؟
الله يسهل علينا
|
رد: انا بكريه ودمي نازل وماعندي معلومات ساعدوني ؟؟
الزبيب مفيد
ربي يكتبلك كل خير |
رد: انا بكريه ودمي نازل وماعندي معلومات ساعدوني ؟؟
مثل ماقالتلك نظره خجل ، مازيد عليها ف شي
و 10 مايعتبر فقر دم حاد ولا تحتاجي ابر حديد بس لازم يرتفع لو 11 او 12 عشان خطر النزيف لا سمح الله بالنسبه للولاده ليش خايفه ؟ ذا حنا عندك حملنا وولدنا ورجعنا نحمل خخخخ ماصار فينا شي الحمدلله .. وكلي امرك لربك وذي سنه الله في خلقه ، ربك مايكتب لك شي يضرك ابدا وبعدين ليش تخافين من شي ماجربتيه ؟ وصدقيني قد مالولاده مؤلمه ومتعبه ومدري ايش مجرد ماتسمعين صرخه طفلك راح تنسين كل شي وبتعيشين لحظات سعاده ف حياتك كلها ماذقتي نفسها فبدل ماتفكرين بالولاده والرعب والخوف ، فكري ب الولاده والراحه من تعب الحمل وطفلك الجديد وشكله لما يتولد انتي ارفعي معنوياتك بنفسك وفكري ب الاشياء الايجابيه حبيبتي |
رد: انا بكريه ودمي نازل وماعندي معلومات ساعدوني ؟؟
اكلي اشياء خضرة بقدونس وجرجير
وكبدة ( اعرف انها مع الوحام مستحيل بس حاولي) وعصير الرمان مفييييييد ويرفع الدم بسرعة و البنجر بعد خطير (اخلطيه مع عصير الجزر والتفاح واشربيه) ومع حبوب الحديد لازم عصير برتقال يساعد في امتصاص الحديد وبالنسبة للولادة خافي وايد احسن علشان لما اتخلصين اتقولين بس جذي اتوقعته اكثر hwaml02 |
رد: انا بكريه ودمي نازل وماعندي معلومات ساعدوني ؟؟
عادي حبيبتي 10 طبيعي ما يعتبر نازل بس لانه الولادة دايما الدكتورة تنصح و تبي يكون فوق 10
خذي حبة الحديد وحدة الصباح و وحدة بالليل و اذا كنتي تاخذين كالسيوم لاتاخذيينه بنفس والوقت اشربي عصير رمان او اكلي حب الرمان يرفع الدم بسرعة .. الله يسهل عليج و علينا كلنا يارب ..:) |
رد: انا بكريه ودمي نازل وماعندي معلومات ساعدوني ؟؟
تمر كلي الصباح
عصير البنجر مع التفاح زبيب مع حليب سعودي اخلطيه واشربيه |
| الساعة الآن 08:29 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .