ضاقت بي الوسيعه
 

حسبي الله ونعمى الوكيل

عطوني حل تكفون زوجي انسان بخيل ذبحني بخله تعبت معه وصبرت بمافيه الكفايه
وش اسوي معه؟؟ يمن علي الريال وماكاني زوجته وام عياله

كل ماجت مناسبه اشوف الويل عشان يعطيني
وضعه المادي جيد وماعليه خلاف بس كذا بخيل

تخيلو يعطيني 500 كل شهر ويقول اصرفي منها
لك ولعيالك وللبيت وش تسوي 500 بهالوقت
مشاويرنا مو مكلف فيها بانزين السياره ومصروف
العيال من هالخمسميه

مدرسه وطلبات ولوفيه حتى عيد او مناسبه نفس النظام
لو اذبح عمري ما يعطيني غيرها

طفشت من هالحال حسبي الله ونعمى الوكيل على الي
ناشب لنا في الوظايف

والحل يعني؟ لمتى كل مابغيت شي اذل نفسي له
علموني تكفون حلوها انتو

رد: ضاقت بي الوسيعه
 

نسيت اقولكم اني كل ما زعلت عشان هالموضوع يقول عني مريضه
يقهرني اكثر
امانه مو شي يقهر

رد: ضاقت بي الوسيعه
 

هلا اختي الله يعينك يارب
ماتضيق وربك موجود

رد: ضاقت بي الوسيعه
 

الصراحه رجلتس ذا يقهر يكتز الفلوس لمين هاه لاتخلينه يجمع فلوس كذا والرجل اذا صار معه قروش تعرفين وش يسوي

رد: ضاقت بي الوسيعه
 

الله يعينك بصرآحهـ اللي سمعتهـ انوو المره عآآدي تاخذ من زوجها فلووس من غير ما يدري بشرط اذا الفلوس اللي بتآخذها للبيت ولعيالهآآ مو لهآ بسس وعادي تآآخذ منه فلووس اذا مررآ محتآجه هالشي .. هذا اذا زوجك ما يخبي فلووسه بمكآن لا يخطر ع البال *..*
أو اذآ ممن جد يخبي فلووسه بمكآن مآ يخطـر ع البال حاولي معآه وتناقشي ويآآه بهالموضوع وانشاءالله يتغيير ومآ يبخل عليكم بشئ انشـآآءالله يآآآآآآآآرب ^ــ^

رد: ضاقت بي الوسيعه
 

ياويلي من بعض الرياجيل

ودي بذبحتهم
500
والله ماتصرف شخص واحد مهوب حرمه ووراعين وبيت لا وبعد البنزين
يادافع البلا

لاتعطينه وجه اذا طلب من 500 قولي خلصت
مصاريف البيت خليه يجيبها بالقوة الله لايهينه
وادعيله الله. يهديه

رد: ضاقت بي الوسيعه
 

شوفي جربي هاذي الطريقه

الفلوس الي يعطيك اصرفيها على نفسك و اولادك و بعض حاجيات البيت لين تخلص اذا طلب بنزين قولي خلصت ما اذا امور يحتاجها او يحبها هو لا تشتريها قولي خلصت الفلوس

طيب اذا قال شو بتشتري بيها قولى كذا و كذا و كذا يعني امور ضرورية بس المهم خليه هو المتضرر من قلة المصروف يعني الفلوس ما تكفي

و اذا عصب عليك طنشيه زي ما هو مطنش حاجياتك و قولي ما اقدر اسوي شي المصروف قليل

اتمنى تفيدك هذه الطريقة بما نه ما يتفهم و البخل مصيطر عليه

رد: ضاقت بي الوسيعه
 

نفس مشكلتي ونفس المبلغ يعطيني اياه ويشيل يده من البيت وهوراتبه فوق ال 15000 الف تعبت حيل منه احيانا ننام انا وعيالي بدون عشا لان البيت فاضي اذا لقيتي حل قولي لي

رد: ضاقت بي الوسيعه
 

يا ساتر اعوذ بالله !
500 ريال لشهر كامل ؟ زوجك وين عايش !!
شوفي حبيبتي لا تضغطين نفسك لان زوجك مستحيل يعطيك من طيب خاطر
مالك الا تحكمين اهلك واهله ويصير يعطيك غصب عنه
لان سالفه انك بتقعدين تذلين نفسك وتتشحذينه مو منطق كل شهر على هالموال
خلي الكبار يتدخلون ويحلونها احسن ..

رد: ضاقت بي الوسيعه
 

مشاءالله
بيعممر مع هالفلوس
ماعليش يعني مقهوره
قولي له يابن الناس لامت والله مانت حاط ريال معك بالقبر

الله يعينك ويصبرك يارب