|
مستشفى الحمادي بالرياض (اسألكم والدموع بعيني)
اهلين صبايا كيفكم انا مالي احد بعد الله سبحانه وتعالى الا زوجي ساكنه بالرياض جديد وراح اولد بالرياض اهلي بعيد علي وقررت مستشفى الحمادي لكن مااعرف فيه شي متابعة حملي عند دكتوره بمستوصف خاص قريب من بيتي تكفوووووووووووووووووون دلوني على اسعارهم للطبيعي والقيصري طبعا الغرفه المشتركه الدكتوره ميسون هل هي كويسه اكمل متابعتي معاها واولد عندها ( لاني بالسابع الحين ) وخياطتها كيف؟ وهل فيه دكتوره افضل من ميسون؟ انا وحيده بجد وحاسه اني ضاااايعه والله يعلم بحالي وبكريه ومااعرف لهالسوالف تكفون الله يسعدكم ابي الاسعار الحاليه دمتم بود،،،،،،،،، |
رد: مستشفى الحمادي بالرياض (اسألكم والدموع بعيني)
الله يفرج كربك ويقومك لنا بالسلامه انتي والبيبي
انا مثلك بكريه وماعندي احد بالرياض وغامرت وبلا تردد اخترت المستشفي اللي راح اولد فيه ( دلــه ) معروووف مستشفي متخخصص بالولاده ومااقد سمعت للان بخطإ طبي حصل فيه اثناء الولاده مو مثل باقي المستشفيات الخاصه نصيحه لوجه الله وباذن الله راح تدعي لي انقلي ملفك الان وبدون تردد لدله المستشفي امكانياته عااااليه واذا قدر الله وتعسرت لك ولادتك يقدرون يتصرفون بسسرعه المهم اخترت دله وعقب جاء دور البحث عن افضل طبيبه كلهم رشحو ممتازه << ودخلت عليها ويادوب تكلمني من الزحمه وطبعا مواعيدها اتحداك تلقين موعد عندها من الضغط باكستانيه عقبها صرفت النظر عنها مارتحت لها مادري ليش ورحت لدكتوره عراقيه نضال وارتحت لها مرررره والحمدلله ولدت قبل كم شهر وكانت ولادتي معها يسيره رغم تعسرها ورفضت تولدني قيصري واصرت ع توليدي طبيعي والحمدلله ولدت طبيعي والخياطه حكاايه ثاانيه رووووووعه خياطتها رجعتني بنت وماكاني ولدت الله يسعدها والله اني ادعي لها واتمنى اعطيها شي مكافأه للي عملته معاي لو غيرها استغل الفرصه وحولتني عمليات عشان تكسب |
رد: مستشفى الحمادي بالرياض (اسألكم والدموع بعيني)
واي استفسار انا بالخدمه بس ارسلي لي مسج اذا طولت مارديت عليك بالموضوع لانو مادخل المواضيع اللي ارد عليها الا نادرا واحيانا انسئ
|
رد: مستشفى الحمادي بالرياض (اسألكم والدموع بعيني)
انا ولدت بالمحايد مرتين بصراحه رووعه وخدمتهم ممتازه
اناولدت قيصري عند الدكتوره ريما الحمادي بس مادي هي الان موجوده لان اخر مره ولاده لي كانت من اربع سنين وانا الان في السابع وودي أراجع عندها هالكتوره قمه في المعامله واخلاق تكلمك كنك اختها أسعارهم شوي غالين والله يكون بعوننا |
رد: مستشفى الحمادي بالرياض (اسألكم والدموع بعيني)
انا ولدت باللحمادي مرتين بصراحه رووعه وخدمتهم ممتازه
اناولدت قيصري عند الدكتوره ريما الحمادي بس مادي هي الان موجوده لان اخر مره ولاده لي كانت من اربع سنين وانا الان في السابع وودي أراجع عندها هالكتوره قمه في المعامله واخلاق تكلمك كنك اختها أسعارهم شوي غالين والله يكون بعوننا |
رد: مستشفى الحمادي بالرياض (اسألكم والدموع بعيني)
حبيت ادخل ادعي لك والله يكون في عونك ويسهل لك
انا قبل كم ولدي تنوم عندهم لان كان صدرة تعبان ماشاءالله معاملتهم كويسه ومهتميييين مررره وزحمه عندهم واسعارهم مااعرف صراحه لاني الحمدلله تأمين والولادة تيسر من رب العالمين توكلي على الله اول وأخيرا ... |
رد: مستشفى الحمادي بالرياض (اسألكم والدموع بعيني)
خلاص صبايا انا قررت اني اروح للحمادي
بس انا الحين سحبت ملفي من المستوصف وناويه اكمل المتابعه بالمستشفى انا بالشهر السابع هل اذا رحت افتح ملف عندهم ياخذون متابعه بالاضافه للولاده طيب اذا انا ماابي متابعه يعني بروح للدكتوره بكل وقت وادفع كل شي لحاله ووقت الولاده ادفع تكاليف الولاده ابي وحده مو تبع تامين وتكون نفس حالتي |
رد: مستشفى الحمادي بالرياض (اسألكم والدموع بعيني)
حبيبتي اول شي الله يتمم لك على خير ياارب ويقر عينك وعين ابوه فيه سليم معافى
انا حاسه بنفس احساسك لاني ووحيده ونفس حالتك بالضبط بس انا باولد عند اهلي ان شالله بقولك ع دكتورتي الي اتابع عندها اسمها سعاد عدرا سوريه وعجوز معرووفه بالرياض وماشالله عليهاخبره هي الان بمستوصف اسمه المترك بحي سلطانه صح المستوصف صغير بس خدماتهم حلوه واسعارهم والدكتورة ممتااااازه وانصحك فيها وانا سمعت انها تروح تولد بمستشفي الحمادي ومره كنت عندها وقاعده تتكلم تقول ان وحده بتولدها بالحمادي فعلا الكلام صحيح ومره طيووبه وجلست تدعيلي وروحها حلووه والله ماابالغ ادا شفتيها بتصدقي كلامي وبترتاحي عندها ان شالله وادا تبغي رقم المستوصف ارسلو لك |
رد: مستشفى الحمادي بالرياض (اسألكم والدموع بعيني)
المتابعه انا اتابع ع كيفي والوقت الي ابغاه
بدون برنامج وعندهم خدمة حلووه تاخدي كرت ب200 ريال ويسوللك تخفيض 50بالميه ع كل الخدمات |
رد: مستشفى الحمادي بالرياض (اسألكم والدموع بعيني)
انا ولدت قبل اربع سنوات عند الحمادي كان روعه وعند الدكتوره حنان بست الألف والعمل يه بربع عشرالف
|
| الساعة الآن 06:04 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .