طفلي يتألم عندما يتبول
 

السلام عليكم ورحمة الله وبركاته

ولدي عمره شهر وثمان أيام من مده لاحظت انه لما يبي الله يكرمكم يتبول يبكي بشده ويحمر ولما يسويها يهدأ

وديته الدكتور قالي سوي له مساج بس حتى مافتح حفاظته عشان يشوف وقلت له عن الحبوب في ويه قال عادي يروح

وهالحبوب كل يوم يزيد وماقاعد يروح وأنا في حيره وولدي صياح يصيح وايد الله يصلحه آمين

مادري حد صار في ولده جذي ولا لا طمنوني الله يحفظكم ويحفظ أولادكم آمين

رد: طفلي يتألم عندما يتبول
 

شوفي أختي اذا لسه ماطهرتيه يصير السبب منه عشان اخويا اول اسبوع من ولادته كان كذا لما طهرناه صار عادي واذا ابنك مطهر خذيه للدكتور ايش مستنيه وان شالله مافيه الا العافيه

رد: طفلي يتألم عندما يتبول
 

مشكوره اختي ع الرد

مطهرينه في اليوم السادس

وديته يااختي الدكتور قال لنا سوو له مساج على بطنه بس قال إذا جا له حراره جيبوه بس

رد: طفلي يتألم عندما يتبول
 

طيب اول شي لازم تهتمي بنظافته زيادة ثاني شي أكثري من إعطاءه الماء يعني مو لدرجة كبيرة بس انو حاولي تعطينه كل وقت عشان تنظف المسالك البولية واذا ماسويتيله تحليل بول الله يكرمك سويله وراقبي حفاظته وقت مايبول وشوفي اذا فيه شي ولا لا والرائحة اذا كريهة مرة ولا لا غير على الرائحة العادية وان شالله ماعليه شي الا الخير النونو

رد: طفلي يتألم عندما يتبول
 

سبحان الله من هالدكتور يعني لو قايلة له مثلا انه يتألم عندما يتبرز كان نقول معه إمساك وهذا سبب للمساج
بس يتألم عندما يتبول؟؟؟ هذي جديدة وماسمعت عنها ممكن مثلا لاقدر لها يكون مكان الطهور ملتهب؟؟ هل لاحظت تغير بلون المنطقة ؟
بعيد الشر لسه صغير على ان نقول معه التهاب في المسالك بس كلشي جائز
بس من الحالة اللي وصفتيها انه يتضايق معناها في شي بمجرى البول لذلك لا تهملينه وانا كلام الدكتور ما دخل راسي ياليت تودينه طبيب ثاني ولو مختص أحسن وإياك تجازفين بأي علاج لين تتأكدين من أكثر من دكتور , وإذا لاحظتي أي تحسن عليه خلاص اتركيه
والله يقر عينك فيه يارب

رد: طفلي يتألم عندما يتبول
 

الله يشفيه انا مع كلام ام فروحه

رد: طفلي يتألم عندما يتبول
 

مشكورين ع الرد.. وجزاكم الله خيرا ..

آمين والله يحفظ جميع أولاد المسلمين آمين

حتى زوجي استغرب من الدكتور .. شنقول بس

ان شاءالله اليوم بوديه دكتور ثاني
الله المستعان