|
يارب يرزق كل من تدخل وتدعي لي، مالي غيركم بعد الله
يابنات ارجوكم ادعو لي لان ظروفي صعبة وموعد ولادتي متعارض سبحان الله مع كل الظروف
لكن دائما ارجع واقول لعله خير وطبعا مالي غيركم بعد الله اشتكي له او حتى اتكلم معه انتم المتنفس الوحيد لي الان انا في الاسبوع الـ 38 وباقي عشر ايام على انتهاء التاسع ولا في بوادر طلق ولا ماي ولا كل هالاشياء اللي يقولون عنها اللهم اني متنحة بس يقولون بكرية وبنت يعني ولادة باول التاسع وهذا انا ما ولدت الى الان مادري يمكن بسبة التوتر مافي طلق ولا اي شي لكن احس بنغز من الاسفل وهالشي من نهاية الثامن والدكتور كان قالي استمري على الحديد عشان الولادة انا مليت وزهقت وتركته احس نفسي خلاص ودي اولد من جد مليت صرت زاهدة في كل شي زاهدة في الاكل وزاهدة في الضحك حتى الصلاة اصلي بدون احساس والان صار العكس اتمنى اني ما اولد لان زوجي أنهى اجازته اللي حاول مدها مراراً عشان هالشهر التاسع ونهاية الاجازة اليوم يعني هم زوجي اللي تعب نفسه طول هالفترة عشان يكون جمبي وبالاخير لسه ما ولدت وما راح يكون معي في هالوقت الله يبارك في عمر امي هي الوحيدة اللي راح تكون معي لكن زوجي غير دوم يدعمني ويشجعني والله الحياة تكون اجمل بقربه والعامل النفسي مهم بكيت امس بكاء شديد لمن اضطر يقطع اجازته والمشكلة المسافة بيني وبين عمله 9 ساعات لكن وعدني انه اذا صار شي بيكون عندي في غضون ساعتين بالطيارة هذا غير مناقشة الماجستير حقي الاسبوع القادم مثل ما خبرتكم قبل ودام زوجي راح بسير عند امي لانه من ينجدني وقت الطواريء غير امي واخواني وانا مابي اروح احس ما اخذ راحتي الا في بيتي والله الدنيا زحمة عندي كل الحوامل بس همهن الولادة وانا اصغر همي الولادة ! ولي يومين عندي اسهال شديد اكرمكم الله وقرات انه الاسهال علامات قرب الولادة ؟ ياذا الحظ مادري هالمعلومة صحيحة ولالا انا اقول يمكن عشاني تركت حبوب الحديد بس انا وقت كنت اخذها ما كان يجيني امساك لانه الدكتور قالي بعطيج نوع حديد ما يسوي امساك بس غالي شوي بالاضافة الى اصوات غريبة هالايام احسها من بطني مادري قرقرة ماي ولا غازات ومسموعة بصوت عالي اللي يجلس جمبي يسمعها بوضوع ردوا علي ارجوكم ولا تنسوني من دعائكم احلم باليوم اللي اكتب فيه تجربة ولادتي |
رد: يارب يرزق كل من تدخل وتدعي لي، مالي غيركم بعد الله
حبيبتي هدي ولا توسوسي
لا تقول ما ولدت ومن هالكلام انتِ في التاسع ناس كثير قالو لهم احتمال ولاده مبكره واخذو كم يوم من العاشر كل انسان ومكتوب له اليوم الا راح ينولد فيه لا تضايقي حالك يا عمري انتِ على وشك الولاده الحمدلله انتتِ احسن من غيرك معك امك واهلك وزوجك ما راح يخليك بكون متواصل معك على طول وهذي ظروفه ومو بيديه انتِ احين لا تفكري كثير بالموضوع فكري في البيبي بعد ما يجي شلون بغير لك حياتك وبخلي حياتك لها طعم ثاني خلي تفكيرك اجابي مو سلبي والله يكتب الا فيه الخير ويسهل عليك يا رب |
رد: يارب يرزق كل من تدخل وتدعي لي، مالي غيركم بعد الله
مثل مآ قآلت لكك الأخت منى ..
خلّي تفكيركك يكون إيجـآبي .. ولآ تفكرين في الولآدة وموعدهآ .. فكري في يومكك وكيف بتقضينه .. ولآ تشيلين هم الولآدة .. أهم شي أمكك بتكون جنبكك .. وزوجكك بيجي ع طول .. إيش تبغين أكثر من كذآ ..! صدقيني حآلكك أحسن من حآل ألف غيركك .. آشكري ربكك .. وآدعيه إنه يسهل ولآدتكك ويعديهآ على خير .. موفقـةة يَ رب :)) |
رد: يارب يرزق كل من تدخل وتدعي لي، مالي غيركم بعد الله
خلك متفائله بالايام الجاايه الي بيكون فيها طفل ينور حيااتي .*.
ومتى ربي ماراد بتولدين وراح تحطين لنا قصة ولادتك ان شااء الله .*. والله يسهل عليييك وع كل الحووامل ياارب .*. |
رد: يارب يرزق كل من تدخل وتدعي لي، مالي غيركم بعد الله
يا قلبي ربي يفرجها عليك وتولدي وتكون ولادتك سهله ميسره
أرمي كل الحمل اللي فوق ظهرك وعيشي حياتك طبيعي وانبسطي ولا تبكي ما بتلاقي نفسك الا فيكي الطلق وبتولدي ان شاء الله بالنسبه للأعراض اللي كتبتيها ما مرت على لاني اولد قيصري** وان شاء الله اللي ولدت طبيعي تفيدك |
| الساعة الآن 05:02 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .