|
كيف اتخلص مت الصفار طمنوني
مرحبا بنات
اليوم المشفى خبروني انو ابني المولود الي عمرو الان 4ايام مصاب بصفار وانا كثير متوتره ابغى اعرف ايش ممكن اسويله غير العلاج الضوئي الي راح يسوه له يعني هل ابتعد عن اشياء معينه اعطيه مثلا سكر نبات وصدري مره متحجر ومسببلي الم شو اعمل ساعدوتي بدعواتكم اولا وبنصايحكم ثانيا وابغى العذر وابسموحه من كل ابي راسلوتي عالخاص ومارديت ظروفي ماتسمحلي |
رد: كيف اتخلص مت الصفار طمنوني
شوفي اخذي علبة ماي صحة صغيره فاضية مافيها ماي طيب وعبيها زيت زيتون الى النص طيب وحطي فيها مرة تعرفين المرة والا تلاقينها عند العطار انا واخواتي كلنا مجربينها ندهن اعيالنا اذا طلع فيهم الصفار بزيت زيتون منقع فيه مرة والحمدالله يروح بسرعه قبل الاربعين يوم وطلعيه في الشمس الصباح قبل الساعه 8 اول ماتشرق الشمس زينه له والله يخليه لك وتبلغين فيه دعواتك لي الله يسهل علي الولادة ويقومنا بالسلامة وبالنسبة لصدرك حاولي ترضعين ولدك لاتخلينه واذا زاد التحجر روحي المستشفى علشان ماتجيك حمى النفاس اللي هي حرارة تتعبك بعدين الله يكون بعونك
|
رد: كيف اتخلص مت الصفار طمنوني
شوفي حبيبتي الصفار له درجات واذا ترضع طبيعي على كلام الدكتور يستمر معها ونسبه بسيطه جدا
المهم انا جا بنتي وعرضتها لشمس مدة اسبوع الساعه سبع الصباح وقبل اخر العصر والمويه مع سكر النبات كويسه واحرصي عالفيتامين اللي يصرفه لها الدكتور ،، بالنسبه لحليبك غسلي صدرك بمويه دااافيه واشفطيه بالشفاط وكبيه انا كذا كنت اسوي كذا بس فيه ناس تحب تحطه بالبارونه وتعطي النونو بس ممكن البنوته تحب البارونه وتترك صدرك وهذا اللي خلاني اكبه انا والله كنت اعصره بيدي ،، لان ممكن يتحجر ويتعبببك وممكن ينشف حليبك |
رد: كيف اتخلص مت الصفار طمنوني
افضل علاج عرضيها للشمس
رضعيها كثير طبيعي وراح تتشافى باذن الله |
رد: كيف اتخلص مت الصفار طمنوني
أنا ولدي كان فيه الصفار
كل يومين كنت اوديه المستشفى عشان يشوفون نسبته والحمد الله بعد شهر صار احسن كنت خايفه وايد لانه طول الدكتور قال الي فيهم انيميا الفول يطولون بالشفاء لان ولدي كان فيه وببنتي بعد نفس الشيء ونصحني الدكتور بالرضاعة الطبيعية لما ولدي كان بالعنايه كنت أروح اشفط الحليب والسستيرات يعطونه اهم شيء انج ترضعينه واشفطي الحليب عشان مايتحجر صدرج واحتفظي بالحليب ولا تنسين الدعاء وكثرة الاستغفار والتوكل على الله وكنت اعرضه للشمس العصر قبل الغروب مع ان الدكتور قال مايحتاج بس انا ماسمعت كلامه والله يشفي ولدك وولدي وجميع أولاد المسلمين آمين |
| الساعة الآن 04:30 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .