|
تجربتي مع السدر للشعر ...ولا السحر
حبيباتي السلام عليكم انا قريت الموضوع ده و عجبني و نويت اعمله لاني اعاني تساقط الشعر بسبب الغده و حبيت انفعكم به اخواتي و الي يستفاد يعطي تجربته للبنات عشان تعم الفائده وتقبلو حبي
السلام عليكم يا بنات انا زى ناس كتير لفيت كتير وجربت حاجات كتير ايشى اسبريهات على كريمات على حاجات ومحتاجات وصرفت فلوس كتير اوى والنتيجة ؟؟؟؟؟؟؟؟ لم ينجح أحد وأكتشفت فى الآخر إن الموضع كان بسيط جدا ورخيص جدا عن كل الحاجات اللى استعملتها ايه هو ؟؟؟؟؟؟؟؟ عشبة السدر أو كما هو معروف فى مصر شجرة النبق والله العظيم انى كنت محظوظة جدا وانا بتصفح أحد المنتديات وقريت تجربة واحدة معاه وقلت اجرب ومن ساعتها وانا مبسوطة والحمد لله وبدعى لصاحبة الموضوع فى طريقتين لأستعماله 1-تشتريه ورق من عند العطار وربع كيلو هيغرقك وتنقعى مقدار قبضة يد واحدة فى لتر ونص ميه لمدة ليلة وتحطيه فى بخاخ وترشيه على شعرك مرة الصبح ومرة بالليل الطريقة التانية 2-تجيبيه مطحون وتجيبي معاه حلبة مطحونة وتجيبي بصلة بقشرها تقطعيها اربع ارباع وفصين ثوم تقطعيهم بنفس الطريقة وتسلقيهم لحد ما المية تصفر فى كمية ميه على قد الكمية اللى هتستعمليها من السدر المطحون والكميات يا ستى لو انت زي حالاتى كده بس فى الاول طبعا المقادير تكون 3ملاعق سدر مطحون 3ملاعق حلبة مطحونة شوية زيت زيتون وشوية زيت سمسم وتعجنيهم بالمية اياها وحطيهم على شعرك على الاقل 3 ساعات زى الحنة عاوزة اقولكم انا كنت بستعمل الاتنين كل يوم كنت بحط الاسبراى دا الصبح وبالليل والخلطة التانية كنت بعملها مرة او مرتين فى الاسبوع الكلام دا من 3 شهور دلوقتى بقيت احط الاسبراى بس عشان مبقتش اعرف اغسل الخلطة من شعرى بسهوله من تقله وطوله بس قولوا ما شاء الله ومش هقولكم شعرى اللى مكنش مغطى افايا دلوقتى بقى فين وخلوا بالكم لازم تدهنوا شعركم بزيت السمسم اولا لأنه سنة عن الرسول صلى الله عليه وسلم وثانيا بيمشى مع جميع انواع الشعر وثالثا عشان السدر بينشف الشعر شوية ولو عندك قشرة متستعمليش حاجة للقشرة عشان متجهديش فروة راسك السدر مطهر قوى جدا للرأس وبالمناسبة عشان محدش يقول انى بقتى البصل بيعالج مرض بعيد عنكم اسمه الثعلبة عشان كدة مفعوله خطير والثوم طبعا بيعيد انبات الشعر بس نبسلقهم عشان الريحة متبقاش فظيعة وعشان ناخد الخلاصة من غير الريحة اللهم بلغت اللهم فاشهد منقووووووووووووووووووول |
رد: تجربتي مع السدر للشعر ...ولا السحر
حبيبتي قريت عن السدر واستعماله كبخاخ يومي للشعر وان نتائجه حلوة ومضمونه بس انا خايفة من الجفاف لأن طببيعة المكان اللي عايشه فيه جافة مناخ صحراوي ومش عارفة كيف نتعامل معاه بعد السدر؟
وجزاك الله خيرا عن صاحبات الشعر الجاف ويا كثرهن..... |
رد: تجربتي مع السدر للشعر ...ولا السحر
1-تشتريه ورق من عند العطار
وربع كيلو هيغرقك وتنقعى مقدار قبضة يد واحدة فى لتر ونص ميه لمدة ليلة وتحطيه فى بخاخ وترشيه على شعرك مرة الصبح ومرة بالليل رووووووووووووووووووووعه لاخلا ولا عدم |
| الساعة الآن 11:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .