|
@@@نتيجه تحليل الدم اليوم @@@
الحمد لله رب العالمين انما امره اذا اراد شيء ان يقول له كن فيكون احب اشكر كل بنت ساعدتى ووقفت جامبى وطمنيتنى وادعلها ان ربنا يفرح قلبها بحمل قريب والحامل ربنا يفرحها بأحسن واجمل طفل فى العالم طبعا امبارح وانا بقرى فى المنتدى حاجه قلتلى قومى اعملى تست حمل رغم انى عملت تست حمل الصبح الساعه 4 العصر ومظهرش اى خط رجعت تانى باليل وعملت اختبار حمل الساعه 2 فجرا بتوقيت مصر وطبعا مظهرش حاجة روحت فتحت اللاب توب وقلبى قلى روحي شوفى الاختبار تانى روحت شوفته فتحت النور الضعيف الاول بتاع الحمام لقيت حاجه كدة شبه الخط عنيا والله عملت كدة hwaml03hwaml03 فتحت النور الكبير وفضلت باصه على الاختبار وافضل اجيبه يمين وشمال قولت يمكن بيتهيألى او انا بتوهم او فى اى غلط وجتلى هستريا عياط وجسمى يرتعش مش مصدقهhwaml93 اتصلت بالصيدلى وجبت واحد تانى وعملته بس مظهرش الخط التانى الصبح اللى هو النهردة لقيت الخط خففففففففيف ظهر على هذا التست وعملت تست اخر وايضا ظهر بس خط خفيف جداااااا طبعا الاحساس لا يوصف جريت على الشباك وبصيت فى السماء وفضليت اعيط واقول ل ربنا (انا بحبك اوى يا كريم ) وفضلت اعيط وانا كمان دلوقتى بعيط الحمد لله الصبح روحت المستشفى ودخلت اعمل التحليل وقالتلى النتيجه بعد ساعه قلتلى الدكتورة التحاليل تحبى تاخديها بالتليفون والا تيجى تاخديها قولتلها انا لا انا هاجى اجيبها فضلت الف انا وجوزى بالعربيه لحد الساعه 5 وقت النتيجه رجعت للمستشفى طلع ليا من داخل المختر دكتور وبصوت مرتفع وحاد من غير حتى ميطمنى سألنى انتى امتى اخر دورة كانت عندك ؟ وامتى معاد الدورة القادمه؟ ودورتك منتظمه او لا وانتى بنت وبعد الزواج ؟ انا طبعا وشى بقى لونه ابيض من الخوف وقلبي فضل يدق قولت خلاص يبقى اكيد فى مصيبه او مش حامل قولتله دورتى السابقه كانت يوم 25 شهر 3 المفروض تيجى يوم 18 او 19 شهر 4 والحمد لله منتظمه قلى بصى يا ميادة انا مش هقدر اقولك انتى حامل او لا لانك جايه بدرى جدا لان مفروض تحليل الحمل تعمليه بعد معاد الدورة الشهريه وانتى جايه بدرى المفروض تيجى بعد الدورة ب 5 ايام يعنى يوم 22 شهر 4 ابريل رديت عليه دكتورة كانت واقفه طبعا ترتاحى جدا لان حملك ضعيف hwaml56 انا سمعت الكلمه دى وطلعت اجرى برا الاوضه لانى اتكسفت حد يشوفنى وانا بعيط وقولت ل جوزى هات انت ورقه التحليل وانا برا عشان مش قادرة امسك نفسى من العياط دى اخر حاجة النهردة بالنسبه للاعراض وانا عملت اية عشان احمل رغم محاولات فاشله من قبل هفتح موضوع بالتفصيل الممل بس لم اتاكد الاول انى حامل او لا طمنونى يابنات الدكتور كتبلى فى ورقه التحليل ويك بوزتيف يعنى حمل ضعيف وفى رقم مكتوب mg 25 m مش فاهمه دة اية ؟hwaml13hwaml13 وهل كلمه حمل ضعيف يعنى هيسقط؟ والا هرمون الحمل مش ظاهر بطريقه مؤكدة؟ ادعولى يا بنات ربنا يثبت حملى انا بشوف كل ردودكم وبدعيلكمhwaml88hwaml88hwaml88 لانى مجربه وحاسة بيكم |
رد: @@@نتيجه تحليل الدم اليوم @@@
هلابك حبيبتي..
لا ان شاء الله انتي حامل بس الهرمون ضعيف ولسى في بدايته وعشان كذا ارتاحي وريحي بالك ..انتي حللتي بدري انتظري الله يتمم لك على خير طبعا انتي موحاسه بشي لا مغص ولاافرازات معاك ..؟! |
رد: @@@نتيجه تحليل الدم اليوم @@@
عيني مبروك اللت ؤكمل بالخير نسبة هرمون توضح ان الحمل في البداية واسبوع ورا اسبوع ؤتزيد بس اهم شي ارتاحي تم ارتاحي واتغدي زين ههه وراح انزل موضوع بنسبة هرمون الحمل عشان ترتاحي هه
|
رد: @@@نتيجه تحليل الدم اليوم @@@
اقتباس:
الله يسعدك يارب انا كنت حاسه بمغص من ايام التبويض مستمر فى اسفل بطنى زى الم الدورة وهى بتنزل بس فى حاجه انا اصلا مش بيجيلى الحمد لله مغص دورة رهيب لا مغص تقدرى تستحمليه بدون مسكنات لكن من امبارح المغص ابتدى يخف ويجى كل 4 ساعات مثلا عشان كدة شكيت ومعايا افرازات من ايام التبويض كنت احس ان فى مايه تحت بس مش كتير يعنى اجى امسح بالمنديل الافى نقط صغيرة افرازات بيضاء |
رد: @@@نتيجه تحليل الدم اليوم @@@
ربي يتمم حملك على خير وعقبال كل محرومة يااا رب...لا تخافي انت حللتي مبكر ...انتظري تاخر الورة ب5 ايام وعيدي التحليل....ريحي حالك ولا تتعبي نفسك وان شاء ربي يتمم فرحتك
|
رد: @@@نتيجه تحليل الدم اليوم @@@
اقتباس:
ههههههههه حاضر وهدلع كمان وهنتظهر موضوع هرمون الحمل بس البنات تطمنى انا كدة حامل او لا |
رد: @@@نتيجه تحليل الدم اليوم @@@
ياقلبي ربي يتمم فرحتك والهرمون يقوى ان شاء الله
هو يمكن ضعيف لانه ببدايته وراح يقوى كل يوم عن يوم ربي يبشرك بتمام حملك ويفرح فيه ياقلبي |
رد: @@@نتيجه تحليل الدم اليوم @@@
اقتباس:
امين يارب حاضر هرتاح ربنا يفرح قلبك يارب |
رد: @@@نتيجه تحليل الدم اليوم @@@
انت حامل بالاسبوع الاول مبروك يا ام كروشة
|
رد: @@@نتيجه تحليل الدم اليوم @@@
اقتباس:
حسبتيها ازاى يا قلبى؟ يعنى مثلا انا بفرض ان تبويضى كان يوم 6 شهر ابريل يمكن حملت وقتها وحامل فى 11 يوم والا اعرف ازاى |
| الساعة الآن 12:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .