|
كيف اتصرف ساعدوني
السلام عليكم
بدخل بالموضوع على طول انا وزوجي بيننا توتر هو مايعرف يناقش واذا تكلم تكلم بصوت عالي وانا وقتها اسكت واحبس بنفسي لانه مهما قلت يقلبها علي احس هو يطالع للموضوع من جانب وانا من جانب ماعرف اتعامل معاه وما اخفي عليك هو يعصب من تصرفاتي انا شوي مهمله في بعض الامور وهذي الامور تهمه بس انا موضد انه ينصحني انا ضد اسلوبه واحيانا يتلفظ ببعض الكلام الي يحسسني انه مايحترمني مثل انقلعي ولا غبيه ولاحماره .. وقبل اممس اساله الحين بالشغل تتاخر نفس نهاية الشهر هذا ولا عاتي قالي رجاء شغلي مالك فيه متى ماارجع ارجع انتي خليكي في ولدك والبيت ولاتحسبي تاخري في العمل مقصود.. ومع كذا ترا يحبني ويخاف علي اكثر من نفسي بس اهتمامه وخوفه شديد لدرجة اني انزعج منه.. واذا زعلني والله مايقفل الخط الا وهو مراضيني الحمدلله واذا كنت عنده ماينام ويرتاح الا اذا رضيت بس انا عجززت اتعامل معاه وانا مشكلتي حساسه عالتكه الدموع تخنقني :) والعلاقه الجنسيه الحمدلله تمام .. ودايما في المناسبات مااقصر هديتي تسبقني وهو والله ماقد شفت منه الا هديه وقت زواجنا وبس انا صارلي سنه ونص متزوجه.. يمكن هالشي يشوفه سخيف بس انا اتمنى هديه منه لو ورقه فيها كلام حلو .. انا ودي اكسبه واحتويه ابي يكون معي مثل ما انا معاه ابرتاح والله تعبت ،، انصحوني وش اسوي وكيف اتصرف ومع عصبيته |
رد: كيف اتصرف ساعدوني
اقتباس:
اغلب الرجال هم كذا يكونون عصبيين على اتفه الاشياء لذلك اذا شفتي معصب مو الحل انك تسكتي وتحبسي دموعك ولكن ناقشي بكل هدوء ورويه وجيبي بالسياسه مثلا اذا شفتي عصب على شي وبده بالصراخ حاولي ماتتجاهلي وتسكتين ولكن قربي عليه ومسكي ايده وقوليله معليش حبيببي مو بقصدي او مراح تكرر ماتتصوين شكثر يضعف الرجل امام تلك الطريقه وتشوفي هدئ على طول اقتباس:
وحبيبتي تره الرجل مستحيل يجي ويقولك انا احب تسويلي كذا واريد كذا الرجل يحب المرأه الذكيه الي بدون مايتكلم تفهمه وتلبي طلباته اما بالنسبه للألفاظ الي يقولها لك لا تسكتي عليها لأنها بتتطور مع الايام وحرام اطفالك يتعلمون هالاسلوب منه لذلك اجلسي معاه وتفاهمي بهدوء بأن اهم شي بينكم الاحترام والحمدلله انو منيح في جوانب اخرى ويحبك ويخاف عليك لذلك غاليتي حاولي تكسبيه بالضحكه الحلوه والدلع الزااايد واللسان الي يقطر عسسل وكل شي يحبه اخذي سلاح لك وابدعي فيه اما بالنسبه للهديه تره اغلب الرجال كذا مايهتمون بهالجوانب انا زوجي كانت بينا علاقة حب قبل وكان ماتفوته اي مناسبه اما بعد الزواج اهمل هذا الجانب ولكن بقيت انا كما انا في كل مناسبه اهديه هديه بحيث خليته يخجل من نفسه ورجع مثل ماكان حبيبتي خلي شخصيتك اقوى واتركي الحساسيه جانبا وحاولي تقريين مواضيع بالنت تفيد حياتك الزوجيه والله يسعدكم يارب |
رد: كيف اتصرف ساعدوني
انا وزوجي بيننا توتر هو مايعرف يناقش واذا تكلم تكلم بصوت عالي وانا وقتها اسكت واحبس بنفسي لانه مهما قلت يقلبها علي احس هو يطالع للموضوع من جانب وانا من جانب ماعرف اتعامل معاه وما اخفي عليك هو يعصب من تصرفاتي انا شوي مهمله في بعض الامور وهذي الامور تهمه بس انا موضد انه ينصحني انا ضد اسلوبه واحيانا يتلفظ ببعض الكلام الي يحسسني انه مايحترمني مثل انقلعي ولا غبيه ولاحماره .. وقبل اممس اساله الحين بالشغل تتاخر نفس نهاية الشهر هذا ولا عاتي قالي رجاء شغلي مالك فيه متى ماارجع ارجع انتي خليكي في ولدك والبيت ولاتحسبي تاخري في العمل مقصود..
فيه نوعيه من الرجال إذا سألتيه عن شئ يخصه يظن أنك تشكين فيه أو تراقبينة أو ما تثقين فيه ، لذلك حاولي تقللين من الأسئلة الي تخصه ، أو تردين عليه رد زين يخليه يخجل من نفسه ، مثل يوم قالك خليك في بيتك وولدك ، قولي انت ياعمري اهم شئ بالبيت وإذا مااهتميت لك اهتم لمين؟ ومع كذا ترا يحبني ويخاف علي اكثر من نفسي بس اهتمامه وخوفه شديد لدرجة اني انزعج منه.. واذا زعلني والله مايقفل الخط الا وهو مراضيني الحمدلله واذا كنت عنده ماينام ويرتاح الا اذا رضيت بس انا عجززت اتعامل معاه وانا مشكلتي حساسه عالتكه الدموع تخنقني :) والعلاقه الجنسيه الحمدلله تمام .. ما شاء الله تبارك الله أشوف ياأختي أن حسنات زوجك الي ذكرتيها أكثر من سيئاته هاذي هي الأساسيات إذا صلحت بإذن الله يصلح الباقي ، بس أنتي حاولي ما تركزين على توافه الأمور ، ونصيحة من أخت خبره أكثر من 10 سنوات لايكثر زعلك على الفاضي والمليان ترى والله يجي يوم يمل زوجك من كثر زعلك وماعاد يهمه زعلتي ولا رضيتي وأحمدك ربك على هالنعمه لاتفقدينها ودايما في المناسبات مااقصر هديتي تسبقني وهو والله ماقد شفت منه الا هديه وقت زواجنا وبس انا صارلي سنه ونص متزوجه.. يمكن هالشي يشوفه سخيف بس انا اتمنى هديه منه لو ورقه فيها كلام حلو .. انا ودي اكسبه واحتويه ابي يكون معي مثل ما انا معاه ابرتاح والله تعبت ،، والله ياقلبي كل الحريم ودهم رجالهم يهدونهم بالمناسبات لو وردة أو ورقة مثل ما قلتي وأنا أولهم لكن وش نسوي إذا كان هذا طبع معظم الرجال . مو شرط انه يعبر عن حبه بهديه يمكن يعبر باشياء ثانية فلا تركزين على الهدية والله يسخرنا |
رد: كيف اتصرف ساعدوني
والله كلام البنات سليم واذا تبين تنتظرين منه هديه مطوله
انتبهي على بيتك الله يسخره لك |
رد: كيف اتصرف ساعدوني
انتِ تشبيهي حالتي بس انا مهمله شوي وهو كثير ما يهتم السرير مرتب ولما ارتب الملابس ويعفسهم اعصب عليه
اقوله ما برتبهم ترى يقول لا ترتبيهم ولا يهتم وطيييوب ورومانسي لكن بالنسبه للهدايه يعني يعطيني ورده احياناً بس ما يهتم بالمناسبه عيد زواجنا عيد الحب عيد ميلادي اول عيد ميلاد لي زعلني ولا حتى حفظ عيد ميلاد جاب لي ورد بس قالي بمناسبة قدومك من السفر اقوله وبعد يقولي لني شفتك تمنيت يقولي كل عام وانتِ بخير اهم شي يذكر وعيد الحب ولا مره اهتم فيه انا اجيب له وهو ما يهتم واول عيد زواجنا آآآه قهر شريته له نظاره شمسيه من مده عشان ما يحس عبالي فاكر ويوم سافرنا عطيته اياه عبالي بيبادلني ما فيه فايده بس انقهرت وقلت وانا شنو هديتي سكت بس عطبت وقلت له ابي دبله وفي عيد ميلادي قبلها باسبوع انا ذكرته وقلت له ابي هديتي دهب واحنا في المحل يقول عشان ما تقولي ما جبت لك وبعد ما اخذت يقولي ها ارتحتي مو تصجيني انقهررررت وفي ولادتي الا المفروض الاقي هديه لا هديه ولا حتى جلس معي نزلت لي الماي الساعه 5 وهو دوامه 6 صجني قالي بوييك بسرعه وبروح لما قلت له اجلس معي جلس وهو كل شوي يطلع الساعه ويتثاوب ومتكتف المشكله ما احد يدري وكل شوي يقولي الدوام انا ادري ليش يبي يداوم عشان يحصل له يوم المولود كنت اقوله صورني وصور الكرشه كشر في وجهي يقولي شفيك انتِ قهرني مرررره لين ما عطوني المسكن وتخدرت وراح عني قالي ساعتين بالكثير ليين ما اشتد الالم وولدت ولا احد داري عني يعني لو احتاجو شي كاأني مقطوعه من شجره |
رد: كيف اتصرف ساعدوني
مشكلتك بسيطه جدا الحمدالله مشاءالله محاسنه اكثر من سيئاته يعني حاولي تلينين معاه ولا تهملي اشياءاللي تهمه صدقيني بتكبري بعينه ولاتنسي طبعا اهتمامك بنفسك وزوجك وبيتك وولو حافظتي على هذا كله ماراح توتر العلاقه بينكم ومفي بيت خالي من المشاكل والمشاكل ملح الحياه وزين منه يراضيك شي حلو فيه مثل زوجي الله يحفظهم ويهديهم لكي ودي
|
رد: كيف اتصرف ساعدوني
السلام عليكم
عزيزتي بداية الزواج تعارف انتي مو متعوده عليه و لا هو متعود عليك اطباعكم تختلف عن بعض فا حاولي تتقبلين الامر بخصوص انه عصبي ... هذي تكلمي فيها معاه قولي انا مقدره ان اطباعنا تختلف فا خف علي و حاول اذا كنت معصب تهدى و بعدها قول اللي بخاطرك بلنسبه للكلام الحلو و الهدايا و الخ ... خذيها قاعده دائمه مستديمة لما تحبين تهدين شخص هدية فا خلي هلشي نا بع من القلب و لا تنتظرين منه بلمقابل انه يردها لك بهدية... انا عن تجربتي يؤؤؤؤؤؤؤؤؤؤؤؤؤؤؤؤ بداية زواجنا اسوي حركات الرومنسيه و اتقصع و هدايا و و و الخ الاخ الكريم ما كان يعبر .. كنت اتضايق بس استغرب ليه ما في ردة فعل .. حتى اقلها كلمة شكرا كان يستحي اجيب له شي يهرب و ما يصدق اني اسوي هلشي عشان كان يفكر اني ابي شي منه طبعا تضايقت يوم عرفت انه يفكر بهاي الطريقه ... لكن بعد 3 سنين بين فيه ههههههههههههههه لكن بوقتها انا صارت ماتفرق معاي هههههههههههه ... حاولي تنشغلين عنه بدراسه شغل محاظرات دورات بس المهم مايكون وقتك بس تفكرين فيه و تزعلين و يزعل و تنتظرين منه رومنسيه و الخ ... والله هو اللي بعدين بيركض وراك و يستغرب .. انا اهملت زوجي غصبن عني بوقت الحمل الثاني و حتى بعد الولاده ..الموضوع كان صعب حتى ماكنت اهتم بنفسي الين جاني باحد الايام و يقولي تغيرتي قلت له في ايش تغيرت مافيني شي قال لا قبل كنتي تكشخين و تهتمين بشعرك بشرتك و الخ رغم اني لما كنت البس و اكشخ تخيلي ماكان يعلق و عادي مافي تغزل و تلب و من هلحركات بعض الرجال لاشافو حريمهم كاشخين يصير في نظرات و كلام بينهم يعني وش هلحلى و الخ ... طبعا انا ادري هو يعاتبني لكن انبسطت قلت يعني كان ملاحظ قبل بس ما يعلق و الخ حتى صار يهتم و يوديني السوق بس عشان ارجع اهتم مثل قبل فقد هلشي و شاف الفرق و لا تغرك قصص الرومنسيه و كلام البنات .. لما تقول فلانه زوجي جاب لي و سوا لي و ذاك اليوم قالي و الخ .. فلنكن واقعين اغلب البنات تبالغ بوصفها .. و تحسسك ان مافي مثل زوجها وهو يدللها .. و لا تطلبين منه اهتمام ... لكن استمري بلي انتي فيه اهتمام و دلع و الخ من امور الصنع ... و الله يسعدك |
| الساعة الآن 04:44 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .