منتديات حوامل النسائية

منتديات حوامل النسائية (https://naqatube.com/index.php)
-   إستفسارات مرحلة الولادة (https://naqatube.com/forumdisplay.php?f=96)
-   -   الدكتورة قررت لي ولاده (https://naqatube.com/showthread.php?t=255170)

ايمووو 05-08-2013 09:46 AM

الدكتورة قررت لي ولاده
 
السلام عليكم

خلصت التاسع ودخلت العاشر ولا معي طلوق والرحم مفتوح بس 2 صانتيhwaml4 عاد في أخر موعد لي مع الدكتورة قالت الاحد الجاي تجين تنويم واولدك hwaml10
تقول بفتح مويه الجنين وبعدها بنشوف hwaml9

انا مرة خايفه وطقتني ام الركب يوم عرفت فعندي اساله للخبرة اللي قد ولدوا لاني بكر:

* اذا جيت اروح اروح مفطرة ولا صايمه لاني مقررة اخذ ابره الظهر (ولحد يتكلم عنها تكفون تراني مرتبشه وخايفه هههههه)؟

*للي قد جربوا ابره الظهر متى يعطوني اياها اول ما اجيهم ولا بعد ما تفتح المويه ولا اذا قررت تعطيني طلق صناعي ولا متى؟

*وش اخذ معي اذا جيت اروح ؟ وش البس؟

*لو قلنا ان زوجي بيقعد معي وبيغيب عن دوامه يعطونه اجازة مرافق؟

واذا تذكرت شيء برجع اكتبه ههههههههه
انتظركم على احر من الجمر

ملكتني بهمسك 05-08-2013 01:28 PM

رد: الدكتورة قررت لي ولاده
 
دام رحمك 2 سم تقدري تاخذي علبه خروع او كبسولات خروع من الصيدليه وباذن الله بسرعه بيحمي الطلق وتولدي

* افطري اذا ولادتك طبيعيه عشان تقدري تدفي الجنين ودام تقدري تاخذي ابره الظهر خذيها انا اخذتها وشوفي هذا الفيديو عشان يطمنك اكثر لان اغلب الحريم يتكلمو من روسهم من غير تجربه الالم حق الظهر بيكون من الحمل لان البطن 3 الشهور الاخيره يكون مقوس بسبب الجنين فلازم بعد الولاده يوجعك خلال الاربعين وبعدها يختفي

‫ابرة الظهر أثناء الولادة‬‎ - YouTube


* يعطونك الابره بعد مايفتح الرحم اربعه سم سوى كان بطلق الطبيعي او الصناعي ومويه الجنين لاتخليها تفتحها لين يوصل 6 سم نصيحه من خبره

* خذي لك غيارين ملابس وملابس للنونو وفوط لك وحفايظ للنونو وشراريب ومشط وخذيلك شال للبرد لان ممكن تحسي بلبرد بعد الولاده وخذي عبايه احتياط ولاتاخذي اكثر من هذي الاشياء لانك مابتجلسي الا يوم او اقل

* نعم يعطوه اجازه من نفس المستشفى وقت مايسويلك ورقت خروج

والله يسهل ويهون عليك ويرزقك ساعه طيبه بس الموعد لازم تروحيه عشان لاتدخلي في مرحله الخطر الله يبعد عنك الشر

كشه ناعمه 05-08-2013 02:21 PM

رد: الدكتورة قررت لي ولاده
 
كلام ملكتني تمام و فعلا ﻻ تخليهم يفتحون المويه بدري من 5وطالع ﻻن مجرد مايفتحونه يحمى الطلق ويصير ورا بعض ﻻ تخليهم يستعجلون عليك انتي شوفي وضعك وحاولي تمشين فالمستشفى عشان يزيد اﻻ 4او 5
بنسبه لزوجك ع حسب عمله اساليه يقبلون خاص او ﻻ
ﻻن اذا وﻻدتك بخاص في قطاعت ماتقبل اعذارهم بحكم ان الخاص يقدر اي شخص يشتري منهم ورقه تفيد انه تعبان او مرافق او غيره اذا وﻻدتك في حكومي يكتب له المستشفى انه "مرافق" ومايحسبون له غياب

ايمووو 05-08-2013 04:35 PM

رد: الدكتورة قررت لي ولاده
 
يعطيكم اله عافيه على الرد الوافي

ليه ما اخليها تفتح مويه البيبي هو اساس روحتي للمستشفى اول ما بتسوي بتفتح المويه عشان يجيني طلق وانا الرحم 2 صانتي وانا ما معي طلق
هل فيه خطر عالجنين ولا وش السبب ?
طيب لو قلت لها تعطيني طلق صناعي الين ينفتح الرحمن بعدها تفتح مويه الجنين كذا زين?
الخروع ما اقتنعت فيه مع ان دكتورتي تقول حلو اشربي نص علبه مع عصير جوافه بس ماش مااقتنعت

aso. 05-08-2013 08:41 PM

رد: الدكتورة قررت لي ولاده
 
الله يطمنكك ويسهلكك

ويسهل للجميع

كشه ناعمه 05-08-2013 10:59 PM

رد: الدكتورة قررت لي ولاده
 
دامك مفتوحه 2سانتي لو تشربين خروع وتمشين بسس راح تزيدن اﻻ 3او اربع انا مجربه مع قرفه وصلتني اﻻ اربع وكان في طلق بس مو منتظم لما صار 5 فتحته وصار بعدها مؤالم ومنتظم وفوق هاذا قلت لك لو فتحته بدري بتعبييين لحد مايوصل ل10ﻻن بتالمين مره خلك انتي براحتك ينفتح حطي معك دلة قرفه واشربي وخروع ودوووري ع المستشفى اسهل لك
ﻻن حبيبتي القصد لو فتحته بدري يمكن تطلقي لحد ماينفتح 10بس البيبي قده المويه قلت عليه
اساليها كويس دكتورتك وخليها تفهمك في خطر اول..؟
وﻻده سهله وميسره بأذن الله..

ايمووو 05-09-2013 03:04 AM

رد: الدكتورة قررت لي ولاده
 
الله يعطيكم العافيه
ظنتكم يمدي ينفتح الرحم لأربعه سانتي من اليوم الخميس الى الاحد اذا شربت قرفه ومشيت??


الساعة الآن 07:31 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .