|
ابغى اولد بسرعه حدي تعبانه
السلام عليكم ورحمة الله وبركاته وحشتووووني يابنااااات هالفتره كنت منومه بالمستشفى جدا تعبانه كانت تنزل مني مويه خضراء مستمره والمستشفى ماعرفوا ايش فيني بالضبط لاهي موية جنين ولا برازه ولا شي بس وقتي على الفاضي يضيع وانا كل يوم ابكي مثل الصغار راحمه الجنين له ثلاث شهور وهي ساجده تحت وراسها تحت معطيه السونار ظهرها احسها متضايقه بوضعها اخاف له خطوره على المخ الله يستر انا الحين بالتاسع واسبوع وكم يوم ابغى اولدها رحمتهاااا مرررره امي اليوم بتحطلي كبو اتبخر عشان اولد بس المشكله وزنها 2كيلو و200 جرام وزن دجاجه هل في خطوره عليها انها تطلع قبل موعدها لاني تعبت ولا اقدر انام وصعب التنفس وزجي بيجي اسبوع ويسافر والمشكله عندي دراسه بعد رمضان ابغاكم تواسوني وتعطوني حل سريع اولد |
رد: ابغى اولد بسرعه حدي تعبانه
الله اساعدك ويعطيك العافيه
انشاء الله الخوات يقدروون اساعدونك وتقومين بسلامه |
رد: ابغى اولد بسرعه حدي تعبانه
اتوقع حجمها عادي لانو كثير يجيبوا هالكبر ومافيهم الا العافية
الله يسهل عليك وتولدي عاجلا |
رد: ابغى اولد بسرعه حدي تعبانه
تسلمون على الرد
لكن ابي طريقه تولدني مع الكبو وش اشرب لاني ماشربت اي خرابيط لحد الان وبروح للدكتوره بعد التراويح اخليها تولدني |
رد: ابغى اولد بسرعه حدي تعبانه
يا قلبي اصبري
والله كاتب لها موعد ولادتها مانقدر نسوي شئ وانتظرى حتى البنت تاخد كفايتها ببطنك وتسمن حجمها صغير تولدى بالسلامه يارب |
رد: ابغى اولد بسرعه حدي تعبانه
اختي مصريه انا لو صبرت
راح زوجي وراح مستقبلي لاني ودي اولد عشان دراستي هناك لان بداية السنه عندهم بعد رمضان ومضطره لهذا الشي بديت اكل حبوب فيتامين اسمه Ar-Natal علشان تكبر شوي وتتغذى لاني تركت الحبوب من شهر والحين رجعت لها هاليومين.. |
رد: ابغى اولد بسرعه حدي تعبانه
ربج بيهونهآآ
واليوم اللي كاتب فيها ان تطلع بتطلع باذنه ادعي ربج ولاتأكلي خرابيط ولاشي الله يسهل عليج يارب |
رد: ابغى اولد بسرعه حدي تعبانه
وش فيك تخربطين حرام عليك اصبرى انتو تبون تحملون وتولدون في يوم واحد
اذا ولدتى مافي خطور على البيبى وزن كيلوين حلوين مافيهم شي انا عيالى اجيبهم كيلوين واخر واحد جبته كيلو و800 غرام واحين عين الله تحرسه كبيرو صار وزنه اربعه ونص |
رد: ابغى اولد بسرعه حدي تعبانه
الله يسهل عليك ولادتك ويعجلها ياااارب
حاسه فيك لان ظروفك جدا مقاربه لظروفي توني داخله التاسع وابي اولد بسرعه لانو بداية السنة عندي دراسة ومن دخلت التاسع والناس مزعجتني متى بتولدين متى بتولدين بس الشرهه على اللي يقولهم هو باي شهر صراحه غلطت غلطه انشالله ماتتكرر انا الحين امشي كثييير وانشالله ربي يفرج عني وعنك وناويه بعد اسبوع كذا اشرب كف مريم والله يفرجها من عنده |
رد: ابغى اولد بسرعه حدي تعبانه
شكرا للي دعمني بفايده
رحت اليوم للدكتوره هاوشتني هواااااش لاني طلبت ولاده ورحمي مسكر ولافيني طلق وقاالت اني انانيه افكر بنفسي والنونو خطر عليه انا بديت بس اجمع اجزاء وجهي لانه طاح من الفشله... رجعت بس اصيح مدري وش اسوي محتاره المشكله انا وزوجي متخاصمين اخاف مايجي بوقت ولادتي لانه بيسافر بعد اسبوع وبيجلس شهرين مافيه الا هالاسبوع اذا ماولت رحت فيهااا ولا حظر ولادتي |
| الساعة الآن 12:40 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .